Россия президентининг Ўзбекистонга ташрифи, архив сурат

Путин Шавкат Мирзиёевни Янги йил билан табриклади

306
(Янгиланган 00:06 31.12.2016)
Россия президенти Марказий Осиёда тинчлик ва фаровонликни таъминлаш учун Ўзбекистон билан стратегик ҳамкорлик муносабатларини мустаҳкамлашга тайёр эканлигини билдирди

ТОШКЕНТ, 30 дек — Sputnik. Россия етакчиси Владимир Путин қатор давлат раҳбарларига Янги йил байрами арафасида табрик телеграммасини йўллади, деб хабар қилмоқда Кремс матбуот-хизмати.

Россия президенти Ўзбекистон раҳбари Шавкат Мирзиёевга ҳам ўз табригини йўллади.

Кремл сайтида берилган хабарга кўра, Ўзбекистон президентига йўллаган табригида Россия етакчиси кенгайиб бораётган сиёсий диалог ҳақида тўхталиб ўтган ҳамда турли соҳаларда олиб борилаётган икки томонлама ҳамкорликни алоҳида таъкидлаган.

Владимир Путин шунингдек Марказий Осиёда тинчлик ва фаровонликни таъминлаш учун Ўзбекистон ва Россия ўртасидаги стратегик ҳамкорлик муносабатлари келгусида янада мустаҳкамланишига умид билдирган.

306
Теглар:
Янги йил, табрик, Россия, Мирзиёев, Путин
Президент Шавкат Мирзиёев разговаривает по телефону

Ўзбекистон раҳбари Назарбоев ва Тоқаевни Биринчи президент куни билан қутлади

26
Ўзбекистон раҳбари Назарбоев ва Тоқаевни Қозоғистоннинг кўп миллатли халқини давлат байрами – Биринчи президент куни билан самимий қутлаб, тинчлик, фаровонлик ва равнақ тилади.

ТОШКЕНТ, 1 дек — Sputnik. Шавкат Мирзиёев Қозоғистон биринчи президенти – Элбоши Нурсултон Назарбоев ҳамда мамлакат президенти Қасим-Жомарт Тоқаев билан телефон орқали мулоқот қилди.

Ўзбекистон раҳбари Назарбоев ва Тоқаевни Қозоғистоннинг кўп миллатли халқини давлат байрами – Биринчи президент куни билан самимий қутлаб, тинчлик, фаровонлик ва равнақ тилади.

© Пресс-служба президента Узбекистана

Суҳбат чоғида Ўзбекистон ва Қозоғистон ўртасидаги дўстлик, яхши қўшничилик ва стратегик шериклик муносабатларини мустаҳкамлашнинг долзарб масалалари кўриб чиқилди. Амалий ҳамкорликка оид қўшма лойиҳа ва дастурларни, аввало, савдо-иқтисодий, инвестициявий ва гуманитар соҳаларда илгари суришга алоҳида эътибор қаратилди.

Элбошининг замонавий Қозоғистонни барпо этиш ва изчил ривожлантириш, мамлакатнинг халқаро майдондаги нуфузини оширишдаги тарихий роли, шунингдек, Марказий Осиё минтақасида дўстлик ва яхши қўшничилик муносабатларини мустаҳкамлашга қўшган катта ҳиссаси алоҳида қайд этилди.

Мирзиёев ва Тоқаев халқаро кун тартибини, жумладан, шу ойда Ўзбекистон раислигида бўлиб ўтадиган МДҲ саммитига тайёргарлик кўриш масалаларини ҳам муҳокама қилдилар. Ҳамдўстлик ва бошқа минтақавий ҳамда глобал тузилмалар доирасидаги яқин мулоқотни давом эттиришга тайёр эканликларини таъкидладилар.

Суҳбат сўнгида қардош мамлакатлар ўртасидаги кенг кўламли ҳамкорликни ривожлантиришга икки томоннинг ҳам интилиши қатъий экани тасдиқланди.

