Лукашенко баёноти: ОДКБ, жангарилар ва рангли инқилоблар ҳақида

1049
(Янгиланган 18:39 22.08.2020)
Лукашенко ўз чиқиши давомида чегарачиларга Беларус ҳудудига жангарилар, фитначилар ва қурол кириб келишининг олдини олиш топшириғини буюрган.

ТОШКЕНТ, 22 авг - Sputnik. Беларус президенти Александр Лукашенко Гродно шаҳридаги митинг вақтида мамлакатдаги сиёсий вазият, иш ташлашлар, митинглар ҳақида ўз фикрларини билдирди, деб хабар қилмоқда РИА Новости.

Хусусан, Беларус етакчиси душанбадан кундан бошлаб забастовка уюштираётган корхоналарни ёпишни буюрган. "У ёққа кимни таклиф қилишни кейин ҳал этамиз", - деган президент.

Лукашенко ўз чиқиши давомида чегарачиларга Беларус ҳудудига жангарилар, фитначилар ва қурол кириб келишининг олдини олиш топшириғини буюрган.

Шунингдек, Беларус етакчиси ўз чиқиши давомида агар у президент вазифасини бажаришдан тўхтаганида, республикани "синдириб, парчалаб, туфлаб ташлаган" бўлишларини айтган.

"Бугун масала Лукашенкода эмас. Мен (президентлик - таҳр.) бу нонни еб тўйганман. Лекин бир дақиқага Лукашенкони йўқ, деб тасаввур қилинг. Ҳозир йўқ, деб. Тасаввур қиляпсизми, ғарбий чегарада бугун ким қўмондонлик қилган бўлишини? Тасаввур қилинг, мудофаа вазири ким олдида гердайиб туриб, ҳисоб беришини. Биз сиз билан бу майдонда хўжайин бўлмас эдик, бизни синдиришарди, майдалашарди ва тупуриб ташлашарди", - деди Лукашенко.

Беларус етакчиси президент сайловидан кейин мамлакатда юз берган тартибсизликлар ташкилотчилари беларуслар эмас, чет элликлар бўлганини маълум қилди.

"Чегарадан ҳар-хил одам ўтади... Келишди, байроқларни силкитишди, қий-чув кўтаришди, сизларни тартибсизликларга даъват қилишди. Тартибсизликларни юзага келтирганлар - гродноликлар, беларуслар эмас. Улар у ёқда - Варшавага, Вильнюсга яқин жойда ўтиришибди", - деб баёнот қилди беларус президенти.

У шунингдек, президент лавозимига муқобил даъвогарлар "қаёққа қараб қочганига" эътибор қаратди. "Ахир уларни ҳеч ким сиқувга олгани йўқ, Беларусдан қувган эмас, уларнинг ўзлари, айримлари, мен уларни қутқаришимни илтимос қилган эди. Айримлари РФ ва Украинани айланиб келиб, у ёқда (Ғарбда - таҳр.) қўним топдилар. Ахир биз кўр эмасмиз, кўряпмизку, нималар бўлаётганини?", - деб давом этди Лукашенко.

Беларус президенти Александр Лукашенко ОДКБга аъзо-давлатлар "республикани таҳқирлашга йўл қўймаслик" позициясини эгаллаганликларини, аммо Минск масалани ўзи ҳал этишини, бироқ кўмак учун миннатдорлигини айтиб ўтди.

"Мен сизларни огоҳлантириш баробарида, эслатиб ўтмоқчиман: бу фақат бизнинг чегарамиз эмас, Бу Иттифоқдош давлат чегараси, ОДКБ чегараси. Жавоб ҳам шунга яраша бўлади", - деди Лукашенко.

Шунингдек, Беларус президенти Александр Лукашенко мамлакатдаги вазият "рангли инқилоблар режаси бўйича" ривожланаётганига ишора қилган.

"Тахмин қилганимиздек, барчаси рангли инқилоблар режаси бўйича амалга ошмоқда: мамлакат ички сиёсий ҳолатини қўзғатишга ҳаракатлар бўляпти. Бу ерда ташқи омиллар ҳам ишга жалб қилинган", - деди президент.

