Фарғона шаҳрига янги ҳоким ва сектор раҳбарлари тайинланди

176
(Янгиланган 11:10 10.02.2021)
Фарғона шаҳрига янги ҳоким, прокурор, шаҳар ички ишлар бўлимининг бошлиғи ва давлат солиқ инспекцияси бошлиғи тайинланди. Илгари “тўртлик” президент ташрифи давомида ишдан бўшатилганди.

ТОШКЕНТ, 10 фев — Sputnik. Халқ депутатлари Фарғона шаҳар кенгашининг навбатдан ташқари сессиясида Мирзоҳид Убайдуллаев Фарғона шаҳар ҳокими лавозимига тасдиқланди. Бу ҳақда Фарғона вилояти ҳокимлиги матбуот хизмати хабар қилди.

Убайдуллаев тайинловга қадар Фарғона вилояти ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари, вилоят иқтисодий тараққиёт ва камбағалликни қисқартириш бош бошқармаси бошлиғи вазифасида ишлаган.

Фарғона вилояти прокурорининг ўринбосари бўлиб ишлаб келган Дилмурод Қобулов мамлакат бош прокурорининг буйруғи билан Фарғона шаҳрининг прокурори этиб тайинланди.

Подполковник Дилмурод Асқаров Фарғона шаҳар ички ишлар бўлимининг бошлиғи этиб тайинланди. Бунга қадар Фарғона вилояти ИИБ бошлиғининг ўринбосари, ҳуқуқбузарликлар профилактикаси бошқармаси бошлиғи бўлиб ишлаб келган.

Нуриддин Эркабоев Фарғона шаҳар давлат солиқ инспекцияси бошлиғи этиб тайинланди. У тайинловга қадар Йирик солиқ тўловчилар бўйича ҳудудлараро давлат солиқ инспекцияси солиқ назорати бўлими Геология ва ёқилғи-энергетика комплексларининг солиқ назорати шўъбаси бошлиғи бўлиб ишлаб келган.

Эслатиб ўтамиз, Шавкат Мирзиёев Фарғона вилоятига ташрифининг иккинчи кунида кутилмаганда Фарғона шаҳаридаги Шодиёна маҳалласига борди. Аҳоли билан мулоқот қилиб, яшаш тарзи билан танишди, муаммоларини сўради. Давлат раҳбари сектор раҳбарларининг фаолиятидан умуман қониқмади. Шундан сўнг Фарғона шаҳрида ўз вазифаларини бажаришда йўл қўйилган камчиликлари учун шаҳар ҳокими, прокурори, ички ишлар ва солиқ инспекцияси бошлиғи ишдан бўшатилди.

176
Теглар:
ҳоким ўзгариши, янги тайинлов, Фарғона
В Ташкенте состоялась встреча министра иностранных дел Узбекистана Абдулазиза Камилова с турецким коллегой Мевлютом Чавушоглу.

Ўзбекистон ва Туркия ТИВ раҳбарлари учрашди: томонлар нималарга келишиб олди

63
Учрашувда Ўзбекистонда Бахчешеҳир университети филиалини очиш хамда Хўжа Байрам Вали номидаги университет билан биргаликда Фарғона олий туризм мактабини ташкил этиш муҳокама қилинди.

ТОШКЕНТ, 9 мар — Sputnik. Тошкент шаҳрида Ўзбекистон ташқи ишлар вазири Абдулазиз Камиловнинг туркиялик ҳамкасби Мевлут Чавушўғлу билан учрашуви ҳамда икки мамлакат ТИВ раҳбарлари бошчилигида Стратегик режалаштириш гуруҳининг иккинчи йиғилиши бўлиб ўтди.

ТИВ матбуот хизмати хабарига кўра, музокаралар чоғида сиёсий, савдо-иқтисодий, транспорт-коммуникация, инвестиция, туризм, маданий-гуманитар ва бошқа соҳалардаги икки томонлама муносабатларнинг ҳолати ва ривожланиш истиқболлари муҳокама қилинди.

Бўлажак қўшма тадбирларга, хусусан, олий даражадаги Ўзбекистон-Туркия стратегик ҳамкорлик кенгашининг иккинчи йиғилишига тайёргарликнинг ташкилий масалалари кўриб чиқилди.

Парламентлараро мулоқотни мустаҳкамлаш, икки томонлама муносабатларнинг ҳуқуқий асосларини такомиллаштириш ва ҳудудлараро ҳамкорликни йўлга қўйиш бўйича фикр алмашилди.

В Ташкенте состоялась встреча министра иностранных дел Узбекистана Абдулазиза Камилова с турецким коллегой Мевлютом Чавушоглу.
Пресс-служба МИД Узбекистана
В Ташкенте состоялась встреча министра иностранных дел Узбекистана Абдулазиза Камилова с турецким коллегой Мевлютом Чавушоглу.

