Банкомат

"Банкоматлар қўйилармуш", деган хабарга ўзбекистонликларнинг муносабати

2057
(Янгиланган 15:34 27.01.2017)
Ўзбекистонда нақд пул берувчи банкоматларнинг ўрнатилиши ҳафтанинг энг асосий хабарларидан бирига айланди. Интернет фойдаланувчилари бу янгиликнинг афзал томонлари билан бирга, ўзбек сўмлари сиғадиган қути ҳажми қандай бўлиши кераклиги борасида қизғин муҳокамага киришиб кетдилар

ТОШКЕНТ, 27 янв — Sputnik. Марказий банк вакили куни кеча Ўзбекистонда тез орада нақд пул ечиб олиш имконини берувчи 1000та банкомат ўрнатилиши ҳақида хабар қилди.

Бу янгилик, табиийки, ижтимоий тармоқ фойдаланувчилари эътиборидан четда қолмади. Ахир виртуал пуллар машмашасига қачон чек қўйилади, деган савол уларни анча вақтдан буён қийнаб келмоқда.

Интернет фойдаланувчилари дарҳол бу борада ўзаро фикр алмашдилар.

"Зўр иш бўларкан-у, а! Ажойиб янгилик", — дея ўз хурсандчилигини яширмаган Муҳаббат исмли фойдаланувчи.

"Қизиқ, неча сўмгача ечиб олса бўлар экан", — дея савол ташлаган Нигора исмли фойдаланувчи.

"Энг кераги, борганингизда ичида ҳар доим пул бўлсин. Ана шунда ҳамма гап", — дея Нигорага жавоб қайтарган Камил Гафуров.

Интернет фойдаланувчилари шундан сўнг банкоматнинг ҳажми қандай бўлиши кераклиги ҳақида баҳслашишга ўтишган.

"Энди бу банкоматларга банкоматдан банккача етадиган трубалар улаш керак бўлмасмикин? Бир киши бир миллион ечиб олса, банкоматда тезда пул тугаб қолмайдими?", — дея савол ташлаган Хошимбек исмли фойдаланувчи.

Дизайн банкомата для сума
Ўзбек сўмлари учун банкомат дизайни. Тролл.уз
"Қишлок жойда тахминан 50 минг нақд пул етади, қолган керакли нарса пластикка харид қилинаверади. Энг асосийси нақд пул ва пластик ўртасидаги фарқни йўқотиш керак", дея ўз фикрини билдирган Дима никли фойдаланувчи.

"Нақд пулни банкдан ташқарига катта миқдорда эмиссия қилиш инфляцияни янада кучайтиради. Ундан кўра пластик карточкадаги пулларни қадрини ошириш лозим. Нархлардаги фарқ йўқолса, нақд пулга бўлган эхтиёж ўз-ўзидан камайиб кетади деб ўйлайман", — дея баҳсга якун ясаган Абдумалик Носиров.

Айтганча, Марказий банк нақд пулсиз ҳисоб-китоб тизимини ривожлантиришда давом этмоқчи.

"Тез орада республикадаги барча савдо ва хизмат нуқталари терминаллар билан таъминланади. Ана шунда нақд пул муаммоси ҳам барҳам топади ", — деган МБнинг пул муомаласи департаменти ходими Фахриддин Бобоев.

Sputnik Ўзбекистон Марказий банк ходимининг сўзлари амалга ошишига умид қилиб қолади.

2057
Теглар:
банкоматлар, банк, сўм
Шавкат Мирзиёев

Шавкат Мирзиёев илм-фан ва инновациялар соҳасини танқид қилди

39
(Янгиланган 10:16 04.12.2020)
Президент ҳузурида бўлиб ўтган мажлисда илм-фан ва қишлоқ ҳужалиги ва саноат соҳалари орасида боғлиқлик етишмаётгани қайд этилди.

ТОШКЕНТ, 4 дек -Sputnik. Президент Шавкат Мирзиёев раислигида 3 декабрь куни илм-фан ва инновацияни ривожлантириш борасида видеоселектор йиғилиши ўтказилди. Унда Республикадаги илм-фон ривожланиши соҳасидаги ишлар танқидий нуқтаи назардан кўриб чиқилди. 

Хусусан, сўнгги 4 йилда 28 та илмий ташкилот ва 4 та инновацион технопарк ташкил этилгани, олимлар иш ҳақи 3 баравар оширилгани ва илмий ташкилотларнинг моддий-техник базасини янгилаш учун катта маблағлар йўналтирилгани қайд этилди.

"Лекин, 100 дан зиёд илмий ташкилотлар фаолиятида сезиларли ўзгариш бўлгани йўқ. Масалан, 24 та муассаса ўтган йили халқаро тан олинган журналларда бирорта ҳам илмий мақола чоп этмаган", - дейилган хабарда. 

Шунингдек, инновация вазирлиги яратилаётган ноу-хаулар ва ишлаб чиқариш жараёни орасида боғлиқлик ярата олмаётгани қайд этилди.  

Мисол учун, инновацион ишланмалар учун бюджетдан 100 миллиард сўм ажратилаётган бўлса-да, танлов натижаси бўйича бор-йўғи 29 миллиард сўмлик 51 та лойиҳа шакллантирилди, холос. Фанлар академияси тизимидаги 33 та илмий институт томонидан ўтган йили атиги 59 та патент олинган.

