Василий Небензя на Совбезе ООН рассказал про дело Скрипалей и химической атаке в сирийском городе Дума

Россия сиёсий ўйинлар воситасига айланган ОЗХОдан чиқишни ўйлаб қолиши мумкин - Небензя

354
Небензянинг таъкидлашича, ҳаммаси ўта шов-шувли тарзда барбод бўлмасидан, нимадир қилиш керак. Чунки бу кетишда ОЗХО ўз обрўйини йўқотади

ТОШКЕНТ, 12 ноя - Sputnik. ОЗХО эзгу мақсадлар учун яратилган ташкилотдан сиёсий ўйинлар инструментига айланиб, ўз обрўйини шиддат билан йўқотмоқда, деди Россиянинг БМТдаги доимий вакили Василий Небензя РИА Новостига берган интервьюсида.

"Бизнинг  шерикларимиз оғзи кўпириб, буни рад этишга уринмоқдалар. Кимёвий қурол ҳисобланган - оммавий қирғин қуролларига қарши курашиш сингари эзгу мақсадда ташкил этилган ташкилотдан ОЗХО сиёсий ўйинлар инструментига айланди. Буларнинг барчаси туфайли охир-оқибат биз чуқур инқирозга дуч келишимиз мумкин. Ташкилотнинг обрўйига путур етган, унинг техник котибият ваколати, яъни унда яратилган суриштирув механизмлари, ташкилот бош директорлиги ҳам бой берилган. Биз учун бу сир эмас", - дейди агентлик суҳбатдоши.

Шунингдек, Небензя, Россия кимёвий қуролни таъқиқлаш бўйича ташкилот(ОЗХО)дан чиқиш ҳақида ўйлаб қолиши мумкинлигини айтди.

"Энди тасаввур қилинг, ОЗХОдан чиқдик, ва бизга дарҳол: "Ана, айтмаганмидик", дейишлари аниқ. Аммо агар у ўз обрўйини буткул йўқотса ва ёқмай қолган режимларга қарши қарорлар имзоланадиган жойга айлангудек бўлса, у ҳолда, бу ҳақда ўйлаб кўрса бўлади. Аммо биз ундан чиқамиз, деган мазмундаги кескин ҳаракатлар қилмаяпмиз... Бошқаларга ҳам маслаҳат бермаймиз", - дея тушунтиради дипломат.

Ғарб давлатлари кимёвий қуролни таъқиқлаш бўйича ташкилот(ОЗХО)ни уларга ёқмайдиган давлатларни шармандалик устунига михлаш учун ишлатишмоқда. Энди бундай давлатлар сирасига биз ҳам кирдик. Россияга қарши ишлатишмоқда, хусусан, Алексей Навальний ишида шундай қилинди, холбуки, бу давлатларнинг асосий нишони, "бош гумондори" - Сурия давлати бўлган ва шундайлигича қолмоқда, дея қўшимча қилди Василий Небензя.

Небензянинг таъкидлашича, ҳаммаси ўта шов-шувли тарзда барбод бўлмасидан, нимадир қилиш керак. Чунки бу кетишда ОЗХО ўз обрўйини йўқотади.

354

Мирзиёев ва Путин МДҲ саммитини муҳокама қилишди

104
(Янгиланган 10:51 01.12.2020)
Ўзбекистон ва Россия президентлари телефон орқали коронавирус оқибатлари ҳамда МДҲ саммитини муҳокама қилишди.

ТОШКЕНТ, 1 дек - Sputnik. Ўзбекистон президенти Шавкат Мирзиёев Россия президенти Владимир Путин билан 30 ноябр куни телефон орқали мулоқот қилишди.

Суҳбатда, жумладан яқин кунларда видеоанжуман шаклида ўтказилиши режалаштирилган МДҲ саммитига тайёргарлик кўриш масаласи ҳам муҳокама қилинди. Бу йил ушбу мажлисда Ўзбекистон раислик қилади. 

Шунингдек президентлар коронавирус пандемиясининг тарқалиши оқибатида келиб чиққан глобал инқироз шароитида икки томонлама савдо-иқтисодий алоқалар барқарор ривожланиб бораётганини мамнуният билан қайд этдилар.

Бу борада ўзаро ташрифлар, ҳукуматлараро ҳамкорлик механизмлари унумли ишлаётгани, ўзаро савдо ҳажмлари ортиб бораётгани ҳамда иқтисодиётнинг турли тармоқларида саноат кооперацияси дастурлари давом этаётгани қайд этилди. 

