Танзила Нарбаева

Ўзбекистонда карантин чекловлари босқичма-босқич бекор қилинади - Нарбаева

960
(Янгиланган 11:10 07.08.2020)
Бугун Сенатнинг олтинчи ялпи мажлиси бўлиб ўтмоқда. Унда парламент юқори палатаси Раиси Танзила Нарбаева ўз нутқида карантин чоралари босқичма-босқич бекор қилинишини айтди

ТОШКЕНТ, 7 авг - Sputnik. Олий Мажлис Сенатининг олтинчи ялпи мажлисида Сенат раиси Танзила Норбоева коронавирус пандемияси туфайли Ўзбекистонда киритилган чекловлар босқичма-босқич бекор қилинишини маълум қилди.

"Ҳозирги қийинчиликлар албатта ўтади. Пандемия ҳам барҳам топади. Бироқ келгусида бу каби қийинчиликлар бўлмайди деб ҳеч ким кафолат бера олмайди. Шундай экан, барча соҳалардаги тартиб-таомилларни мана шундай шароитларга мослаштиришимиз зарур деб ҳисоблаймиз. Эндиликда карантин чоралари босқичма-босқич бекор қилинади. Аҳоли ўртасида соғлом турмуш тарзи тўғрисидаги кенг тарғибот ишларини кучайтиришимиз, касалликка чалинганларни ишлаб чиқилган протоколлар асосида даволаш билан бирга нормал ҳаётга қайтаришимиз, яъни иқтисодиётимизни ривожлантиришимиз зарур", - деди Нарбаева.

Нарбаеванинг таъкидлашича, бунда айниқса қонунларни такомиллаштириш биринчи галдаги вазифа ҳисобланади. Шу боис, Нарбаеванинг айтишича, коронавирус пандемияси даврида вужудга келган муаммолардан келиб чиқиб амалдаги қонун ҳужжатларини такомиллаштириш бўйича таклифлар ишлаб чиқиш учун Сенат ҳузурида ишчи гуруҳ тузилган.

"Сенаторлар, вазирлик ва идоралар вакиллари эксперт-олимлардан иборат мазкур ишчи гуруҳ томонидан таҳлиллар олиб борилиб, тегишли таклифлар ишлаб чиқилмоқда. Мазкур йўналишда барча давлат ва нодавлат тузилмалар, илмий ва ишбилармон доира вакиллари, фуқаролар, ҳуллас жамиятнинг барча  фаол аъзолари ўзларининг таклиф-мулоҳазаларини бизга беришса жуда ҳам яхши бўларди", - деб қайд этди Сенат раиси.

 

960
Президент Узбекистана Шавкат Мирзиёев провел встречу с Премьер-министром Индии Нарендрой Моди

Шавкат Мирзиёев Нарендра Модини 70 ёши билан табриклади

38
(Янгиланган 18:15 17.09.2020)
Президент ўз табригида Ҳиндистон бош вазирига сиҳат-саломатлик, бахт-саодат ва янги муваффақиятлар тилади.

ТОШКЕНТ, 17 сен - Sputnik. Ўзбекистон gрезиденти Шавкат Мирзиёев Ҳиндистон бош вазири Нарендра Модига 70 ёшга тўлиши муносабати билан самимий қутловларини йўллади, деб хабар қилмоқда президент матбуот хизмати.

"Президент ўз мактубида Ҳиндистон Бош вазирига сиҳат-саломатлик, бахт-саодат ва масъулиятли давлат лавозимидаги фаолиятида янги муваффақиятлар, дўст Ҳиндистон халқига эса тинчлик-омонлик ва бардавом тараққиёт тилади", - дейилган хабарда. 

Эслатиб ўтамиз, Шавкат Мирзиёев Ўзбекистон президенти лавозимига сайланганидан сўнг дастлабки сафарларидан бири Ҳиндистонга бўлган эди. 2018 йилнинг октябр ойида бўлиб ўтган ташриф давомида Ўзбекистон президенти тантанали қабул қилинган, давлатлар орасида муҳим шартномалар имзоланган эди. Шунингдек, ташриф давомида Ўзбекистон президенти Агра шаҳридаги Бобурийлар авлоди мероси бўлган Тож-Маҳал мажмуасида ҳам бўлган эди. 

