Синдзо Абэ

Япония бош вазири Синдзо Абэ истеъфога чиқмоқчи

176
(Янгиланган 11:03 28.08.2020)
Бир неча кун олдин Синдзо Абэе 2012 йилдан 2020 йилга қадар Япония бош вазири лавозимида энг узоқ муддат давомида бўлган киши сифатида рекорд ўрнатган эди. 

ТОШКЕНТ, 28 авг – Sputnik. Бош вазир Синдзо Абэ соғлиги туфайли истеъфога чиқмоқчи деб хабар қилмоқда Япониянинг NHK телеканали.

Бир неча кун олдин Абэ Токиодаги шифохонага ташҳис учун мурожаат қилган ва 24 август куни у ташҳис натижаларини билиш учун шифохонага яна бир маротаба борган.

Синдзо Абеда сурункали язвали колит касали бор. Бу йўғон ичак шиллиқ қатламининг яллиғланиши бўлиб, 2006 йилда истеъфога чиқишига сабаб бўлган эди.

2012 йилда Абенинг соғлиги яхшиланиб у яна бош вазир лавозимига сайланган эди. 24 август куни унинг ушбу лавозимда ишлаш муддати 2799 кунни ташкил қилиб Япония премьер-министри лавозимида энг узоқ ишлаган киши сифатида рекорд ўрнатган эди. 

Телеканал хабариги кўра, душанба куни Абэ ўзининг сўрункали касали яна оғирлашганидан хабар топган ва истеъфога чиқишга қарор қилган. Бош вазир айтишига қараганда "унинг соғлиқ муаммолари сиёсий қарорлар қабул қилишга таъсир қилмаслиги учун". Ушбу касаллик давомида бемор тез-тез кучли оғриқлар ҳис қилиши мумкин. 

176
Глава МИД РФ Сергей Лавров

Лавров ОДКБ номидан БМТ Бош Ассамблеясида чиқиш қилди

26
РФ ТИВ раҳбарининг таъкидлашича ҳозирда, "қоидаларга асосланган дунё тартиботи" сингари концепция ва стандартларни куч билан ўтказиш, бир вақтнинг ўзида давлатларнинг ички ишларига аралашишга уриниш ҳолатлари кўриниш бермоқда.

ТОШКЕНТ, 22 сен - Sputnik. Дунё ажратувчи чизиқлардан толиқди, қуролли можаролар, халқаро жиноятчилик ва янги чақириқлар ҳар томонлама кўмак ва ҳамкорликни кучайтиришни талаб қилмоқда, деб баёнот қилди Россия ТИВ раҳбари Сергей Лавров БМТ Бош Ассамблеяси олий ҳафталигида КХШТ (ОДКБ) номидан қилган видеомурожаатида.

"Бугун, таассуфки, дунёнинг турли минтақаларида қуролли можаролар авж олишда давом этмоқда. Унга: халқаро терроризм, нарко- ва кибержиноятчилик, иқлим ўзгариши каби замонамизнинг ўткир таҳдидлари келиб қўшилмоқда. Жорий йилда бу рўйхат ижтимоий-иқтисодий ва бошқа соҳаларда жиддий инқироз ҳолатларини келтириб чиқарган яна бир хавфли чақириқ: коронавирус пандемияси билан тўлдирилди", - деди Лавров.

Унинг сўзларига кўра, глобал муаммоларга жавоб қайтариш йилдан йилга, айниқса, ҳозирги, дунё ҳамжамиятининг бир-бирига нисбатан адовати ўсиб бораётган бир шароитда тобора мураккаблашиб бормоқда. Бундай ҳолатлар айрим давлатларнинг бошқа давлатлар қонуний манфаатлари билан ҳисоблашишни истамаслиги билан боғлиқдир, деб қайд этди Лавров.

Ташқи ишлар вазири таъкидлаганидек, "қоидаларга асосланган дунё тартиботи" сингари концепция ва стандартларни куч билан ўтказиш, бир вақтнинг ўзида давлатларнинг ички ишларига аралашишга уриниш, БМТ Хавфсизлик Кенгаши ҳуқуқларига зид равишда бир томонлама санкциялар қўллаш, муросасизлик ва нафрат кўриниш бермоқда.

"Аммо тарихнинг табиий боришини синдириб бўлмайди. Бугунги кунда халқаро майдонда иқтисодий тараққиётнинг янги марказлари кучаймоқда, қуролли можароларни фақатгина тинчлик воситалари билан бартараф этишга зарурат кучаймоқда, ўзаро боғлиқлик ўсиб бормоқда. Дунё ажратувчи чизиқлардан, давлатларни "ўзимизники" ва "бегоналарга" бўлишлардан чарчади, дунё ҳартомонлама ўзаро ёрдам ва ҳамкорликни оширишни талаб қилмоқда. Бошқача қилиб айтганда, БМТ ташкил топган вақтда, 75 йил олдин ўртага ташланган мақсадлар тобора аҳамиятлироқ бўлиб бормоқда2, - деб қайд этди вазир.

Лавров, шунингдек, тарихни қайта кўриб чиқиб, фашизм устидан қозонилган ғалабала ҳал этувчи ҳиссани қўшган халқлар ролини пасайтиришга бўлаётган уринишларни бемаънилик, дея атади. У тарих сабоқларини ёдда сақлашга, халоскор-жангчилар жасоратига ҳурмат кўрсатишга, уларнинг шарафига қад ростланган ёдгорликларнинг бутлигини таъминлашга чақирди.