Совещание по развитию науки и инноваций

Ундан ташқари, ОТМларда илмий тадқиқотлар даражаси ўта паст, илм ва инновация масалалари бўйича масъул проректорлар умуман ишламаётгани қайд этилди.

Шунингдек, инновациялардан қишлоқ хўжалигида ҳосилдорликни ошириш, қўшилган қиймати юқори бўлган маҳсулотлар ишлаб чиқариш, уруғчиликни ривожлантиришда, сув-хўжалигина янги тежамкор технологиялардан фойдаланиш масаласи ҳам кўтарилди. 

Саноатга ҳам илм-фан ёндашуви керак. Масалан, Навоий ва Олмалиқ кон-металлургия комбинатларида 3 миллиард тоннага яқин техноген чиқиндилар йиғилиб қолган. Йилига уларнинг 20 миллион тоннаси қайта ишланса, 2 тонна олтин, 8 тонна кумуш, 10 минг тонна мис ҳамда вольфрам, молибден каби нодир металлар олиш мумкин. Мутасаддиларга шу борада аниқ кўрсатмалар берилди. Батафсил қуйида танишинг.

39

“Спутник V”: 50тадан ортиқ давлат вакцинани сотиб олиш учун буюртма берди

374
Россия тўғридан-тўғри инвестиция жамғармаси 50 дан ортиқ давлатдан 1,2 миллиард доза “Спутник V” вакцинасини сотиб олиш учун аризалар қабул қилди.

ТОШКЕНТ, 3 дек — Sputnik. Россия тўғридан-тўғри инвестиция жамғармаси 50 дан ортиқ давлатдан 1,2 миллиард доза “Спутник V” вакцинасини сотиб олиш учун аризалар қабул қилди, деди брифингда Ташқи ишлар вазирлиги вакили Мария Захарова.

Унинг сўзларига кўра, чоршанба куни БМТ Бош ассамблеясининг 31-махсус сессияси доирасида Россия вакцинасининг тақдимоти бўлиб ўтди ва бу халқаро шерикларда катта қизиқиш уйғотди.

"Россия тўғридан-тўғри инвестиция жамғармаси ва Гамалея институти фаолияти тўғрисида яна бир неча сўз айтмоқчиман. Улар нафақат Россияда оммавий эмлаш учун “Спутник V” вакцинасини ишлаб чиқаришни кенгайтириш, балки хорижий мамлакатларда Россия препаратини ишлаб чиқаришни йўлга қўйиш ва хорижий бозорларга чиқиш учун иш олиб бормоқда", - деди Захарова.

Россиянинг БМТдаги доимий ваколатхонаси ва Соғлиқни сақлаш вазирлиги "Спутник V: COVID-19 га қарши вакцина" виртуал тадбирида Россия препаратини тақдим этди. Соғлиқни сақлаш вазири Михаил Мурашконинг таъкидлашича, рўйхатдан ўтишдан кейинги синовлар Россия, Беларусь, Ҳиндистон, Бирлашган Араб Амирликлари ва Венесуелада ўтказилмоқда, бундан ташқари Бразилия ва бошқа давлатларда тест ўтказиш масаласи муҳокама қилинмоқда. Унинг таъкидлашича, " Спутник V" "кучли иммунитет ва антитаначалар жавоб" ни кўрсатди.

Ўз навбатида, Россия тўғридан-тўғри инвестиция жамғармаси раҳбари Кирилл Дмитриев “Спутник V”ни 40 мамлакатда тасдиқлаш учун ариза топширганини ва ушбу мамлакатлардаги назорат органлари билан иш олиб бораётганини қўшимча қилди. Унинг сўзларига кўра, вакцинанинг нархи дозаси 10 доллардан кам бўлади, "баъзи мРНК вакциналарига қараганда анча арзон".

374

Тошкент зоопарки ногирон болалар учун байрам уюштирди - видео

0
(Янгиланган 12:01 04.12.2020)
Агар болалар зоопаркка келиш имкони бўлмаса, зоопаркнинг ўзи уларнинг олдига боради, деган қарорга келишди Тошкент зоопаркида.

Халқаро ногиронлар кунида Тошкент зоопаркида ногирон болалар учун махсус мактаб тарбияланувчилари учун хайрия акцияси бўлиб ўтди. Болакайлар кун узун ҳайвонлар билан мулоқот қилиш, улар билан суратга тушиш имконига эга бўлишди. 

Агар болалар зоопаркка бориш имкони бўлмаса, зоопаркнинг ўзи уларнинг олдига келади, деган қарорга келишди Тошкент зоопаркида. Болалар  кун давомида қуён, оғмахон (хомяк), типратикан, денгиз чўчқаси ва маймунлар  болаларда катта қизиқиш, қувноқ кайфият ва ҳаяжон уйғотишди. 

Байрам кун узун давом этди. Унда болалар учун маҳаллий артистлар чиқишлари ва хомийлар совғалари топшириш маросими бўлиб ўтди. 

Тошкентдаги 2-сонли ногирон болалар махсус мактабида 15 ёшдан катта бўлган болалар таълим олади. Уларнинг аксарияи ота-она қаровисиз қолган имконияти чекланган болаллардир.

 

0