Тошкент шаҳри, архив сурат

4-декабр учун об-ҳаво маълумотлари

1866
Тошкент шаҳрида 4 декабрь куни эрталаб ёмғир ёғади, ҳарорат 13-15 даража илиқ бўлади

ТОШКЕНТ, 2 дек — Sputnik. Декабрь ойи бошида синоптиклар мамлакатнинг барча вилоятларида ҳаво исиб кетишини айтишган эди. Бугун Ўзбекистонда ҳаво ўзгарувчан, ҳаво-ҳарорати 15-20 даража илиқ.

Тошкентда бугун ҳаво ўзгарувчан, ёғингарчилик кузатилмайди. 3 декабрь куни ҳам шундай ҳарорат сақланиб қолса-да, вақти-вақти билан ёмғир ёғади. 4 декабрь куни эрталаб ёмғир ёғади, ҳарорат 13-15 даража илиқ бўлади, деб хабар қилмоқда Гидрометеорология хизмати маркази.

Самарқанд, Жиззах, Сирдарё, Қашқадарё ва Сурхондарё вилоятларида бугун ҳарорат 15-20 даража илиқ ва ўзгарувчан. 3-4 декабрь кунлари ёмғир ёғиши кузатилади. Қашқадарё ва Сурхондарё вилоятида эса 4 декабрь куни ёғингарчилик кутилмайди.

Бухоро ва Навоий вилоятларида 3 декабрь куни қисқа муддатли ёмғир ёғади. Ҳарорат 3-8 даража илиқ бўлади. 4 декабрь куни ёғингарчилик кузатилмайди. Ҳаво ҳарорати +13+18 даражага кўтарилиши кутилмоқда.

Фарғона ва Андижон вилоятларида 4 декабрь куни қисқа муддатли ёмғир ёғиши мумкин. Ўртача ҳаво ҳарорати 8-13 даража илиқ бўлиши кутилмоқда.

Қорақалпоғистон Республикаси ва Хоразм вилоятида бугун +10+15 даража. 3 декабрь куни ёмғир ёғади. 4-декабр куни эса ёғингарчилик кузатилмайди, ҳарорат 8-13 даража илиқ бўлади.

3-4 декабр кунлари республиканинг тоғолди ҳудудларида кўчки бўлиш эҳтимоли борлиги айтилмоқда.

1866
Теглар:
илиқ, шамол, ёмғир, 4-декабр, об-ҳаво, Ўзбекистон
Двери СИЗО

Фарғонада тилла тақинчоқларни ўғирлаган аёллар жиноий уюшмаси қўлга олинди

17
(Янгиланган 19:13 29.10.2020)
Кундуз куни уч аёл бировнинг хонадонига кириб, 56 миллион 100 минг сўмлик тилла тақинчоқларини ўғирлаб кетишган

ТОШКЕНТ, 29 окт - Sputnik. Учкўприк туманида хонадондан 56,1 миллион сўмлик тилла-тақинчоқларни ўғирлаган аёллар аниқланди, деб хабар беради Фарғона вилояти ИИБ ахборот хизмати.

Хабарда айтилишича, Фарғона вилояти Учкўприк туманидаги қишлоқларнинг бирида яшовчи фуқаро ИИБга мурожаат қилиб, 17 октябрь куни кундузи номаълум шахс уйига кириб, ётоқхонасидаги жавондан қиймати 56 миллион 100 минг сўмлик тилла тақинчоқларини ўғирлаб кетганини маълум қилган.

Мазкур ҳолат юзасидан Учкўприк тумани ИИБ ҳузуридаги тергов бўлими томонидан Жиноят кодексининг 169-моддаси 2-қисми "б,г" банди (ўғирлик) билан жиноят иши қўзғатилган.

Олиб борилган тезкор қидирув ҳаракатлари давомида ушбу жиноятни Қ.Ш., Ҳ.Н., ва М.М. исмли аёллар содир этганлиги аниқланган, тергов ҳаракатлари олиб борилмоқда.

Жиноят кодексининг 169-моддаси 2-қисмида кўрсатилган жиноятни содир этган шахс беш йилгача озодликдан маҳрум қилиш билан жазоланади

17
В Узбекистане строится первый монолитный путепровод

Ўзбекистонда биринчи марта монолит йўл ўтказгичи қурилмоқда

27
(Янгиланган 18:53 29.10.2020)
Самарқанд шаҳридан ўтган М-39 автомобиль йўлининг 1083 километрида янги монолит йўл ўтказгичи қурилмоқда. Лойиҳага кўра, йўл ўтказгичнинг баландлиги 5,5, узунлиги 110, кенглиги эса 28,9 метрни ташкил этади.

ТОШКЕНТ, 29 окт — Sputnik. Самарқанд шаҳридан ўтган М-39 автомобиль йўлининг 1083 километрида янги монолит йўл ўтказгичи қурилмоқда. Бу ҳақда “Ўзбекистон темир йўллари” матбуот хизмати хабар қилмоқда.

Янги йўл ўтказгич “Ўзбекистон темир йўллари” АЖ “Кўприкқурилишлойиҳа” унитар корхонаси ҳамда Россиянинг етакчи мутахассислари билан ҳамкорликда тайёрланган лойиҳа асосида барпо қилинмоқда.

Лойиҳага кўра, йўл ўтказгичнинг баландлиги 5,5, узунлиги 110, кенглиги эса 28,9 метрни ташкил этади.

Ушбу йўл ўтказгич фойдаланишга топширилга,  бир соатда қарийб 600 га яқин, бир суткада эса 14 мингта автомобилни ўтказиш имконияти яратилади.

Таъкидланишича, мазкур иншоотни бунёд этишдан кўзланган мақсад Самарқанд шаҳрида транспорт инфратузилмасини янада яхшилаш ҳамда янги қурилаётган “Samarkand city” ҳудудига келадиган сайёҳлар ва фуқароларга қулайлик яратишдир. 

27