Заместитель министра иностранных дел Республики Узбекистан Илхомжон Неъматов

ЕОИИ масаласида Ғарб ёки Шарқга қараб қарор қабул қилсак, ўзгариш бўлмайди - Неъматов

859
(Янгиланган 09:55 12.05.2020)
Сиёсатчининг фикрича, Ўзбекистон изоляцияни давом эттирадиган бўлса, рақобат бўлмайди, ҳеч қандай ривожланиш бўлмайди.

ТОШКЕНТ, 11 май - Sputnik. Ўзбекистон ташқи ишлар вазирлиги мамлакатнинг Евроосиё иқтисодий иттифоқига кузатувчи мақомида аъзо бўлишини жуда тўғри қадам деб билади. Бу ҳақда бугун сенатнинг тўртинчи ялпи мажлисида ташқи ишлар вазири ўринбосари Илҳом Неъматов маълум қилди.

Парламент юқори палатасида Ўзбекистоннинг Евроосиё иқтисодий иттифоқи (ЕОИИ) билан ҳамкорлиги масаласи "ўта муҳим масала" сифатида жуда қизғин муҳокама қилинди.

Сўзга чиққан ТИВ раҳбари ўринбосари Илҳом Тўйчиев Ўзбекистоннинг маълум бир давлат билан ёки янги ташкилот билан муносабати - аъзо бўлиши ёки у билан ҳамкорлиги мамлакат сиёсий ҳаётида катта аҳамиятга эгалигини эътироф этиб ўтди.

"Айтмоқчиманки, президентимиз ҳам 2019 йилги мурожаатномаси давомида ва бошқа йиғилишларда кўп таъкидладиларки, ҳар бир бизни қилаётган ишимиз яъги ташқи сиёсатда биринчи навбатда бизнинг миллий манфаатимиздан келиб чиқиши керак. Ҳозиргина Жамшид Анварович (бош вазир ўринбосари Қўчқоровни айтяпти, таҳр.) ҳам айтдилар, суверен давлат сифатида ҳар бир босаётган қадамимизда Ғарб нима деркин, Шарқ нима деркин дейиладиган бўлса, ҳеч нарсага эришмаймиз. Шунинг учун суверен давлат сифатида ўзимизни биринчи галда миллий манфаатимиздан, сиёсий манфаатимиздан, иқтисодий манфаатимиздан, маданий манфаатимиздан келиб чиқишимиз керак. Ғарб ёки Шарққа қараб ўтирсак, изоляция яна давом этади, кўп йиллар давомида изоляцияда бўлдик ва изоляциядан ҳозир чиқдик десак бўлади", - деб таъкидлади Неъматов.

Сиёсатчининг фикрича, изоляция бўлса рақобат бўлмайди, ҳеч қандай ривожланиш бўлмайди.

"Мен ўйлайманки бу тўғри бўляпти. Иккинчи бир мисол ЕОИИ аъзолари - Қозоғистон, Қирғизистон Арманистон ёки Беларусь ҳаммаси шу пайтгача муаммосиз алоқани ривожлантириб келяпти. Инвестиция олиб келишяпти, сиёсий алоқалар ривожланяпти, иқтисодий алоқалар ривожланяпти, шунинг учун бу ерда ҳавотирланишга шубҳа йўқ", - деб қўшимча қилди дипломат.

Неъматов Ўзбекистон ушбу ташкилотга кузатувчи сифатида кираётганини эслатиб ўтди.

