Ўзбекистонда Наврўз кенг нишонланмоқда

Мирзиёевнинг Наврўз ҳақидаги қарорига ўзбекистонликлар муносабати

1494
(Янгиланган 20:44 09.02.2017)
Ўзбекистон президенти Шавкат Мирзиёев Вазирлар Маҳкамасининг кенгайтирилган мажлисида "Бу йил Наврўз байрами кенг нишонланади", - деб эълон қилган эди

ТОШКЕНТ, 9 фев — Sputnik. Айтиш керак-ки, Наврўз байрамининг Ўзбекистонда кенг нишонланиши мамлакат фуқаролари томонидан катта хурсандчилик билан қарши олинди.

Спутник Ўзбекистон нашри бу ҳақда эълон қилиши билан ижтимоий тармоқ фойдаланувчилари ушбу хабарни яшин тезлигида ўзаро бўлишдилар.

Қуйида, интернет фойдаланувчилари ушбу хабар остида қолдирган изоҳларини эътиборингизга ҳавола қиламиз.

"Тўғрисини айтсам, сўнгги йилларда ҳеч қайси миллий байрам кўнгилдагидек нишонланмаган эди. Байрамлар қаерда ва қай тарзда нишонланишини ҳеч ким билмасди ҳатто. Янги президентимиз туфайли бу йил ҳаммаси ўзгаради, деб умид қиламан", — деб ёзган Бахтиёр Жалалов.

"Ажойиб қарор!" "Ура! Ура! Ура!!!!, — дея ўзининг чексиз хурсандчилигини яширишмаган Оля ва Фируза исмли интернет фойдаланучилари.

"Жуда ҳам ажойиб. Биз халқларни бир-бирига жипслаштирувчи бундай байрамлар кўпроқ бўлишини хоҳлаймиз", — деб ёзган Венера Малово.

"Доно қарор. Наврўз — бу барибир умумхалқ байрами", — дея изоҳ қолдирган Рахимахон Жўрабаевна.

"Ва ниҳоят", — қисқа ва лўнда изоҳ қолдирган Муқаддас исмли фойдаланувчи.

"Айтманг, ва ниҳоят ақлли қарор эълон қилинди", — дея Муқаддаснинг изоҳини маъқуллаган Розалия Гусманова.

"Тўғри қарор. Уйда ўтириб ҳамма нарсага лоқайд бўлиб қолдик. Халқ билан ҳеч ким иш тутмай қўйганди. Шу кечаю-кундузда турар жойлар, туманлар ободонлаштириляпти, ҳамма ёқ гўзаллашиб, чирой очяпти. Азиз ҳамюртлар! Бундай ўзгаришларга бефарқ бўлманг. Атрофимизни тоза тутишга ҳаракат қилайлик", — дея чорлаган Мадина Раҳматова.

Хуллас, Ўзбекистон фуқаролари президент қарорини бир овоздан хурсандчилик садолари билан қарши олган.

1494
Теглар:
Мирзиёев фармони, Наврўз, байрам
Свадебные кольца

Ўзбекистонда никоҳга кириш муддатини узайтириш таклиф этилмоқда

462
Таъкидланишича, ҳозирги кунда ФҲДЁга ариза топширганидан сўнг бир ой ўтиб оила қуриш мумкин. Ваҳоланки, бу муддатда икки ёш ҳатто бир-бирини таниб олишга ҳам улгурмайди, дейилади хабарда

ТОШКЕНТ, 27 фев - Sputnik. Жиноят ишлари бўйича Юнусобод тумани суди, Фуқаролик ишлари бўйича Мирзо Улуғбек туманлараро суди, Тошкент туманлараро маъмурий суди ҳамда Тошкент туманлараро иқтисодий суди томонидан жиноятларни жиловлаш, жиноятчилик профилактикасини янада такомиллаштириш борасида амалга оширилган ишлар юзасидан брифинг ташкил қилинди, деб хабар беради ЎзА.

Маълум қилинишича, Фуқаролик ишлари бўйича Мирзо Улуғбек туманлараро судида 2020 йил давомида жами 11 276 фуқаролик иши тамомланган. Кўрилган ишларнинг 7393 таси битимларга доир низолар бўлса, 1485 таси никоҳдан ажратиш билан боғлиқ бўлган. Қолганларини меҳнат, мулк ҳуқуқи ва бошқалар ташкил этган.

"Ажрашишнинг асосий сабабларидан бири – аксарият ёшларимиз оила қуришга тайёр эмас. Ажримлар сонини камайтиришга эришиш ва мустаҳкам оилани шакллантириш учун никоҳга кирувчиларга эътибор кучайтирилиши мақсадга мувофиқ", — дейилади хабарда.

Тадбирда никоҳга кириш жараёнини мураккаблаштириш зарурлиги таклиф этилган.

Таъкидланишича, ҳозирги кунда ФҲДЁга ариза топширганидан сўнг бир ой ўтиб оила қуриш мумкин. Ваҳоланки, бу муддатда икки ёш ҳатто бир-бирини таниб олишга ҳам улгурмайди.

Шу боис никоҳга кириш муддатини бир ой эмас, уч ойга узайтириш лозимлиги таъкидланган. Никоҳдан ўтиб, сўнг фарзандини тирик етим қилгандан кўра, уч ойлик муддатда бир-бирига маъқул келмаса, ўз йўлида давом этгани маъқул.

