TOШКЕНТ, 11 июл — Sputnik. Ўзбекистонда "Ислом Каримов хотирасига бағишланган энг яхши илмий-оммабоп мақола" кўрик-танлови эълон қилинди.
Танловда иштирок этиш учун 2017 йилнинг 31 декабрига қадар 2016-2017 йилларда республика ҳамда хориж газета ва журналларида чоп этилган, интернет нашрларида берилган материалларни қуйида кўрсатилган манзилга юбориш лозим.
Кўрик-танлов бир босқичда Ислом Каримовнинг 80 йиллиги арафасида ўтказилади.
"Ислом Каримов хотирасига бағишланган энг яхши илмий-оммабоп мақола" кўрик-танлови ғолиби махсус диплом ва Ўзбекистон Республикасида белгиланган энг кам иш ҳақининг 100баробари миқдорида пул мукофоти билан тақдирланади.
Иккинчи ўринни олган иккита иштирокчи диплом ва энг кам иш ҳақининг 75 баробари миқдорида пул мукофоти билан тақдирланади.
Учинчи ўринни олган учта иштирокчи диплом ва энг кам иш ҳақининг 50 баробари миқдорида пул мукофоти билан тақдирланади.
