Лола Каримова-Тилляева

Лола Каримова-Тилляева: Мен ҳаётга ифор орқали боқаман

1151
(Янгиланган 12:12 20.07.2017)
Лола Каримова-Тилляева чинакам уйғунликни гўзаллик калити деб билади ва тўғри танланган ифор инсоннинг орзу-истаклари рўёбига ёрдам беришига ишонади, деб ёзади Vanity Fair журнали

TOШКЕНТ, 20 июл — Sputnik. Vanity Fair журналида Лола Каримова-Тилляева ва унинг "The Harmonist" бренди ҳақида  мақола чоп этилди.

Ифор cанъати: "The Harmonist" билан танишув

Янги "The Harmonist Maison de Parfum" атирлар уйи Инь ва Ян уйғунлиги фалсафасига таянади. "Атир ҳақида гап кетганда, маълум ифор барчага ҳам бирдек тўғри келавермаслигини яхши биламиз, – дейди бренд асосчиси ва ифорлар уйғунлиги концепцияси муаллифи Лола Каримова-Тилляева. "The Harmonist"ни яратишда Фен-шуй таълимотидан илҳомландим".

Лола Каримова-Тилляева дипломат ва филантроп, Ўзбекистоннинг биринчи Президенти Ислом Каримовнинг қизи. "Ўсмирлик йилларимда ойимнинг атирларини ўзимча "тадқиқ этиб", янги ифор ҳосил қилиш учун уларни аралаштирар эдим, – дея эслайди Лола Каримова-Тилляева. – Ниҳоят, ўзим учун атир яратдим, бу – соҳадаги илк ютуғим эди. Янги ифорни кашф этиш менга маълум маънода ўзлигимни намоён қилиш имконини берди".

Кейинчалик у дўстлари учун лола шаклидаги 500 дона шиша идишда турфа гуллар ва мушк қоришмасидан иборат атир яратди.

"Мен ҳаётга ифор орқали боқаман, – дейди у. – Хуш ифорлар менга оламни теран англашга ёрдам беради".

"The Harmonist" ҳам ана шундай теран туйғулар ифодаси сифатида дунё юзини кўрди.

Лола Каримова-Тилляева хозирда оиласи билан Лос-Анжелес шаҳрида истиқомат қилади. Парижда фаолият юритади. Ушбу шаҳарнинг 8-мавзеидаги гавжум Жорж V кўчасида унинг иккинчи бутиги жойлашган. "The Harmonist"нинг иккала бутиги дизайни Алнур исмли франко-ҳинд интерьер дизайнери томонидан яратилди. Дўконлар дизайнида ҳам фен-шуй таълимотидан фойдаланилган бўлиб, у ерда замонавийлик ва рамзийлик уйғунлигини кўриш мумкин. "Интерьерларнинг ҳам ўз энергияси бор, унсурлардан оқилона фойдаланиб, қолаверса, метафизикага таяниб ўз борлиғимизни ярата оламиз", – дейди Лола Каримова-Тилляева.

Ушбу бренд атирлари беш унсур: тупроқ, маъдан, сув, ёғоч ва оловни ифода этади. Бутикка ташриф буюрар экансиз, мутахассис сизни ҳар бир унсурга хос хусусиятлар билан таништириб, ички оламингизга мос элементни танлашда кўмаклашади. Ҳаёт машаққатларига дуч келганимизда, беихтиёр вужуд, ақл ва руҳ мувозанатини тиклашга уринамиз. "the Harmonist" айнан биз истаётган руҳий ҳаловатни топишга ёрдам беради.

Бренд беш Инь ва беш Ян ифорларини хавола этади. Идишлардаги қуруқ кукунларни ҳидлаб кўриб, ҳар бир ифорни теран ҳис этиш мумкин. Шу тариқа ўз мижозингизга мос унсурни танлайсиз. Танланган ифор таъбингизга кўра ўзгартирилиши мумкин. Дейлик, сиз ижодкорсиз, аммо иқтидорингизни тўлиқ рўёбга чиқара олмаяпсиз. Бунга эҳтимол бирор унсурнинг тўкис эмаслиги сабаб бўлаётгандир. Ифорларга сингдирилган унсурлар руҳиятингиздаги кемтикликни тўлдиради.

