Хитой Байденни АҚШ президенти лавозимига сайлангани билан қутлади

244
(Янгиланган 15:04 13.11.2020)
Ўтган ҳафта Қўшма Штатларда давлат раҳбари ва вице-президент, вакиллар палатасининг барча 435 аъзоси, Сенатнинг тахминан учдан бир қисми (35 сенатор), 11 штат ва иккита ҳудуд губернаторлари ва айрим штат қонун чиқарувчи органлари учун сайловлар бўлиб ўтган эди.

ТОШКЕНТ, 13 ноя — Sputnik. Хитой Жо Байден ва Камала Харрисга уларнинг АҚШ президенти ва вице-президенти лавозимига сайлангани муносабати билан табрик йўллади, деб хабар қилди ХХР ТИВ вакили Ван Вэнбин.

"АҚШдаги айни президент савловларига мамлакат ичида бўлаётган муносабат ҳамда халқаро ҳамжамият муносабатини кузатиб бормоқдамиз. Биз америка халқи танловини ҳурмат қиламиз ва жаноб Байден ҳамда Харрис хонимни табриклаймиз", - деб айтган дипломат.

Сал олдин Байденни сайловларда ғалаба қозонгани билан, Туркия етакчиси Тойиб Эрдоған ва Арманистон етакчиси Армен Саркисян, Франция президенти Эммануэль Макрон, Германия канцлери Ангела Меркел, Саудия Арабистони қироли Салмон бен Абдель Азиз Аль Сауд, Сербия президенти Александр Вучич, Исроилпрезиденти Реувен Ривлин Абу Даби меросхўр шаҳзодаси Муҳаммад бин Зайд ал Нахаён ва Япония бош вазири Ёсихиде Суга  табриклашган эди.

Ўтган ҳафта Қўшма Штатларда давлат раҳбари ва вице-президент, вакиллар палатасининг барча 435 аъзоси, Сенатнинг тахминан учдан бир қисми (35 сенатор), 11 штат ва иккита ҳудуд губернаторлари ва айрим штат қонун чиқарувчи органлари учун сайловлар бўлиб ўтган эди.

Дастлабки маълумотларга кўра, Демократик партиядан номзод Жо Байден сайловчиларнинг 290 овозини олмоқда (зарур 270 овоздан), амалдаги президент Дональд Трамп эса атиги — 217 та овоз олган. Расмий натижалар эълон қилинмай туриб, уларнинг бирининг ғалабаси ҳақида гапиришга ҳали эрта.

Шунга қарамай, шанба куни Байден ўзининг давлат раҳбари лавозимига сайланганлиги ҳақида эълон қилишга улгурди. Трамп ўз навбатида сохталаштиришларга йўл қўйилгани ҳақида айтиб, ўз ғалабасини Олий судда ҳимоя қилишни режалаштирмоқда.

244
Флаги стран ОДКБ, архивное фото

ОДКБ МДҲ, ШҲТ, ЕХҲТ, НАТО ва ЕИ билан учрашув ташкил этиш таклифини илгари сурди

111
Музокараларда умумий хавфсизлик майдонини шакллантиришда биринчи қадам бўлиши мумкин бўлган стратегияни муҳокама қилиш таклифи билдирилган.

ТОШКЕНТ, 2 дек — Sputnik. Коллектив хавфсизлик шартномаси ташкилоти МДҲ, ШҲТ, ЕХҲТ, НАТО ва Европа Иттифоқининг ваколатли вакиллари қўшма йиғилишини ташкил этиш таклифини илгари сурди, деб хабар берди РИА Новости.

"Биз ҳар биримизнинг хавфсизлигимиз бошқалар хавфсизлиги билан боғлиқ, деган принципдан келиб чиқамиз. КХШТ давлатларининг бўлиниш чизиқларидан, можаролардан, таъсир доираларидан ва турли даражадаги хавфсизлик зоналаридан холи дунёни яратишга қаратилган биргаликдаги саъй-ҳаракатлари замирида айнан шундай бирлаштирувчи асос ётади", - дейилади КХШТ кенгаши сессияси якунида қабул қилинган қўшма баёнотда.

Музокараларда умумий хавфсизлик майдонини шакллантиришда биринчи қадам бўлиши мумкин бўлган стратегияни муҳокама қилиш таклифи билдирилган.

