Участники акции протеста на центральной площади Ала-Тоо в Бишкеке

МО давлатлари етакчилари Қирғизистон бўйича қўшма баёнот билан чиқишди

807
(Янгиланган 15:59 09.10.2020)
Қирғизистонда 4 октябрь куни парламент сайловлари бўлиб ўтгач, оммавий норозилик акциялари бошланиб кетди. Республика президентининг ўзи сал олдин мамлакатдаги сиёсий вазият ўзининг инқироз нуқтасига етганини қайд этган эди

ТОШКЕНТ, 9 окт — Sputnik. Ўзбекистон, Тожикистон, Қозоғистон ва Туркманистон президентлари қўшма баёнот билан чиқишди ва унда Қирғизистондаги воқеалардан жиддий ташвишда эканликларини билдирдилар.

Давлат етакчилари, ҳозирда сиёсий вазият ўткир тус олаётган қўшни республика аҳолисини мамлакатда тинчликни сақлаб қолиш учун донишмандликни намоён этишга чақиришди.

"Қардош Қирғизистонда содир бўлаётган воқеалар бизни жиддий ташвишга солмоқда.

Кўп асрлик дўстлик ришталари, яхши қўшничилик, умумий маданий ва маънавий қадриятлар билан боғланган яқин қўшнилар сифатида биз ушбу қийин кунларда Қирғизистон халқини мамлакатда тинчликни сақлаш ва барқарорликни тиклаш учун ўзига хос доноликни намоён этишга чақирамиз.

Қирғизистоннинг барча сиёсий партиялари ва жамоатчилик доиралари тинчлик ва осойишталикни таъминлаш, Конституция ва миллий қонунчиликка сўзсиз риоя қилиш билан юзага келган муаммоларни ҳал қилиш учун зарур бўлган саъй-ҳаракатларни амалга оширишига умид билдирамиз.

Қирғизистоннинг равнақи минтақавий хавфсизлик ва бутун Марказий Осиё барқарор ривожланишининг муҳим омилидир.

Мамлакатларимизнинг ўтмиши бир, улар умумий келажакни барпо этмоқда. Марказий Осиё халқларини тарихий жиҳатдан келажакдаги авлодлар фаровонлиги учун барқарор тинчлик, тотувлик ва бунёдкорлик истаги бирлаштиради.

Муштарак мақсадларга интилган ҳолда, давлатларимиз савдо-иқтисодий, инвестициявий, транспорт-коммуникация ва маданий-гуманитар алоқаларни, чегараолди ва ҳудудлараро шерикликни кенгайтириш учун минтақавий ҳамкорликни фаол равишда мустаҳкамламоқда.

Марказий Осиё бирдамлигини янада мустаҳкамлаш йўлидан борар эканмиз, биз Қирғизистон халқини унинг ҳамжиҳатлик, тинч, мустақил тараққиёт ва фаровонлик борасидаги интилишида доимо қўллаб-қувватлаймиз", - дейилади баёнот матнида.

Қирғизистондаги вазият 4 октябрда бўлиб ўтган парламент сайловларининг дастлабки натижалари эълон қилинганидан сўнг бирдан кескин тус олган ва оммавий протестларга айланиб кетган эди.

Жээнбековнинг сиёсий карьераси якун топди - сиёсатшунос >>>

Бишкек қаторида Қирғизистоннинг йирик шаҳарларида норозилик акциялари бошланиб кетди. Митинг қатнашчилари парламент биноси ва президент администрациясини эгаллаб олдилар.

Натижада, республика бош вазири истеъфо берди. Шундан сўнг вақтинчалик бош вазир ва парламент спикери тайинланди. Эндиликда депутатларнинг бир қисми амалдаги давлат раҳбари истеъфосини талаб қилмоқда.

Шу бугун Қирғизистон президенти бош вазир бошчилигидаги амалдаги ҳукумат истеъфоси тўғрисида фармонни имзолади. 

Илгарироқ, давлат раҳбари, Вазирлар маҳкамасида "янги тайинловлар учун қонуний асосларни яратишга" ҳар томонлама кўмаклашишга тайёрлигини таъкидлаган.

У шунингдек, ўтган сайловлар натижаларининг бекор қилиниши ва янги овоз бериш жараёнларини ўтказилиши муҳимлигини таъкидлаган. Сўнгги маълумотларга кўра, Қирғизистон МСҚ парламентга такрорий сайловларни 6 ноябрга қадар тайинлайди.

Қирғизистон президенти амалдаги ҳукумат таркибидан ташқари, Бош штаб раҳбарини ҳам лавозимдан четлатди ва янги одамни тайинлади.

Жээнбековнинг ўзи ижро ҳукумати қонуний раҳбарлари сайланиб, тасдиқлангач, мамлакат қонуний йўлга тургач, истеъфога чиқишга тайёрлигини айтган эди.

807
Заседание начальников штабов ВС стран СНГ

МДҲ штаб қўмондонлари Самарқандда йиғилишди

130
(Янгиланган 12:01 30.10.2020)
Самарқандда МДҲ штаб қўмондонлари ҳамдўстлик чегералари доирасида юзага келаётган ҳарбий-сиёсий вазиятни муҳокама қилишади.