Беларус президенти мамлакат ҳарбий қўмондонлигига, республиканинг ҳудудий яхлитлигини сақлаб қолиш мақсадида "энг қатъий чораларни кўришни" буюрган.

Лукашенко, энг аввало маркази Гродно шаҳри бўлган мамлакатнинг ғарбий гавҳарини ҳимоялаш зарурлигини алоҳида таъкидлаб ўтган.

Сал олдинроқ ОАВлар Беларус 28-31 август кунлари гродно йўналишида комплекс тактик ўқувларни ўтказишни режалаштираётгани ҳақида хабар беришган эди.

Беларус бўйлаб норозилик акциялари 9 августдан кейин, мамлакатда бўлиб ўтган президент сайловларида олтинчи маротаба 80,1% овоз билан Лукашенко ғолиб бўлганидан сўнг бошланган эди. Оппозиция фикрича, сайловларда Лукашенко эмас, Светлана Тихановская ғалаба қозонган. Биринчи кунларда акциялар куч тузилмалари томонидан бостирилди, натижаларга қарши бўлган протест иштирокчиларига нисбатан кўз ёш келтирувчи газ, водомет, шовқин гранаталари, резина ўқлар қўлланилди. Сўнгра ҳуқуқ-тартибот органлари митингларни тарқатишни ва куч ишлатишни тўхтатди. Расмий маълумотларга кўра, илк кунларда 6,7 минг киши қўлга олинган. Республика ИИВ маълумотларига кўра, тартибсизликлар давомида юзлаб одамлар жабрланган, улар орасида 120 дан ортиқ ҳуқуқ-тартибот органлари ходимлари ҳам бор. Уч нафар протест қатнашчилари ҳалок бўлганлар.

1049
Президент Шавкат Мирзиёев посетил дом покойного Уктама Барноева  и выразил соболезнования его матери, супруге и детям

Президент Ўктам Барноев оиласига ҳамдардлик билдирди

389
“Ўктамжон олижаноб, забардаст, фидойи, ватанпарвар, ўрнак олишга арзигулик инсон эди”, – деди Шавкат Мирзиёев.

ТОШКЕНТ, 21 сен — Sputnik. Ўзбекистон бош вазирининг аграр ва озиқ-овқат соҳаларини ривожлантириш масалалари бўйича ўринбосари, Олий Мажлис Сенати аъзоси Ўктам Барноев 20 сентябрь куни оғир хасталик туфайли вафот этган эди.

Член Сената Олий Мажлиса Уктам Барноев
Пресс-служба президента Узбекистана
Член Сената Олий Мажлиса Уктам Барноев

Президент Шавкат Мирзиёев 21 сентябрь куни таъзияли хонадонга ташриф буюрди. Қуръон тиловат қилинди.

Президент Шавкат Мирзиёев посетил дом покойного Уктама Барноева  и выразил соболезнования его матери, супруге и детям
Пресс-служба президента Узбекистана
Президент Шавкат Мирзиёев посетил дом покойного Уктама Барноева и выразил соболезнования его матери, супруге и детям

Давлат раҳбари бугун марҳумнинг онаси, рафиқаси ва фарзандларига ҳамдардлик билдириб, сабр-тоқат тилади.

Президент Шавкат Мирзиёев посетил дом покойного Уктама Барноева  и выразил соболезнования его матери, супруге и детям
Пресс-служба президента Узбекистана
Президент Шавкат Мирзиёев посетил дом покойного Уктама Барноева и выразил соболезнования его матери, супруге и детям

“Ўктамжон олижаноб, забардаст, фидойи, ватанпарвар, ўрнак олишга арзигулик инсон эди, – деди Шавкат Мирзиёев. – Бош вазир пайтларимда ҳам бирга ишладик. Гапирмасам ҳам мени тушунарди. Бир инсоннинг тарбияланиб, шундай кадр бўлиб етишиши осон эмас. Айниқса, охирги пайтлар оғир соҳани бериб, кўнглим тинчиб, кўп ишларни бошлаган эдик. Бу офат бутун дунёга келди. Қўлимиздан келган ҳамма нарсани қилдик. Лекин ўлим ҳақ. Аллоҳнинг иродаси экан. Бу ҳаммамизга мусибат. Жойи жаннатда бўлсин!”

