Президент США Дональд Трамп

Трамп журналистлар билан айтишувдан сўнг матбуот-анжуманини тўхтатди

441
Ниҳоят президентдан одамлар вафот этишда давом этаётган бир вақтда у нега АҚШда ўтказилаётган тестлар ҳақида гапираётганини сўрашди. Трамп бунга кескин оҳангда: "Буни мендан эмас, Хитойдан сўранг", дея жавоб берди.

ТОШКЕНТ, 12 май - Sputnik. АҚШ президенти Дональд Трамп журналистлар билан содир бўлган навбатдаги айтишувдан сўнг матбуот-анжуманини тўхтатди.

Оқ уй раҳбари душанба куни матбуот билан мулоқот қилди ва ўз чиқиши давомида АҚШ коронавирусни аниқлаш учун бошқа ҳар қандай давлатга қараганда кўпроқ тест қилгани ҳақидаги фактни реклама қилиб ўтди. Аммо журналистлар президентга ёқмайдиган саволларни беравердилар. Трамп уларга кескин жавоб қайтарди. Хусусан, журналистларнинг бирига у: "мен сизни жуда яхши тушунаман, ҳатто сизнинг ўзингизданда яхшироқ тушунаман", деди.

Ниҳоят президентдан одамлар вафот этишда давом этаётган бир вақтда у нега АҚШда ўтказилаётган тестлар ҳақида гапираётганини сўрашди. Трамп бунга кескин оҳангда: "Буни мендан эмас, Хитойдан сўранг", дея жавоб берди. Сўнгра у берилган саволни "жирканч", дея таърифлади ва бу ўз навбатида журналистни қуюшқондан чиқарди.

Трамп кейинги берилган саволга жавоб беришдан бош тортди ва шундан сўнг матбуот-анжуманини тўхтатди.

Трамп илгарилари кунлик брифинглар ўтказилар ва уларда матбуот билан тортишулар рўй берар эди, сўнгра омма олдида журналистларнинг негатив муносабати шароитида бу ишларни амалга ошириш тўғрилигига шубҳа билдирди. Охирги икки ҳафтада вақти-вақти билан кўриниш берар, аммо унинг матбуот-котиби Кейли Макинани ўзи алоҳида брифинглар ташкил эта бошлади. Бу Оқ уйда сўнгги икки йилда қайта тикланган анъанадир.

441
Мавзу:
COVID-19 умумжаҳон пандемияси (1066)
Министр иностранных дел Узбекистана Абдулазиз Камилов

Абдулазиз Камилов “Марказий Осиё + Япония” видеоконференциясида иштирок этади

0
Марказий Осиё мамлакатлари ва Япония ТИВ раҳбарлари мажлисда чоғида коронавирус қарши биргаликда курашишда ҳамкорликни янада ривожлантириш истиқболларини муҳокама қилишади.

ТОШКЕНТ, 10 авг — Sputnik. Ўзбекистон ташқи ишлар вазири Абдулазиз Камилов видеоконференция шаклида “Марказий Осиё + Япония” мулоқоти ташқи сиёсат идоралари раҳбарларининг навбатдан ташқари мажлисида иштирок этади.

ТИВ матбуот хизмати хабарига кўра, мажлис 2020 йил 11 август куни бўлиб ўтади.

Тадбирда, шунингдек, Япония ташқи ишлар вазири Тосимицу Мотэги, Қирғизистон Қозоғистон, Тожикистон ва Туркманистон ТИВ раҳбарлари қатнашади.

Мажлисда чоғида жорий эпидемиологик ҳолат, коронавирус инфекцияси ва унинг оқибатларига қарши биргаликда курашиш масалалари ҳамда пандемия шароитида ҳамкорликни янада ривожлантириш истиқболларини муҳокама қилиш режалаштирилган.

0
Боевики движения Талибан*

Толиблар АҚШга қарши Россия билан тил бириктирилганини рад этди

438
Толибон ҳаракати сиёсий офиси расмий вакили Сухайл Шахин сўзларига кўра, ушбу "нотўғри ва асоссиз маълумот Қобул миллий хавфсизлик департаменти томонидан тинчлик ўрнатиш  жараёнига путур етказиш мақсадида америка ва европанинг айрим журналистларига тақдим этилган".

ТОШКЕНТ, 8 авг - Sputnik. Россия толибларни ўз томонига "оғдириб олгани" ҳақидаги хабарларда биронта рост сўз йўқ, бу Афғонистонда тинчлик жараёни ўрнатилишига қарши бўлганлар томонидан йўлга қўйилган кампаниянинг бир қисмидир, деди РИА Новостига берган интервьюсида "Толибон" радикал ҳаракати сиёсий офисининг расмий вакили Сухайл Шахин.

"Улар (тинчлик жараёни душманлари - таҳр.) унга зиён етказмоқчи, халал беряпти", - деди Шахин телефон орқали олинган интервью давомида.

Унинг сўзларига кўра, ушбу "нотўғри ва асоссиз маълумот Қобул миллий хавфсизлик департаменти томонидан "тинчлик ўрнатиш  жараёнига путур етказиш мақсадида америка ва европанинг айрим журналистларига тақдим этилган".

"Бу хабарларда ҳақиқатга тўғри келадиган ҳеч вақо йўқ, бу шунчаки тинчлик жараёнига қарши кампания. Ва биз бундай баёнотларни тўлалигича рад этамиз", - деди толиблар сиёсий офиси вакили.

Илгарироқ New York Times газетаси бир мақола чоп этган бўлиб, унда аллақандай россия ҳарбий разведкаси бўлинмаси толибларни пул эвазига Афғонистондаги халқаро коалиция ҳарбий хизматчиларига ҳужум уюштиришга даъват қилгани ҳақида айтилган эди.

New York Timesдаги мақоладан сўнг Россиянинг Вашингтондаги элчихонаси ушбу ёлғон мақола туфайли ижтимоий тармоқларда "руслар билан ҳисоб-китоб қилиш"га доир чақириқлар пайдо бўлгани ҳақида хабар берди. Таҳдидлар ҳақидаги маълумотни дипломатлар АҚШ ва Давлат департаменти ҳуқуқ-тартибот органларига топширдилар.

ТИВда ушбу мақола ёлғон, дея баҳоланди, ташқи сиёсий маҳкама раҳбари Сергей Лавров ушбу айбловларни Қўшма Штатларда бўлиб ўтадиган сайловлар олдидаги ички сиёсий кураш билан боғлади.

АҚШ президенти Дональд Трамп ўз навбатида ушбу мақолани "буюртма" деб атади ва америка разведкаси New York Times хабарини ишончга сазовор, деб топмаганини хабар қилди. Пентагон ҳам "тил бириктирув"ни тасдиқловчи далилларга эга эмаслигини маълум қилди.

438
Мавзу:
Афғонистон: 30 йил тинчлик илинжида