Манба: Саддам Ҳусайн ҳаётининг сўнги йилларида, давлатни бошқариш ўрнига романлар ёзган
(Янгиланган 19:52 13.12.2016)
Ироқ етакчиси Саддам Ҳусайнни тергов қилган Америка Марказий Разведка Бошқармаси (ЦРУ) терговчиси Жон Никсонга кўра, Саддам ҳаётининг сўнгги йилларини мамлакатни бошқаришга эмас, балки романлар ёзишга сарфлаганТОШКЕНТ, 13 дек — Sputnik. Саддам Ҳусайнни тергов қилган ЦРУ терговчиси Жон Никсон, Ироқ етакчиси ҳаётининг сўнгги йилларида нималар билан машғул бўлгани ҳақида гапирди, деб хабар қилмоқда РИА Новости.
Америка Марказий Бошқармаси терговчисига кўра, Саддам ҳаётининг сўнгги йилларида романлар ёзиш билан банд бўлган ва шу сабабли қўшни давлатларда рўй бераётган ҳодисаларни чуқур англамаган.
Нашр шунингдек, Саддам 2003-йилнинг апрелида, АҚШ ва Буюк Британия бошчилигидаги коалиция ҳарбийлари Ироққа бостириб кирганидан сўнг тахтдан ағдарилгани ҳақида эслатиб ўтган.
Ироқ Олий Суди эса Саддам Ҳусайнни 1982 йилда Ад-Дуджайль қишлоғида истиқомат қилган 148 киши ўлимида айблаган ва уни ўлимга маҳкум этган. Суд ҳукми 2006 йилнинг охирида ижро этилган.
Жорий йилнинг 27 декабрида дунё юзини кўрадиган "Саддам Ҳусайн. Сўроқ" номли китобида Никсон ўз таассуротлари билан ўртоқлашган. Терговчига кўра, америкалик ҳарбийлар Саддамни у яширинган жойидан олиб чиқишганларида, айнан Никсон уни чандиқлари ва татуировкалари туфайли таниб қолган.
Илк сўроқлар натижаси Саддам Ҳусайн мамлакатда рўй бераётган ҳодисаларни яхши англамаслигини кўрсатган. "Саддам романлар ёзиш билан банд бўлган. У энди ҳукуматни бошқармас эди… Афтидан, Саддам Ироқда нималар рўй бераётганини ўзига душман бўлган америкалик ва британияликлар сингари яхши тушунмасди. У ўз ҳукумати фаолиятини ташлаб қўйган ҳамда Ироқ муҳофазасини таъминлаш учун биронта режа тузмаган эди", — дея иқтибос келтиради нашр Никсон китобидан.
ЦРУ терговчисининг ёзишига кўра, АҚШ Саддамни қўшни ҳамда Ғарб давлатларига ҳужум қилишга шайланаётганликда айблаган бўлса-да, ҳақиқатда эса бундай бўлмаган.
Бундан ташқари, Ҳусайн АҚШ президенти — катта Жорж Бушга қарши фитна уюштираётганини ҳам инкор этган. Ироқ етакчиси "Ироқ оммавий қирғин қуролига эга эмаслигини ва бу борада бошқа давлатларга хавф туғдирмаслигини" таъкидлаб ўтган. "Сизлар ютқазасизлар. Ироқни бошқариш унчалик ҳам осон эмаслигига амин бўласизлар", — дея башорат қилган Ҳусайн сўроқ жараёнларининг бирида.
Никсонга кўра, Ҳусайн ўз хотинларини муҳокама қилишни ёқтирган ва терговчига ўз оиласи ҳамда "алоҳида муаммо" бўлган ўғли Удай ҳақида сўзлаб берган.
©
Sputnik / Григорий Сысоев
Америка МРБ терговчиси ўз китобида Ҳусайннинг қатл қилиниш жараёнини ҳам ёзиб ўтган. "Мени ҳайратлантиргани, Саддам хонадаги(ўлимга маҳкум қилинганлар демоқчи, таҳр.)лардан фарқли ўлароқ ўта муносиб кўринишга эга эди. Бизнинг йигит ва қизларимиз бу учун жон фидо қилишмаган. Буш бизга бу каби янги Ироқни ваъда қилмаган эди", — деб ёзган Никсон ўз китобида.
