Ўзбекистон ва Россия энергетика вазирлари ҳамкорлик жараёнини муҳокама қилди

161
(Янгиланган 16:03 17.12.2020)
Россия энергетика компаниялари мавжуд лойиҳалар билан ўзаро ҳамкорликни чекламайди ва Ўзбекистон билан ёқилғи-энергетика комплексининг барча соҳаларида ўзаро манфаатли ҳамкорликни кенгайтириш учун тайёр эканлигини таъкидлади.

ТОШКЕНТ, 17 дек - Sputnik. Ўзбекистон энергетика вазири Алишер Султонов жорий йилнинг 14 декабрь куни Москва шаҳрига амалий ташрифи чоғида Россия Федерациясининг қайта тайинланган Энергетика вазири Николай Шульгинов билан учрашди.

Султонов Шульгиновни Россия Федерацияси энергетика вазири лавозимига тайинлангани билан қутлади. У Ўзбекистон учун Россия компаниялари билан ёқилғи-энергетика тармоғида ҳамкорлик қилиш стратегик аҳамият касб этишини қайд этди.

Шунингдек Ўзбекистон Энергетика вазири Россиянинг молиявий институтлари билан энергетика лойиҳаларига маблағлар жалб қилиш борасидаги ўзаро муносабатлар ривожининг ижобий динамикасини қайд этди.

Ўзбекистон энергетика компанияларининг ишлаб чиқариш ва молиявий жараёнларини рақамлаштириш ҳамкорликнинг яна бир муҳим янги йўналиши ҳисобланади. 

Ўз навбатида, Н.Шульгинов нефт-газ соҳасида томонлар ўртасидаги ҳамкорликнинг муҳим йўналишларидан бири сифатида энергетика соҳасидаги ҳамкорликнинг муҳимлигини таъкидлади.

Шу билан бирга, у Россия энергетика компаниялари мавжуд лойиҳалар билан ўзаро ҳамкорликни чекламайди ва Ўзбекистон билан ёқилғи-энергетика комплексининг барча соҳаларида ўзаро манфаатли ҳамкорликни кенгайтириш учун тайёр эканлигини таъкидлади.

Бугунги кунда Ўзбекистон гидроэнергетика соҳасида РФ Ташқи иқтисодий банки молиявий қўмагида 5 та лойиҳа амалга оширилмоқда. Янги мини ГЭС (Дарғом каналида ва Қуйичотқол ГЭС таркибида)лар, амалдаги Фарҳод ва Тўпаланг ГЭСларнинг модернизацияси шулар жумласидан. Гидроэнергетика соҳасидаги яна бир қатор лойиҳалар бўйича ҳамкорлик қилиш масаласи муҳокама қилинмоқда.

Икки мамлакатнинг нефть ва газ соҳасидаги ҳамкорлиги узоқ йиллик тарих ва муҳим истиқболларга эга. “ЛУКОЙЛ” компанияси томонидан икки МТБ (маҳсулот тақсимотига доир битим) доирасида “Қандим” ва “Ҳисор” конларида 2004-2020 йилларда 84,4 млрд. куб метр табиий газ қазиб олинди. Мазкур лойиҳалар бўйича ўзлаштирилган инвестициялар миқдори 7,4 млрд. доллардан ошди.

“Газпром” компанияси билан “Шоҳпахта” ва “Жел” конларида қазиш ишлари олиб борилмоқда. Жорий йилнинг 1 ноябрь ҳолатига кўра, “Шоҳпахта” конидан 4,53 млрд. куб метр табиий газ қазиб олинган. Бундан ташқари, “Мустақилликнинг 25 йиллиги” кони бўйича МТБни амалга ошириш доирасида ҳам салмоқли ишлар амалга оширилмоқда.

“ЛУКОЙЛ” ОАЖ билан ҳамкорликда геология-қидирув ишларини олиб бориш бўйича ҚК ташкил қилиш жараёни давом этмоқда. Ҳозирги вақтда потенциал сармоявий блоклар кўриб чиқилмоқда.

161
Машина скорой медицинской помощи

Коронавирус "британча" штамми билан касалланган болаларда кузатилаётган 5 та аломат

201
Касалланган болаларнинг ярмидан кўпи (53 фоизи) бош оғриғидан шикоят қилган. Шу билан бирга, уларда қорин оғриғи ҳам кузатилмоқда.

ТОШКЕНТ, 15 янв - Sputnik. Коронавирус "британча" штамми билан касалланган болаларда кузатилаётган 5 та аломат аниқланди.

Бу ҳақда АОКАда Коронавирусга қарши курашиш республика штаби аъзоси Ботир Қурбонов иштирокида ўтказилган брифингда маълум қилинди.

"Буюк Британияда аниқланган ва юқумлилиги жиҳатидан кучлироқ экани айтилган COVID-19 нинг янги штамми болаларда бироз бошқача аломатлар билан кечаётгани аниқланди. Бу "ZOE Symptom Tracker" иловаси ёрдамида олиб борилган тадқиқотлар туфайли маълум бўлди.

Соғлиқни сақлаш бўйича мутахассисларнинг фикрига кўра, касал болаларнинг аксарияти чарчоқдан азият чекади. Инфекцияни юқтирган чақалоқларда тез-тез йиғлаш ҳолатлари учрайди.

Касалланган болаларнинг ярмидан кўпи (53 фоизи) бош оғриғидан шикоят қилган. Шу билан бирга, уларда қорин оғриғи ҳам кузатилмоқда. Шунинг учун, шифокорлар ота-оналарга қорин бўшлиғидаги ноқулайлик билан бир вақтда пайдо бўладиган бош оғриғи бор-йўқлигини болаларидан сўраб туришларини маслаҳат беришмоқда.

