Бизнесмен

Тадбиркорликка тўсқинлик қилиш давлат сиёсатига тўсқинлик қилиш деб баҳоланади

1246
(Янгиланган 16:22 15.12.2016)
Ўзбекистон раҳбари тадбиркорларнинг мамлакат ижтимоий-иқтисодий ҳаётидаги ўрнига юқори баҳо берди

ТОШКЕНТ, 15 дек – Sputnik. Ўзбекистон президенти Шавкат Мирзиёев Олий Мажлис палаталарининг қўшма мажлисида сўзлаган нутқида тадбиркорлик соҳасига алоҳида тўхталиб ўтди.

"Бизнинг яна бир муҳим вазифамиз, – деди Мирзиёев, – кичик бизнес ва тадбиркорлик соҳасини қўллаб-қувватлаш ва рағбатлантириш, мамлакатимиз иқтисодий қудратини, юртимизда тинчлик ва барқарорлик, ижтимоий тотувликни мустаҳкамлашдан, бу соҳа улушини янада ошириш учун қулай шарт-шароитлар яратиб беришдан иборат. Нега деганда, тадбиркор нафақат ўзини ва оиласини, балки халқни ҳам, давлатни ҳам боқади. Мен такрор бўлса ҳам, айтишдан ҳеч қачон чарчамайман, яъни "Халқ бой бўлса, давлат ҳам бой ва қудратли бўлади".

Ўзбекистон раҳбари бундан кейин тадбиркорликни ривожлантиришга тўсқинлик қилиш – давлат сиёсатига, Президент сиёсатига тўсқинлик қилиш, деб баҳоланишини алоҳида таъкидлади.

"Сайловчилар билан учрашувларда нафақат тадбиркорлар, балки аҳолимизнинг кенг қатлами ана шу талабни қатъий қўллаб-қувватлаганига шахсан ўзим чуқур ишонч ҳосил қилдим", – деди Ўзбекистон президенти.

1246
Мавзу:
Ўзбекистоннинг янги президенти Шавкат Мирзиёев: ислоҳотлар ва тайинловлар (72)
Заключенный

Энди президент ўз ташаббуси билан исталган маҳкумни афв этиши мумкин

69
Ўзбекистонда президент томонидан ўз ихтиёрига кўра маҳкумни ёки жазони ўтаб бўлган шахсни афв этиш тартиби белгиланди.

ТОШКЕНТ, 27 янв — Sputnik. Президент томонидан ўз ихтиёрига кўра маҳкумни ёки жазони ўтаб бўлган шахсни афв этиш тартиби белгиланди. Бу ҳақда Адлия вазирлининг “Ҳуқуқий ахборот” каналида маълум қилинди.

Фармонга кўра, президентнинг ислоҳотларни ҳуқуқий таъминлаш ва ҳуқуқни муҳофаза қилиш фаолиятини мувофиқлаштириш масалалари бўйича маслаҳатчиси бўлинмаларининг Фуқаролик, афв этиш ва сиёсий бошпана бериш масалалари бўйича шўъбаси – Ўзбекистон президентининг ҳуқуқни муҳофаза қилувчи ва назорат органлари фаолиятини мувофиқлаштириш масалалари бўйича маслаҳатчиси бўлинмаларининг фуқаролик ва афв этиш шўъбаси этиб ўзгартирилди.

Эндиликда президент маҳкумнинг ёки жазони ўтаб бўлган шахснинг афв этишни сўраб ёзган илтимосномаси мавжуд ёки мавжуд эмаслигидан қатъи назар ўз ташаббуси билан исталган маҳкумни ёки жазони ўтаб бўлган шахсни афв этиши мумкин.

Бу ҳақда Шўъбага президентнинг топшириқ хати юборилади.

Шўъба президентдан топшириқ хатини олган кундан эътиборан 1 иш куни ичида президент ҳузуридаги Афв этиш масалалари бўйича Комиссияси аъзоларига мажлис ўтказилиши куни ва жойи ҳақида хабар беради.

Комиссия мажлиси якунида бўйича Шўъба томонидан маҳкумларни ёки жазони ўтаб бўлган шахсларнинг шахсини ва ҳужжатларини ўрганиш учун ишчи гуруҳлар шакллантирилади ва уларнинг жойларга чиқиши ташкил этилади.

Ишчи гуруҳ Комиссия муҳокамасига киритиш учун ҳужжатлари ажратиб олинган маҳкумлардан ёки жазони ўтаб бўлган шахслардан уларга нисбатан афв этиш масаласи кўриб чиқилишига эътирози йўқлиги ҳақида розилик хати олади. Розилик хатига зарур ҳужжатлар илова қилинади.

Маҳкум ёки жазони ўтаб бўлган шахс розилик хатини ёзмаган тақдирда, унинг ҳужжатлари Комиссиянинг муҳокамасига киритилмайди.

Комиссия ишчи гуруҳ томонидан тақдим этилган  ҳужжатларни муҳокама қилиб, афв этилиши мумкин бўлган маҳкумлар ёки жазони ўтаб бўлган шахслар бўйича баённома қарорини қабул қилади ва президентга таклиф киритади.

Комиссиянинг маҳкумни ёки жазони ўтаб бўлган шахсни афв этишга тавсия қилишни рад этганлиги, уларга келгусида афв этишни сўраб илтимоснома билан мурожаат қилишга монелик қилмайди.

