Посол России в Узбекистане Владимир Тюрденев

Россия-Ўзбекистон муносабатлари янги босқичга кўтарилди - Тюрденев

263
Россия ва Ўзбекистон орасида ҳар томонлама стратегик шериклик тўғрисидаги Декларациянинг имзоланиши - келгуси йиллар давомида деярли барча соҳаларда уни янада ривожлантириш учун замин яратади.

ТОШКЕНТ, 21 авг - Sputnik. Россия ва Ўзбекистоннинг ҳар томонлама стратегик шериклик тўғрисидаги декларация мамлакатлар ўртасидаги муносабатларни янги босқичга олиб чиқади, деди Россиянинг республикадаги элчиси Владимир Тюрденев “Дунё” ААга берган интервьюсида.

"Россия-Ўзбекистон муносабатларини мутлақо бошқа даражага кўтариш учун изчил, тизимли қадамлар қўйилмоқда. Россия Федерацияси ва Ўзбекистон Республикасининг ҳар томонлама стратегик шериклик тўғрисидаги Декларациянинг имзоланиши бунинг амалга ошираётганимизнинг яққол далилидир", - деди Тюрденев.

Унинг сўзларига кўра, ушбу ҳужжат "мамлакатлар ўртасидаги узоқ муддатли самарали ҳамкорликнинг асосий моҳияти бўлиб, келгуси йиллар давомида деярли барча соҳаларда уни янада ривожлантириш учун замин яратади".

"Ўзбекистон президентининг Россияга бўлажак давлат ташрифи мавзусига тўхталар эканман, айтиб ўтишим керак, мамлакатларимиз раҳбарлари Владимир Владимирович Путин ва Шавкат Миромонович Мирзиёев ўртасида илиқ ва самимий муносабатлар ўрнатилди", - деди дипломат.

Тюрденев, шунингдек, бир неча кун олдин россиялик шифокорлар ва мутахассислардан иборат делегация Тошкентга ўзларининг ҳамкасбларига коронавирус тарқалишига қарши курашишда ва ўта оғир беморларни даволашда ёрдам бериш учун келганлигини эслатди.

"Буни мамлакатларимиз ўртасидаги кенг қамровли стратегик шерикликнинг энг яққол намунаси десак бўлади", - деди дипломат.

Эслатиб ўтамиз, Россия Федерацияси саноат ва савдо вазири Денис Мантуров ва Ўзбекистон Республикаси Бош вазирининг ўринбосари - Инвестициялар ва ташқи савдо вазири Сардор Умурзоқов Ҳамкорлик тўғрисидаги меморандумни имзоладилар.

Меморандум келажакда ахборот соҳасидаги ҳамкорликни мустаҳкамлаш ва миллий қонунчиликлар бўйича ва келгуси истиқболли лойиҳалар бўйича маълумотлар алмашинуви имконини беради.

263

"Ёрдам керак". Тихановская АҚШдан Минск бўйича янги санкциялар қабул қилишни сўради

292
(Янгиланган 18:36 05.12.2020)
Беларус президентлигига собиқ номзод Светлана Тихановская АҚШнинг амалдаги маъмуриятига кўмак учун миннатдорлик билдириш мақсадида Вашингтонга бормоқчи

ТОШКЕНТ, 5 дек - Sputnik. Беларус президентлигига собиқ номзод Светлана Тихановская АҚШ ҳукуматига америка етакчисининг Беларусга нисбатан санкциялар киритиш ваколатларини кенгайтирувчи қонун лойиҳасини имкон қадар тезроқ қўллаб-қувватлашни сўраб мурожаат қилди, деб хабар бермоқда Sputnik радиоси.

"Биз гарчи шундай мураккаб ўтиш даврида АҚШдан бўладиган катта ёрдамга муҳтожмиз. Мен АҚШ конгрессини "Беларусда демократия, инсон ҳуқуқлари ва суверенитет" тўғрисидаги қонун лойиҳасини тезкор тартибда қабул қилишни чақираман, – деб таъкидлаган Тихановская Washington Post нашрида жойлаштирилган материалида.

Бундан ташқари у ЕИ ва АҚШга "фаол маънавий ва техник кўмак" ҳамда "яқинда беларус амалдорларига нисбатан санкцияларни кенгайтирган АҚШ жорий маъмуриятининг сайи-ҳаракатлари" учун миннатдорлик билдирган.

Бундан ташқари, Тихановская Вашингтонга боришни режалаштираётганини маълум қилган.

"Мен инаугурация ҳафталигида (АҚШ) жорий маъмуриятига унинг Беларус халқига кўрсатаётган ёрдами учун шахсан миннатдорлик билдириш учун Вашингтонга бориш ниятидаман. Шу билан бир вақтнинг ўзида Беларуснинг демократияга ўтишига кўмак бериши учун янги маъмурият билан мустаҳкам алоқаларни ўрнатишдан умидворман", - деб қўшимча қилган муҳолифатчи.

Агар қонун лойиҳаси тасдиқланса, АҚШ президенти Белорусия Марказий сайлов комиссияси аъзоси бўлган ҳар қандай чет эл фуқароси, мустақил оммавий ахборот воситаларига қарши ҳаракатлар учун масъул бўлган давлат амалдори, республикадаги вазият билан боғлиқ бўлган оммавий ахборот воситаларига ёки инсон ҳуқуқлари бузилишига қарши ҳаракатларда фаол иштирок этган Иттифоқ давлатининг расмий вакили ёки Россия фуқароси визасини блоклаб қўйиши мумкин. 