Яна бир аломат — 37 даражадан юқори иситма. У коронавируснинг «британча» штамми билан оғриган болаларнинг деярли ярмида учради.

Шунингдек, бетоб болаларнинг 38 фоизи томоқ оғриғидан шикоят қилганини аниқлади. Бу аломат одатда вирусли инфекциянинг белгиси. Томоқдаги оғриқ шамоллаш, грипп ёки COVID-19 нинг белгиси бўлиши мумкин.

Бундан ташқари, касалланганларнинг тахминан 35 фоизи иштаҳани йўқотганини айтишган. Мутахассисларнинг фикрига кўра, кўпинча бир ёшга тўлмаган чақалоқлар бунга дуч келишади. Шунинг учун улар ота-оналарга таомни кичикроқ қисмларга бўлиб, болаларни кам порция билан, аммо тез-тез овқатлантиришни маслаҳат беришади».

201

Ўзбекистон ва Тожикистон мунтазам авиа-қатновларни қайта тикламоқда

145
Икки давлат пойтахтлари - Тошкент ва Душанбе ўртасида рейслар — "Ўзбекистон ҳаво йўллари" ва "Сомон Эйр" авиакомпаниялари томонидан амалга оширилади

ТОШКЕНТ, 15 янв — Sputnik. Тожикистон ва Ўзбекистон Душанбе ва Тошкент ўртасида мунтазам рейсларни амалга оширишга келишди, деб хабар қилди журналистларга Тожикистон фуқаролик авиацияси директори Икром Субхонзода.

РИА Новости бу ҳақда хабар бермоқда.

"Давлатларимизда коронавирус билан боғлиқ вазиятнинг яхшиланиши муносабати билан ва мамлакат ҳукумати қарорига асосан Коронавирусга қарши курашиш бўйича Республика штаби Душанбе ва Тошкент ўртасида мунтазам парвозларни тиклаш тўғрисида қарор қабул қилди. Энди иккала томон ҳам парвозларни бошлашга тайёр, ва чипталар тез орада эркин савдога чиқарилади", - деди у.

Агентлик раҳбарининг сўзларига кўра, иккала давлат пойтахтлари ўртасида рейслар "Сомон Эйр" ва "Ўзбекистон ҳаво йўллари" авиакомпаниялари томонидан амалга оширилади.

Аниқлик киритилишича, авиакомпанияларнинг ҳар бири ҳафтасига биттадан рейсни амалга оширади: чоршанба кунлари — "Ўзбекистон ҳаво йўллари", жума кунлари эса — "Сомон Эйр".

Субхонзода шунингдек, Тожикистондан Ўзбекистонга ёки аксинча йўл олган фуқаролар мажбурий тартибда барча эҳтиёт чораларини кўришлари кераклигини таъкидлади. Йўловчилар ўзлари билан "COVID-19"га "ПЦР SARS-COV-2" услубида тест топширилгани тўғрисидаги, олинганига 72 соатдан кўп бўлмаган амалдаги маълумотномага эга бўлишлари шарт.

145
Бронетранспортер с узбекскими военнослужащими на конкурсе Чистое небо в Китае

Ўзбекистон дунёдаги энг қудратли армиялар рўйхатида юқорилади

210
(Янгиланган 20:51 15.01.2021)
Ўзбекистон Қуролли Кучлари ҳарбий кучларнинг глобал рейтингида ўз позицияларини яхшилади. Бу собиқ СССР давлатлари орасида тўртинчи кўрсаткич.

ТОШКЕНТ, 15 янв — Sputnik. Ўзбекистон Қуролли Кучлари ҳарбий кучларнинг Global firepower рейтингида ўз позицияларини яхшилаб, 51-ўринга кўтарилди (2020 йилда республика 52-ўринда бўлган). 

Бу собиқ СССР давлатлари орасида тўртинчи кўрсаткич. Россия (2-ўрин), Украина (25), Беларусь (51). Марказий Осиёдаги қўшнилар орасида Қозоғистон 62-ўринда.

Global Firepower ҳарбий рейтингида қайд этилган маълумотларга кўра, Ўзбекистон Қуролли кучлари 420 дона танк, 1215 дона зирҳли машина, 140 дона ўзиюрар артиллерия ва 98 дона кўп зарбали реактив тизимларига эга. Шунингдек, 80та қирувчи, 122та вертолёт ва бошқа авиация (жами 227) - ҳаво кучларининг асосини ташкил этади.

Ўзбекистон президенти Шавкат Мирзиёев аскар ва сержантлар, офицер ва генераллар, Қуролли Кучлар фахрийлари, ватандошларни Ўзбекистон Республикаси Қуролли Кучлари ташкил этилганининг 29 йиллиги ва Ватан ҳимоячилари куни муносабати билан табриклади.

Ўзбекистон етакчиси бундан 4 йил олдин мамлакатда ҳарбий қурилиш соҳасини тубдан ислоҳ қилиш бўйича энг муҳим ва устувор йўналишларни белгилаб олинганини, шу асосда мамлакат мудофаа қобилиятини мустаҳкамлаш ва Қуролли Кучларни ривожлантириш учун кенг кўламли ишлар амалга оширилаётганини айтган.

Ўтган қисқа даврда янги Мудофаа доктринаси қабул қилинди, ҳарбий тузилмаларнинг таркиби ва вазифалари чуқур қайта кўриб чиқилди, қўшинларни бошқариш тизими такомиллаштирилди, миллий армиямизни замонавий қурол-яроғ ва техника воситалари билан таъминлаш бўйича ўта муҳим лойиҳалар амалга оширилди, дея эслатган президент.

210
Теглар:
Беларусь, Қозоғистон, Украина, Россия, Ўзбекистон, ҳарбий техника, ҳарбий, Мудофаа вазирлиги, ҳарбийлар