Ўзбекистон президенти Шавкат Мирзиёев, архив сурат

Ўҳў! 2 кунда ишдан олинган 4 ҳоким ва ўзбекистонликларни ҳайратга солган бошқа хабарлар

5828
(Янгиланган 15:13 22.12.2016)
Бу галги янгиликлар тўпламидан яширин колбаса цехининг фош қилиниши, юзлаб эшаклар сўйилган маконнинг аниқланиши ва бошқа муҳим хабарлар ўрин олди

ТОШКЕНТ, 22 дек — Sputnik. Мана, бир ҳафта ҳам кўз очиб юмгунча ўтиб кетди. Ушбу вақт мобайнида ўзбекистонликларни ҳайратга ва даҳшатга солган хабарлар кўп бўлди. Аввалига ҳукуматда юз берган кадрлар алмашувидан оғиз очилган бўлса, сал ўтмай Самарқандда юз берган даҳшатли ҳодиса — юзлаб эшакларнинг сўйилиши халқни ларзага солди…

Демак, ушбу ҳафтада рўй берган энг муҳим хабарлар кетма-кетлигини эътиборингизга ҳавола қиламиз.

1. Ўзбекистонда ёппасига кадрлар алмашуви

Ўтган ҳафтада Ўзбекистон Республикаси Бош вазири лавозимига Абдулла Арипов номзоди тасдиқланди, Рустам Азимов эса Молия вазири лавозимидан кетди. Самарқанд ҳокими Қишлоқ ва сув хўжалиги вазири этиб тайинланди.

Бундан ташқари, Тошкент, Сирдарё, Сурхондарё ва Бухоро вилоятлари ҳокимлари виртуал қабулхонага келаётган мурожаатлар билан яхши ишламаётганликлари сабабли ишдан олинди.

Умид қиламизки, ушбу ўзгаришлардан сўнг, мансабдорлар Ўзбекистон президентининг энг биринчи талабини бажарадилар, яъни "халққа яқинроқ бўлиб, халқ дардига қулоқ тутадилар"…

Шавкат Мирзиёев
Ўзбекистон президенти Шавкат Мирзиёев

2. Самарқандда юзлаб эшакларнинг сўйилиши

Самарқанд шаҳри Хишрав қўрғонидан топилган юзлаб эшаклар суяклари ва жасадлари ҳафтанинг энг шов-шувли хабарига айланди. Мутасадди ташкилотлар раҳбарлари ушбу ҳодисага нисбатан зудлик билан чора кўрдилар — "эшаклар гўристони" йўқ қилинди ва ҳудудда дезинфекция ишлари олиб борилди.

Устранение ослиного могильника у водоема в Самарканде
Устранение ослиного могильника у водоема в Самарканде

Журналист Тошпўлат Раҳматуллаев айни вақтда эшаклар нима мақсадда сўйилгани ва уларнинг гўшти қаерда ишлатилгани юзасидан журналистик-суриштирувини олиб бормоқда. Воқеа ривожи, албатта, Спутник Ўзбекистон нашрида ёритилади.

Дарҳақиқат, ушбу ҳафтада Урганчда фаолият юритаётган яширин колбаса цехи фош қилинди. "Ўзстандарт" агентлигининг вилоят синов ва сертификатлаштириш маркази хулосасига кўра, цехдаги гўшт маҳсулотлари истеъмолчилар ҳаёти ва соғлиғига салбий таъсир кўрсатиши аниқланган. Шу боис, истеъмолчилардан хушёр бўлишларини, гўшт ва колбаса маҳсулотларини харид қилаётганда махсус сертификатни кўрсатишни талаб қилишларини маслаҳат берамиз.

3. Ёғ нархи арзонлашди

Айтиш жоизки, бу ўзгариш ҳақида фақат Самарқанд вилояти ҳокимлиги хабар қилди. Ҳокимлик хабарига кўра, аҳолининг кундалик эҳтиёжи учун зарур бўладиган маҳаллий ўсимлик ёғи, ун ва шакар маҳсулотларининг эркин сотилишининг олдини олиш учун зарур чоралар кўрилган ва  1 кг ун — 1050 сўм, 1 кг ёғ — 5400 сўм, 1 кг шакар — 4800 сўм нарх белгиланган. Ажойиб хушхабар!