Ундан ташқари Ўзбекистон ва Россия раҳбарлари халқаро аҳамиятга молик масалалар, бўлажак олий даражадаги тадбирларни ҳам муҳокама қилишди. "Суҳбат ҳар доимгидек самимий, дўстона ва конструктив руҳда ўтди", - дейилган хабарда.

104
Посол РФ в Узбекистане Владимир Тюрденев

Исматулла Иргашев Россия элчиси билан Афғонистон масаласини муҳокама қилди

103
Ўзбекистон Республикаси президентининг Афғонистон бўйича Махсус вакили Исматулла Иргашев Россия Федерациясининг Фавқулодда ва Мухтор Элчиси Владимир Тюрденев билан учрашди.

ТОШКЕНТ, 27 ноя — Sputnik. Бугун, 27 ноябр куни Ўзбекистон Республикаси президентининг Афғонистон бўйича Махсус вакили Исматулла Иргашев Россия Федерациясининг Фавқулодда ва Мухтор Элчиси Владимир Тюрденев билан учрашди.

Суҳбат давомида Афғонистон инқирозини ҳал этиш бўйича Ўзбекистон ва Россия саъй-ҳаракатлари, Афғонистондаги бугунги вазият, Доҳа шаҳрида Афғонистон бўйича тинчлик музокараларининг бориши ва истиқболлари муҳокама қилинди.

Томонлар, шунингдек, қўшни мамлакатда тинчликни тарғиб қилишда яна бир муҳим қадам саналган Ўзбекистон президенти Шавкат Мирзиёевнинг БМТ қошида Афғонистон бўйича доимий қўмита тузиш тўғрисидаги ташаббусини амалга ошириш масалаларига алоҳида эътибор қаратдилар.

103
Флаги Евросоюза у здания штаб-квартиры Европейской комиссии в Брюсселе

Европа комиссияси Ўзбекистонга муддатидан олдин “GSP+” мақомини берди

19
(Янгиланган 16:18 01.12.2020)
Қарор тасдиқланиши билан Ўзбекистон ишлаб чиқарувчилари ЕИ мамлакатларига экспорт қилишлари мумкин бўлган товар позицияларининг сони 6200 гача ошади.

ТОШКЕНТ, 1 дек — Sputnik. Европа комиссияси Ўзбекистонга “GSP+” Преференциялар бош тизими бенефициари мақомини бериш тўғрисида муддатидан олдин қарор қабул қилди. Бу ҳақда Инвестициялар ва ташқи савдо вазирлиги хабар қилмоқда.

Тегишли ҳужжат ЕИ Комиссияси раиси Урсула фон дер Ляйен томонидан имзоланди.

Таъкидланишича, қарор Европа комиссияси мониторинг гуруҳларининг Ўзбекистон инсон ҳуқуқларини ҳимоя қилиш, меҳнат стандартларига риоя қилиш, атроф-муҳитни муҳофаза қилиш ва самарали бошқарув соҳасидаги 27 халқаро конвенция талабларини бажараётгани тўғрисидаги ҳисоботлари асосида қабул қилинди.

“Ўтказилган таҳлилларга асосланиб, Европа комиссияси Республикамиз “GSP+”да иштирок этиш мезонларига мувофиқ келиши тўғрисидаги хулосага келди ва уни ушбу тизимнинг бенефициарлари рўйхатига киритишни таклиф қилди”, - дейилган хабарда.

Мазкур қарор энди кўриб чиқиш ва тасдиқлаш учун Европа Кенгаши ва Европа парламентига ҳавола этилади. Қарор тасдиқлангандан сўнг Ўзбекистон ишлаб чиқарувчилари ва экспортчилари ўз маҳсулотларини Европа бозорига экспорт қилишда бир томонлама тариф имтиёзларидан фойдаланишни бошлашлари мумкин бўлади. Шунда, Ўзбекистон ишлаб чиқарувчилари ЕИ мамлакатларига экспорт қилишлари мумкин бўлган товар позицияларининг сони 6200 гача ошади.

Вазирлик мамлакатнинг “GSP+” бенефициари мақомини олиш экспортнинг барқарор ўсиши ва диверсификацияси учун мустаҳкам пойдевор яратиши, ЕВ  мамлакатлари билан ўзаро манфаатли савдо муносабатларининг тез суръатлар билан ривожланишига хизмат қилишини таъкидлаган.

Эслатиб ўтамиз, апрель ойида президент Шавкат Мирзиёев Европа Иттифоқи бозорлари учун “GSP+” мақомини олиш вазифасини қўйган эди. Ўзбекистон июнь ойида бенефициар мамлакат мақомини олиш учун расмий талабнома юборган эди.

19
Теглар:
экспорт, Европа Иттифоқи, Еврокомиссия, Ўзбекистон