Масалан, мен "Desired Earth" атирини ҳидлаб, менинг унсурим тупроқ эканини англадим. Янада хушбўй бўлсин дея ясмин ва анвойи баҳор гулларидан ҳамда уммон сувлари элементларидан иборат икки қўшимча қоришма танладим.

Айтиш жоизки, ҳар бир унсурнинг ўз маъно-мазмуни бор. Масалан, мен Ян Ерман. Менга хос унсурларнинг маъноси қуйидагича:

тупроқ: жамият билан ҳамнафасликка ёрдам беради;

маъдан: истеъдодни юзага чиқаради;

сув: фаровонлик келтиради;

ёғоч: юксак мақом ва мафтункорлик бахш этади;

олов: донолик сари бошлайди.

Дейлик, мен Ян Ёғоч бўлганимда эди, бу унсурлар мутлақо ўзгача маъно касб этган бўлар эди.

Лола Каримова-Тилляева коллекция мукаммал бўлсин дея Armani Privé, Tom Ford, Commes des Garçons ва бошқа брендлар учун ажойиб ифорлар яратган парфюмер Гийом Флавиньи билан ҳамкорлик қилди. Ижодкор ҳассослиги билан Л.Каримова-Тилляеванинг кўнглига йўл топа олди. Шу тариқа ифорлар олами сари сирли саёҳат бошланди. Беш йиллик изланишлар мобайнида Л.Каримова-Тилляевага Флавиньининг ҳар бир унсурдан фавқулодда маҳорат билан фойдалана олиши манзур бўлди.

"Гийом билан ҳамкорликдан кўнглим тўлди. У ҳақиқий профессионал сифатида менинг ижодий ғоя ва қарашларимни рўёбга чиқара олди", – дейди у.

Лола Каримова-Тилляева чинакам уйғунликни гўзаллик калити деб билади ва тўғри танланган ифор инсоннинг орзу-истаклари рўёбига ёрдам беришига ишонади. Бу – Инь ва Ян муштараклиги, бу – ҳаётимизга файз олиб кирувчи ифорлар мўъжизаси.

1151
Теглар:
The Harmonist, Лола Каримова-Тилляева, Ислом Каримов
МВД и Нацгвардия провели совместные учения

Мирзиёев Миллий гвардия ўқув марказларига оид қарорни имзолади

100
Шавкат Мирзиёев “Ўзбекистон Республикаси Миллий гвардиясининг ўқув марказлари фаолиятини такомиллаштириш бўйича қўшимча чора-тадбирлар тўғрисида”ги қарорни имзолади.

ТОШКЕНТ, 5 мар — Sputnik. “Ўзбекистон Республикаси Миллий гвардиясининг ўқув марказлари фаолиятини такомиллаштириш бўйича қўшимча чора-тадбирлар тўғрисида”ги президент қарори қабул қилинди. 

Қарорга кўра:

- Нукус шаҳрида Миллий гвардиянинг Қорақалпоғистон Республикаси минтақавий ўқув маркази ташкил этилди;

- Миллий гвардиянинг Фарғона ўқув маркази Фарғона минтақавий ўқув марказига, Даштобод ўқув маркази эса Миллий гвардиянинг Жиззах минтақавий ўқув марказига айлантирилди.

Мазкур минтақавий ўқув марказларида ҳарбий хизматчи ва ходимларни бошланғич тайёрлаш, қайта тайёрлаш ва уларнинг малакасини ошириш бўйича ўқув жараёни қуйидаги ҳудудларга тақсимланган ҳолда таъминланади:

- Миллий гвардиянинг Фарғона минтақавий ўқув маркази – Тошкент шаҳри, Тошкент, Фарғона, Андижон ва Наманган вилоятларида хизмат қилаётган ҳарбий хизматчи ва ходимлар учун;

- Миллий гвардиянинг Жиззах минтақавий ўқув маркази – Сирдарё, Жиззах, Самарқанд, Қашқадарё ва Сурхондарё вилоятларида хизмат қилаётган ҳарбий хизматчи ва ходимлар учун;

- Миллий гвардиянинг Қорақалпоғистон Республикаси минтақавий ўқув маркази – Қорақалпоғистон Республикаси, Хоразм, Навоий ва Бухоро вилоятларида хизмат қилаётган ҳарбий хизматчи ва ходимлар учун.

