Газ ва энергия

Ўзбекистонда свет ва газ бўйича қарздорлик 5 триллион сўмдан ошиб кетди

863
(Янгиланган 15:29 28.06.2017)
Қарздорлар билан ишлар жадаллаштирилиши ҳамда замонавий ҳисоблагичлар ва автоматлаштирилган ҳисобга олиш тизимини жорий этиш натижасида вазият кескин ўзгаради

ТОШКЕНТ, 28 июн — Sputnik. Бугунги кунда Ўзбекистонда жисмоний ва юридик шахслари томонидан электр энергия ва табиий газ бўйича қарздорлик миқдори 5 триллион сўмдан ошиб кетди, деб хабар берди Бош прокуратура ҳузуридаги Мажбурий ижро бюроси директор ўринбосари Жасур Орипов Халқаро Пресс клуб йиғилишида.

Ориповнинг сўзларига кўра, яқин кунларда қарздорлар билан ишлар жадаллаштирилиши ҳамда замонавий ҳисоблагичлар ва автоматлаштирилган ҳисобга олиш тизимини жорий этилиши натижасида вазият кескин ўзгаради.

"Қарздорлик билан курашишда энергия ресурслари учун пул тўлаш бўйича янги тартиб ҳам ёрдам беради. Унга кўра, 1 июлдан бошлаб юридик шахслар истеъмол қилинадиган ресурслар учун 100 % олдиндан ҳақ тўлаш асосида амалга оширилади. Олдиндан тўлов тўланмаган ҳолларда, истеъмолчиларга нисбатан электр ва газ тармоқлардан узишгача чоралар кўрилиши мумкин", — деб таъкидлади Мажбурий ижро бюроси директори ўринбосари.

Янги тартиб қоидалар жисмоний шахсларга ҳам татбиқ этилади. Жумладан, истеъмолчи — жисмоний шахслар ҳар ойнинг 10 —санасига қадар ўтган ойда истеъмол қилинган энергия ресурслари учун тўлиқ ҳисоб-китоб қилишлари шарт. Қарздорлик мавжуд бўлганда, истеъмолчи — жисмоний шахслар белгиланган тартибда электр ва газ тақсимлаш тармоқларидан мажбурий узилади.

Эслатиб ўтамиз, Ўзбекистон президентнинг 2017 йил 29 майдаги фармонига кўра, Адлия вазирлиги ҳузуридаги Суд департаменти тугатилиб, Бош прокуратура ҳузурида Мажбурий ижро бюроси ташкил этилган эди. Янги бюро энергия ресурслари учун тўловларнинг ўз вақтида ва тўлиқ ундириш, электр ва газ тақсимлаш тармоқларига ноқонуний уланиш ҳамда талон-тарож қилиш ҳолатларини аниқлаш, бартараф этиш ҳамда суд қарорларини ижро этилишини назорат қилади.

Бизнинг Telegramдаги ўзбекча каналимизга обуна бўлинг ва энг янги хабарларни биринчи бўлиб ўқинг.

863

“Ўрикзор” бозоридаги сотувчининг икки фарзандида ҳам коронавирус аниқланди

40
Таъкидланишича, касалланиш кўрсаткичлари шу суръатда ўсиб борса, эпидемия авж олиш хавфи янада кучаяди.

ТОШКЕНТ, 31 май — Sputnik. “Ўрикзор” савдо мажмуаси сотувчисининг ўғли ва қизида ҳам коронавирус аниқланди. Бу ҳақда Соғлиқни сақлаш вазирлиги хабар қилди.

Маълум қилинишича, сўнгги кунларда Самарқанд, Навоий, Тошкент вилоятлари қатори Тошкент шаҳрида ҳам аҳоли орасида коронавирусга чалинганлар сони кун сайин ошиб бормоқда.

“Касалланиш кўрсаткичлари шу суръатда ўсиб борса, эпидемия авж олиш хавфи янада кучаяди. Бу эса аҳолидан янада ҳушёр бўлиб, ўзи ва яқинлари саломатлигига ўта масъулият билан ёндашишларини талаб этмоқда”, - дейилган хабарда.

Эслатиб ўтамиз, Тошкентдаги “Ўрикзор” бозоридаги сотувчиларнинг бирида коронавирус аниқланганини хабар қилинган эди. Шундан сўнг бозор ўша куннинг ўзида вақтинча фаолиятини тўхтатган эди.

40
Санитарная обработка на улицах Ташкента

Ўзбекистонда 1 июндан нималарга рухсат берилади?

1027
(Янгиланган 13:03 30.05.2020)
Масалан, яшил ҳудудларда санаторийлар, пансионатлар, болалар оромгоҳлари, меҳмон уйлари, бошқа дам олиш масканлари ва жойлаштириш воситалари фаолиятига рухсат терилади. Батафсил материалимизда ўқинг

ТОШКЕНТ, 30 май - Sputnik. Ўзбекистонда амалдаги карантин талаблари 2020 йил 15 июнга қадар узайтирилди. Бу ҳақда Республика махсус комиссияси ахбороти эълон қилинди.

