Ўзбекистон ва АҚШ афғон иқтисоди учун муҳим лойиҳаларни тезлаштиришга қарор қилди

269
Ўзбекистон-АҚШ-Афғонистон уч томонлама учрашувида аниқ йўналишлар ва лойиҳалар бўйича тор доирадаги экспертлар учрашувини ўтказиш тўғрисида келишувга эришилди.

ТОШКЕНТ, 23 июл - Sputnik. Афғонистонни иқтисодий қайта тиклаш масалалари, транспорт, энергетика, савдо, қишлоқ хўжалиги, таълим ва соғлиқни сақлаш соҳаларидаги ҳамкорликни кенгайтиришнинг амалий жиҳатлари 21-июл куни Ўзбекистон раислигида бўлиб ўтган "Ўзбекистон-АҚШ-Афғонистон" уч томонлама ҳамкорлик механизмининг Иқтисодиёт бўйича қуйи қўмитасининг биринчи мажлисида муҳокама қилинди.

Видеоконференцалоқа шаклида бўлиб ўтган тадбирда Ўзбекистон делегациясига Ташқи ишлар вазирининг биринчи ўринбосари Фарҳод Арзиев ва Инвестициялар ва ташқи савдо вазирининг биринчи ўринбосари Лазиз Кудратов, АҚШ делегациясига Давлат котибининг Жанубий ва Марказий Осиё бўйича ёрдамчиси ўринбосари Жонатан Ҳеник ва USAID администратори ёрдамчиси ўринбосари Нитин Мадҳав, Афғон делегациясига Ташқи ишлар вазирининг ўринбосари Мирвайс Наб ва Савдо ва саноат вазирининг ўринбосари Абдул Карим Маликиёр бошчилик қилди.

ТИВ раҳбарининг биринчи ўринбосари Фарҳод Арзиев Ўзбекистон ушбу ҳамкорлик шаклини савдо, инвестиция, инфратузилмани ривожлантириш, таълим ва соғлиқни сақлаш соҳаларидаги ўзаро манфаатли лойиҳаларни илгари суриш учун долзарб механизм сифатида кўриб чиқишини таъкидлади, ушбу соҳалар уч томонлама мулоқот иштирокчи давлатлари ва бутун Марказий Осиё минтақаси учун муҳим аҳамият касб этишини қайд этди.

Видеоконференцияда АҚШ ва Марказий Осиё мамлакатлари ўртасида савдо ва инвестициялар бўйича Hadli битимнинг тўлақонли аъзоси мақомини Афғонистонга бериш, Афғонистон иқтисодиёти учун муҳим бўлган "Сурхон – Пули-Хумри" электр узатиш линияси ва "Мозори-Шариф –Кабул" темир йўли маршрути қурилиши каби лойиҳаларни амалга оширишни тезлаштириш зарурлиги таъкидланди.

Термиз шаҳридаги Афғонистон фуқароларини ўқитиш таълим марказининг имкониятларидан фойдаланиш ва унинг негизида турли соҳадаги афғон мутахассислари учун қисқа ва узоқ муддатли курслар ташкил этиш муҳимлигига алоҳида эътибор қаратилди.

АҚШ Давлат котиби ёрдамчисининг ўринбосари Жонатан Ҳеник "Ўзбекистон-АҚШ-Афғонистон" уч томонлама механизмининг Иқтисодиёт бўйича қуйи комиссияси биринчи мажлисини ўтказиш ташаббуси учун Ўзбекистон томонига миннатдорлик билдирди.

Унинг қайд этишича, коронавирус пандемияси шароитида жаҳонда юзага келган вазият Ўзбекистон ва Афғонистон ўртасидаги иқтисодий алоқаларни янада чуқурлаштириш, трансчегаравий савдони рағбатлантириш ва бутун минтақавий боғлиқликни илгари суриш зарурлигини талаб этмоқда.

