Тигран Мкртычев

Тигран Мкртычев Савицкий музейи директори лавозимида иш бошлайди

151
Москвадаги Рерихлар музейи (Шарқ халқлари давлат санъат музейининг филиали) директори Тигран Мкртычев Савицкий музейи директорлигига ўтказилган очиқ танловда ғолиб деб топилди.

ТОШКЕНТ, 12 дек - Sputnik. И.В. Савицкий номидаги Нукус музейи директори лавозимига танлов ғолиби Тигран Мкртычев 2021 йил 2-январдан ўз вазифасига киришади, деб хабар берилди Ўзбекистон Маданият вазирлиги ҳузуридаги Маданият ва Санъатни ривожлантириш жамғармасининг расмий телеграм каналида.

Эслатиб ўтамиз, Ўзбекистон президентининг 2018 йил 28 августдаги қарорида назарда тутилган тадбирлар - яъни музейларни янгилаш ва амалиётга жорий этиш, Ўзбекистон музейларида ходимларни раҳбарлик лавозимларига жалб этиш мақсадида Ўзбекистон Маданият вазирлиги ҳузуридаги Маданият ва санъатни ривожлантириш жамғармаси томонидан И.В.Савицкий номидаги Қорақалпоғистон Республикаси давлат санъат музейи директори лавозимига очиқ халқаро танлов ташкил этилган ва ўтказилган эди.

Танлов Ўзбекистон ва хорижий мамлакатлар фуқаролари ўртасида ўтказилди. Номзодга белгиланган асосий талаблар қуйидагилардан иборат бўлди: санъат тарихи, музей иши, археология ва музей антропологияси ёки бошқа тегишли соҳада илмий даража мавжудлиги, маданият муассасасида маъмурий ва бошқарув лавозимларида камида тўрт йиллик иш тажрибаси.

Танловнинг биринчи босқичи натижаларига кўра Германия, Россия, Қозоғистон ва Қорақалпоғистондан бўлган 6 нафар номзод ўтди. Иккинчи якуний босқичда номзодлар ўзларининг тақдимотларини экспертлар кенгашига тақдим этдилар ва Нукус шаҳрида, Савицкий номидаги музейда юзма-юз суҳбатдан ўтдилар. Танлов якунида Москвадаги Рерихлар музейи (Шарқ халқлари давлат санъат музейининг филиали) директори Тигран Мкртычев ғолиб деб топилди.

Савицкий музейининг янги раҳбари Ўзбекистонда таълим олган. Тигран Мкртычев - Тошкент давлат университети Марказий Осиё археологияси бўлимининг битирувчиси. Иккинчи ўқув йилида у таниқли совет санъатшуноси Лазар Израилевич Ремпелнинг лаборанти бўлди. Бу Т.К.Мкртычевнинг Ўрта Осиёнинг қадимги ва дастлабки ўрта асрлар санъати (теракота пластикаси, девор расмлари ва бошқалар) соҳасидаги қизиқишларининг кенг доирасини белгилаб берди.

Т.К. Мкртычев экспедицияларда Г.A. Пугаченкованинг раҳбарлигида Самарқанд вилоятидаги Орлат шаҳарчасида аспирант сифатида қатнашган. Шарқ давлат музейида ишлаётганда у Ўрта Осиё археологик экспедициясига раҳбарлик қилди (Дурмонтепа шаҳарчаси, Самарқанд вилояти; Варахша, Бухоро вилояти), шунингдек, Е.В. Ртвеладзе (Кампиртепа шаҳарчаси) бошчилигидаги Тохаристон археологик экспедицияси Шарқ давлат музейи отряди раҳбари ва Сенгим (Хитой) шаҳарчасидаги Ҳиндистон санъати музейи (Берлин) археологик миссиясининг раҳбари бўлган.

Тигран Мкртычев "I - Х-асрларда Марказий Осиёнинг Будда санъати" мавзусида санъатшунослик доктори илмий даражасига эга ва "V-Х асрларда қадимги одамлар космологияси ва унинг Марказий Осиё санъатида акс этиши" мавзусида санъатшунослик фанлари номзоди. У 1994 йилдан 2008 йилга қадар Ўзбекистоннинг Бухоро, Самарқанд, Термиз ва бошқа шаҳарларида ўтказилган бир қатор археологик экспедицияларнинг раҳбари бўлган. Тигран Мкртычев Шарқ давлат музейи, Рерих музейи, A.С. Пушкин номидаги Давлат тасвирий санъат музейи (Москва, Россия), Рейс - Энгельхорт музейи (Манхайм, Германия), Метрополитен музейи (AҚШ), Туркманистон тасвирий санъат музейи (Aшхабод) да 20 дан ортиқ кўргазма лойиҳаларини ташкил этган ва кўплаб амалиётлар, шу жумладан Берлиндаги Ҳинд санъати музейи ва Нью Йоркдаги Метрополитен музейида амалиёт ўтаган.