462
Председатель объединения VETERAN Талъат Мурадов

Муродов афғон урушида бедарак кетган яна олти аскар қабрлари топилганини маълум қилди

622
VETERAN бирлашмаси раиси Талъат Муродов Афғонистонда жанг қилган ветеранлар коронавирус пандемияси вақтида қандай қўллаб-қувватлангани, Афғонистон Ислом Республикаси ҳудудида уруш вақтида бедарак йўқолган жангчиларни қидириш ишлари қандай кечаётгани ҳақида гапирди

Талъат Муродовнинг сўзларига кўра, коронавирус пандемияси вақтида VETERAN бирлашмаси ўз ходимларини қўллаб-қувватлаш учун бир қанча чоралар кўрган.

"Биргаликда биз кучмиз!" жамғармаси билан биргаликда бирлашма пандемия давомида Ўзбекистонда истиқомат қилувчи афғон жангчиларига ёрдам бериб келган.

"Ўтган йилнинг май ойида республикамизда рўй берган фожиа - Сардоба сув омборида юз берган ўпирилиш вақтида бизнинг 18 нафар ходимимиз ҳам жабр чеккан. Бирлашмамиз томонидан уларга янги буюмлар: пойабзал, иссиқ кийим-кечак, ёпинчиқлар етказиб берилди, сабаби, улар бошпанасиз қолишган эди", — деб ҳикоя қилди Талъат Муродов Sputnik Ўзбекистон мухбирига берган интервьюсида.

Афғонистондаги урушда Ўзбекистондан 65 000 нафар ветеранлар иштирок этган, улардан 2000 нафари ногирон бўлиб қайтишган, кейинчалик ногиронлар сони 5000 нафарга етган, 1 565 минг ўзбек ўғлонлари бу урушда ҳалок бўлишган, 33 нафари бедарак кетган. Мустақиллик йилларида бедарак кетган ҳисобланган аскарларнинг тўрт нафари тирик топилган ва ватанга қайтарилган. Аммо 29 нафар аскар топилган эмас, уларни ота-оналари, яқинлари ҳалигача кутишади. Ўтган йилнинг ёз фаслида Ўзбекистон ҳукумати афғон урушида бедарак кетган аскарларни қидириш ишларини молиялаштириш ҳақида қарор қабул қилган.

Муродовнинг айтишича, жорий йил февраль ойининг бошида байналминал жангчилар қўмитаси вакилларидан иборат делегация Афғонистонга учган. Афғонистонда ташкил этилган учрашувлар натижасида делегация аъзоларига тўртта қабр кўрсатилган. Шунингдек, татар диаспораси томонидан яна иккита қабр аниқлангани маълум қилинган.

"Бедарак йўқолган аскарларни қидириш ишлари олиб бориляпти ва сўнгги аскарни топгунга қадар давом эттирилади", - деди Муродов.

Эслатиб ўтамиз, бугун Тошкент шаҳрида афғон уруши ветеранлари "Байналминал-жангчи" орденлари билан тақдирландилар.

622
Мавзу:
Афғонистон: 30 йил тинчлик илинжида

Бутина америка турмаларидаги қийноқлар ҳақида гапирди

672
(Янгиланган 18:07 27.02.2021)
Бутинанинг айтишича, уни карцерга ўтказиб, у ерда тўрт ой давомида ушлаб туришган, гарчи халқаро стандартлар бўйича карцерда 15 кундан ортиқ ушлаш мумкин бўлмаган.

ТОШКЕНТ, 27 фев — Sputnik. Америка қамоқхонасидан озод қилинган россиялик, жамоатчилик палатаси аъзоси Мария Бутина "НТВ" учун суратга олинган фильмда америка турмасида бошидан кечирганлари ҳақида сўзлади.

"Рўй берган воқеаларни холокостга қиёслаш мумкин, ахир бу миллатингиз туфайли таъқиб эди-да. Ҳозир эса россиялик ватандошларимизни ҳам худди шундай миллати ва фуқаролиги учун таъқиб қилишмоқда", - деди у.

Бутинанинг айтишича, уни карцерга ўтказиб, у ерда тўрт ой давомида ушлаб туришган, гарчи халқаро стандартлар бўйича карцерда 15 кундан ортиқ ушлаш мумкин бўлмаган.

"Тунда ҳар 15 дақиқада светни ёқишиб: "Are you окay?" (Яхшимисан?) деб сўрашади. То уларга жавоб бермагунингга қадар сени уйғотаверишади", - деди Бутина.

Бундан ташқари, Бутинани аллақандай препаратлар қабул қилишга мажбур этмоқчи бўлишган.

"Улар одамни урмайди, шунчаки руҳан қийнашади, психотроп препаратлар ичишга мажбур этишади, чунки улар таъсирида тергов қилиш осонроқ", - дейди Мария.

Бутинанинг айтишича, кунига беш маҳалдан назоратчилар унинг камерасига келиб, контрабанда борлиги гумони остида уни яланғоч қилиб ечинтиришган.

Россияликнинг сўзларига кўра, камерада деярли ҳеч қачон свет ўчирилмаган. Боз устига, назоратчилар ҳамиша баланд чийилдоқ овоз чиқишини таъминлаб берганлар.

"Яъни улар ҳамиша шу чийилдоқ овоз билан ҳам мўртлашиб қолган руҳиятингизга таъсир ўтказишади. Иродангизни тамомила синдиришади", - деб хотима қилди Бутина.

Бутина 2018 йилнинг июлида қўлга олинган ва "ноқонуний чет эл агенти бўлиш мақсадида тил бириктирув" айблови билан 18 ойга қамалган. 2019 йилнинг октябрида Бутина озодликка чиқарилган ва Россияга депорт қилинган эди.

672