"Бу бизга мана шу даврда уни чуқур ўрганиб қандайдир салбий таъсирлари бўладиган бўлса унга йўл харитаси ишлаб чиқиб керакли ишларни олиб бориш имконини беради. Албатта бу ТИВни иши ва биз бу йўл харитани ишлаб чиқдик, жуда кўп ўргандик, чунки олдин ҳам қатнашганмиз ЕОИИда. Ўшандан биламизки, қайси салбий оқибатлари бизга таъсир қилиши мумкин. Шунга олдиндан йўл харита ишлаб чиқдик. Албатта бунда ҳамкорларимиз Шарқ ва Ғарб давлатлари билан ишлаб, тушунтириш ишларини олиб борамиз, ҳеч қандай шубҳа бўлмаслиги керакки бу бизнинг қандайдир бошқа алоқаларимизга таъсир қилади, деган", - деди Неъматов ва яна бир марта кузатувчи мақомини олиш бўйича қарорни "жуда тўғри қадам қўйиляпти", дея қўшимча қилди.

Қизғин ва очиқ мунозара якунида сенаторлар Ўзбекистоннинг ЕОИИда "кузатувчи давлат" мақомида иштирок этиш таклифини маъқуллашди.

Мазкур масала бўйича Олий Мажлис Сенатининг тегишли қарори қабул қилинди.

859
Мавзу:
Ўзбекистон ва ЕОИИ – интеграция истиқболлари (49)
Президент Турецкой Республики Реджеп Тайип Эрдоган

Мутлақо қизиқмас. Эрдоған Айя София тақдири учун қайғураётганларга жавоб қайтарди

903
Бир оз олдин, Туркия Давлат кенгаши 1934 йилда Авлиё София соборини музейга айлантириш бўйича қабул қилинган қарорни бекор қилган эди

ТОШКЕНТ, 11 июл - Sputnik. Бошқа давлатлар фикрлари Истанбулдаги Авлиё София (Айя София) собори диний мақомини ўзгартириш ҳақидаги қарорга таъсир қила олмайди, дея баёнот берди Туркия президенти Ражаб Тойиб Эрдоған.

"Туркия ўз халқи хоҳишидан келиб чиқиб, Авлиё София собори мақомини музейдан масжидга ўзгартириш бўйича қарор қабул қилди. Бошқа давлатлар фикри бизнинг қароримизга таъсир ўтказа олмайди", - дея иқтибос келтирган Эрдоған сўзларидан Anadolu агентлиги.

Туркия етакчиси шунингдек, Анқара ҳаракатларини танқид қилаётганлар ўз ҳудудида исломофобияга қарши курашишга қодир эмасликларини қўшимча қилган.

Бир оз аввал Туркия Давлат кенгаши 1934 йилда Авлиё София соборини музейга айлантириш бўйича қабул қилинган қарорни бекор қилгани ҳақида хабар берган эдик.

Ушбу воқеадан кўп ўтмай Ражаб Эрдоған Айя-Софияни масжига айлантириш ва у ерда мусулмонча ибодатлар бошлаш тўғрисида қарорни имзолаган.

ЮНЕСКО расмийлари собор мақоми ўзгартирилиши ҳақидаги қарорни "чуқур таассуф" билан қабул қилганликларини билдирдилар. Грецияда, ўз навбатида, Туркияга қарши санкциялар зудлик билан қўлланилиши лозимлиги ҳақида даъватлар янграй бошлади. Москва РПЦ вакиллари, Эрдоған қарорига, "чуқур ўйланмаган", дея баҳо бердилар.

903

Грециялик сиёсатчи Туркияга қарши санкциялар киритишни таклиф қилмоқда

345
(Янгиланган 12:37 11.07.2020)
Авлиё София собори - Эрдоғаннинг ўлжаси эмас, у бутун инсониятга тегишли. У насронийлик рамзи. Уни масжидга айлантириб, Эрдоған нафақат насронийларни, балки бутун инсониятни таҳқирламоқда", - деди сиёсатчи.

ТОШКЕНТ, 11 июл - Sputnik. Греция Туркиянинг Истанбулдаги Авлиё София черковини масжидга айлантириш ҳақидаги қароридан сўнг Анқарага қарши зудлик билан санкциялар киритиши, Комотинидаги турк консуллигини, Салоникидаги Камол Отатурк музейини, Туркия билан чегараларни ёпмоғи ҳамда Вотаникосдаги масжидни очмаслиги ва юзлаб ноқонуний масжидларни беркитиши лозим, деди РИА Новостига Европарламентнинг собиқ депутати, "Греция – бошқа йўл" партияси президенти Нотис Мариас.

