Интерактивная школа в Волгограде

Дунёдаги энг яхши таълим тизими қанақа?

2877
(Янгиланган 19:28 04.05.2017)
Маълумки, Финландия Европа шимолида жойлашган кичик мамлакат. Катта табиий бойликлар, савдо имтиёзлари ёки бошқа сезиларли даромад манбааларига эга эмас.

ТОШКЕНТ, 4 май — Sputnik. Мутахассислар фикрига кўра,дунёнинг энг яхши таълим тизими Финландияда экан. Финландия Европанинг ривожланган мамлакатларидан бири ҳисобланади.

Хўш, дунёда энг яхши ҳисобланадиган Финландия таълим тизими, бошқалардан нимаси билан ажралиб туради?

  1. Финландияда нуфузли ёки оддий мактаб тушунчаси йўқ. Ҳамма мактаб давлатга тегишли бўлиб, улар бир хил молияланади ва бир хил асбоб-ускуна ва имкониятларга эга;
  2. Кичик синфларда болаларга уй вазифаси берилмайди, имтиҳон топширмайди ва уларга баҳо қўйилмайди;
  3. Фин мактабларида болалар жуда кўп иншо ёзади: мустақил ишлаш болага ҳар бир масала ҳақида ўз фикрига эга бўлишни ва фикрини бадиий тилда изоҳлашни ўргатади;     
  4. Бир фанни бошқа фанлар ўрнида чуқурроқ ўрганиш маъқулланмайди. Масалан финлар математикани санъатдан кўра чуқурроқ ўрганиш керак деб ҳисобламайди;
  5. Бир ўқувчини бошқа ўқувчибилан қиёслаш таъқиқланган. Ногирон ва қобилиятлари болалар бир синфда ўқишади;
  6. Фин мактаблари шиори шундай: Биз болани ё ҳаётга тайёрлаймиз, ё – имтиҳонга. Биз биринчисини танладик”. Шунинг учун ҳам фин мактабларида фақат бир марта – ўқувчи 16 ёшга тўлганда имтиҳон топширилади;
  7. Финн мактабларида энг асосийси — ўқувчини мустақил ҳаётга тайёрлаши, деб ҳисобланади.  Шунинг учун ҳам уларга мустақил билим олишни ўргатишади. Болалар ёдлаб олинган формулалар ўрнига, справочник, калькульятор ва интернетдан фойдаланишни ўрганади;  
  8. Ўқитувчилар бир кунда синф хонасида 4 соат дарс беради ва ҳафтага 2 соат ўқитувчи малака оширишига сарфланади;
  9. Финландияда “ўқитувчи” касби – обрўли касб ҳисобланади. Олий таълим масканларида ўқитувчи бўлиш ишлашга жуда катта конкурс мавжуд;
  10. Финландияда умумий ўрта таълим – бепул. Бунинг ичига бепул обед, экскурсия, мактаб автобуслари ва китоблар киради. Ота-оналардан пул йиғиш таъқиқланган;

Маълумки, Финландия Европа шимолида жойлашган кичик мамлакат. Катта табиий бойликлар, савдо имтиёзлари ёки бошқа сезиларли даромад манбааларига эга эмас. 20 аср бошларида Финландия Европанинг энг қашшоқ мамлакатларидан бири бўлган. Ўша йилларда минглаб финлар АҚШ, Англия, Германия ва Францияга бориб оддий ишчи сифатида (меҳнат мигранти) ишлаган. Ўша вақтларда америкада уй хизматчисини “финка” деб аташган.

Бугунги кунда эса, Финландия дунёнинг нуфузли таҳлилий марказлар фикрига кўра, “Дунёнинг энг яхши мамлакати”, “Эркаклар ва аёллар ҳуқуқлари тенг мамлакат”,  “Дунёнинг энг стабил мамлакати”, “Дунёнинг энг хавфсиз мамлакати”, “Дунёнинг энг қулай мамлакати”  деган номларига сазовор бўлган.

2877

"Тахтақорача" довонида ФВВ ўқув-машқи ўтказилди

120
(Янгиланган 18:48 26.01.2021)
"Тахтақорача" довонида мураккаб об-ҳаво шароитида Фавқулодда вазиятлар вазирлигининг махсус-тактик ўқув машқлари бўлиб ўтди.