111

Шавкат Мирзиёев Путин билан бўлажак мулоқот кун тартибини муҳокама қилди

132
(Янгиланган 17:20 02.12.2020)
Шавкат Мирзиёев Россия президенти администрацияси вакили билан Владимир Путин билан бўлажак мулоқот кун тартибини муҳокама қилди.

ТОШКЕНТ, 2 дек - Sputnik. Шавкат Мирзиёев бугун Россия президенти Администрацияси раҳбари ўринбосари Дмитрий Козак бошчилигидаги делегацияни қабул қилди.

Ўзбекистон президенти Ўзбекистон-Россия кўп қиррали ҳамкорлиги кейинги йилларда жадал суръат билан ривожланаётгани, стратегик шериклик ва иттифоқчилик муносабатлари мустаҳкамланиб бораётганини катта мамнуният билан қайд этди.

Дмитрий Козак Ўзбекистон президентига самимий қабул учун миннатдорлик билдириб, Владимир Путиннинг саломи ва энг эзгу тилакларини етказди ва Владимир Путин билан режалаштирилаётган учрашув кун тартибини муҳокама қилди. 

"Учрашувда бўлажак икки томонлама ва кўп томонлама форматдаги учрашувларга тайёргарлик кўриш ва уларни ўтказиш масалалари кўриб чиқилди. Ушбу тадбирлар кун тартибини аниқ амалий мазмун билан бойитишга алоҳида эътибор қаратилди", - дейилган хабарда. 

Ундан ташқари томонлар халқаро сиёсатнинг айрим жиҳатлари юзасидан ҳам фикр алмашишди.

Эслатиб ўтамиз, 30 норябрь куни Россия президенти Владимир Путин Шавкат Мирзиёев билан бўлган телефон мулоқотида коронавирусга қарши кураш, декабрда кутилаётган МДҲ раҳбарлари саммити, ҳамда икки томонлама ҳамкорлик ва юқори даражадаги тадбирлар масалаларини муҳокама қилган эди. 

Шавкат Мирзиёев принял делегацию Российской Федерации
Пресс-служба президента Узбекистана
Шавкат Мирзиёев принял делегацию Российской Федерации
132
Национальная валюта Узбекистана — сум

Пенсия таъминотига доир қонун лойиҳаси тайёрланди

142
Молия вазирлиги “Фуқароларнинг давлат пенсия таъминоти тўғрисида”ги Ўзбекистон Республикаси Қонунига ўзгартишлар киритишга доир ҳужжат тайёрлади.

ТОШКЕНТ, 2 дек — Sputnik. Молия вазирлиги “Фуқароларнинг давлат пенсия таъминоти тўғрисида”ги Ўзбекистон Республикаси Қонунига ўзгартишлар киритиш ҳақида Ўзбекистон Республикаси Қонуни лойиҳасини тайёрлаб, умумий муҳокамага қўйди.

Лойиҳанинг асосий мақсади - “Ногиронлиги бўлган шахсларнинг ҳуқуқлари тўғрисида” 2020 йил 15 октябрдаги қонунига асосан, “Фуқароларнинг давлат пенсия таъминоти тўғрисида”ги қонунида белгиланган “ногирон” деган атамани “ногиронлиги бўлган шахс” атамасига алмаштириш.

- меҳнат қобилиятини йўқотган ногиронлиги бўлган шахсга меҳнат қобилияти тикланганлиги ёки узрсиз сабабларга кўра қайта кўрикдан ўтишга келмаганлиги оқибатида пенсияси тўхтатиб қўйилиб, беш йилдан муддатдан сўнг шахсни такроран ногиронлиги бўлган шахс деб эътироф этилганида, амалда бўлган қонунчилик талабларидан келиб чиқиб ногиронлик пенсиясини тайинлаш.

- пенсионернинг вафоти муносабати билан унинг вафот этган ойдаги пенсия пулини оила аъзоларига тўлиқ миқдорда тўлаш.

Таъкидланишича, қонун лойиҳасининг қабул қилиниши Давлат бюджетидан ҳамда Молия вазирлиги ҳузуридаги бюджетдан ташқари Пенсия жамғармасидан йилига 4,4 млрд сўм қўшимча маблағ талаб этилади.

142