Минтақавий ўқув марказларининг раҳбар ва педагоглар таркибини қайта тайёрлаш ва уларнинг малакасини ошириш Миллий гвардиянинг Ҳарбий-техник институтида ҳамда бошқа вазирлик ва идораларнинг олий, олий ҳарбий ва ихтисослаштирилган таълим муассасаларида амалга оширилади.

Эслатиб ўтамиз, ўтган ҳафтада президент Шавкат Мирзиёев “Ўзбекистон Республикаси Миллий гвардияси Қўриқлаш бош бошқармасининг фаолиятини сифат жиҳатидан янги босқичга кўтариш чора-тадбирлари тўғрисида”ги қарорни имзолаганди.

100
Казахстанская авиакомпания SCAT получила разрешение на выполнение полетов по маршруту Актау-Ургенч-Актау.

Қозоғистон авиакомпанияси Ўзбекистонга парвозларни бошлайди

257
(Янгиланган 14:52 05.03.2021)
Қозоғистон парвозлар барча санитария-эпидемиология талабларини ҳисобга олган ҳолда ва авиакомпания сайтида эълон қилинган жадвалга мувофиқ амалга оширилишини таъкидлади.

ТОШКЕНТ, 5 мар — Sputnik. Қозоғистон Индустрия ва инфратузилмани ривожлантириш вазирлигининг фуқаролик авиацияси қўмитаси матбуот хизмати келаси душанба, 8 мартдан бошлаб маҳаллий SCAT авиакомпанияси самолётлари “Актау-Урганч” йўналишида ҳафтасига икки маротаба парвозларни йўлга қўйишини маълум қилди.

Рейслар душанба ва чоршанба кунлари Боинг-737 самолётларида амалга оширилади.

Шу билан бирга, парвозлар барча санитария-эпидемиология талабларини ҳисобга олган ҳолда ва авиакомпания сайтида эълон қилинган жадвалга мувофиқ амалга оширилишини таъкидланди.

Эслатиб ўтамиз, ўтган ҳафтада Ўзбекистон Транспорт вазири – “Uzbekistan airways” АЖ бошқарув раиси Илхом Маҳкамов Қозоғистон Республикаси Индустрия ва инфратузилмаларни ривожлантриш вазири Бейбут Атамкулов билан телефон орқали мулоқот ўтказганди.

Унда эпидемиологик вазиятдан келиб чиқиб, Ўзбекистон ва Қозоғистон ўртасида йўловчи автобуслари қатновларини тезроқ тиклаш муҳимлиги қайд этилди. Шунингдек, икки мамлакат ўртасида мунтазам авиапарвозлар сонини ошириш, янги қатнов йўналишларини очиш масалалари муҳокама этилди. 

257
Мавзу:
COVID-19 умумжаҳон пандемияси

Ўзбекистон ҳаётида аёллар ҳиссаси

0
Ўзбекистон ижтимоий ва иқтисодий ҳаётида аёллар ҳиссаси йил сайин ортиб бормоқда. Бошқарув тизимида аёллар ишлаётган корхоналар улуши 26%дан ошган. 
© Sputnik

Бугунги кунда Ўзбекистонда 17 миллиондан ортиқ аёллар яшайди. Сўнгги йилларда аёллар ўртача умр давомийлиги ўсиб, ўртача 77,4 ёшни ташкил қилди. 

Айтиш жоизки, соғлиқни сақлаш ва таълим соҳалари, маошлар нисбатан паст бўлишига қарамасдан, аёлларнинг фидокорона меҳнати туфайли муваффақиятли кун кечирмоқда. Ушбу соҳаларда банд бўлган фуқароларнинг 75%дан ортиғи аёллардир. Хизмат кўрсатиш ва савдо соҳаси ходимларининг ҳам ярмидан кўпи аёллардир.  

Ўзбекистонда сўнгги йилларда яққол кўзга ташланаётган тенденциялардан бири бу - бошқарув соҳаларида аёллар сони ошиб бораётганидир. Статистик маълумотларга кўра, аёллар таъсисчи бўлган хусусий фирмалар улуши 24 %дан ва бошқарув тизимида ишлаётган корхоналар улуши 26%дан ошган. Шунингдек Олий Мажлис палаталарида ҳам аёллар улуши 24 (Сенат) ва 33(Қонунчилик палатаси) фоизни ташкил қилмоқда. 

Батафсил инфографикамизда танишинг.

0