ТОШКЕНТ, 26 янв - Sputnik. Самарқанд вилояти Ургут туманида жойлашган "Тахтақорача" довонида Фавқулодда вазиятлар вазирлигининг ўқув машқлари бўлиб ўтди

"ФВДТ ҳудудий ва функционал қуйи бўғинлари хизматларининг табиий ҳамда техноген хусусиятли фавқулодда вазиятларда ҳамкорликдаги ҳаракатлари" мавзусида махсус-тактик ўқув машқи бўлиб ўтди.

Ўқув машқи 4 босқичда ўтказилди:

  1. Довонда қор кўчкиси содир бўлганда, тегишли хизматларнинг куч-воситалари фавқулодда вазиятни бартараф этиш учун йиғилди ва уларнинг шайлиги саф кўриги орқали кўздан кечирилди. Шунингдек, қор кўчкиси содир бўлиш хавфи мавжуд бўлган ҳудудлардан аҳоли ва моддий бойликларини хавфсиз жойларга кўчириш ишлари амалда кўриб чиқилди.
    МЧС
    Учения МЧС на перевале Тахтакорача
  2. Қор кўчкиси оқибатида транспорт воситалари билан боғлиқ шартли равишда содир этилган авто-авариялар оқибатлари бартараф этилди ва қор кўчкиси остида қолган фуқароларни қидириш ҳамда қутқарув ишларини амалга ошириш, жабрланганларга биринчи тиббий ёрдам кўрсатиш ишлари олиб борилди.
    МЧС
    Учения МЧС на перевале Тахтакорача
  3. Довонда икки томонлама йўл ҳаракатини тиклаш, фуқароларнинг ҳаётий тизимини маромига келтириш, автомобил йўлини қордан тозалаш, йўл қатнов қисмининг сирпанчиқ ва тик қияли ҳудудларида қум ва қум-туз аралашмасини сепиш, йўл белгиларини таъмирлаш ишлари олиб борилди.
  4. Машғулот якунида иштирокчиларга йўл қўйилган камчиликлар ва уларни бартараф этиш бўйича зарур тавсиялар берилди.

Маълумот учун ўтган дам олиш кунлари арафасида Тахтақорача довонида қалин қор (20-30 см) ёққан эди. Шу сабабли  юқорида қайд этилган ўқув машғулотлари аслига яқин мураккаб шароитларда бўлиб ўтди.

МЧС
Учения МЧС на перевале Тахтакорача
120
Праздничный концерт в честь Дня конституции Узбекистана

Концерт тадбирларини ташкил этишга рухсат берилди

121
(Янгиланган 15:57 26.01.2021)
Ўзбекистонда 28 январдан концерт ва томоша тадбирларини ташкил этишга рухсат берилмоқда. Бунда томошабинлар сони 50 фоиздан ошмаслиги зарур.

ТОШКЕНТ, 26 янв — Sputnik. Жорий йилнинг 28 январидан бошлаб санитария-эпидемиологик талабларга қатъий риоя этган ҳолда концерт ва томоша тадбирларини ташкил этишга рухсат берилди.

Республика махсус комиссиясининг қарори билан концерт ва томоша тадбирларини ўтказиш бўйича қуйидаги талаблар белгиланди:

  • концерт саройларининг томошабин сиғимини инобатга олган ҳолда томошабинлар сонини 50 фоиздан оширмаган ҳолда ташкил этиш;
  • концерт саройларининг томошабин ўриндиқларидан оралиқ масофани сақлаган ҳолда фойдаланилишини таъминлаш ва бу борада оралиқ масофани сақлаш учун талаб этиладиган ўриндиқларни консервация қилиш;
  • концерт саройларига ташриф буюрувчи томошабин ҳамда хизмат кўрсатувчи ходимлар қатъий ниқобда бўлиш.

Шунингдек, умумий овқатланиш корхоналари ва кўнгилочар объектлар томонидан соат 8:00 дан 23:00 гача бўлган даврида фаолият юритиши билан боғлиқ бўлган чекловлар бекор қилинди.

Ушбу хизматлар Вазирлар Маҳкамасининг “Тунги вақтда фаолият юритувчи умумий овқатланиш корхоналари ва кўнгилочар объектларда жамоат хавфсизлигини таъминлашга доир қўшимча чора-тадбирлар тўғрисида”ги 2019 йил 24 июлдаги қарори талаблари доирасида ташкил этилишига рухсат берилди.

Махсус комиссия фуқаролардан санитария-эпидемиологик қоидаларга қатъи риоя этишлари ҳамда мамлакатда эпидемиологик барқарорликни таъминлаш борасида эришилган бугунги вазиятни бардавом бўлиши учун шахсий масъулиятни оширишни сўраган.

121