69
Теглар:
афв, президент фармони, президент
Вакцинация от коронавируса

Ўзбекистонда 4617 киши Хитой вакцинаси билан эмланди

29
(Янгиланган 16:14 27.01.2021)
Ўзбекистонда Хитой вакцинаси кўнгиллиларда синовдан ўтмоқда. 1 февралдан тиббиёт ходимларини оммавий эмлаш жараёнларига тайёрлаш бошланади.

ТОШКЕНТ, 27 янв - Sputnik. Ўзбекистонда 4617 киши коронавирусга қарши эмланди, деб хабар қилди Коронавирусга қарши кураш штаби аъзоси Ботир Қурбонов АОКАда.

Маълум бўлишича, Ўзбекистонда тиббиёт ходимларини махсус “Хавфсиз иммунизация” шартлари бўйича тайёргарликдан ўтказиш бўйича вакцинаторлар рўйхати шакллантирилган ва 1 февралидан тиббиёт ходимларини оммавий эмлаш жараёнларига тайёрлаш бўйича бўйича тренинг ва семинарлар бошланади.

Хитойнинг "Ayhui Zhifei Longcom Biopharmaceutical” компанияси томонидан ишлаб чиқилган, янги коронавирус рекомбинант вакцинасининг III фаза клиник синовларини ўтказиш доирасида Ўзбекистонга 5000 дона вакцина олиб келинган. 

2020 йилнинг 12 декабридан бошлаб 2021 йил 27 январига қадар 9583 нафар кўнгиллилар тиббий кўрик ва суҳбатдан ўтказилган ва 4617 нафар кўнгилли вакцинация амалга оширилди, дейилган хабарда.

Маълумот учун, Ўзбекистонда коронавирус инфекцияси қайд этилганлар сони 78 510 нафар. Уларнинг 98,0 физи (76 997 нафар) бутунлай тузалди.

Айни пайтда тиббиёт муассасаларида даволанаётган 892 нафар бўлиб,  бемордан 158 нафари оғир, 32 нафари эса ўта оғир ва 702 нафари енгил шаклда даволанмоқда. Коронавирусдан соғайиш кўрсаткичи — 86 %. 

29

Фақат кўп қиррали ҳамкорлик инсониятни қутқариб қолади - Путин Давос форумида нима деди

55
(Янгиланган 17:46 27.01.2021)
“Бир чўққили дунё” қуришга бўлган уриниш даври тугади, энди кўп қиррали ҳамкорликни йўлга қўйишимиз керак, - деди Путин.

ТОШКЕНТ, 27 янв - Sputnik. Россия президенти Владимир Путин Давосс форумининг очилиш маросимида онлайн нутқ сўзлади.

Ўз сўзида Россия президенти бугунги кунда дунёда содир бўлаётган глобал жараёнлар ва муаммолар, коронавирус пандемияси ва вакцина яратиш масалалари ҳақида тўхталиб ўтди.

Владимир Путин айтишига қараганда, 2020 йилда содир бўлган COVID-19 пандемияси инсоният учун мисли кўрилмаган чақириқ бўлган. Коронавирус туфайли бутун дунёда иқтисодий ва ижтимоий муаммолар кескинлашган. 

Биринчи навбатда, бунга сабаб - иқтисодий муаммолар. Камбағал давлатлар ва жамиятнинг даромади кам бўлган қатлами пандемия оқибатида янада оғир аҳволга тушиб қолиши оқибатида норозилик даражаси кескин ошиб бормоқда. Бу эса келажакда давлатларни, жамиятларни парчаланишига, барчанинг барчага қарши уруши бошланиши мумкин.

Россия президенти фикрига кўра, дунёда сўнгги бир неча ўн йилликда олиб борилган глобализация жараёнлари  – фақат Америка ва Европанинг йирик корпорациялари даромади ошишига олиб келган. Дунёдаги энг йирик рақамли компаниялар эса ҳукуматлар билан рақобат қилиш даражасига етган.

“Инсоният тарихида турли давлат ва жамиятлар орасида рақобат, кураш, манфаатлар тўқнашуви ҳеч қачон тўхтамаган, лекин пандемия каби барча учун оғир бўлган даврларда – барча давлатлар саъй-ҳаракатларини бирлаштириши мақсадга мувофиқ бўлар эди. Менимча ҳозир айнан ана шундай вақт”, - деди Путин.  

Бундай ҳамкорлик, хусусан коронавирусга қарши вакцина яратиш соҳасида йўлга қўйилиши мумкин. Коронавирусга қарши вакцинани барча давлатларга, жумладан Африка давлатларига ҳам етказиб бериш керак.

Иккинчидан, бадавлат давлатлар камбағал давлатлар билан маслаҳатлашган ҳолда миграция муаммоларини ҳам ҳал қилиши мумкин. 

Россия президенти, шунингдек “бир чўққили дунё” қуришга бўлган уриниш даври тугаганини  маълум қилди. Ушбу вазиятда глобал можарога йўл қўйилса – инсоният цивилизацияси йўқ бўлиб кетиши хавфи жуда катта.

Бугунги кунда давлатлар бир бири билан кўп қиррали ҳамкорликни йўлга қўйишлар керак. Ана шунда барча сиёсий, иқтисодий ва гуманитар муаммоларни енгиш мумкин бўлади, дейди Путин.

Нутқ сўнггида Россия президенти Европа давлатларига ўтган замон қўрқувларидан воз кечиб Россия билан тўлақонли ҳамкорликни йўлга қўйишга чақирди.

55