USAID вакили Нитин Мадҳав Ўзбекистон-Афғонистон иқтисодий ҳамкорлигининг жадал ривожланиб бораётганини юқори баҳолади ва иқтисодий ривожланиш, хусусий секторни мустаҳкамлаш, аёллар тадбиркорлигини рағбатлантириш ва савдо алоқаларини фаоллаштириш соҳасидаги лойиҳаларни амалга оширишда USAID зарур ёрдам кўрсатишга тайёрлигини билдирди.

Афғонистон ташқи ишлар вазирининг ўринбосари Мирвайс Наб "Ўзбекистон-АҚШ-Афғонистон" уч томонлама механизмининг аҳамиятини қайд этар экан, ушбу шакл хавфсизлик, иқтисодиёт, энергетика, транспорт ва қишлоқ хўжалиги каби устувор соҳаларда ҳамкорликни кенгайтириш бўйича аниқ таклифларни ишлаб чиқиш учун ноёб майдон эканлигини таъкидлади. Унинг сўзларига кўра, "пандемияга қарамай, Ўзбекистондан Афғонистонга турли товарлар, озиқ-овқат маҳсулотлари, дори-дармонлар мунтазам равишда ўтаётганлиги афғон халқига нисбатан биродарлик муносабатинг намунаси бўлди".

Кун тартибига мувофиқ трансчегаравий энергетика, савдо ва қишлоқ хўжалиги, соғлиқни сақлаш ва фармацевтика маҳсулотларини етказиб бериш, транспорт ва маршрутлар хавфсизлигини таъминлаш соҳаларида ҳамкорликни кенгайтириш масалалари бўйича панел мунозаралари ташкил этилди.

Тадбир сўнгида АҚШ ва Афғонистон вакиллари Иқтисодиёт бўйича қуйи комиссиянинг биринчи мажлисини юқори ташкилий даражада ўтказилгани учун Ўзбекистон томонига миннатдорлик билдирди ва мунозараларни экспертлар даражасида давом эттиришни таклиф этди.

Мажлис якунига кўра аниқ йўналишлар ва лойиҳалар бўйича тор доирадаги экспертлар учрашувини ўтказиш тўғрисида келишувга эришилди.

269
Король Испании Филипп VI

Испания қироли Ўзбекистонга ташриф буюриш истагини билдирди

338
Ўзбекистон бош вазир ўринбосари, Туризмни ривожлантириш давлат қўмитаси раиси Азиз Абдуҳакимов Испания қироли Филипп VI қабулида бўлди.

ТОШКЕНТ, 24 янв — Sputnik. Испания қироли Филипп VI пандемия билан боғлиқ вазият юмшаганидан сўнг Ўзбекистонга расмий ташриф билан бориш истаги борлигини билдирди. Бу ҳақда Туризмни ривожлантириш давлат қўмитаси матбоут хизмати хабар қилмоқда.

Маълум қилинишича, Испания қироли Филипп VI томонидан “Palacio Real de Madrid” саройида хорижий делегациялар раҳбарлари шарафига расмий қабул ташкил этилган.

Ўзбекистон бош вазир ўринбосари, Туризмни ривожлантириш давлат қўмитаси раиси Азиз Абдуҳакимов Испанияга ташрифи доирасида қирол Филипп VI қабулида бўлган.

Представители дипломатических миссий на торжественном приеме у короля Испании
Представители дипломатических миссий на торжественном приеме у короля Испании

Юзма-юз суҳбатда Азиз Абдуҳакимов Ўзбекистон президенти Шавкат Мирзиёев ҳамда ўзбек халқи номидан Испания қироли ва унинг оила аъзолари, шунингдек,  испан халқига саломини йўллаб, самимий тилакларини етказган. 

Қирол Филипп VI, ўз навбатида, 2017 йилнинг июнь ойида Шанхай ҳамкорлик ташкилоти (ШҲТ) саммити доирасида Остона шаҳрида Шавкат Мирзиёев билан учрашувини илиқ хотиралаган.

