Мирзиёев Ўзбекистон Мудофаа вазири ўринбосарини ишдан олди
(Янгиланган 11:06 06.07.2017)
Шавкат Мирзиёев фармони билан шунингдек, Уй-жой комуннал хизмат кўрсатиш вазири ҳам ўз эгаллаб турган лавозимидан кетдиТОШКЕНТ, 5 июл — Sputnik. Ўзбекистон президенти фармони билан Республика Мудофаа вазири ўринбосари лавозимидан озод этилди, деб хабар қилди Ўзбекистон президенти матбуот-хизмати.
"Ўзбекистон Республикаси Президентининг 2017 йил 5 июлдаги ПҚ-3113-сон қарорига мувофиқ Салиев Музаффар Холдарбаевич бошка ишга ўтиши муносабати билан Ўзбекистон Республикаси Мудофаа вазири ўринбосари лавозимидан озод этилди", — дейилади хабарда.
Шунингдек, Искандаров Эркин Буриевич Ўзбекистон Республикаси Уй-жой коммунал хизмат кўрсатиш вазири лавозимидан озод этилган.
Янги уй-жой комуннал хизмат кўрсатиш вазири этиб собиқ Мудофаа вазири ўринбосари Салиев Музаффар Холдарбаевич тайинланган.
Бекзот Мардонович Мавлонов эса Ўзбекистон Республикаси Бош прокурорининг ўринбосари лавозимига тайинланган.
Муротжон Бердиалиевич Азимов эса Ўзбекистон Республикаси Бош прокурорининг биринчи ўринбосари лавозимига тайинланган ва шу муносабат билан Бош прокурор ўринбосари лавозимидан озод этилган.
Шавкат Мирзиёев Ливан халқига чуқур таъзия билдирди
(Янгиланган 15:54 05.08.2020)
Шавкат Мирзиёев Байрут бандаргоҳида юз берган кучли портлаш муносабати билан Ливан президентига ҳамдардлик билдирди. ТОШКЕНТ, 5 авг — Sputnik. Ўзбекистон президенти Шавкат Мирзиёев Байрут бандаргоҳида юз берган кучли портлаш оқибатида кўплаб инсонлар қурбон бўлгани ва жароҳатлангани муносабати билан Ливан президенти Мишель Аунга ҳамдардлик билдирди.
“Давлатимиз раҳбари Ливан халқига, марҳумларнинг оила аъзолари ва яқинларига чуқур таъзия билдирди”, - дейилган президент матбуот хизмати хабарида.
Ливан пойтахти Байрут шаҳридаги даҳшатли портлаш кеча юз берди. Тахминларга кўра, бадаргоҳдаги 2014 йилда кемадан мусодара қилинган 2750 тонна аммиак селитраси портлаб кетган. Портлашдан шаҳарнинг тенг ярми жабр кўрган. Касалхоналар жароҳатланганлар билан тўлиб тошган.
Ливан ҳукумати фожиа қурбонлари хотирасига уч кунлик мотам эълон қилди. Сўнгги маълумотларга кўра, 100 ортиқ киши қурбон бўлган, тўрт мингга яқин киши жабрланган. Кўплар бедарак йўқолган.
Россия МСК Беларусдаги сайловларга кузатувчи юбормайди
(Янгиланган 15:39 05.08.2020)
Беларусда давлат раҳбари сайловлари 9-август куни бўлиб ўтади, сайлов пойгасида беш номзод, шу жумладан, амалдаги президент Александр Лукашенко ҳам қатнашмоқда. Сешанба куни республикада муддатидан олдин овоз бериш жараёни бошланди.ТОШКЕНТ, 5 авг - Sputnik. РФ Марказий сайлов комиссияси Беларусда бўлиб ўтадиган президент сайловларини кузатмайди, чунки Минск томонидан таклифнома олмаган, шунингдек, коронавирус пандемияси туфайли РФ ўз вакилларини республикага юбориши имконияти мавжуд эмас, деб хабар қилди РИА Новостига МСК раҳбари Элла Памфилова.
Беларусда давлат раҳбари сайловлари 9-август куни бўлиб ўтади, сайлов пойгасида беш номзод, шу жумладан, амалдаги президент Александр Лукашенко ҳам қатнашмоқда. Сешанба куни республикада муддатидан олдин овоз бериш жараёни бошланди.
"Россия МСК беларуслик ҳамкасблардан анъанавий расмий таклифномани олгани йўқ", - деди Памфилова.
Памфилова шунингдек, РФ кузатувчилари ЕХҲТ Демократик институтлар ва инсон ҳуқуқлари бўйича бюроси ва МДҲ миссиялари таркибида ҳам бормасликларини қўшимча қилган. Унинг айтишича, ДИИҲББ беларус томонидан таклифномани кеч олган, МДҲ МСК орқали эса РФ ўз вакилларини "юмшоқ қилиб айтганда, беларус раҳбариятининг коронавирус пандемиясига бўлган ўта специфик муносабати туфайли", юбориш мумкин деб ҳисобламайди.
Бейрутдаги кучли портлашнинг сабаби аниқланди
(Янгиланган 00:47 06.08.2020)
Бейрутдаги портлашнинг дастлабки сабаби - денгиз портида ўта хавфли моддаларни сақлаш пайтида йўл қўйилган бепарволик ва ҳаракатсизлик ҳолатлари. ТОШКЕНТ, 5 авг — Sputnik. Бейрут портида юз берган портлаш ҳолатини дастлабки ўрганиш натижалари маълум қилинди. Бу ҳақда Reuters ахборот агентлиги тергов ишлари билан таниш бўлган манбага асосан хабар қилди.
Маълумотларга кўра, Бейрутда портлашнинг дастлабки сабаби - денгиз портида хавфли моддаларни сақлаш пайтида йўл қўйилган ҳаракатсизлик ва бепарволик ҳолатлари.
Таъкидланишича, ушбу муаммо билан шуғулланувчи инспекция 6 ой олдин қонунбузарликларга эътибор қаратган. Қўмита ва судьялар томонидан хавфли моддаларни йўқ қилиш тўғрисида қарор тайёрлаш юзасидан “ҳеч нарса қилинмаган”.
Ливан ҳуқумати портлаш содир бўлган порт маъмуриятининг барчасини уй қамоғига олиш ҳақида топшириқ берган.
Ливан пойтахти Бейрут шаҳрининг портида куни кеча, 4 августда кучли портлаш содир бўлди. Сўнгги малумотларга кўра, 113 киши ҳалок бўлди, тўрт мингдан зиёд инсон жароҳатланди.
Ливан пойтахти Бейрут шаҳрида юз берган портлаш 3-5 миллиард доллар миқдорида зарар етказди.
Ливан бош вазири Хассан Дияб портда олти йил давомида нотўғри сақланган 2750 тонна аммиак селитрасини портлаш сабаби сифатида келтирган. Фожиа туфайли Ливанда уч кунлик мотам эълон қилинган.