Тигран Мкртычев директорлик фаолиятини И.В. Савицкий музейи коллекциясини ўрганиш бўйича Халқаро кенгашни тузишдан, шунингдек таниқли рассомлар, сиёсатчилар ва бизнес вакилларини ўз ичига олган халқаро ҳомийлик кенгашини яратишдан бошлайди.

Музей ишининг асосий устувор йўналишлари қуйидагилардан иборат бўлади: халқаро кўргазма лойиҳалари тақвимини яратиш, музей кўргазма майдонларини модернизация қилиш, ходимларнинг касбий даражасини ошириш, илғор музей технологияларини жорий этиш, инклюзивлик муҳитини яратиш, халқаро ҳамкорликни ривожлантириш, музейнинг фондини яратиш ва фандрайзинг дастурлари.

Ўзбекистон Маданият вазирлиги ҳузуридаги Маданият ва санъатни ривожлантириш жамғармаси тасвирий санъат, адабиёт, театр, мусиқа ва хореография соҳасидаги тадбирларни мунтазам равишда ташкил этиб боради ва шу йўналишда амалга оширилаётган лойиҳаларни қўллаб-қувватлайди. Жамғарма халқаро маданият алоқаларни кенгайтиради, мамлакатда меценатликни ривожлантиради, шунингдек, Ўзбекистоннинг маданият салоҳиятини жаҳон миқёсида тарғиб қилади.

151

Ўзбекистон доимий аҳолиси сони маълум бўлди

95
(Янгиланган 12:12 16.01.2021)
Мамлакат аҳолиси ҳар ойда ўртача 54,5 минг кишига кўпайган 2020 йилнинг ҳар бир кунида доимий аҳоли сони ўртача 1,8 минг кишига ошган.

ТОШКЕНТ, 16 янв - Sputnik. Давлат статистика қўмитаси Ўзбекистоннинг доимий аҳолиси сонини маълум қилди.

Қўмита маълумотларига кўра, 2021 йилнинг 1 январь ҳолатига кўра, республиканинг доимий аҳолиси сони 34,5 млн. кишини ташкил этмоқда.

Аҳоли сони ўтган йилнинг шу даврига нисбатан 653,7 минг кишига кўпайган. Доимий аҳолининг ўсиш суръати 101,9 % га тенг.

Мамлакатда аҳолиси ҳар ойда ўртача 54,5 минг кишига кўпайган 2020 йилнинг ҳар бир кунида доимий аҳоли сони ўртача 1,8 минг кишига ошган.

Эслатиб ўтамиз, янги 2021 йилнинг биринчи суткасида, ССВ маълумотига кўра, Ўзбекистонда 1644 нафар чақалоқ дунёга келган. Бу охирги 4 йилдаги энг кам кўрсаткич ҳисобланади. Маълумот учун, 2018 йилнинг худди шу куни 1961 нафар, 2019 йилда — 1708 нафар, 2020 йилда эса —1974 нафар чақалоқ туғилган.

95
Информационное табло в отделении по вопросам гражданства РФ, разрешений на временное проживание и вида на жительство отдела УФМС России по городу Москве в ЮАО.

Ўзбекистон ИИВ иккинчи фуқароликни олган шахслар борасида қўшимча изоҳ берди

155
Маълум қилинишича, агарда шахс бошқа давлат фуқаролигидан ўз вақтида воз кечмаса, ундан Ўзбекистон фуқаролигидан маҳрум қилиниши ҳақида тилхат олинади.

ТОШКЕНТ, 16 янв - Sputnik. Ўзбекистон Республикаси ИИВ вакили Ўзбекистон фуқаролигидан воз кечмаган ҳолда Россия паспортини олган фуқаролар юзасидан берган маълумотларига қўшимча изоҳ берди.

Маълум қилинишича чет элга чиқиб кетган Ўзбекистон фуқароси фуқароликдан чиқмаган ҳолда чегарадан чет давлат паспорти билан кириб келса, унинг фақат Ўзбекистон фуқаролиги тан олинади.

Аммо бу – шахснинг доимий равишда ҳам Ўзбекистон, ҳам бошқа давлат фуқаролигида юриши мумкинлигини англатмайди. Яъни ички ишлар органлари шахснинг бошқа давлат фуқаролигини олганини эшитиши ёки ундаги бошқа давлат паспортини кўриши ҳамон Ўзбекистон фуқаролигидан автоматик тарзда чиқариб юбориш масаласини кўрмайди.

Бунда, дастлаб ушбу шахснинг ростдан ҳам бошқа давлат фуқаролигини олганига тегишли ташкилотлар ёрдамида аниқлик киритилади. Шундан сўнг, ушбу шахсдан агарда бошқа давлат фуқаролигидан ўз вақтида воз кечмаса, Ўзбекистон фуқаролигидан маҳрум қилиниши ҳақида тилхат олинади.