Шу билан бирга 2020 йил 1 июндан бошлаб қуйидаги фаолият турларига ҳам рухсат берилмоқда:

"қизил" ҳудудларда: риэлторлик фаолияти; реклама ва маркетинг фаолияти; 

"сариқ" ҳудудларда "қизил" ҳудудларга қўшимча равишда:

➖ автомототранспорт воситалари ҳайдовчиларини тайёрлаш ва қайта тайёрлаш билан шуғулланувчи ташкилотлар фаолияти (бунда, назарий машғулотлар масофадан туриб (онлайн) ўқитиш орқали амалга оширилиши, амалий машғулотлар эса санитария талабларига қатъий риоя қилган, шу жумладан, тиббий ниқоб, тиббий қўлқопдан фойдаланган ҳамда автотранспорт воситаларини дезинфекция қилган ҳолда ташкил қилиниши лозим);

➖ давлат ташкилотларида аутсорсинг асосида овқатланиш хизматларини кўрсатувчи тадбиркорлик субъектлари фаолияти;

"яшил" ҳудудларда "сариқ" ҳудудларга қўшимча равишда:

➖ санаторийлар, пансионатлар, болалар оромгоҳлари, меҳмон уйлари, бошқа дам олиш масканлари ва жойлаштириш воситалари фаолияти (хостеллар бундан мустасно);

➖ спорт секциялари, тўгараклари, спорт заллари ва фитнес клублар фаолияти;

➖ оилавий тантана, тўй, маърака ва маросимларни ўтказиш.

Бунда оилавий тантана, тўй, маърака ва маросимларни фуқароларнинг уй-жойи ва ҳовлисининг ўзида 30 кишидан кўп бўлмаган (фақат яқин қариндошлар ва ушбу туман ҳудудида истиқомат қилувчи бошқа қариндошлар) ҳамда санитария ва гигиена талабларига қатъий риоя этган ҳолда ўтказишга рухсат берилади.

Ўз навбатида карантин даврида оилавий тантана, тўй, маърака ва маросимларни ўтказишнинг белгиланган талабларини бузган шахслар эпидемияларга қарши кураш қоидаларини бузганлик учун маъмурий жавобгарликка тортилади.

Барча ҳудудларда уларнинг тоифасидан қатъи назар қуйидаги карантин талаблари сақлаб қолиниши белгиланди:

☑️жамоат жойларида ижтимоий масофа (2 метр)ни сақлаш;

☑️уч кишидан ортиқ йиғилмаслик, фуқароларнинг тиббий ниқобдан ҳамда антисептик воситаларидан фойдаланиши;

☑️таълим ташкилотлари (боғча, мактаб, лицей, коллеж, техникум, институт, университет ва бошқалар), ўқув курслари фаолиятини йўлга қўймаслик;

☑️кўнгилочар объектлар – тунги клублар, дискотека, ресторан, кафе, ошхона, чойхона, спа ва массаж салонлар, караоке, бильярд заллари, чилим (кальян) ва компьютер ўйинлари марказлари фаолиятига йўл қўймаслик;

☑️концерт, театр, кинотеатр ва спорт тадбирларини (профессионал футбол клублари ўқув машғулотлари ва Ўзбекистон профессионал футбол лигаси чемпионатлари бундан мустасно) ўтказмаслик;

☑️жамоат транспорти ҳаракатига рухсат бермаслик;

☑️буюм бозорлари фаолиятига рухсат бермаслик;

☑️деҳқон, қурилиш бозорлари, озиқ-овқат ва ноозиқ-овқат савдо нуқталари (супермаркет ва бошқа йирик дўконлар) кириш-чиқиш жойларини пирометрлар ва антисептик воситалар билан жиҳозлаш ҳамда ҳар бир фуқаронинг тана ҳароратини ўлчаб, 37 °С ва ундан юқори бўлган ҳолатда, ушбу мажмуаларга киритмаслик чораларини кўриш;

☑️барча ташкилотлар кириш-чиқиш жойларини пирометрлар, антисептик воситалар ва дезинфекцион “тўшак”лар билан таъминлаш ҳамда ходимлар томонидан ижтимоий масофа (2 метр)ни сақлаган ҳолда фаолият юритишини таъминлаш;

☑️қурилиш-таъмирлаш ишларида объектларнинг ҳудуди тўлиқ карантинга олиниши ва ҳудудий санитария-эпидемиология осойишталик марказлари билан биргаликда объектларда санитария-гигиена тадбирларининг амалга оширилиб борилиши. Бунда, ушбу ташкилотларнинг фаолият олиб бориш даврида санитария ва гигиена қоидаларига тўлиқ риоя қилиш, ўз фаолиятини фақатгина тегишли объект ҳудуди доирасида ташкил этиш.

1027

Россиядаги биринчи коронавирусга қарши дори маъқулланди

34
Таъкидланишича “Авифавир”нинг оралиқ клиник тадқиқотлари маълумотлари дори COVID-19 беморларини даволаш учун юқори самардорлигини тасдиқлаган.

ТОШКЕНТ, 31 май — Sputnik. Россиядаги биринчи COVID-19 коронавирус инфекциясига қарши дори “Авифавир” мамлакат Соғлиқни сақлаш вазирлиги томонидан маъқулланди.

Таъкидланишича “Авифавир”нинг оралиқ клиник тадқиқотлари маълумотлари дори COVID-19 беморларини даволаш учун юқори самардорлигини тасдиқлаган. Ҳозирда унинг якуний клиник тадқиқотлари 330 нафар бемор иштирокида давом эттирилмоқда.

“Авифавир” нафақат Россияда коронавирусга қарши биринчи рўйхатга олинган вирусга қарши дори, балки, эҳтимол, дунёда COVID-19га энг катта истиқболга эга дори ҳамдир. У Россияда рекорд муҳлатда клиник тадқиқотлар давомида ишлаб чиқарилган ва синовдан ўтказилган. Бу унга дунёда “Фавипиравира” негизида биринчи рўйхатдан ўтган дори бўлишига имкон берди”, - дейди РФПП раҳбари Кирилл Дмитриев.

Эслатиб ўтамиз, аввалроқ Россияда COVID-19га қарши самарали дори  “Авифавир” пайдо бўлгани хабар қилинган эди.

34
Мавзу:
COVID-19 умумжаҳон пандемияси