Мариас Крит университети профессори бўлиб, таълим масканида Европа иттифоқининг институционал тузилишидан дарс беради.

Туркия давлат кенгаши - мамлакатнинг олий маъмурий суди - жума куни 1934 йилда имзоланган Авлиё София соборини музейга айлантириш тўғрисидаги қарорни бекор қилди. Воқеадан кўп ўтмай Туркия президенти Тойиб Эрдоған соборнинг масжидга айлантирилиши ва у ерда мусулмонча ибодатлар бошланиши ҳақида қарорни имзолади.

"Эрдоған кўп йиллар давомида Авлиё София соборини масжидга айлантиришга тайёрлади. Шу боисдан, 2014-2019 йилларда Европарламент депутати бўла туриб, кўп бора уни Европа парламентидаги чиқишларимда қоралаганман", - дейди Мариас.

У Эрдоғаннинг собор бўйича қарорини фитнага йўғрилган, тарихга зид, мутлақо ноқонуний, деб атади.

"У ЮНЕСКОнинг Авлиё София соборини Бутунжаҳон мероси объекти деб эълон қилиш ҳақидаги қарорини бузмоқда. Авлиё София собори - Эрдоғаннинг ўлжаси эмас, у бутун инсониятга тегишли. У насронийлик рамзи. Уни масжидга айлантириб, Эрдоған нафақат насронийларни, балки бутун инсониятни таҳқирламоқда", - дейди сиёсатчи.

"Дунё маданий ҳамжамияти Туркиянинг чақириғига қарши туриши ҳамда "маданият ва варварлик" сингари иккиланишга варварликка йўқ, муросасизликка йўқ, ислом фундаментализмига йўқ, деб жавоб бериши керак", - дейди Мариас.

Унинг сўзларига кўра, Эрдоғаннинг Авлиё София соборини масжидга айлантириш бўйича ноқонуний қарори аллақачон Греция, Россия, ЕИ ва АҚШ, ҳамда барча насроний дин пешволари томонидан қораланган.

"Ушбу контекстда Москва Патриархиясининг мурожаатномаси айниқса баланд янгради", деб ҳисоблайди сиёсатчи.

Унинг фикрича, халқаро ҳамжамият, ЮНEСКО, Европа Иттифоқи ва бутун маданиятли дунё Авлиё Софиянинг музей ва Бутунжаҳон мероси сифатида сақланиб қолиши учун доимий курашни эълон қилишлари лозим, православ халқлари, греклар ва руслар эса "Авлиё Софиянинг замонавий қулаши, православларга қарашли энг катта черковнинг масхараланиши, бизнинг насроний динимизга бўлган ҳақоратга қарши" курашнинг олд қаторида туришлари керак.

Сиёсатчи кескин жавоб чораларини таклиф қилди.

"Греция зудлик билан Туркияга қарши санкциялар киритмоғи лозим. (Мусулмон озчилик истиқомат қиладиган) Комотинидаги турк консуллигини ёпиши, Салоникидаги Камол музейини маҳкамлаши, Туркия билан чегараларни ёпиши ҳамда одамлар ва товарларнинг ҳар қандай ҳаракатини таъқиқлаши, Вотаникосдаги масжидни очмаслиги, иммигрантлар томонидан бошқариладиган юзлаб ноқонуний масжидларни ёпиши керак", - дейди сиёсатчи.

