Золотоносный рудник Кумтор в Киргизии

Тожикистон Ўзбекистонга олтин қазиб олинадиган ҳудудни беришга тайёрми?

794
(Янгиланган 17:35 05.11.2019)
Шу кунларда ўзбек-тожик давлат чегараси тўғрисидаги шартнома лойиҳаси ишлаб чиқилиб, айни вақтда Тожикистоннинг бир неча юз гектарлик ҳудуди Ўзбекистонга берилиши юзасидан музокаралар олиб борилмоқда.

ТОШКЕНТ, 5 ноя – Sputnik. Ўзбекистон ва Тожикистон ўртасида давлат чегарасини делимитация ва демаркация қилиш тўғрисидаги шартнома лойиҳаси барча келишув босқичларидан ўтказилди ва имзоланиш учун тайёр. Бу ҳақда “Азия-Плюс” агентлиги Тожикистон ҳукуматидаги манбаларга асосланган ҳолда хабар қилмоқда.

“Бугунги кунда келишилган шартнома лойиҳаси имзоланишга тайёр бўлиб, шартномага икки давлат чегараларининг ўтиш линиясининг аниқ номлари кўрсатилган хариталар илова қилинмоқда. Чегараолди устунларини ўрнатиш жойлари ҳам келишиб олинди”, - дея маълумот берган манба.

Маълум қилинишича, Ўзбекистондаги парламент сайловлари туфайли, шартнома имзоланиши кечроқ муддатга қолдирилди.

Бундан аввал, “Faraj” тожик ахборот нашри тарқатган хабарга мувофиқ, чегара тўғрисидаги шартнома асосида Тожикистон Ўзбекистонга Сўғд вилояти Мастчоҳ туманида жойлашган 300 гектар ер ҳудудини бериши кутилмоқда. “Майдонда сўнгги 10 кун ичида ҳудудни пўлат симлар билан ёпиш ишлари олиб бориляпти”, қўшимча қилинади хабарда. Шунингдек, мазкур ҳудудда «Апрелевка» Тожикистон-Канада қўшма корхонаси томонидан ўзлаштирилган олтин кони мавжудлиги ҳам айтиб ўтилган.

Сўғд тумани ер ишлари бўйича қўмита раиси Жамшед Умарзоданинг берган маълумотига кўра, “Ўзбекистонга ер ҳудудининг берилиши ҳали-ҳануз кўриб чиқилмоқда”.

Эслатиб ўтамиз, жорий йил 28 октябрь куни Душанбеда Тожикистон ва Ўзбекистон делегациялари давлат чегараларини демаркация қилиш юзасидан музокара ўтказган эди.

794

Россия қатор давлатлар туристлари учун ўз чегарасини очишни режалаштирмоқда

677
Эслатиб ўтамиз, РФ коронавирус тарқалиши фонида 27 мартдан бошлаб бошқа давлатлар билан мунтазам ва чартер авиаташувларни тўхтатган эди.

ТОШКЕНТ, 30 май - Sputnik. Россия президенти Владимир Путин Хавфсизлик кенгашига қатор давлатлар туристлари учун кириш чекловларини олиб ташлаш бўйича таклиф киритди.

"Кўплаб давлатлар, иқтисоди туризмга боғлиқ бўлган давлатлар ўз чегараларини очаётгани ҳақида эълон қилди. Биз нафақат бизнинг давлатимиз ичида бўладиган, балки атрофимизда рўй бераётган ўзгаришларни ҳам муҳокама қилишимиз керак", - деди Путин РФ Хавфсизлик кенгаши йиғилишида.

Эслатиб ўтамиз, РФ коронавирус тарқалиши фонида 27 мартдан бошлаб бошқа давлатлар билан мунтазам ва чартер авиаташувларни тўхтатган эди.

677

Путин Суриядаги Россия ҳарбий базасини кенгайтириш бўйича топшириқ берди

915
Суриядаги Россия Ҳарбий-космик кучлари авиация гуруҳи 2015 йилнинг 30 сентябрида Сурия ҳукуматини террорчилар билан курашда қўллаб қувватлаш учун операцияни амалга ошириш мақсадида ташкил этилган.

ТОШКЕНТ, 29 май - Sputnik. Россия президенти Владимир Путин РФ Мудофаа вазирлиги ва Ташқи ишлар вазирлигига Сурия томони билан ҳарбий базани кенгайтириш борасида музокаралар ўтказиш бўйича топшириқ берди. Бу ҳақда давлат раҳбари фармойишида айтилган.

"Россия Федерацияси ҳукуматининг Россия Федерацияси ва Сурия Араб Республикаси ўртасида Россия Федерацияси Қуролли Кучларининг авиация гуруҳини 2015 йил 26 августда Сурия Араб Республикаси ҳудудида қўшимча кўчмас мулк ва акваторияни топшириш тўғрисидаги Битимга 1-сонли Баённомани имзолаш бўйича таклифи қабул қилинсин", - дейилган ҳуқуқий-ахборот интернет-порталида эълон қилинган ҳужжатда.

Қонунчилик лойиҳасига принципиал характерга эга бўлмаган тузатишлар киритилиши мумкин.

Суриядаги Россия Ҳарбий-космик кучлари авиация гуруҳи 2015 йилнинг 30 сентябрида Сурия ҳукуматини террорчилар билан курашда қўллаб қувватлаш учун операцияни амалга ошириш мақсадида ташкил этилган.

Сурияда Россия ҳарбийлари Хмеймим авиабазасида ва Тартус портидаги ҳарбий-денгиз базасида жойлашган.

915

Навбатдаги инсонпарварлик ёрдами: Ўзбекистон Тожикистонга минг тонна ун жўнатди

9
Маълум бўлишича, бу галги ёрдам юки озиқ-овқат маҳсулотлари, дори-дармон, жумладан, 1 000 тонна ундан иборат.

ТОШКЕНТ, 31 май — Sputnik. Ўзбекистон Тожикистонга янги турдаги коронавирусга қарши курашиш учун навбатдаги инсонпарварлик ёрдамини жўнатди.

Ўзбекистоннинг Тожикистондаги элчихонаси матбуот хизматининг аниқлик киритишича, инсонпарварлик ёрдами Сурхондарё вилоятидан темир йўл орқали Душанбега олиб келинган.

Бу сафар Ўзбекистон Тожикистонга тиббиёт воситалари, озиқ-овқат маҳсулотлари, дори-дармонлар, жумладан, 1 000 тонна ун жўнатган.

Эслатиб ўтамиз, аввалроқ Ўзбекистон Тожикистонга 24 тонна дори-дармон юборгани хабар қилинган эди.

9
Мавзу:
COVID-19 умумжаҳон пандемияси