Айни дамда Ўзбекистон ва Ҳиндистон орасида маданий ва иқтисодий лойиҳалар изчил ривожланмоқда. Масалан бугун Тошкентнинг Сергели туманида Ҳиндистоннинг 500 миллион долларлик сармояси ёрдамида 10 минг кишилик Minerva университети қурилишига тамал тоши қўйилди.

38

Лукашенко Путиндан қурол сўради

604
(Янгиланган 19:26 16.09.2020)
Лукашенко Шойгуни Минск ҳолатни "нафақат Беларусда, балки чегаралари периметри бўйлаб ҳам назоратда ушлаб туришга қодирлигини" айтиб, ишонтирган.

ТОШКЕНТ, 16 сен - Sputnik. Беларусь президенти Александр Лукашенко Путин билан учрашуви вақтида ундан қурол сўраганини маълум қилди, деб хабар бермоқда Sputnik Беларусь.

"Мен Россия президентидан айрим турдаги қурол-аслаҳаларни сўрадим. Унга, ташриф буюрганингизда Иттифоқдош давлат маъносида қаерни ва қандай мустаҳкамлаш кераклигини кўриб чиқамиз, деб айтдим. Қўрқадиган жойимиз йўқ, биз бунга тайёрмиз. Охирги содир бўлаётган воқеалар беларус ва россияликлар манфаатларини журъатлироқ ҳимоя қилишимиз лозимлигини кўрсатмоқда. Шундай бўлдики, биз бу борада ёлғиз қолдик, аммо энг кучсиз эмасмиз", - деди давлат раҳбари РФ Мудофаа вазири Сергей Шойгу билан учрашувда.

Лукашенко Шойгуни Минск ҳолатни "нафақат Беларусда, балки чегаралари периметри бўйлаб ҳам назоратда ушлаб туришга қодирлигини" айтиб, ишонтирган.

"Сиз бизнинг умумий Ватанимиз - Брестдан то Владивостокка қадар мудофааси жиҳатдан ишончлилигига шубҳа қилмасангиз бўлади. Сўнгги содир бўлаётган воқеалар, бизни бирга бўлишга ва бизнинг ўртамизга совуқчилик туширмоқчи бўлган ва туширишни хоҳлаётганларнинг режаси амалга ошишига йўл қўймаслик кераклигини кўрсатмоқда", - деб қўшимча қилди Беларус президенти.

604
Утки

Минглаб ўрдаклар далаларни ҳашоротлардан тозаламоқда - видео

28
(Янгиланган 11:11 18.09.2020)
Таиландда минглаб ўрдаклар ҳашоротларга қарши курашиш учун шоли майдонларига олиб чиқилди. Натижада - майдонлар ҳам тоза ўрдаклар ҳам тўқ.

ТОШКЕНТ, 18 сен - Sputnik. Таиландда 10 мингга яқин ўрдаклар шоли далаларини ҳашоротлардан тозлашда ёрдам бермоқда. Ушбу ҳақидаги видео интернетда тарқалди, деб хабар қилмоқда РИА Новости. 

Маълум бўлишича, Накхон вилояти фермерлари ўзаро келишувга кўра шоли далаларини ҳашоротлардан тозалаш мақсадида ўрдаклар армиясидан самарали фойдаланишмоқда. Ўрдаклар 5 ой давомида деҳқонларга далаларни қумусқалардан тозалашда ёрдам беради ва шундан сўнг ўз фермаларига қайтади. 

Фермер Апиват Чалермклин айтишига қараганда ушбу амалиёт иккала томонга ҳам фойда келтирмоқда: деҳқонлар ҳашоротларга қарши турли кимёвий моддалардан фойдаланмайди, паррандачилар эса - қушларни овқатида эконом қилади. 

28