Теглар:
Лукашенко 5 ноябрдан президент сифатида тан олинмайди - Европарламент
(Янгиланган 17:08 19.09.2020)
Шу ҳужжатда Европарламент беларус мухолифати мувофиқлаштириш кенгашини "халқнинг муваққат вакили" сифатида тан олган ва сайловлар ўтказилишини қўллаб-қувватлаган.ТОШКЕНТ, 19 сен — Sputnik. Европарламент Александр Лукашенкони 5 ноябрдан бошлаб республика раҳбари деб ҳисоблашдан тўхташлари ҳақида баёнот берди.
©
Sputnik / Виктор Толочко
"Амалдаги аторитар етакчи Александр Лукашенконинг ваколатлари муддати тугаши билан <…>, парлмент уни мамлакат президенти сифатида бошқа тан олмайди", - дейилади резолюцияда.
Шу ҳужжатда Европарламент беларус мухолифати мувофиқлаштириш кенгашини "халқнинг муваққат вакили" сифатида тан олган ва сайловлар ўтказилишини қўллаб-қувватлаган. Шунингдек, Европарламент Лукашенкога нисбатан эҳтимолий санкцияларни ҳам қўллаб-қувватлаган.
Беларус ТИВ Европарламентнинг ушбу ҳаракатларидан ихлоси қайтганлигини маълум қилди. Идора, шунингдек, ўзини холис ва демократик тузилма сифатида намойиш этадиган ушбу ташкилот "бурнидан нарироққа қарашга" ўзида сиёсий ирода топа олмаганлигини қайд этган.
Республика кенгашида резолюциянинг қабул қилиниши давлатнинг ички ишларига аралашув сифатида баҳоланди. Россия Давлат думаси спикери Вячеслав Володин ҳам ушбу ҳужжатга "ички аралашув" сифатида баҳо берган эди. Володинга кўра, резолюциянинг қабул қилиниши мамлакатдаги ҳукумат органларини алмаштиришга бўлган уринишдир.
Беларусдаги воқеалар
Беларусдаги оммавий протестлар 9 август куни, президент сайловларида олтинчи маротаба Лукашенко ғалаба қозонгач бошланган эди. МСК маълумотларига кўра, у 80,1 фоиз овоз олган. Оппозиция сайловларда Светлана Тихановская ғалаба қозонди, дея ҳисоблайди. Тихановскаянинг ўзи мамлакатни тарк этишга қарор қилди ва Литвага йўл олди.
Акциянинг илк кунларида куч тузилмаси ходимлари протест қатнашчиларига нисбатан кўз ёш чиқарувчи газ, водомет, шовқин гранаталари, резина ўқларни ишлатишган. Сўнгра, ҳуқуқ тартибот органлари митингларни тарқатишни ва куч методларидан фойдаланишни тўхтатишди.
Расмий маълумотларга, илк кунларда 6,7 мингдан зиёд қўлга олинган. ИИВ хабарига кўра, тартибсизликлар давомида юзлаб одамлар жабрланган, жумладан, 120дан ортиқ куч ходимлари ҳам. Беларус ҳукумати маълумотига кўра, уч киши қурбон бўлган.
Ўзбекистон ва Тожикистон савдо-саноат палаталари ҳамкорликни кучайтиришга келишди
ТОШКЕНТ, 19 сен - Sputnik. Тожикистон Савдо-саноат палатаси раҳбари Жамшед Жумахонзода Ўзбекистон Савдо-саноат палатаси раиси ўринбосари Фаризшох Усмонов бошчилигидаги делегация билан учрашув ўтказди. Томонлар ҳамкорликда Афғонистонга ва минтақанинг бошқа мамлакатларига маҳсулотлар савдосини йўлга қўйиш бўйича лойиҳаларни ҳам муҳокама қилдилар, деб хабар бермоқда Ўзбекистон ССП матбуот-хизмати.