ТОШКЕНТ, 30 окт - Sputnik. МДҲ давлатлари Қуролли кучлари штаб бошлиқлари бугун 30 октябр куни Самарқандда тўпланиб, Ҳамдўстлик чегералари яқинидаги ҳарбий-сиёсий вазиятни муҳокама қилишади, деб хабар қилмоқда РИА Новости Россия Мудофаа вазирлигига асосан.

“2020 йилнинг 30 октябр куни Ўзбекистон Республикаси Самарқанд шаҳрида Россия Федерацияси Қуролли кучлари Бош штаби бошлиғи армия генерали Валерий Герасимов бошчилигида МДҲ давлатлари Қуролли кучлари штаб бошлиқларининг навбатдаги мажлиси бўлиб ўтади”, - дейилган хабарда.  

Мажлисда Озарбайжон, Арманистон, Беларус, Қозоғистон, Қирғизистон, Россия,  Тожикистон ва Ўзбекистон армиялари штаб бошлиқлари иштирок этади. Ундан ташқари йиғилишда МДҲ Ижроия қўмитаси  делегациялари ҳамда МДҲ Мудофаа вазирлари Кенгаши Котибияти делегацияси иштирок этади.  

Хабарда айтилишига кўра, “делегация раҳбарлари хавфсизлик ва мудофаа борасида ўзаро қизиқарли аҳамиятга эга бўлган масалаларини муҳокама қилишади, ҳамда МДҲ чегералари доирасида юзага келаётган ҳарбий-сиёсий вазиятни муҳокама қилишади”.

130
Президент Республики Корея Мун Чжэ Ин 18 апреля прибыл в Узбекистан с государственным визитом

Мирзиёев Шимолий иқтисодий ҳамкорлик халқаро форумида иштирок этади

115
(Янгиланган 17:19 29.10.2020)
Шавкат Мирзиёев Корея президентининг таклифига биноан Сеул шаҳрида видеоанжуман шаклида бўлиб ўтадиган Шимолий иқтисодий ҳамкорлик иккинчи халқаро форумида иштирок этади.

ТОШКЕНТ, 29 окт — Sputnik. Ўзбекистон президенти Шавкат Мирзиёев 30 октябрь куни Сеул шаҳрида видеоанжуман шаклида бўлиб ўтадиган Шимолий иқтисодий ҳамкорлик иккинчи халқаро форумида иштирок этади. Бу ҳақда давлат раҳбари матбуот хизмати хабар қилмоқда

Иштирок этиш таклифи Корея президенти Мун Чже Ин томонидан билдирилган. Тадбир кун тартибидан коронавирус пандемияси оқибатларини биргаликда енгиб ўтиш ва халқаро шерикликни кенгайтириш масалалари ўрин олган.

Таъкидланишича, давлат раҳбари ўз нутқида минтақавий сиёсатнинг энг долзарб масалалари ва ўзаро манфаатли ҳамкорликни янада ривожлантириш истиқболларига тўхталиб ўтади.

Форум ишида Ўзбекистон ва Жанубий Корея етакчилари билан бир қаторда Россия, Қозоғистон, Туркманистон, Мўғулистон президентлари ва бошқалар иштирок этади.

115
Теглар:
форум, Мун Чже Ин, Шавкат Мирзиёев, Жанубий Корея, Ўзбекистон
Стенд Узбекистана на продовольственной выставке Продэкспо-2020

Алкогол истеъмол ёшини янада ошириш таклиф қилинди - янги қонун

42
(Янгиланган 14:16 30.10.2020)
Узумчилик ва виночилик агентлиги табиий винолардан бошқа алкогол рекламасини таъқиқловчи қонун лойиҳасини таклиф қилди.

ТОШКЕНТ, 30 окт - Sputnik. Ўзбекистонда алкогол ва тамаки маҳсулотларини сотишда, реклама қилишда қўшимча чековлар киритилиши мумкин. Бу ҳақида янги қонун лойиҳақида айтиб ўтилган. 

Ушбу қонун лойиҳасида айтилишига кўра, алкогол ва тамаки маҳсулотларини сотиш тартибига қўйидаги чекловларни киритиш керак: 

1. Алкогол ва тамаки маҳсулотларини фақат 21 ёшда катта бўлган фуқароларга (ҳозир 20) 

2. Алкогол (кўпикланадиган ва табиий винодан ташқари) ва тамаки маҳсулотларини реклама қилишнинг ҳар қандай турлари, сотувини рағбатлантириш ва ҳомийлик қилиш тақиқланади

3. Кўпикланадиган ва табиий вино учун реклама телевидениеда маҳаллий вақт билан соат 23:00 дан соат 07:00 гача намойиш қилиниши мумкин.

4. Алкогол маҳсулотини иш жойларида, кўчалар, стадионлар, хиёбонлар, истироҳат боғларида, жамоат транспортининг барча турларида ва бошқа жамоат жойларида истеъмол қилишга йўл қўйилмайди.

5. Тамаки маҳсулотларин жамоат жойларида ва транспортда фақат махсус ажратилган жойларда истеъмол қилиш мумкин; 

6. Шахсий автотранспорт воситаларида 18 ёшга тўлмаган ёки хомиладор аёллар бўлган тақдирда, тамаки маҳсулоти ва чилимни истеъмол қилиш тақиқланади.

Узумчилик ва виночиликни ривожлантириш агентлиги томонидан таклиф этилган ушбу қонун лойиҳаси 13 ноябрга қадар муҳокамада бўлади. 

 

 

 

 

42