Қаердадир бездиргандирман - Лукашенко ўз халқининг унга муносабати ҳақида

474
(Янгиланган 16:31 17.09.2020)
Беларус етакчиси, ўз раҳбарлиги даврида мамлакат учун амалга оширган ишларнинг қадрига етмаётган одамлардан "ранжиганини" таъкидлади.

ТОШКЕНТ, 9 сен - Sputnik. Беларусь президенти Александр Лукашенко "Беларусларнинг жонига тегиб кетган бўлиши мумкинлигини" истисно этмади. Аммо шундай бўлсада. аксарият одамлар у учун овоз беришди. Лукашенко Россия телеканалларига интервьюсида шундай дея баёнот қилган, интервью матни Sputnik радиоси тасарруфига келиб тушган.

"Мен бизнинг қўлларимиз билан яратилган нарсани ҳимоя қилишим, бу нарсаларни яратган одамларни ва мана бу кўпчиликни, Маргарита (Sputnik, RT ва "Россия сегодня" ХАА бош муҳаррири Маргарита Симоньян, – таҳр.) айтганидек, мен учун овоз берган, мени ҳар куни дазмолда, телевизорда ва музлатгичда ҳам кўришни истайдиган инсонларни ҳимоя қилмоғим лозим. Эҳтимол, қаердадир улар безгандир ҳам, лекин улар мени қўллаб-қувватлади. Мен ҳозир шу билан яшаяпман", - дея таъкидлади Лукашенко.

Беларус етакчиси, шунингдек, у ўз раҳбарлиги даврида мамлакат учун амалга оширган ишларнинг қадрига етмаётган одамлардан "ранжишини" таъкидлади.

Бундан ташқари, у Беларусда рўй бераётган ҳодисалардан "ранжишини", аммо бу ҳолат у ҳамма нарсага қўл силтаганини англатмаслигини айтди. Лукашенконинг сўзларига кўра, у вазиятга фалсафий ёндашмоқда.

"Қачонлардир у (Худо, – таҳр.) мени чақириб олади", – деди у.

Беларус президенти Александр Лукашенконинг таъкидлашича, у ўзи бошқараётган мамлакатдан ташқари ҳеч вақога эга эмас, Украинанинг собиқ президенти Петр Порошенко сингари миллиардлаб маблағлари йўқ.

"Ахир бизда ҳам шундай бурчаклар бор. Россияда ҳам, совет вақтидан қолган, оқ-қора нарсалар. Мен уларни тартибга келтирдим. Мен автоматни қўлга олганим сабабларидан бири ҳам шунда… Мен уни ҳар қандайига ҳимоя қилишни истаганим учун эмас бу. Ахир мен шундан бошқа ҳеч вақога эга эмасман. Тушуняпсизми, агар чўнтагимда бир неча миллиард бўлганида эди, эҳтимол, мен ҳам Порошенкога ўхшаб йўл тутардим. Бу муболаға, албатта, лекин мен баъзан шундай деб ўйлайман. Лекин менда бу миллиардлар йўқ. Шу боис, мен қўрқмайман", - деди Лукашенко Россия телеканалларига берган интервьюсида.

Лукашенконинг фикрича, унинг раҳбарлигида Беларуси "катастрофик тарзда ўзгарган, бу мутлақо бошқа мамлакатга айланган". Лукашенко ўзининг қишлоқ одами эканлиги, деҳқонлиги ва сунбула буржига мансублиги учун "ҳамма жойда тартиб бўлишини" ёқтиришини айтди.

Беларусдаги протест акциялари

Беларусдаги оммавий протестлар 9 август куни, президент сайловларида олтинчи маротаба Лукашенко ғалаба қозонгач бошланган эди. МСК маълумотларига кўра, у 80,1 фоиз овоз олган. Оппозиция сайловларда Светлана Тихановская ғалаба қозонди, дея ҳисоблайди. Тихановскаянинг ўзи мамлакатни тарк этишга қарор қилди ва Литвага йўл олди.

Акциянинг илк кунларида куч тузилмаси ходимлари протест қатнашчиларига нисбатан кўз ёш чиқарувчи газ, водомет, шовқин гранаталари, резина ўқларни ишлатишган. Сўнгра, ҳуқуқ тартибот органлари митингларни тарқатишни ва куч методларидан фойдаланишни тўхтатишди.

Расмий маълумотларга, илк кунларда 6,7 мингдан зиёд қўлга олинган. ИИВ хабарига кўра, тартибсизликлар давомида юзлаб одамлар жабрланган, жумладан, 120дан ортиқ куч ходимлари ҳам. Беларус ҳукумати маълумотига кўра, уч киши қурбон бўлган.