Бунда, шахсга фуқаролик тўғрисидаги қонунчилик батафсил тушунтирилади ва чет эл фуқаролигидан воз кечмаслик оқибатларидан огоҳлантирилади.

Берилган муддат давомида шахс чет эл фуқаролигидан воз кечмаса, унинг Ўзбекистон фуқаролиги президент фармони билан тугатилади. Ушбу ҳолатда шахс ҳеч қандай маъмурий ёки жиноий жавобгарликка тортилмайди.

155

Дунёнинг энг зўр 10та шаҳри - Small Cities Index версияси

0
(Янгиланган 13:33 16.01.2021)
Люцерн – Швейцариядаги шу номли кўл қирғоғида жойлашган ва қорли тоғлар билан ўралган кичик шаҳардир. Рўйхатдан яна қайси шаҳарлар ўрин олганини - фотолентада томоша қилинг!

Бутун дунёдан сайёҳларни ўзига жалб қилувчи катта шаҳарлардан ташқари, мўъжаз, бироқ муҳим ва мафтункор жойлар ҳам бор.

Мисол учун, Люцерн – Швейцариядаги шу номли кўл қирғоғида жойлашган ва қорли тоғлар билан ўралган кичик шаҳардир. У ўрта асрларда барпо этилган меъморий обидалари билан машҳур. Гўзал Альтштадт (Эски шаҳар) шимолда узунлиги 870 метр бўлган ва XIV асрда барпо этилган Музегг девори билан чегарадош.

Фотолентамизни томоша қилинг!

0
  • © Sputnik / Vitaliy Belousov

    Порту – Португалия шимоли-ғарбида жойлашган шаҳар, улуғвор кўприклар ва вино ҳамда портвейн тайёрланадиган корхоналарга эга.Рибейранинг ушбу тарихи ўрта асрларга бориб тақаладиган тумани брусчаткадан терилган ва кафеларга эга кўчалари, шунингдек, савдогарлар уйлари билан машҳур. Авлиё Франциск черкови барокко стилидаги ички безаклари билан машҳур, бу безаклар учун олтин суви югуртирилган нақшли тахталардан фойдаланилган.

  • © CC BY-SA 3.0 / Mauro Mazzio

    Больцано – Италия шимолидаги Жанубий Тироль провинциясида жойлашган шаҳардир. У тоғ этагидаги узумзорлар водийсида жойлашган.

  • Итосима — Фукуока префектурасида жойлашган Япониядаги шаҳар.

  • Люцерн – Швейцариядаги шу номли кўл қирғоғида жойлашган ва қорли тоғлар билан ўралган кичик шаҳардир. У ўрта асрларда барпо этилган меъморий обидалари билан машҳур. Гўзал Альтштадт (Эски шаҳар) шимолда узунлиги 870 метр бўлган ва XIV асрда барпо этилган Музегг девори билан чегарадош.

  • © Foto : Pixabay/Nextvoyage

    Берген — Ғарбий Норвегиянинг энг йирик шаҳри. Шимолий денгизда, Мидтхорланн минтақасида жойлашган. Бергеннинг ўрта асрларда барпо этилган қирғоқ қисми ЮНЕСКО умумжаҳон мероси объектлари рўйхатига киритилган. 2000 йилда Берген Европанинг маданий пойтахти деб эълон қилинган.

  • © Depositphotos / A1804

    Ольборг — Даниянинг Шимолий Ютландия марказида жойлашган шаҳар. Аҳолиси 104 885 киши. Жўғрофий жойлашуви туфайли Ўрта асрларда шаҳар энг муҳим бандаргоҳлардан бири бўлган бўлса, кейинчалик саноат марказига айланган.

  • © Sputnik / Alexey Vitvitsky

    Базель – бу Швейцария шимоли-ғарбида Рейн дарёси устида, Франция ва Германия чегараси яқинида жойлашган шаҳардир. Эски шаҳар юраги - Бозор майдони бўлиб, унда қизил қумдан барпо этилган XVI асрларга хос бозор идораси қад ростлаган.

  • Виктория — Канаданинг ғарбий чеккасидаги шаҳар. Британская Колумбия провинцияси пойтахти. Ванкувер оролининг жануби-шарқий чеккасида жойлашган.

  • Левен - Фламандский Брабант провинциясининг асосий шаҳри. Бельгиянинг университет марказларидан бири.

  • © Fotolia / Mihai-Bogdan Lazar

    Лозанна – Швейцариядаги Женева кўли ёқасида жойлашган шаҳар. Халқаро олимпия қўмитаси штаб-квартираси, шунингдек, Олимпия музейи ва парки ҳам шу ердан жой олган.