Президент марҳумнинг оиласи, фарзандлари доимий эътиборда бўлишини таъкидлади.

389
Генеральная ассамблея ООН приняла резолюцию, разработанную Узбекистаном

Шавкат Мирзиёев БМТ Бош Ассамблеяси сессиясида иштирок этади

272
Ўзбекистон президенти иқлим ўзгариши, озиқ-овқат хавфсизлиги муаммоси, қашшоқликка барҳам бериш ва камбағалликни қисқартириш масалалари каби замонавий хатар ва таҳдидларга қарши қаратилган қатор муҳим ташаббусларни илгари суриши кутилмоқда.

ТОШКЕНТ, 20 сен — Sputnik. Ўзбекистон президенти Шавкат Мирзиёев 23 сентябрь куни Бирлашган Миллатлар Ташкилоти Бош Ассамблеяси етмиш бешинчи юбилей сессиясининг юқори даражадаги умумсиёсий мунозараларида иштирок этади. Бу ҳақда давлат раҳбари матбуот хизмати хабар қилмоқда.

Бош Ассамблеянинг марказий тадбирлари жаҳонда вужудга келган эпидемиологик вазият муносабати билан БМТ тарихида илк бор видеоанжуман шаклида бўлиб ўтади.

“Давлатимиз раҳбари сессиянинг ялпи қисмида сўзга чиқиб, халқаро ҳамжамият эътиборига минтақавий ва глобал аҳамиятга эга долзарб масалалар юзасидан ўз нуқтаи назарини тақдим этади ҳамда Ўзбекистонни сиёсий, ижтимоий ва иқтисодий модернизация қилишнинг устувор йўналишларини белгилаб беради”, - дейилган хабарда.

Муҳокамаларнинг асосий мавзусини ҳисобга олиб, коронавирус пандемиясига қарши биргаликда курашиш ва касаллик тарқалишининг салбий оқибатларини енгиб ўтиш масалаларига тўхталиб ўтилади.

Мирзиёев минтақада ва глобал миқёсда тинчлик ва барқарорликни мустаҳкамлаш, барқарор тараққиёт, инсон ҳуқуқ ва эркинликларини таъминлаш, конструктив мулоқотни кенгайтириш, шунингдек, иқлим ўзгариши, озиқ-овқат хавфсизлиги муаммоси, қашшоқликка барҳам бериш ва камбағалликни қисқартириш масалалари каби замонавий хатар ва таҳдидларга қарши қаратилган қатор муҳим ташаббусларни илгари суриши кутилмоқда.

Ўзбекистон етакчиси 2017 йил сентябрь ойида Нью-Йорк шаҳрида бўлиб ўтган БМТ Бош Ассамблеясининг 72-сессиясидаги нутқида ҳам қатор муҳим таклиф ва фикр-мулоҳазаларини баён этган эди.

272
Газовый супер танкер

2020 йилда газ бозоридаги нархларга нималар таъсир қилмоқда?

72
(Янгиланган 03:07 22.09.2020)
Бу йил суюлтирилган ва қувурли газ бозори учун оғир келди: нефт нархини пастлиги ва талаб ўмаётгани СТГ бозорига инвестицилар киритишни тўхтатиб қўйди.

Газ бозори аста-секин тикланмоқда: Европа ва Осиё-Тинч океани биржаларида суюлтирилган табиий газ нархи минг кубометр учун 130 ва 150 долларни ташкил этмоқда, деб ёзади РИА Новости муаллифи Александр Собко.

Нархлар ўсишига ҳам таклиф томондан ҳам талаб томондан сабаблар бор. Ушбу йилнинг дастлабки 8 ойида ўтган йилнинг ушбу даврига нисбатан СТГ импорти ҳжми 1,3%га бўлса-да кўпроқ бўлди. Ҳиндистон ва Хитойда СТГ импорти ҳажми кескин ўсиши кузатилмоқда.