474

БМТ 2021 йилда энг оғир гуманитар инқирозни башорат қилди

126
(Янгиланган 11:20 05.12.2020)
БМТ вакилининг таъкидлашича, қуролли тўқнашувлар туфайли сўнгги тўрт йил ичида ҳалокатли очлик ёқасида турганлар сони 80 миллиондан 135 миллионга кўпайган. Аммо пандемия туфайли уларнинг сони 270 миллионга етган

ТОШКЕНТ, 5 дек — Sputnik. 2021 йилда дунё 75 йил ичидаги энг оғир гуманитар инқирозга дуч келиш хавфи остида, деб баёнот қилди БМТнинг Бутунжаҳон озиқ-овқат дастури директори Девид Бизли, Бирлашган Миллатлар Ташкилоти Бош ассамблеясининг COVID-19га қарши курашга бағишланган махсус йиғилишида. РИА Новости хабари асосида.

Унинг сўзларига кўра, келгуси йил "ушбу босқичда гувоҳи бўлган ҳолатларга таяниб, айтиш мумкинки, ҳақиқий маънода ҳалокатли бўлади".

Бизлининг таъкидлашича, қуролли тўқнашувлар туфайли сўнгги тўрт йил ичида ҳалокатли очлик ёқасида турганлар сони 80 миллиондан 135 миллионга кўпайган. Аммо пандемия туфайли уларнинг сони 270 миллионга етди, деб қўшимча қилди у.

"Биз 19 триллион доллар сарфлаганимиздан бери, бу пул, эҳтимол 2021 йилда бўлмаслиги мумкин ва бўлмайди. Иқтисодий таназзул юз бермоқда ва эҳтиёжлар икки бараварга ошди", - дея тушунтирди Бизли.

Аммо, агар биз керакли маблағларни тўплай олсак, дунё ҳамжамияти гуманитар инқирозни енгади, деб таъкидлади Бизли.

126
Мавзу:
COVID-19 умумжаҳон пандемияси
Шавкат Мирзиёев принял делегацию Российской Федерации

Дмитрий Козак нима учун Тошкент ва Нур-Султонга келган эди

735
(Янгиланган 17:55 04.12.2020)
Владимир Путин топшириғига асосан Россия президенти администрацияси раҳбари ўринбосари Дмитрий Козак Ўзбекистон ва Қозоғистонга ташриф буюрди.

Россиянинг юқори мартабали амалдори икки мамлакат олий раҳбарияти, жумладан, президентлар Шавкат Мирзиёев ва Қосим-Жомарт Токаев билан учрашувлар ўтказди.

Музокараларнинг асосий мавзуси - Москванинг Нур-Султон ва Тошкент билан муносабатларини мустаҳкамлаш, икки томонлама ва кўп томонлама форматдаги саммитларга тайёргарлик кўриш. Хусусан, 11 декабрь куни Олий Евроосиё Кенгашининг йиғилиши онлайн форматда бўлиб ўтади.

“Шавкат Мирзиёев Ўзбекистон-Россия кўп қиррали ҳамкорлиги кейинги йилларда жадал суръат билан ривожланаётгани, стратегик шериклик ва иттифоқчилик муносабатлари мустаҳкамланиб бораётганини катта мамнуният билан қайд этди” деб хабар қилди Ўзбекистон президенти матбуот хизмати.

Таъкидланишича, Дмитрий Козак Ўзбекистон президентига самимий қабул учун миннатдорлик билдириб, Владимир Путиннинг саломи ва энг эзгу тилакларини етказди ва Владимир Путин билан режалаштирилаётган учрашув кун тартибини муҳокама қилди. Томонлар халқаро сиёсатнинг айрим жиҳатлари юзасидан ҳам фикр алмашишди.

Бўлажак олий даражадаги мулоқотларнинг музокаралар кун тартибининг мазмунига алоҳида эътибор қаратилди: гап МДҲ давлатлари раҳбарларининг жорий йил октябридан қолдирилган саммити ҳақида кетмоқда.

Нур-Султонда Қозоғистон президенти Қосим-Жомарт Токаев Дмитрий Козакни қабул қилди. Учрашув давомида Қозоғистон-Россия шериклиги ва иттифоқчиликнинг долзарб масалалари муҳокама қилинди. Қозоғистон раҳбари матбуот хизматининг хабар беришича, суҳбатнинг муҳим қисми сиёсий, савдо-иқтисодий ва гуманитар ҳамкорликни ривожлантириш, шунингдек яқинда бўлиб ўтадиган Олий Евроосиё иқтисодий кенгашининг йиғилишида Евроосиё интеграцияси масалаларини муҳокама қилишдан иборат бўлди.

Встреча президента Казахстана Касым-Жомарта Токаева с Дмитрием Козаком
Официальный сайт Президента РК / AMAN
Встреча президента Казахстана Касым-Жомарта Токаева с Дмитрием Козаком

Қосим-Жомарт Токаев кун тартибидаги барча масалалар бўйича Россия Федерацияси билан иттифоқчилик муносабатларини мустаҳкамлаш устувор аҳамиятини таъкидлади. Бундан ташқари, икки давлат президентлари администрация ўртасидаги алоқалар ва ҳамкорликни ривожлантириш ҳақида келишувга эришилди.