Ўзбекистон делегацияси таркиби Тошкент, Бухоро, Наманган, Фарғона, Сурхондарё ва Хоразм вилоятлари ССП ҳудудий бошқармалари раҳбарларидан ташкил топди. Тожикистон томонидан учрашувда ССП раиси ўринбосари О.Сангов, М.Рустамовлар ҳамда Хатлон ва Сўғд вилоятлари ССП ҳудудий бошқармалари раҳбарлари иштирок этишди.
Учрашув давомида Ўзбекистон ССП раиси ўринбосари Усмонов Тожикистон томонига самимий ва илиқ меҳмондорчилик учун миннатдорлик билдирди.
Усмонов Ўзбекистон тадбиркорлари томонидан Тожикистон хусусий бизнеси билан иккиёқлама ҳамкорликни ривожлантиришга қизиқиш кучлилигини таъкидлаб, томонлар ўртасида ўзаро савдо ҳажмини ошириш имкониятлари ҳақида гапирди.
Ўз навбатида, Тожикистон ССП раиси Жумахонзода Ўзбекистон томонига савдо-иқтисодий ва инвестиция соҳаларида икки томонлама муносабатларни чуқурлаштиришга бўлган қизиқиш учун миннатдорлик билдирди.
Шунингдек, учрашув давомида Тожикистон ва Ўзбекистон ўртасида В2В форматида бизнес учрашув ўтказилиши иккиёқлама ҳамкорликда муҳим ўрин тутиши таъкидланди.
Икки мамлакат ҳудудий бўлинмалари ўртасида минтақалараро ҳамкорликни кенгайтириш истиқболлари кўриб чиқилди.
Хусусан, иккиёқлама бизнес алоқаларни янада ривожлантириш мақсадида Ўзбекистон ва Тожикистоннинг чегара олди ҳудудларидаги ССП бўлинмалари ўртасида ҳамкорлик битимини имзолаш бўйича келишувга эришилди.
Кенг кўламли тадбирлар Ўзбекистон бош вазири Абдулла Ариповнинг 28-30 сентябр кунлари Тожикистонга ташрифи арафасида ўтказилмоқда.
Россия Ту-160 самолётлари янги жаҳон рекордини ўрнатди
ТОШКЕНТ, 20 сен — Sputnik. Россиянинг Ту-160 стратегик бомбардимончи самолётлари 19 сентябрь куни янги жаҳон рекордини ўрнатди. Бу ҳақда РИА Новости хабар қилди.
“Бугун узоқ парвозлар икки экипажи Ту-160 стратегик ракета ташувчиларида узоққа парвоз қилиш ва парвоз давомийлиги бўйича янги рекорд ўрнатишди. Россия ҲКК учувчилари 25 соатдан кўпроқ вақт ҳавода бўлиб, 20 минг километрдан ортиқ масофани учиб ўтишди”, - Россия Ҳаво-космик кучлари узоқ парвозлар қўмондони, генерал-лейтенант Сергей Кобилаш.
Кобилаш ушбу тоифа самолётларда ҳали ҳеч ким бундан узоққа учмаганлигини қўшимча қилди.
2010 йилдаги аввалги рекордни ҳам Ту-160 ўрнатган. Ўшанда парвоз 24 соату 24 дақиқа давом этган.
Ту-160 бомбардимончи самолётлари парвози йўналиши Шимолий Муз океани, Тинч океани, Карск денгизи, Лаптевлар, Шарий-Сибирь, Чукотка, Баренцево денгизларининг нейтрал ҳудудлари бўйлаб ўтган.
Америка журнали Россиянинг энг хавфли жанговар самолётини айтди
Парвоз ва қўниш Саратов вилоятидаги Энгельс аэродромида содир бўлди. Тўхтовсиз парвоз пайтида Ту-160 самолёти олти ва Ил-78 самолёти уч маротаба ҳавода ёнилғи қуйишни амалга оширди. Маршрутнинг айрим босқичларида ракета ташувчиларга Су-35 қирувчилари, шунингдек, хорижий давлатларнинг самолётлари ҳамроҳлик қилди. Россия бомбардимончиларининг парвози ҳаво ҳудудидан фойдаланиш бўйича халқаро қоидаларга қатъий риоя қилинган ҳолда амалга оширилган.