Производство подсолнечного масла. Архивное фото
© Sputnik / Александр Поготов
Ёғ

4. Россиянинг Туркиядаги элчиси ўлдирилиши

Жорий йилнинг 19 декабр куни Туркия пойтахти Анқара шаҳрида мудҳиш қотиллик амалга оширилди — оммавий тадбир чоғида Россиянинг Туркиядаги элчиси Андрей Карлов террорчи томонидан отиб ўлдирилди.

© RIA Novosti
Туркияда Россия элчиси ўлдирилиши

Дипломатга уюштирилган суъиқасд бутун дунё раҳбарлари томонидан қаттиқ қораланди. Ўзбекистон президенти Шавкат Мирзиёев ушбу муносабат билан Россия президенти Владимир Путинга самимий ҳамдардлик билдирди ва Ўзбекистон шундай кунда Россия халқи билан бирдамлигини айтди.

5. Рустам Азимовнинг Тожикистонга сафари — мақсад нима?

2016-йилнинг 26 декабр куни Ўзбекистон бош вазирининг ўринбосари Рустам Азимов Душанбега сафар қилади. Азимов Тожикистонга нима мақсадда бораётгани кўпчиликни қизиқтирмоқда, албатта. Икки мамлакат ўртасида темир йўл ва автобус қатнови йўлга қўйиладими? Виза масаласи-чи, у нима бўлади?

Министр финансов Республики Узбекистан Рустам Азимов
© Sputnik / Алексей Даничев
Ўзбекистон бош вазирининг ўринбосари Рустам Азимов
Рустам Азимов нега Тожикистонга бораётганига сиз ҳам қизиқаётган бўлсангиз, унда ушбу хабарни ўқинг.

5828
Теглар:
Россия, ҳамдардлик, элчининг ўлдирилиши, Самарқанд, эшаклар сўйилиши, ёғ арзонлашди, Бош вазир, вазирлар ишдан кетиши, ҳокимлар ишдан олиниши, Карлов, Рустам Азимов, Шавкат Мирзиёев, Россия, Ўзбекистон
МВД и Нацгвардия провели совместные учения

Мирзиёев Миллий гвардия ўқув марказларига оид қарорни имзолади

103
Шавкат Мирзиёев “Ўзбекистон Республикаси Миллий гвардиясининг ўқув марказлари фаолиятини такомиллаштириш бўйича қўшимча чора-тадбирлар тўғрисида”ги қарорни имзолади.

ТОШКЕНТ, 5 мар — Sputnik. “Ўзбекистон Республикаси Миллий гвардиясининг ўқув марказлари фаолиятини такомиллаштириш бўйича қўшимча чора-тадбирлар тўғрисида”ги президент қарори қабул қилинди. 

Қарорга кўра:

- Нукус шаҳрида Миллий гвардиянинг Қорақалпоғистон Республикаси минтақавий ўқув маркази ташкил этилди;

- Миллий гвардиянинг Фарғона ўқув маркази Фарғона минтақавий ўқув марказига, Даштобод ўқув маркази эса Миллий гвардиянинг Жиззах минтақавий ўқув марказига айлантирилди.

Мазкур минтақавий ўқув марказларида ҳарбий хизматчи ва ходимларни бошланғич тайёрлаш, қайта тайёрлаш ва уларнинг малакасини ошириш бўйича ўқув жараёни қуйидаги ҳудудларга тақсимланган ҳолда таъминланади:

- Миллий гвардиянинг Фарғона минтақавий ўқув маркази – Тошкент шаҳри, Тошкент, Фарғона, Андижон ва Наманган вилоятларида хизмат қилаётган ҳарбий хизматчи ва ходимлар учун;

- Миллий гвардиянинг Жиззах минтақавий ўқув маркази – Сирдарё, Жиззах, Самарқанд, Қашқадарё ва Сурхондарё вилоятларида хизмат қилаётган ҳарбий хизматчи ва ходимлар учун;

- Миллий гвардиянинг Қорақалпоғистон Республикаси минтақавий ўқув маркази – Қорақалпоғистон Республикаси, Хоразм, Навоий ва Бухоро вилоятларида хизмат қилаётган ҳарбий хизматчи ва ходимлар учун.