Қозоғистон пойтахтида РФ президенти администрацияси раҳбарининг ўринбосари Қозоғистон Республикаси бош вазири Асқар Мамин, Қозоғистон президенти администрацияси раҳбари Ерлан Кошанов билан мулоқот қилди.

"Музокаралар чоғида Россия-Қозоғистон иттифоқчилик муносабатларининг ҳозирги ҳолати, икки томонлама ҳамкорликни ривожлантириш истиқболлари ва КХШТ, ЕОИИ, МДҲ, ШҲТ доирасидаги интеграция алоқаларни мустаҳкамлаш бўйича мазмунли фикр алмашилди", - деб маълум қилди Россиянинг Қозоғистондаги элчихонаси матбуот хизмати.

Стратегик шерикларнинг муносабатлари

Россия ва Ўзбекистон ўртасида дипломатик муносабатлар 1992 йил 20 мартда ўрнатилган.

Асосий давлатлараро ҳужжатлар - икки томонлама ҳамкорликни ривожлантиришнинг устувор йўналишларини белгилаб берган Давлатлараро муносабатларнинг асослари, дўстлик ва ҳамкорлик тўғрисида шартнома (1992), Стратегик шериклик тўғрисидаги шартнома (2004) ва Иттифоқчилик муносабатлари тўғрисидаги шартнома (2005).

Икки томонлама муносабатлар - олий ва юқори даражадаги мунтазам учрашувлар ўтказилмоқда.

Икки томонлама муносабатлар 2016 йил декабрда Ўзбекистон президенти Шавкат Мирзиёев сайлангандан сўнг, янги сифат даражасига кўтарилди. Тўрт йил давомида савдо ва инвестициялар ҳажми икки бараварга ошди. Турли даражалардаги икки томонлама алоқалар жадаллашди - давлат раҳбарларининг мунтазам учрашувлари, Ўзбекистон ва Россия вилоят вакилларининг кўплаб ташрифлари.

2017 йил апрел ойида Шавкат Мирзиёев Москвага давлат ташрифи билан келди, унинг якунида қиймати 16 миллиард доллардан зиёд 50 тадан ортиқ ҳамкорлик ҳужжатлари имзоланди. 2018 йил кузида Владимир Путин Ўзбекистонга ташриф буюрди. Республикада минтақавий ва таълим форумлари ўтказилди. Бундан ташқари, икки давлат раҳбари тантанали тарзда кенг кўламли лойиҳа - Ўзбекистон ҳудудида Марказий Осиёда биринчи атом электр станциясини қурилишига старт беришди.

Бундан ташқари, яқинда Ўзбекистон президентининг Россияга навбатдаги ташрифи кутилмоқда. Коронавирус пандемияси сабабли ташриф санаси бир неча марта қолдирилди.

Шунингдек, Ўзбекистон интеграция лойиҳаларидан четда қолмаяпти: МДҲ ва ШҲТ фаолиятида фаол иштирок этишдан ташқари, Тошкент Евроосиё иқтисодий иттифоқига аъзо бўлиш имкониятларини кўриб чиқмоқда. Республиканинг кузатувчи-давлат мақомини олиш тўғрисидаги аризаси иттифоқнинг барча аъзо-давлатлари томонидан маъқулланди. Якуний қарор 11-декабрь куни ЕОИИ Олий Кенгашининг йиғилишида қабул қилинади.

735
Теглар:
Шавкат Мирзиёев, Қозоғистон, Ўзбекистон, Россия, ЕОИИ
Мавзу:
Ўзбекистон ва ЕОИИ – интеграция истиқболлари

Шойгунинг қизи Россия триатлон федерацияси президенти этиб сайланди

64
Спор ҳамжамияти орасида Ксения Шойгу оммавий спорт тадбирларини ўтказадиган ташкилот раҳбари сифатида танилган

ТОШКЕНТ, 5 дек — Sputnik. РФ Мудофаа вазири Сергей Шойгунинг қизи — Ксения Шойгу — Россия Триатлон федерациясининг янги президенти лавозимини эгаллади, бу ҳақда терма жамоа мутахассиси Мария Шорей РИА Новостига маълум қилган.

Федерация раҳбарлигига сайловлар шанба куни ҳисобот-сайлов анжуманида бўлиб ўтган.

Ташкилотнинг аввалги раҳбари Петр Иванов Бутунроссия енгил атлетика федерацияси раҳбари этиб сайланган.

Спор ҳамжамияти орасида Ксения Шойгу оммавий спорт тадбирларини ўтказадиган ташкилот раҳбари сифатида танилган.

64