"Сардоба" иши бўйича тергов қандай бормоқда: Бош прокуратуранинг илк баёноти

2121
(Янгиланган 17:42 16.05.2020)
Жиноят иши доирасида 10дан ортиқ экспертиза ва лаборатория тахлилий тадқиқотлар тайинланган. Омбор қурилишида бош пудратчи сифатида "Ўзбекистон темир йўллари" АЖга қарашли "ЎзТемирйўлҚурилишМонтанж" унитар корхонаси қатнашган.

ТОШКЕНТ, 16 май - Sputnik. 2020 йил 1 май куни "Сардоба" сув омбори тўғони ўпирилиши ҳолати юзасидан Ўзбекистон Республикаси ЖКнинг 207 моддаси 1-кисми (Мансабга совуққонлик билан қараш) ва 258-моддаси 2 қисми "б" банди (Тоғ-кон, қурилиш ёки портлатиш ишлари хавфсизлиги қоидаларини бузиш) билан жиноят иши қўзғатилиб, ҳозирда Ўзбекистон Давлат хавфсизлиги хизматининг Тергов бошқармаси томонидан тергов ҳаракатлари олиб борилмоқда.

Бу ҳақда бугун Бош прокуратура ахборот хизмати раҳбари Ҳаёт Шамсуддинов Халқаро пресс клубнинг Сирдарё вилоятида бўлиб ўтган жонли эфири давомида маълум қилди.

Таъкидланишича, "Сардоба" сув омбори Ҳукуматнинг 2010 йилдаги қарори асосида Сардоба, Мирзаобод ва Ховос туманлари ҳудудида барпо этилган бўлиб, умумий сиғими - 974 млн. метр кубни ташкил қилади.

Периметри - 42 км., тўғон узунлиги - 28 км., майдони 6 минг 800 гектар.

Тўғоннинг максимал баландлиги - 33 метр бўлиб, сувнинг максимал баландлиги - 30 метрни ташкил қилади.

Объект буюртмачиси- "Сирдарё қурилиш инвест" ДУК бўлиб туриб, бош пудратчи сифатида "Ўзбекистон темир йўллари" АЖга қарашли "ЎзТемирйўлҚурилишМонтанж" унитар корхонаси қатнашган.

Қурилиш ишларига - 28та суб-Пудратчилар жалб этилган.

Лойиҳачи сифатида - "UzGip" МЧЖ иштирок этган.

Лойиҳа қиймати - 1,2 триллион сўмни ташкил қилган.

Молиялаштириш манбаи - бюджет маблағлари ҳисобидан бўлган.

Жиноят иши бўйича дастлабки тергов ҳаракатларини ҳар томонлама, тўлиқ ва холисона олиб бориш мақсадида Давлат хавфсизлик хизмати ҳамда Ички ишлар вазирлигининг малакали ва тажрибали ходимларидан иборат тезкор-тергов гуруҳи ташкил қилинган.

Жиноят иши бўйича тергов қуйидаги асосий тергов тахминлари олдинга сурилиб, текширилмоқда:

Биринчиси- лойиҳалашдаги хатоликлар;

Иккинчиси - қурилиш меъёрларига риоя этмаслик;

Учинчиси - эксплуатация жараёнидаги хатоликлар;

Тўртинчиси - табиий офат.

Тергов тахминларини текшириш мақсадида, дастлабки тергов давомида жами 170 нафардан зиёд шахслар тергов гуруҳи аъзолари томонидан гувоҳ тариқасида сўроқ қилиниб, сув омборини лойиҳалаштириш, унинг қурилиши ва эксплуатация қилиш жараёнлари тўғрисида кўрсатмалар олинган.

Жиноят иши доирасида 10дан ортиқ экспертиза ва лаборатория тахлилий тадқиқотлар тайинланган.

Шу жумладан, сув омбори тўғони (плотина) - лойиҳага мос қурилгани; эксплуатация қоидаларига риоя этилгани; ҳисоботларда акс эттирилган эксплуатация харажатлари ва уларнинг ишлари ҳақиқатда бажарилгани; молиявий-хўжалик ҳисоботлари тўғри юритилганлиги текширилмоқда.

Тўғоннинг ҳозирги ҳолатини ўрганиш, сув ва тупроқнинг физик хоссаларини аниқлаш мақсадида тафтиш ва назорат ўлчовлари тайинланган.