Россия Ташқи ишлар вазирлиги раҳбари сўзларига кўра, замонавий шароитларда БМТ ўз уставига қатъий мувофиқ равишда иш олиб борадиган самарали тузилма бўлиб қолиши керак, БМТ тизими асосий органлари мандатларини хиралаштириб, улар ваколатларини такрорлашларига йўл қўймаслик керак, бу фақат керакли мақсадларга эришишни кечиктиради.

Жаҳон ҳамжамиятининг асосий вазифаларидан бири: можароларни халқаро миқёсда тан олинган музокаралар форматлари доирасида, халқаро ҳуқуқ нормалари асосида фақат тинчлик, сиёсий ва дипломатик воситалар билан ҳал этиш бўлиб қолиши керак, бунда терроризмга ва халқаро уюшган жиноятчиликка қарши курашда ҳамкорликни кенгайтириш сўзсиз устуворликни касб этиши лозим, дея таъкидлайди Лавров.

Шунингдек, глобал барқарорликни сақлаб қолиш учун қурол-яроғ, қуролсизланиш ва қуролни тарқатмаслик назорати тизимини заифлаштиришга уринишларни чеклаш деди вазир.

26
Президент Шавкат Мирзиёев посетил дом покойного Уктама Барноева  и выразил соболезнования его матери, супруге и детям

Президент Ўктам Барноев оиласига ҳамдардлик билдирди

408
“Ўктамжон олижаноб, забардаст, фидойи, ватанпарвар, ўрнак олишга арзигулик инсон эди”, – деди Шавкат Мирзиёев.

ТОШКЕНТ, 21 сен — Sputnik. Ўзбекистон бош вазирининг аграр ва озиқ-овқат соҳаларини ривожлантириш масалалари бўйича ўринбосари, Олий Мажлис Сенати аъзоси Ўктам Барноев 20 сентябрь куни оғир хасталик туфайли вафот этган эди.

Член Сената Олий Мажлиса Уктам Барноев
Пресс-служба президента Узбекистана
Член Сената Олий Мажлиса Уктам Барноев

Президент Шавкат Мирзиёев 21 сентябрь куни таъзияли хонадонга ташриф буюрди. Қуръон тиловат қилинди.

Президент Шавкат Мирзиёев посетил дом покойного Уктама Барноева  и выразил соболезнования его матери, супруге и детям
Пресс-служба президента Узбекистана
Президент Шавкат Мирзиёев посетил дом покойного Уктама Барноева и выразил соболезнования его матери, супруге и детям

Давлат раҳбари бугун марҳумнинг онаси, рафиқаси ва фарзандларига ҳамдардлик билдириб, сабр-тоқат тилади.

Президент Шавкат Мирзиёев посетил дом покойного Уктама Барноева  и выразил соболезнования его матери, супруге и детям
Пресс-служба президента Узбекистана
Президент Шавкат Мирзиёев посетил дом покойного Уктама Барноева и выразил соболезнования его матери, супруге и детям

“Ўктамжон олижаноб, забардаст, фидойи, ватанпарвар, ўрнак олишга арзигулик инсон эди, – деди Шавкат Мирзиёев. – Бош вазир пайтларимда ҳам бирга ишладик. Гапирмасам ҳам мени тушунарди. Бир инсоннинг тарбияланиб, шундай кадр бўлиб етишиши осон эмас. Айниқса, охирги пайтлар оғир соҳани бериб, кўнглим тинчиб, кўп ишларни бошлаган эдик. Бу офат бутун дунёга келди. Қўлимиздан келган ҳамма нарсани қилдик. Лекин ўлим ҳақ. Аллоҳнинг иродаси экан. Бу ҳаммамизга мусибат. Жойи жаннатда бўлсин!”

Президент марҳумнинг оиласи, фарзандлари доимий эътиборда бўлишини таъкидлади.

408
Пробирки с биоматериалом

Бирйўла 10 ҳудудда коронавирус аниқланди

5
Ўтган тун давомида 232 та янги коронавирус билан касалланиш ҳолати қайд этилди. Наманган вилоятида яна энг кўп касалланиш аниқланган.

ТОШКЕНТ, 22 сен — Sputnik. Ўзбекистонда ўтган тун давомида 232 янги коронавирус билан касалланиш қайд этилди. Жами касалланганлар сони 52 491 нафарга етди. Бу ҳақда Соғлиқни сақлаш вазирлиги хабар қилмоқда.

Янги касалланганларнинг 78 нафари Наманган вилоятида, 61 нафари Тошкент шаҳрида, 19 нафари Тошкент вилоятида, 16 нафари Андижон вилоятида, 12 нафари Жиззах вилоятида, 11 нафари Сурхондарё вилоятида, 10 нафари Қашқадарё вилоятида, 9 нафари Қорақалпоғистон Республикасида, яна 9 нафари Самарқанд вилоятида ҳамда 7 нафари Хоразм вилоятида фуқаролар орасида аниқланган.

Шу билан бирга, 2 нафар коронавирусга чалинган бемор (эркак ва аёл) вафот этди. Жами қурбонлар сони 440 нафарни ташкил этмоқда.

Шу пайтга қадар 48 606 нафар коронавирус инфекциясига чалинган фуқаролар (93 фоиз) соғайган.

Ҳозирда мамлакатда 3 445 нафар бемор даволанмоқда. Улардан 536 нафари оғир, 283 нафари эса ўта оғир аҳволда.

5
Теглар:
коронавирус, Ўзбекистон
Мавзу:
COVID-19 умумжаҳон пандемияси