26
Теглар:
телефон мулоқоти, табрик, Қасим-Жомарт Тоқаев, Нурсултон Назабоев, Шавкат Мирзиёев, Қозоғистон, Ўзбекистон

Мирзиёев ва Путин МДҲ саммитини муҳокама қилишди

115
(Янгиланган 10:51 01.12.2020)
Ўзбекистон ва Россия президентлари телефон орқали коронавирус оқибатлари ҳамда МДҲ саммитини муҳокама қилишди.

ТОШКЕНТ, 1 дек - Sputnik. Ўзбекистон президенти Шавкат Мирзиёев Россия президенти Владимир Путин билан 30 ноябр куни телефон орқали мулоқот қилишди.

Суҳбатда, жумладан яқин кунларда видеоанжуман шаклида ўтказилиши режалаштирилган МДҲ саммитига тайёргарлик кўриш масаласи ҳам муҳокама қилинди. Бу йил ушбу мажлисда Ўзбекистон раислик қилади. 

Шунингдек президентлар коронавирус пандемиясининг тарқалиши оқибатида келиб чиққан глобал инқироз шароитида икки томонлама савдо-иқтисодий алоқалар барқарор ривожланиб бораётганини мамнуният билан қайд этдилар.

Бу борада ўзаро ташрифлар, ҳукуматлараро ҳамкорлик механизмлари унумли ишлаётгани, ўзаро савдо ҳажмлари ортиб бораётгани ҳамда иқтисодиётнинг турли тармоқларида саноат кооперацияси дастурлари давом этаётгани қайд этилди. 

Ундан ташқари Ўзбекистон ва Россия раҳбарлари халқаро аҳамиятга молик масалалар, бўлажак олий даражадаги тадбирларни ҳам муҳокама қилишди. "Суҳбат ҳар доимгидек самимий, дўстона ва конструктив руҳда ўтди", - дейилган хабарда.

115
Во Франции 300-килограммового мужчину вытащили из дома

Францияда 300 кг вазнли эркак кран ёрдамида уйдан олиб чиқилди

37
Францияда қутқарувчилар квартирадан 300 килограмм вазнли эркакни олиб чиқиш учун қурилиш кранидан фойдаланишди.

ТОШКЕНТ, 1 дек — Sputnik. Франциянинг жанубидаги Перпиньян шаҳрида қутқарувчилар қурилиш крани ёрдамида квартирадан 300 килограмм вазнли эркакни олиб чиқишди, деб хабар берди France3 Occitanie телеканали.

Октябр ойи охирида, ортиқча вазнга эга бўлган фуқаро бир йилдан буён ўз хонадонидан чиқа олмаётгани, унинг адвокати ички ишлар вазири Жералд Дарманенга мурожаат қилгани ҳақида хабар берилган эди. Ален исмли киши 2019 йил июлидан бери шаҳар мэриясидан ёрдам кутмоқда. Ўша вақтда эркак йиқилиб, тос суягини синдириб олган эди.

Сешанба куни қутқарув операциясига 50 га яқин одам - полиция ходимлари, ўт ўчирувчилар, шифокорлар ва шаҳар мэрияси вакиллари жалб қилинди. Алена уйи жойлашган тор кўчада жойлашгани туфайли операцияни мураккаблашди. Фасадни қисман олиб ташлаши эвазига квартиранинг деразаси кенгайтирилди. Уйда истиқомат қилувчилар вақтинча эвакуация қилинди.

Деразагача кўтарилган кран ёрдамида Ален махсус контейнерга жойлаштирилди. Ерда эса контейнер тез ёрдам машинасига жойлаштирилди. Эркак Монпельедаги касалхонага олиб келинди.

Тиббий кўрик ва керакли даволанишдан сўнг, Ален ортиқча вазнга эга одамлар учун Тулузадаги ихтисослаштирилган марказга жойлаштирилади.

37