Сув омбори қурилишида амалда бажарилган ишлар, фойдаланилган материаллар сифати ва миқдорини аниқлаш мақсадида судга оид қурилиш-техникавий экспертиза тайинланган.

Бундан ташқари, жиноят иши бўйича 25 дан зиёд тегишли идора вакилларидан иборат мутахассислар жалб қилиниб, ҳозирда тадқиқотлар олиб борилмоқда.

Гидротехник иншоотларни қуриш ва эксплуатация қилиш соҳаси мутахассисларини жалб қилган ҳолда бутун тўғон ички ва ташқи томони кўздан кечирилиб, унинг фаолиятига эҳтимол таъсир қилиши мумкин бўлган ҳолатлар ҳам ўрганилмоқда.

Шу билан бирга, тезкор-тергов гуруҳи ҳамда Ҳукумат комиссияси ўртасида ўзаро ҳамкорлик ва тезкор маълумот алмашуви йўлга қўйилган бўлиб, етказилган зарар миқдори аниқланмоқда.

Жиноят иши бўйича дастлабки тергов ва тезкор-қидирув тадбирлар давом этмоқда.

2121
Мавзу:
“Сардоба” тўғони ёрилиши (64)
Боксёр Майк Тайсон

Афсоналар жанги: Майк Тайсон ва кичик Рой Жонс учрашуви қандай якунланди

456
(Янгиланган 10:37 29.11.2020)
Мутахассислар Темир Майкнинг асосий қуроли сифатида кучли зарбасини, Рой Жонснинг эса тезкор тана ҳимоя ҳаракатларини эътироф этишмоқда.

ТОШКЕНТ, 29 ноя - Sputnik. Бугун, 29 ноябрь куни 10.00да (Тошкент вақти билан) жаҳон бокс қироллари жанги бошланди.

Унда ўн беш йилдан кейин рингга қайтган Майк Тайсон ва кичик Рой Жонс АҚШнинг Калифорния штати Лос Анжелес шаҳридаги Стейплс центрда жанг ўтказмоқда.

Майк Тайсоннинг вазни 99,9 килограмм, кичик-Жонсники - 95 килограммлиги қайд этилган.

Мутахассислар Темир Майкнинг асосий қуроли сифатида кучли зарбасини, Рой Жонснинг эса тезкор тана ҳимоя ҳаракатларини эътироф этишмоқда.

Ушбу қарама-қаршилик ҳақиқатан афсонавий бўлиши кутилмоқда, жанг "УзРепорт" ТВда бокс шарҳловчиси Даврон Файзиев томонидан шарҳланмоқда. 

Қуйида эса иккила афсонанинг жанг олдидан бир кун аввал вазн ўлчаниши кадрларини томоша қилишингиз мумкин.

Эслатиб ўтиш жоизки, жанг спортчиларнинг ёши ва имкониятини ҳисобга олган ҳолда 12 эмас, 8 раунд этиб белгиланган.

Ҳозир иккинчи раунд давом этяпти, хабар тўлдирилади.

10.11. Ҳозирда тўртинчи раунд давом этмоқда: Майк Тайсон яқин масофада фаол ҳаракатларни амалга ошираётган бўлса, Рой Жонс уни узоқ масофада ушлашга ҳаракат қилмоқда.

10.14. Майк Тайсон бешинчи раундни жуда фаол ўтказди. У ташаббусни ўз қўлига олди. Рой Жонсда чарчоқ аломатлари сезила бошлади.

Майк Тайсон ва кичик Рой-Жонс ўртасидаги жанг ҳақиқий афсонавий қарама-қаршиликка айланиши кутилмоқда: Тайсон ўз спорт фаолияти давомида 58та жанг ўтказган. Шундан 50тасини ғалаба билан якунлаган.

10.17. Олтинчи раунд тенг курашларда ўтди, Рой Жонс ўзини фишкаси бўлган тана ҳаракатлари билан ҳаракатланишни бошлади.

Рой Жонс 75 та жанг ўтказган ва шундан 66тасини ғалаба билан якунлаган.

10.18. Еттинчи раунднинг дастлабки секундларида Рой Жонс ўта фаол позицияга ўтди, шунга қарамасдан Майк Тайсон кўпроқ чап қўл зарбаларини амалга оширмоқда.