“Испания қироли бугунги кунда Испания ва Ўзбекистон ўртасидаги дўстона муносабатлар узоқ тарихга эга экани, олти аср илгари Испания қироли элчиси Руи Гонсалес де Клавихонинг Самарқандга амалги оширган ташрифи ва Амир Темур билан учрашувига бориб тақалишини айтди. Икки мамлакат ўртасидаги дўстлик муносабатларининг давоми сифатида Ўзбекистон томонидан Испания компаниясининг “Тальго” русумли поездлари сотиб олингани, улар асосий туризм шаҳарларини боғлаётгани ҳамда яна янги икки поезд олиб келиш каби режалар қиролда катта қизиқиш уйғотди”, - дейди Азиз Абдуҳакимов.

Шунингдек, Испания қироли пандемия билан боғлиқ вазият юмшаганидан сўнг Ўзбекистонга расмий ташриф билан бориш истаги борлигини билдирди.

338

Россия ТИВ АҚШнинг ноқонуний митинглар ҳақидаги баёнотига кескин жавоб берди

932
РФ ТИВ Вашингтонда 6 январ куни манифестациялар ва Капитолий штурми рўй берганида Москвадаги АҚШ элчихонаси ҳеч қандай баёнот эълон қилмаганига эътибор қаратар экан, элчихона ўшанда "ўз фуқароларини тинч норозиликларга" мотивация қилмаганини қайд этиб ўтган.

ТОШКЕНТ, 23 янв - Sputnik. Россия Ташқи ишлар вазирлиги АҚШнинг Россиядаги ноқонуний акциялар ҳақидаги баёнотига кескин жавоб қайтарди.

Россия ТИВ АҚШ элчихонасининг РФдаги келишилмаган акциялар бўйича баёнотига изоҳ берар экан, америкалик ҳамкасбларни бошқа давлатларнинг ички ишларига аралашмай, шахсий муаммолари билан шуғулланишга чақирди.

Сал аввал америка дипмиссияси Россиядаги ноқонуний акциялар ҳақидаги хабарлар фонида, "Россиянинг 38 шаҳридаги норозилик акциялари ҳақидаги хабарларни кузатиб бораётгани" ҳақида баёнот қилган эди. АҚШ элчихонаси шунингдек, "одамларнинг тинч норозиликлар, фикрни эркин билдириш ҳуқуқларини қўллаб-қувватлашини", Россия ҳукумати кўрган чоралар эса "ушбу ҳуқуқларни бостиришга қаратилганини" қўшимча қилган.

Сал аввал Вашингтонда оммавий тартибсизликлар рўй берган, у ерда полиция АҚШ президентлигига сайловлар натижаларидан норози бўлганларни ҳибсга олган эди.

Аммо бу воқеаларга АҚШ элчихонаси томонидан ҳеч қандай изоҳ бўлмаган.

"Ўз муаммоларингиз билан андармон бўлинг ва бошқа давлатларнинг ички ишларига аралашишни бас қилинг", - дейилади Россия ташқи сиёсий маҳкамасининг Facebookдаги хабарида.

РФ ТИВ 6 январ куни Вашингтонда манифестациялар ва Капитолий штурми рўй берганида Москвадаги АҚШ элчихонаси ҳеч қандай баёнот эълон қилмаганини, "ўз фуқароларини тинч норозиликларга" мотивация қилмаганини, тартибсизликлар вақтида юз берган қотилликлар ва юздан ортиқ инсонларнинг ҳибсга олинганини қораламаганини қайд этиб ўтган. Аксинча, Россия ТИВ хабарига кўра, сал ўтиб, АҚШнинг Россиядаги элчиси юз берган воқеаларни "жиноий босқинчилик", деб атаган.

"Полиция намойишчиларга ўқ узишни бошлаб, ҳукуматингиз туфайли тинч норозиликлар нотинч норозиликларга айланиб кетганини бутун сайёра кўриб турди. Сўнгра эса, АҚШ ҳукумати американинг тинч норозичилари ҳаракатларини "демократияга тажовуз", дея атади. Иккиюзламачилик - америка дипломатиясининг инструменти, у айниқса ковид-эпидемия вақтида ўта хавфли тус олди", - дейилади РФ ТИВ баёнотида.

