Председатель КНР Си Цзиньпин и президент Узбекистана Шавкат Мирзиёев

Мирзиёев Си Цзинпинни ХХР ташкил топганининг 70 йиллиги билан қутлади

100
Эслатиб ўтамиз, ХХР ташкил топганининг 70 йиллик юбилейи катта тантана билан нишонланмоқда. Юбилей санага бағишлаб сешанба куни мамлакатда улкан ҳарбий парад бўлиб ўтмоқда

ТОШКЕНТ, 1 окт - Sputnik. Ўзбекистон президенти Шавкат Мирзиёев Хитой Халқ Республикаси Раиси Си Цзиньпинга ХХР ташкил топганининг 70 йиллиги муносабати билан табрик йўллади, деб хабар қилди президент матбуот-хизмати.

Эслатиб ўтамиз, ХХР ташкил топганининг 70 йиллик юбилейи катта тантана билан нишонланмоқда. Юбилей санага бағишлаб сешанба куни мамлакатда улкан ҳарбий парад бўлиб ўтмоқда.

Ҳарбий парадни қабул қилган ХХР раиси Си Цзинпин мамлакатнинг асосий майдонида қилган чиқиши давомида дунёдаги ҳеч бир куч хитой миллатининг тараққий этишини тўхтата олмаслигини маълум қилди.

"Бу буюк давлат асосини заифлаштира оладиган бирорта куч йўқ. Бирорта куч хитой миллатини олдинга ҳаракатланишдан тўхтата олмайди", - дея баёнот қилган Си Цзиньпин Тяньаньмэнь майдонида ҳарбий парад бошланиши аввалида.

ХХР раиси Хитой тинч тараққиёт йўлига қатъий амал қилиши, очиқлик сиёсатини давом эттиришини қўшимча қилган. Шу билан бирга Си Цзиньпин хитой армияси ва қуролланган полицияси мамлакат суверенитети, хавфсизлиги ва ривожланиш бўйича манфаатларини қатъий ҳимоя қилишини таъкидлаган.

"Биз ягона тақдирга эга жамиятни биргаликда қуриш учун барча давлатлар билан ишлашни давом эттирамиз", - деб айтган Си Цзинпинь.

ХХР 1949 йилнинг 1 октябрида ташкил топган.

100
Гостиница Узбекистан в центре Ташкента

"Ўзбекистон" меҳмонхонасининг давлат улуши сотилди

2
Сингапур компанияси 24 ой ичида 23,2 миллион доллар тўлаши ва 1,5 йил ичида 100 миллиард сўм инвестиция киритиши керак.

ТОШКЕНТ, 28 май - Sputnik. Тошкентдаги "Ўзбекистон" меҳмонхонасидаги давлат улуши оммавий ким ошди савдосида сотилди, деб хабар беради Давлат активларини бошқариш агентлиги матбуот хизмати.

"Ўзбекистон" меҳмонхонасининг 80,134 фоиз  давлат улуши оммавий ким ошди савдоси орқали сотилди", - дейилади хабарда.

Давлат тендер комиссияси Сингапурнинг Bashan Investment Group PTE LTD-ни танлаб олди. Компания 24 ой ичида 23,2 миллион доллар тўлаши ва 1,5 йил ичида 100 миллиард сўм инвестиция киритиши керак.

Эслатиб ўтамиз, "Ўзбекистон" меҳмонхонаси охирги марта 2019 йил феврал ойида 33 миллион долларга сотувга қўйилган эди. Бунгача у уч маротаба ким ошди савдосига қўйилган эди.

"Ўзбекистон" меҳмонхонаси 1974 йилда қурилган. Сўнгги марта реконструкция ишлари 2010 йилда амалга оширилган.

Кўп қаватли меҳмонхона биноси очиқ китоб шаклига ўҳшайди. Халқ орасида у "узбечка" деб номланади. Меҳмонхона 243 та хонадан иборат.

2
Президент Узбекистана Шавкат Мирзиёев

Мирзиёев карантин чораларини кучайтириш бўйича топшириқ берди

4486
(Янгиланган 19:14 26.05.2020)
"Бепарволик пандемияга қарши барча ишларимиз натижасини йўққа чиқариши мумкин", - деб таъкидлаган давлат раҳбари

ТОШКЕНТ, 26 май - Sputnik. Кейинги кунларда коронавирус билан касалланганлар сони республикада кўпайганлиги қайд этилаётгани муносабати билан Ўзбекистон президенти Шавкат Мирзиёев мамлакатда карантин чораларини кучайтириш бўйича топшириқ берди.

Бу ҳақда давлат раҳбари 26 май куни ўтказилган видеоселектор йиғилишида айтиб ўтган.

"Кейинги кунларда коронавирус билан касалланганлар сони республикамизда ҳам кўпайганлиги қайд этилмоқда.
Айтиш керакки, аксарият ҳудуд ва корхона раҳбарлари, фуқароларимиз карантин чораларининг юмшатилганини "касаллик тугади" деб, нотўғри қабул қилмоқдалар", - деган Мирзиёев.

Бугунгача чет элдан олиб келинган фуқаролар сони 47 мингтани ташкил этмоқда. Айниқса кейинги икки ҳафта давомида кириб келганларнинг аксариятида коронавирус аниқланган. 

Беморларнинг қарийб 50 %ни хориждан келган фуқаролар ташкил этади. 

Кейинги 10 кунда 3,5 минг одам ҳаво йўллари, 7 мингга яқини чегара постлари орқали Ўзбекистонга кириб келиши кутиляпти. Бунга қўшимча яна 100 минг нафардан ортиғи Ўзбекистонга қайтиш истагини билдириб, навбат кутмоқда.

"Фуқароларимиз қайтиб келаётган давлатлар ҳамда қўшни мамлакатлардаги вазиятнинг оғирлигини ҳисобга олиб, хотиржамликка берилиш мумкин эмас", - деб таъкидлаган президент

Бугунги кунда 40 та туман (шаҳар) "қизил", 45 таси "сариқ" ҳудуд сифатида қолмоқда. Ўўтган 10 кунда аҳоли ўртасида касалланганлар сони ҳам ошиб бормоқда.

Жумладан, Навоийда 57 та, Самарқандда 73 та, Тошкент шаҳри ва Тошкент вилоятида 114 та шундай ҳолат аниқланган.

Айниқса, бозорлар, савдо комплекслари, банкларда ижтимоий масофага амал қилмаслик, кўча-кўйда тиббий ниқоб тақмаслик, бемалол ва хотиржам бўлиб, уйларда турли тадбирлар ўтказиш ҳолатлари кўпаймоқда.

"Бундай салбий ҳолатлар касалликни аниқлаш, олдини олиш ва даволаш учун қилаётган барча ҳаракатларимиз, бюджетдан олинаётган триллионлаб харажатларимиз натижадорлигини йўққа чиқариши мумкин. Республика комиссияси вилоят ҳокимлари билан бирга бир кун муддатда эпидемиологик вазият ёмонлашган ҳудудларнинг тоифасини қайта кўриб чиқсин ҳамда карантин чораларини кучайтириш бўйича таклиф киритсин. Соғлиқни сақлаш вазирлиги "қизил" ва "сариқ" ҳудудларда кунлик тест олиш сонини ошириши лозим. Бунда тиббиёт муассасалари, бозорлар, банклар ва аҳоли кўп жойларда назорат тестлар олишни кўпайтирсин", - дея топшириқ берган давлат раҳбари.

4486