10. 21. Охирги раунд. Ушбу икки дақиқа ҳақиқий триллерга айланади.

Рой тактик жиҳатдан устун келаяпти, лекин Майкда ушбу жанга нуқта қўйиш имконияти кўпроқ. Иккала боксчи ҳам жуда яхши ишлашди.

Бир неча бокс афсоналари очколарни ҳисоблашда иштирок этишмоқда. Очколарни аниқлаш қизғин баҳс асосида олиб борилмоқда.

Майк Тайсон ва кичик Рой Жонс ўртасидаги жанг умумий ҳисобда 76/76 очкода дурранг, деб баҳоланди.

456

Ўзбекистонда коронавирус: 28 ноябрь асосий хабарлари

606
Бутунжаҳон соғлиқни сақлаш ташкилоти маълумотларига кўра, дунёда пандемия бошланганидан буён айни вақтгача 61 миллиондан ортиқ инсонларда коронавирус қайд этилган. Қурбонлар сони бир ярим миллион нафарга етган.

ТОШКЕНТ, 28 ноя - Sputnik. 28 ноябрь coaт 20:00 га қадар Ўзбекистонда коронавирус инфекцияси қайд этилганлар сони 72 718 (+71) нафарни ташкил этмоқда, деб хабар бермоқда Соғлиқни сақлаш вазирлиги жамоатчилик билан алоқалар бўлими.

Янги касалланиш ҳолатларининг барча 71 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Шунингдек, мамлакатда 69 980 (+121) нафар коронавирус инфекциясига чалинган фуқаролар тузалди ва соғайиш кўрсаткичи 96 фоизни ташкил қилмоқда.

Ҳозирда Ўзбекистонда 2130 нафар беморга шифокорларимиз томонидан белгиланган стандартлар бўйича даво чоралари кўрилмоқда.

Ўзбекистонда коронавирусдан вафот этган инсонлар сони 608 нафарга етган.

Бутунжаҳон соғлиқни сақлаш ташкилоти маълумотларига кўра, дунёда пандемия бошланганидан буён айни вақтгача 61 миллион коронавирусга чалиниш ҳолатлари қайд этилган. Қурбонлар сони бир ярим миллион нафарга етган.

606
Мавзу:
COVID-19 умумжаҳон пандемияси
Директор шк №30 в Бухаре Ирина Котова (в центре) с педагогами

Педагог ходимлар маошига устама тўланади

23
(Янгиланган 10:05 30.11.2020)
Ўзбекистонда "Педагог мақоми" жорий этилади ва ушбу мақомга эга бўлган шахсларга муайян ҳуқуқ ва мажбуриятлар берилади.

ТОШКЕНТ, 30 ноя - Sputnik. Ўзбекистонда яқин вақт ичида ўқитувчи ва мураббийлар маошига қўшима тўловлар жорий этилади. Бу ҳақида Норматив-ҳуқуқий ҳужжатлар порталида жойлаштирилган янги қонун лойиҳасида айтиб ўтилган. 

Янги қонунда, Ўзбекистонда "Педагог мақомини" жорий этиш ва ушбу мақомга эга бўлган шахсларга муайян ҳуқуқ ва мажбуриятлар бериш, шунингдек уларни ижтимоий ҳимоя қилиш тартиби белгиланган.

Иккинчидан, педагог ходимнинг меҳнатига ҳақ тўлаш тартиби белгиланган. Хусусан, биринчи тоифали ўқитувчилар учун БҲМнинг 30%, олий тоифали ўқитувчилар учун - 50 % миқдорида қўшимча тўлов тўлаш назарда тутутилган. Ундан ташқари ўқитувчини иш стажига, илмий даражасига қараб ҳам унга устамалар тўлаш айтиб ўтилган. 

Учинчидан педагог ходимнгинг соғлигини ҳиммоя қилиш, малакасини ошириш, ўқ касбига боғлиқ бўлмаган ишларга  жалб қилмаслик масалалари ҳам айтиб ўтилган. 

Эслатиб ўтамиз, Ўзбекистон президенти Шавкат Мирзиёев сўнгги бир неча йил давомида ўқитувчилар маошини, уларнинг жамиятдаги мавқеини ошириш ҳақидар бир неча бор айтиб ўтган эди. 

23