"Шу билан бирга, Греция ЕИни Туркияга иқтисодий санкциялар киритишни, хусусан, Туркияни ЕИ ва Европа инвестиция банки орқали молиялаштиришни таъқиқлашга, турк амалдорларининг активларини музлатишга, турк амалдорларининг ЕИга киришини таъқиқлашга ва турк маҳсулотларини Европа Иттифоқига импорт қилинишига эмбарго жорий этилишини қатъий талаб қилиши керак. Фақат шу йўл билан биз Эрдоғанга Авлиё София собори православликнинг энг буюк черкови эканлиги ва шундай бўлиб қолиши, у ўз ҳаракатлари билан бу ҳолатни булғай олмаслиги ҳақида хабар юборамиз", - дейди Мариас.

 

Купол мечети
© Sputnik / Александр Паниотов

Замонавий Туркия давлатининг асосчиси Камол Отатуркнинг Салоникидаги музейига ҳар йили Туркиядан ўн минглаб сайёҳлар ташриф буюради.

Грециядаги масжидларга келадиган бўлсак, бир неча ойдан сўнг Афина шаҳрининг Вотаникос туманида масжид очилиши кутилаётган эди. Афина - масжидлар мавжуд бўлмаган энг сўнгги Европа пойтахти бўлиб қолмоқда. 1832 йилда Усмонийлар салтанатидан мустақилликни эълон қилгач, Грециянинг бирорта ҳукумати шу пайтгача Афинада масжид қуришга рухсат бермаган. Греция пойтахтида Яқин Шарқ, Африка ва Ҳинд субконтинентидан ўн минглаб мусулмонлар истиқомат қилишади.

Айя-Софияга насроний император Юстиниан томонидан асос солинган ва у 537 йилнинг 27 декабрида очилган. Икки минг йилдан зиёд тарихга эга собор насронийлар дунёсидаги энг йирик ибодатхона саналган. Константинопол Усмонийлар томонидан босиб олиниб, Византия салтанати қулагач собор 1453 йилда масжидга айлантирилган, аммо 1934 йилда замонавий турк давлати асосчиси Камол Отатуркнинг декретига мувофиқ бино музейга айлантирилган ва ЮНЕСКОнинг Бутунжаҳон мероси рўйхатига киритилган.

Айя Софияни масжидга айлантириш қарорига дунёнинг кўплаб давлатларида кескин муносабат билдирилди.

345
Палаты во временном госпитале для пациентов с COVID-19

Ўзбекистонда коронавирус қурбонлари сони 61 нафарга етди

32
(Янгиланган 09:51 13.07.2020)
Яна бир тошкентлик коронавируснинг навбатдаги қурбонига айланди. 67 ёшли аёлда 10 июль куни COVID-19 тасдиқланган.

ТОШКЕНТ, 13 июл — Sputnik. Ўзбекистонда коронавирус аниқланган яна бир бемор вафот этди. Бу ҳақда Соғлиқни сақлаш вазирлиги хабар бермоқда.

Жорий йилнинг 10 июль куни Шайхонтоҳур туманида яшовчи 67 ёшли аёл М.Т.да COVID-19 тасдиқланган. Шу куниёқ ўткир нафас етишмовчилиги сабабли беморнинг аҳволи оғир бўлганлиги учун Зангиота юқумли касалликлар шифохонасининг реанимация бўлимига ётқизилган.

Шифохонада унга “COVID-19” инфекциясининг ўта оғир кечиши, икки томонлама пневмония, нафас етишмовчилигининг 3-даражаси, ўткир юрак қон-томир етишмовчилиги ташхиси қўйилган.

Шунингдек, беморда гипертония касаллигининг 2-даражаси, артериал гипертензия, қандли диабет, сурункали холецистит каби ҳамроҳ касалликлар бўлган.

Бироқ кўрсатилган муолажаларга қарамасдан бемор ўткир нафас ва юрак қон-томир етишмовчилигидан вафот этди.

Шу тариқа Ўзбекистонда коронавирус қурбонлари сони 61 нафарга етди.

32
Теглар:
Ўзбекистон, карантин, коронавирус
Мавзу:
COVID-19 умумжаҳон пандемияси