Оддий ҳисоб қилганда айни дамда СТГга бўлган талаб, қувурли газга талаб пасайишига қарамасдан (бу Россия – Европа ва Марказий Осиё – Хитой газ қувурлари ҳажмидан кўриниб турибди),  ўтган йилнинг ушбу давридаги  даражасида сақланиб қолмоқда. Лекин СТГ бозори ҳам ортиқча қувватга эга, чунки олдинги сармоялар тўлқинида қурилган корхоналар (асосан АҚШ) ишга туширилган.

Шу сабабли талабнинг барқарор сақланиб қолишига ҳам таклиф томонидан содир бўлаётган муваффақиятсизликлар: масалан Австралияда Prelude сузувчи заводи техник сабабларга кўра ҳали ҳам ишга тушгани йўқ. Ундан ташқари суюлтирилган газ ишлаб чиқарувчи Gorgon LNG корхонасининг ҳам битта линияси тўхтатилган.

АҚШ ҳам ҳам муаммолар кам эмас. Яқинда содир бўлган нархлар қулаши туфайли, даромадлар  ҳатто операцион харажатларни қоплашга ҳам етмади. Езда газ етказиб бериш ҳажми заводлар қуватининг тенг ярмигача бўлган миқдорга қадар қулади. Ҳозир экспорт аста-секин тикланиб олиши керак, лекин нархлар ўсиши билан бир қаторда бўронлар мавсуми тезда олдинги ҳажмларга қайтишга халал бермоқда. Яқин вақт ичида Америка экспорти ўсиши яна нархларга босим ўтказа бошлайди.

Яъни котировкалар қайта тикланиши ҳозирча унчалик мустаҳкамдек туюлмаяпти. Устига устак газ сақловчи омборлар ҳам тўлиб кетган. Лекин айрим прогнозлар СТГнинг Осиё бозориди нархи 200 $ гача кўтарилишини башорат қилмоқда. Ушбу нархлар барча ишлаб чиқарувчилар кўнглини хотиржам қилади. Лекин ушбу даражадаги нархлар йил давомида бўлиши керак, фақат  қишги эмас.

Лекин 2020 йил анча мураккаб, бошқа йилларга ўхшамаган, келди, барча келажак, истиқбол билан қизиқмоқда. Ушбу борада энг қизиғи: бу йил ҳозирга қадар сўнгги 20 йил ичида биринчи маротаба суюлтирилган газ ишлаб чиқарувчи заводга бирорта ҳам йирик сармоя киритилмади. Йил охирига қдар кутилаётган прогнозлар 0дан 2та заводгача. Эслатиб ўтамиз, ўтган йилда ушбу соҳада рекорд даражасидаги инвестицион қарорлар қабул қилинган эди. Бу 2016-2018 йилларда содир бўлган “жимжитликдан” кейин амалга ошган эди. “Жимжитлик” эса ўз навбатида 2011-2015 йиллардаги фаол инвестициялардан кейин амалга оширилган эди.

Нега бундай бўлмоқда? Оддий жавоб аниқ: барча нефть-газ компаниялари даромадлари жиддий камайган шу сабабли ҳам ўз саромояларини камайтирмоқда. Лекин инвестициялар бор-йўғи 3/1 қисмга камайди, шундан бирор нима ҳама СТГ соҳасига киритилиши керак эди.

Жавобнинг бир қисми шундан иборатки – СТГ сўнгги йилларда парадокс тартибида ривожланмоқда. Бир томондан бир ортиқча газни кўрмоқдамиз, иккинчи томондан эса – келажакда содир бўладиган кучли рақобатни. (Катар, АҚШ, Россия, Шарқий Африка), буларнинг барчаси юқори нархлар шаклланишига ва инвестицияларга йўл очилишига  йўқ қўймайди. Шу билан бир вақтда газ бозори жуда истиқболли ҳисобланади,чунки инсоният энг экологик тоза ва “яшил” равишда ривожлангнанида ҳам, газга талаб доимо ортиб боради. Ушбу бозор ривожланишининг драйвери - унда ушбу соҳасда ишлайдиган транс-миллий нефт-газ компанияларининг “кетаётган” нефтдан “келаётган” СТГ соҳасига ўтиши бўлди.

