Письменный набор главы государства

Мирзиёев фармонлари билан пойтахт ва вилоятлар ҳокимлари лавозимларига тайинланди

230
(Янгиланган 17:30 14.01.2020)
Жойларда бўлиб ўтган халқ депутатлари вилоят кенгашларининг сессияларидан сўнг президент Тошкент шаҳар ва вилоятлар ҳокимларини тайинлаш тўғрисидаги фармонга имзо чекди.

ТОШКЕНТ, 14 янв — Sputnik. Шавкат Мирзиёев Ўзбекистон Республикаси Конституциясининг 93-моддаси 15-банди ва 102-моддасига асосан ҳамда халқ депутатлари вилоят кенгашларининг қарорларига мувофиқ вилоятлар ва Тошкент шаҳар ҳокимларини лавозимга тайинлаш тўғрисида фармонлар қабул қилди.

Президент фармонларига мувофиқ тайинландилар:

  • Холматов Рустам Қурбонназарович Тошкент вилояти ҳокими лавозимига:
  • Салиев Эргаш Алибекович Жиззах вилояти ҳокими лавозимига;
  • Барноев Ўктам Исоевич Бухоро вилояти ҳокими лавозимига;
  • Абдураҳманов Шуҳратбек Кушақбаевич Андижон вилояти ҳокими лавозимига;
  • Турсунов Кобул Бекназарович Навоий вилояти ҳокими лавозимига;
  • Турдимов Эркинжон Оқбутаевич Самарқанд вилояти ҳокими лавозимига;
  • Мирзаев Ғофуржон Ғаниевич Сирдарё вилояти ҳокими лавозимига;
  • Боболов Тўра Абдиевич Сурхондарё вилояти ҳокими лавозимига;
  • Ғаниев Шуҳрат Мадаминович Фарғона вилояти ҳокими лавозимига;
  • Эрманов Фарход Уразбоевич Хоразм вилояти ҳокими лавозимига;
  • Артикходжаев Жаҳонгир Абидович Тошкент шаҳар ҳокими лавозимига;
  • Бозаров Хайрулло Ҳайитбаевич Наманган вилояти ҳокими лавозимига;
  • Мирзаев Зойир Тоирович Қашқадарё вилояти ҳокими лавозимига.
230
Теглар:
ҳокимлар, Мирзиёев, Ўзбекистон

Шавкат Мирзиёев Ливан халқига чуқур таъзия билдирди

115
(Янгиланган 15:54 05.08.2020)
Шавкат Мирзиёев Байрут бандаргоҳида юз берган кучли портлаш муносабати билан Ливан президентига ҳамдардлик билдирди.

ТОШКЕНТ, 5 авг — Sputnik. Ўзбекистон президенти Шавкат Мирзиёев Байрут бандаргоҳида юз берган кучли портлаш оқибатида кўплаб инсонлар қурбон бўлгани ва жароҳатлангани муносабати билан Ливан президенти Мишель Аунга ҳамдардлик билдирди.

“Давлатимиз раҳбари Ливан халқига, марҳумларнинг оила аъзолари ва яқинларига чуқур таъзия билдирди”, - дейилган президент матбуот хизмати хабарида.

Ливан пойтахти Байрут шаҳридаги даҳшатли портлаш кеча юз берди. Тахминларга кўра, бадаргоҳдаги 2014 йилда кемадан мусодара қилинган 2750 тонна аммиак селитраси портлаб кетган. Портлашдан шаҳарнинг тенг ярми жабр кўрган. Касалхоналар жароҳатланганлар билан тўлиб тошган.

Ливан ҳукумати фожиа қурбонлари хотирасига уч кунлик мотам эълон қилди. Сўнгги маълумотларга кўра, 100 ортиқ киши қурбон бўлган, тўрт мингга яқин киши жабрланган. Кўплар бедарак йўқолган.

115

Россия МСК Беларусдаги сайловларга кузатувчи юбормайди

167
(Янгиланган 15:39 05.08.2020)
Беларусда давлат раҳбари сайловлари 9-август куни бўлиб ўтади, сайлов пойгасида беш номзод, шу жумладан, амалдаги президент Александр Лукашенко ҳам қатнашмоқда. Сешанба куни республикада муддатидан олдин овоз бериш жараёни бошланди.

ТОШКЕНТ, 5 авг - Sputnik. РФ Марказий сайлов комиссияси Беларусда бўлиб ўтадиган президент сайловларини кузатмайди, чунки Минск томонидан таклифнома олмаган, шунингдек, коронавирус пандемияси туфайли РФ ўз вакилларини республикага юбориши имконияти мавжуд эмас, деб хабар қилди РИА Новостига МСК раҳбари Элла Памфилова.

Беларусда давлат раҳбари сайловлари 9-август куни бўлиб ўтади, сайлов пойгасида беш номзод, шу жумладан, амалдаги президент Александр Лукашенко ҳам қатнашмоқда. Сешанба куни республикада муддатидан олдин овоз бериш жараёни бошланди.

"Россия МСК беларуслик ҳамкасблардан анъанавий расмий таклифномани олгани йўқ", - деди Памфилова.

Памфилова шунингдек, РФ кузатувчилари ЕХҲТ Демократик институтлар ва инсон ҳуқуқлари бўйича бюроси ва МДҲ миссиялари таркибида ҳам бормасликларини қўшимча қилган. Унинг айтишича, ДИИҲББ беларус томонидан таклифномани кеч олган, МДҲ МСК орқали эса РФ ўз вакилларини "юмшоқ қилиб айтганда, беларус раҳбариятининг коронавирус пандемиясига бўлган ўта специфик муносабати туфайли", юбориш мумкин деб ҳисобламайди.

167

Бейрутдаги кучли портлашнинг сабаби аниқланди

445
(Янгиланган 20:22 05.08.2020)
Бейрутда портлашнинг дастлабки сабаби - денгиз портида ўта хавфли моддаларни сақлаш пайтида йўл қўйилган бепарволик ҳолатлари.

ТОШКЕНТ, 5 авг — Sputnik. Бейрут портида юз берган портлаш ҳолатини дастлабки ўрганиш натижалари маълум қилинди. Бу ҳақда Reuters ахборот агентлиги дастлабки тергов ишлари билан таниш бўлган манбага асосан хабар қилди.

Маълумотларга кўра, Бейрутда портлашнинг дастлабки сабаби - денгиз портида хавфли моддаларни сақлаш пайтида йўл қўйилган ҳаракатсизлик ва бепарволик ҳолатлари.

Таъкидланишича, ушбу муаммо билан шуғулланувчи инспекция 6 ой олдин қонунбузарликларга эътибор қаратган. Қўмита ва судьялар томонидан хавфли моддаларни йўқ қилиш бўйича қарор тайёрлаш борасида “ҳеч нарса қилинмаган”.

Ливан ҳуқумати портлаш содир бўлган порт маъмуриятининг барчасини уй қамоғига олиш ҳақида топшириқ берган.

Ливан пойтахти Бейрут шаҳрининг портида куни кеча, 4 августда кучли портлаш содир бўлди. Сўнгги малумотларга кўра, 113 киши ҳалок бўлди, тўрт мингдан зиёд инсон жароҳатланди.

Ливан пойтахти Бейрут шаҳрида юз берган портлаш 3-5 миллиард доллар миқдорида зарар етказди.

Ливан бош вазири Хассан Дияб портда олти йил давомида нотўғри сақланган 2750 тонна аммиак селитрасини портлаш сабаби сифатида келтирган. Фожиа туфайли Ливанда уч кунлик мотам эълон қилинган.

 

445