БМТ, Ислом ҳамкорлик ташкилоти, Туркий тилли давлатлар ҳамкорлик кенгаши, Иқтисодий ҳамкорлик ташкилоти ва бошқа кўп томонлама тузилмалар доирасидаги алоқаларни янада фаоллаштиришдан икки томон ҳам бирдек манфаатдор эканлиги маълум қилинди.

“Илмий-таълим соҳасидаги шерикликни кенгайтириш масалаларига, жумладан, Ўзбекистонда Бахчешеҳир университети филиалини очиш, шунингдек Хўжа Байрам Вали номидаги университет билан биргаликда Фарғона олий туризм мактабини ташкил этиш масалаларига алоҳида эътибор қаратилди”, - дейилган хабарда.

Туркия томони “Марказий ва Жанубий Осиё: минтақавий боғлиқлик. Таҳдидлар ва имкониятлар” мавзусидаги халқаро конференция, “Шарқ тароналари”, бахшичилик санъати, ҳунармандлар халқаро фестиваллари ва бошқа тадбирларга таклиф қилинди.

Шунингдек, тадбирда халқаро ва минтақавий кун тартибининг айрим масалалари ҳам кўриб чиқилди.

Стратегик режалаштириш гуруҳи йиғилиши якунлангач, Камилов ва Чавушўғли Ўзбекистон ва Туркия ташқи ишлар вазирликлари ўртасида 2022-2023 йилларга мўлжалланган ҳамкорлик дастури ва Таржима хизматлари соҳасида ўзаро англашув меморандумини имзолади.

Эслатиб ўтамиз, аввалроқ Туркия ташқи ишлар вазири Мевлут Чавушўғлу бошчилигидаги делегацияси Ўзбекистонга ташриф буюрган эди. Туркия делегацияси Хива, Бухоро ва Самарқандда бўлди ва Самарқанддаги Туркиянинг бош консулхонаси очилиш маросимида иштирок этди.

63
Теглар:
Мевлут Чавушўғли, Абдулазиз Камилов, Туркия, Ўзбекистон, Сиёсат
Флаги Ирана и Узбекистана

Ўзбекистон ва Эрон алоқаларни янада ривожлантиришни муҳокама қилди

54
Ўзбекистон ташқи ишлар вазири ўринбосари Фурқат Сидиқов Эрон ТИВ раҳбари Жавад Зариф билан икки мамлакат ўртасидаги алоқаларни ривожлантириш истиқболларини муҳокама қилди.

ТОШКЕНТ, 9 мар — Sputnik. Ўзбекистон ташқи ишлар вазири ўринбосари Фурқат Сидиқов Теҳрон шаҳрида Эрон Ислом Республикаси ташқи ишлар вазири Муҳаммад Жавад Зариф билан учрашди. Бу ҳақда ТИВ матбуот хизмати хабар қилмоқда.

Суҳбат давомида Ўзбекистон-Эрон алоқаларини ривожлантириш истиқболлари муҳокама қилинди. Бунинг учун савдо-иқтисодий, инвестиция, сайёҳлик ва бошқа соҳаларда муҳим салоҳият мавжудлиги таъкидланди.

Икки томонлама сиёсий мулоқот фаоллашгани ҳамда иқтисодий дипломатия соҳасида ҳамкорликнинг сезиларли даражада ўсгани қайд этилди.

Таъкидланишича, Жавад Зариф Ўзбекистонда давлат ва жамият қурилиши, ишбилармонлик ва инвестицион муҳитни такомиллаштириш, минтақада дўстлик ва яхши қўшничиликни мустаҳкамлаш соҳасида амалга оширилаётган кенг кўламли ислоҳотларни юқори баҳолади.

Афғонистондаги тинчлик жараёнини қўллаб-қувватлаш бўйича Ўзбекистоннинг саъй-ҳаракатлари алоҳида қайд этилди.

Эрон томони Тошкент шаҳрида бўлиб ўтадиган “Марказий ва Жанубий Осиё: минтақавий боғлиқлик. Таҳдидлар ва имкониятлар” мавзусидаги халқаро конференцияга таклиф қилинди.

Суҳбат давомида томонларни қизиқтирган минтақавий ва халқаро масалалар ҳам кўриб чиқилди.

54
Теглар:
Жавад Зариф, ҳамкорлик, Эрон, Ўзбекистон, Сиёсат
Флакон с вакциной Pfizer/BioNTech

Pfizer Японияда уч кунда саккиз кишида анафилаксияни келтириб чиқарди

0
(Янгиланган 14:40 09.03.2021)
0
Теглар:
Дунёда