Беларусда оммавий норозилик акциялари 9 августдан кейин, бўлиб ўтган президент сайловларида амалдаги етакчи Александр Лукашенко ғолиб чиққанидан сўнг бошланган эди. МСК маълумотларига кўра Лукашенко 80,1 % овоз олган. Биринчи кунларда акциялар куч тузилмалари томонидан бостирилди, норозичиларга нисбатан кўз ёш келтирувчи газ, шовқин гранаталари, водометлар, резинали ўқлар қўлланилди. Расмий маълумотларга кўра, биринчи кунларда 6,7 минг киши қўлга олинган. Республика ИИВ маълумотларига кўра, тартибсизликлар давомида юзлаб инсонлар жабрланган, шу жумладан, 130 нафар ҳуқуқ-тартибот ходимлари ҳам. Сайловлар якунлангач бир ой давмида акциялар ҳам иш ҳам дам олиш кунлари ўтказилди. Лукашенконинг тарафдорлари ҳам уни қўллаб-қувватлаб тадбирлар ўтказиб келмоқдалар.

Расмийларнинг таъкидлашича, бу норозилик намойишлари радикаллаштирмоқда ва шаҳар кўчаларидан ҳовлилар томон кўчирилмоқда.

292

БМТ 2021 йилда энг оғир гуманитар инқирозни башорат қилди

178
(Янгиланган 11:20 05.12.2020)
БМТ вакилининг таъкидлашича, қуролли тўқнашувлар туфайли сўнгги тўрт йил ичида ҳалокатли очлик ёқасида турганлар сони 80 миллиондан 135 миллионга кўпайган. Аммо пандемия туфайли уларнинг сони 270 миллионга етган

ТОШКЕНТ, 5 дек — Sputnik. 2021 йилда дунё 75 йил ичидаги энг оғир гуманитар инқирозга дуч келиш хавфи остида, деб баёнот қилди БМТнинг Бутунжаҳон озиқ-овқат дастури директори Девид Бизли, Бирлашган Миллатлар Ташкилоти Бош ассамблеясининг COVID-19га қарши курашга бағишланган махсус йиғилишида. РИА Новости хабари асосида.

Унинг сўзларига кўра, келгуси йил "ушбу босқичда гувоҳи бўлган ҳолатларга таяниб, айтиш мумкинки, ҳақиқий маънода ҳалокатли бўлади".

Бизлининг таъкидлашича, қуролли тўқнашувлар туфайли сўнгги тўрт йил ичида ҳалокатли очлик ёқасида турганлар сони 80 миллиондан 135 миллионга кўпайган. Аммо пандемия туфайли уларнинг сони 270 миллионга етди, деб қўшимча қилди у.

"Биз 19 триллион доллар сарфлаганимиздан бери, бу пул, эҳтимол 2021 йилда бўлмаслиги мумкин ва бўлмайди. Иқтисодий таназзул юз бермоқда ва эҳтиёжлар икки бараварга ошди", - дея тушунтирди Бизли.

Аммо, агар биз керакли маблағларни тўплай олсак, дунё ҳамжамияти гуманитар инқирозни енгади, деб таъкидлади Бизли.

178
Мавзу:
COVID-19 умумжаҳон пандемияси
Каннабис в Узбекистане: будет ли легализован медицинский препарат

Ўзбекистонда техник каннабис етиштириш учун тўланадиган бож миқдори тасдиқланди

180
(Янгиланган 20:17 05.12.2020)
Эслатиб ўтамиз, илгарироқ Қишлоқ хўжалиги вазирлиги техник каннабис иқтисодий ва экологик жиҳатдан Ўзбекистон иқлимига мос ўсимлик ҳисобланиб, унинг ўзига хос жиҳатлари мавжудлиги борасида маълумот берган эди.

ТОШКЕНТ, 5 дек - Sputnik. Техник каннабис етиштириш билан шуғулланиш учун тўланадиган бож миқдори тасдиқланди, деб хабар бермоқда Қишлоқ хўжалиги вазирлиги ахборот хизмати.

Ўсимликни етиштириш учун 3000 та базавий ҳисоблаш миқдори (БҲМ), импорт (экспорт), қайта ишлаш, сақлаш, сотиш (чиқариш), сотиб олиш ва ташиш учун - буларнинг ҳар бири учун 200 БҲМ (тахминан 44,6 миллион сўм)дан тўғри келади.

Ушбу турдаги фаолият билан шуғулланиш учун лицензиялар олиш мақсадидаги божлар миқдори 2020 йил 3 декабрдаги ЎРҚ-653-сонли "Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида"ги Қонунининг 17-моддасида кўрсатилган.

Лицензиялар Ўзбекистон Республикаси Қишлоқ хўжалиги вазирлиги томонидан берилади.

Эслатиб ўтамиз, илгарироқ Қишлоқ хўжалиги вазирлиги техник каннабис иқтисодий ва экологик жиҳатдан Ўзбекистон иқлимига мос ўсимлик ҳисобланиб, унинг ўзига хос жиҳатлари мавжудлиги борасида маълумот берган эди.

Жумладан, вазирлик изоҳига кўра:

- каннабис энг тез ўсувчи экинлардан бири бўлиб, пахта билан солиштирганда, 1 гектардан 4 баробар кўп целлюлоз олинади;

- ўсимликка қишлоқ хўжалиги кимёвий препаратларини нисбатан камроқ ишлатилади ҳамда сувни анча кам талаб қилади;

- атроф-муҳитни ифлосланишлардан тозалаш имконини беради;

- айланмадан чиқиб қолган ерларни тиклаш учун тупроқдан кадимий ва бошқа заҳарли моддаларни чиқариб олишда ниҳоятда фойдали;

- 110 кун ичида ўсимлик 2-3 метрга етади ва бу бир мавсумда бир нечта ҳосил олиш имконини беради;

- жаҳонда 40 дан ортиқ давлатларда техник каннабисдан саноат мақсадларида фойдаланиб келинмоқда.

180