Натижада – нефт қиммат бўлсаган вақтда нефт-газ компаниялари умумий ҳамёндан олиб суюлтирилган газ корхоналарига пул тикишди.

Ҳозир бўлса, нефт нархи тушганидан сўнг, ТМК бунинг учун маблағ йўқ. Ундан ташқари уларнинг айримлари бирдан “яшиллар” сафига ўтиб қолганини хабар қилишмоқда. Ўз соҳасига содиқ қолган компанияларда ҳам вазят осон эмас. Маслан ҳозир ExxonMobil компаниясининг молиявий аҳволи яхши эмас.

Ушуб компания иккита йирик СТГ лойиҳаларига пул тикиш режаси бор эди. Булар: АҚШдаги Golden Pass LNG (Qatar Petroleum билан ҳамкорликда) ҳамда Мозамбикда Rovuma LNG. Айни дамда уларнинг иккаласи ҳам орқага сурилган. Америкадаги завод бўйича қарор қабул қилиш камида 1 йилга, Мозамбир заводи 2023 йилга қадар ортга сурилган. Папуа-Янги Гвинеядаги заводини кенгайтириш режаси ҳам орқага суриладиган бўлди.

Американинг қолган корхоналари ҳам қарор қабул қилишга шошилмаяпти, ахир бугунги кунда СТГни узоқ муддатли шартномалар билан кафолатлаш жуда мушкул иш. Шарқий Африкада ҳам ишлар яхши кетмаяпти. Мозамбик, Танзания шельфида жойлашган корхона қурилишига ҳудудда ҳаракат қилаётган жангарилар гуруҳлари доимий равишда халал бериб келмоқда. Танзанияда завод қуриш ҳақидаги режалар умуман унутилган.

Бундан хулоса шуки, биз ўрта муддатли келажакда таклиф дефицитини кўришимиз мумкин. Айнан шундай бўлиши эҳтимоли муайян бўлиб турган вақтда, Қатар бир неча йирик оррхоналар қуришга қарор қилди. Расмий инвестқарор ҳали қабул қилинмаган бўлса-да, дастлабки ишлар олиб борилмоқда. СТГнинг паст таннархи Қатарга тайёр маҳсулот нархи қандай бўлишидан қатъий назар завод қуриш имконини беради.

Вазиятга номаълумлик киритаётган факторлардан яна бири бу – нарх ҳосил бўлиш механизмидир. Ривожланган спот бозори мавжуд бўлишига қарамасдан, охирги вақтларга қадр  нефт нархига боғлиқ бўлиши СТГ ишлаб чиқрувчилрига ўзиини ўзи қоплаш кафолатини бераётган эди.

Қиммат нефт ва СТГсоҳасидаги рақобат туфайли сўнгги йилларда ушбу боғлиқлик коэфиценти доимо пасайиб келди. Ҳозир нефт жуда арзон, лекин харидорлар олдинги юқори коэфицентларга қайтиши амри маҳол. Нефт 45 доллар бўлганда, энг сўнгги боғлиқлик коэфицентига (0,11) мувофиқ, СТГ – миллион БТЕ учун бор йўғи 5 доллар ёки 1 минг метр 3 учун – 180 $ бўлиб қолмоқда. Шу билан бирга харидорларни спот нархлар кщпроы қизиқтирмоқда. Устига-устак, Қатарнинг узоқ муддатли СТГ шартномалари тугаши билан ушбу давлатдан янада кўпроқ ҳажмда СТГ биржа бозорига чиқади.

Эслатиб ўтамиз, Осиёнинг ривожланаётган бозорлари,  катта миқдорда табиий газ истеъмол қилиши мумкин, минг кубига 200 долларгача ёки ундан камроқ нархларда бўлган паст нархларда,. Сўнгги 15 йилда ушбу бозор ҳажми 2 баравар ошиши ҳам ана шунга боғлиқ.  

Ушбу омиллар СТГ бозорида ўзига хос ривожланиш парадокслари келтириб чиқармоқда. Табий газ ва СТГ жуда истиқболли ёнилғи бўлиб қолмоқда, лекин рақобат кучли бўлган бозорда. Бундай шароитда талаб фақат паст нарх бўлганда ўсади.

72