Турция байроғи

Туркия Бош штаби ҳукуматни қўлга олганини эълон қилди

496
(Янгиланган 12:15 16.07.2016)
Туркия ҳарбийлари телеэфир орқали ҳукумат уларнинг қўлига ўтганини, Туркия раҳбарияти эса ҳибсга олинганини эълон қилди.

ТОШКЕНТ, 15 июл — Sputnik. Туркия ҳарбий қўмонданлиги мамлакатда ҳукумат уларнинг қўлига ўтганини эълон қилди, РИА Новости хабарига асосан.   

Айни дамда Анқара ва Истамбулда отишма овозлари эшитилмоқда, ҳарбий вертолетлар осмонга кўтарилган, Истамбул аэропортида барча парвозлар бекор қилнган. Хусусан, Москвадан Истамбулга учаётган “Аэрофлот” парвози орқага қайтмоқда.

Туркия бош штаби давлат телеканали орқали мавжуд бўлган барча халқаро шартномалар тўлиқ бажарилишини ва мамлакатда ҳарбий вазият эълон қилинганини эълон қилишди.

Бироз олдин Туркия Бош вазири бир гуруҳ ҳарбийлар ноқонуний давлат тўнтариши уюштирмоқчи бўлганлигини ва ушбу уруниш тўхтатилганлигини эълон қилган эди. Бош штаб баёнотига қарамасдан, Туркия Бош вазири ҳукумат ўз ишини давом эттириётганини ва Адлия вазирлиги ушбу иш юзасидан текширув бошлаганини эълон қилган эди.

Айни дамда Туркия презеденти Тоййип Эрдўғон резиденцияси кучли қўриқланмоқда.

Ҳарбий тўнтариш ҳақидаги хабардан кейин жаҳон валюта бозорида Туркия Лирасининг нархи бирданига 3.5%га тушиб кетди. Кўплаб мамлакатлар ўз фуқароларига Туркияга бормай туришни тавсия қилмоқда.

496
Флаги стран ОДКБ, архивное фото

ОДКБ МДҲ, ШҲТ, ЕХҲТ, НАТО ва ЕИ билан учрашув ташкил этиш таклифини илгари сурди

353
Музокараларда умумий хавфсизлик майдонини шакллантиришда биринчи қадам бўлиши мумкин бўлган стратегияни муҳокама қилиш таклифи билдирилган.

ТОШКЕНТ, 2 дек — Sputnik. Коллектив хавфсизлик шартномаси ташкилоти МДҲ, ШҲТ, ЕХҲТ, НАТО ва Европа Иттифоқининг ваколатли вакиллари қўшма йиғилишини ташкил этиш таклифини илгари сурди, деб хабар берди РИА Новости.

"Биз ҳар биримизнинг хавфсизлигимиз бошқалар хавфсизлиги билан боғлиқ, деган принципдан келиб чиқамиз. КХШТ давлатларининг бўлиниш чизиқларидан, можаролардан, таъсир доираларидан ва турли даражадаги хавфсизлик зоналаридан холи дунёни яратишга қаратилган биргаликдаги саъй-ҳаракатлари замирида айнан шундай бирлаштирувчи асос ётади", - дейилади КХШТ кенгаши сессияси якунида қабул қилинган қўшма баёнотда.

Музокараларда умумий хавфсизлик майдонини шакллантиришда биринчи қадам бўлиши мумкин бўлган стратегияни муҳокама қилиш таклифи билдирилган.

353

Шавкат Мирзиёев Путин билан бўлажак мулоқот кун тартибини муҳокама қилди

245
(Янгиланган 17:20 02.12.2020)
Шавкат Мирзиёев Россия президенти администрацияси вакили билан Владимир Путин билан бўлажак мулоқот кун тартибини муҳокама қилди.

ТОШКЕНТ, 2 дек - Sputnik. Шавкат Мирзиёев бугун Россия президенти Администрацияси раҳбари ўринбосари Дмитрий Козак бошчилигидаги делегацияни қабул қилди.

Ўзбекистон президенти Ўзбекистон-Россия кўп қиррали ҳамкорлиги кейинги йилларда жадал суръат билан ривожланаётгани, стратегик шериклик ва иттифоқчилик муносабатлари мустаҳкамланиб бораётганини катта мамнуният билан қайд этди.

Дмитрий Козак Ўзбекистон президентига самимий қабул учун миннатдорлик билдириб, Владимир Путиннинг саломи ва энг эзгу тилакларини етказди ва Владимир Путин билан режалаштирилаётган учрашув кун тартибини муҳокама қилди. 

"Учрашувда бўлажак икки томонлама ва кўп томонлама форматдаги учрашувларга тайёргарлик кўриш ва уларни ўтказиш масалалари кўриб чиқилди. Ушбу тадбирлар кун тартибини аниқ амалий мазмун билан бойитишга алоҳида эътибор қаратилди", - дейилган хабарда. 

Ундан ташқари томонлар халқаро сиёсатнинг айрим жиҳатлари юзасидан ҳам фикр алмашишди.

Эслатиб ўтамиз, 30 норябрь куни Россия президенти Владимир Путин Шавкат Мирзиёев билан бўлган телефон мулоқотида коронавирусга қарши кураш, декабрда кутилаётган МДҲ раҳбарлари саммити, ҳамда икки томонлама ҳамкорлик ва юқори даражадаги тадбирлар масалаларини муҳокама қилган эди. 

Шавкат Мирзиёев принял делегацию Российской Федерации
Пресс-служба президента Узбекистана
Шавкат Мирзиёев принял делегацию Российской Федерации
245
Национальная валюта Узбекистана — сум

Пенсия таъминотига доир қонун лойиҳаси тайёрланди

495
Молия вазирлиги “Фуқароларнинг давлат пенсия таъминоти тўғрисида”ги Ўзбекистон Республикаси Қонунига ўзгартишлар киритишга доир ҳужжат тайёрлади.

ТОШКЕНТ, 2 дек — Sputnik. Молия вазирлиги “Фуқароларнинг давлат пенсия таъминоти тўғрисида”ги Ўзбекистон Республикаси Қонунига ўзгартишлар киритиш ҳақида Ўзбекистон Республикаси Қонуни лойиҳасини тайёрлаб, умумий муҳокамага қўйди.

Лойиҳанинг асосий мақсади - “Ногиронлиги бўлган шахсларнинг ҳуқуқлари тўғрисида” 2020 йил 15 октябрдаги қонунига асосан, “Фуқароларнинг давлат пенсия таъминоти тўғрисида”ги қонунида белгиланган “ногирон” деган атамани “ногиронлиги бўлган шахс” атамасига алмаштириш.

- меҳнат қобилиятини йўқотган ногиронлиги бўлган шахсга меҳнат қобилияти тикланганлиги ёки узрсиз сабабларга кўра қайта кўрикдан ўтишга келмаганлиги оқибатида пенсияси тўхтатиб қўйилиб, беш йилдан муддатдан сўнг шахсни такроран ногиронлиги бўлган шахс деб эътироф этилганида, амалда бўлган қонунчилик талабларидан келиб чиқиб ногиронлик пенсиясини тайинлаш.

- пенсионернинг вафоти муносабати билан унинг вафот этган ойдаги пенсия пулини оила аъзоларига тўлиқ миқдорда тўлаш.

Таъкидланишича, қонун лойиҳасининг қабул қилиниши Давлат бюджетидан ҳамда Молия вазирлиги ҳузуридаги бюджетдан ташқари Пенсия жамғармасидан йилига 4,4 млрд сўм қўшимча маблағ талаб этилади.

495