Россия ИИВ ва Бош прокуратураси Москва ва бошқа шаҳарларда 23 январ куни режалаштирилган санкцияланмаган акйияларнинг ташкилотчилари билан бир қаторда оддий иштирокчиларини ҳам жавобгарлик ҳақида бир неча маротаба огоҳлантирган эди. Ноқонуний акциялар провокация, жамоат тартибига таҳдид сифатида баҳоланади ва "шу пайтнинг ўзида бостирилади".

Параллел равишда Бош прокуратура интернетда тарқатилаётган шу хилдаги тадбирларга келиш ҳақидаги чақириқларни блоклашни талаб қилди, бундай даъватлар қонунда таъқиқланган. Президент матбуот-котиби Дмитрий Песковнинг сўзларига кўра, бундай акцияларга "маълум фитначилар" даъват қилмоқда, ва уларнинг ҳаракатлари мақсади Кремльга "яхши аён".

Мактаб ўқувчиларига алоҳида эътибор қаратилмоқда – ота-оналардан болаларни бу сингари акциялардан четлатиш сўралмоқда. Талабаларга ҳам худди шундай мурожаатлар билан мурожаат қилинган, бу сингари тадбирларда талабаларнинг иштирокига "таълим муассасаси раҳбарияти томонидан турлича баҳо берилиши мумкин".

РИА Новости билан суҳбатда Москвадаги болалар ҳуқуқлари бўйича вакил Ольга Ярославская ҳам "болаларнинг сиёсий ўйинларга жалб этилиши"га кескин қарши чиққан. Аёл сўзларига кўра, болалар сал улғайгач, у ёки бу ҳаракатлар замирида нима ётганини тушуниб оладилар.

Россия шаҳарлари ҳукуматлари сал олдин оммавий тадбирларга рухсат берилмасликни коронавирус туфайли юзага келган мураккаб эпидемиологик вазият билан тушунтирган эдилар.

932

Товарларнинг нархларини чет-эл валюталарига боғлаш мумкин бўлди

313
“Валютани тартибга солиш тўғрисида”ги қонунга киритилган қўшимчаларга кўра, эндиликда товарларнинг нархлари чет-эл валюталари ва шартли бирликларига боғланиши мумкин.

ТОШКЕНТ, 24 янв — Sputnik. 22 январь куни қабул қилинган қонун билан “Валютани тартибга солиш тўғрисида"ги қонунга қўшимчалар киритилди.

Унга мувофиқ, Ўзбекистонда реализация қилинадиган товарлар (ишлар, хизматлар) нархлари чет эл валюталарига ва шартли бирликларга боғланиши мумкин. Бу тартиб фақат президент қарорлари асосида давлат-хусусий шериклик тўғрисидаги битимлар ва Ҳукумат орқали жалб этилган чет эл инвестициялари лойиҳаларига тааллуқли. Бунга қадар мазкур тартиб мавжуд эмас эди.

Концессиялар билан боғлиқ муносабатлар “Давлат-хусусий шериклик тўғрисида”ги қонунда ўз аксини топмоқда.

Концессия лойиҳаларини рўёбга чиқариш ДХШ лойиҳалари учун белгиланган тартибда амалга оширилади.

Эндиликда фақатгина қиймати 1 млн доллардан ортиқ лойиҳаларининг тендер ҳужжатлари ва ДХШ тўғрисидаги битимларнинг лойиҳалари келишилади.

Киритилган қўшимчалар билан маҳаллий ижро этувчи ҳокимият органларининг давлат-хусусий шериклик соҳасидаги ваколатлари белгиланди.

Давлат-хусусий шериклик лойиҳаларига оид маълумотларнинг эълон қилинадиган қисми аниқлаштирилди.

Хусусан, бунда расмий веб-сайтларга лойиҳа тарафлари, фаолият йўналиши, жойлашган ери, лойиҳа муддати ва умумий қиймати, товарлар, давлат томонидан қўллаб-қувватлаш ҳажми ва турларига оид маълумотлар жойланади.

313