Минтақавий ўқув марказларининг раҳбар ва педагоглар таркибини қайта тайёрлаш ва уларнинг малакасини ошириш Миллий гвардиянинг Ҳарбий-техник институтида ҳамда бошқа вазирлик ва идораларнинг олий, олий ҳарбий ва ихтисослаштирилган таълим муассасаларида амалга оширилади.

Эслатиб ўтамиз, ўтган ҳафтада президент Шавкат Мирзиёев “Ўзбекистон Республикаси Миллий гвардияси Қўриқлаш бош бошқармасининг фаолиятини сифат жиҳатидан янги босқичга кўтариш чора-тадбирлари тўғрисида”ги қарорни имзолаганди.

103
Казахстанская авиакомпания SCAT получила разрешение на выполнение полетов по маршруту Актау-Ургенч-Актау.

Қозоғистон авиакомпанияси Ўзбекистонга парвозларни бошлайди

257
(Янгиланган 14:52 05.03.2021)
Қозоғистон парвозлар барча санитария-эпидемиология талабларини ҳисобга олган ҳолда ва авиакомпания сайтида эълон қилинган жадвалга мувофиқ амалга оширилишини таъкидлади.

ТОШКЕНТ, 5 мар — Sputnik. Қозоғистон Индустрия ва инфратузилмани ривожлантириш вазирлигининг фуқаролик авиацияси қўмитаси матбуот хизмати келаси душанба, 8 мартдан бошлаб маҳаллий SCAT авиакомпанияси самолётлари “Актау-Урганч” йўналишида ҳафтасига икки маротаба парвозларни йўлга қўйишини маълум қилди.

Рейслар душанба ва чоршанба кунлари Боинг-737 самолётларида амалга оширилади.

Шу билан бирга, парвозлар барча санитария-эпидемиология талабларини ҳисобга олган ҳолда ва авиакомпания сайтида эълон қилинган жадвалга мувофиқ амалга оширилишини таъкидланди.

Эслатиб ўтамиз, ўтган ҳафтада Ўзбекистон Транспорт вазири – “Uzbekistan airways” АЖ бошқарув раиси Илхом Маҳкамов Қозоғистон Республикаси Индустрия ва инфратузилмаларни ривожлантриш вазири Бейбут Атамкулов билан телефон орқали мулоқот ўтказганди.

Унда эпидемиологик вазиятдан келиб чиқиб, Ўзбекистон ва Қозоғистон ўртасида йўловчи автобуслари қатновларини тезроқ тиклаш муҳимлиги қайд этилди. Шунингдек, икки мамлакат ўртасида мунтазам авиапарвозлар сонини ошириш, янги қатнов йўналишларини очиш масалалари муҳокама этилди. 

257
Мавзу:
COVID-19 умумжаҳон пандемияси

Ўзбекистон ҳаётида аёллар ҳиссаси

0
Ўзбекистон ижтимоий ва иқтисодий ҳаётида аёллар ҳиссаси йил сайин ортиб бормоқда. Бошқарув тизимида аёллар ишлаётган корхоналар улуши 26%дан ошган. 
© Sputnik

Бугунги кунда Ўзбекистонда 17 миллиондан ортиқ аёллар яшайди. Сўнгги йилларда аёллар ўртача умр давомийлиги ўсиб, ўртача 77,4 ёшни ташкил қилди. 

Айтиш жоизки, соғлиқни сақлаш ва таълим соҳалари, маошлар нисбатан паст бўлишига қарамасдан, аёлларнинг фидокорона меҳнати туфайли муваффақиятли кун кечирмоқда. Ушбу соҳаларда банд бўлган фуқароларнинг 75%дан ортиғи аёллардир. Хизмат кўрсатиш ва савдо соҳаси ходимларининг ҳам ярмидан кўпи аёллардир.  

Ўзбекистонда сўнгги йилларда яққол кўзга ташланаётган тенденциялардан бири бу - бошқарув соҳаларида аёллар сони ошиб бораётганидир. Статистик маълумотларга кўра, аёллар таъсисчи бўлган хусусий фирмалар улуши 24 %дан ва бошқарув тизимида ишлаётган корхоналар улуши 26%дан ошган. Шунингдек Олий Мажлис палаталарида ҳам аёллар улуши 24 (Сенат) ва 33(Қонунчилик палатаси) фоизни ташкил қилмоқда. 

Батафсил инфографикамизда танишинг.

0