Сайёра Ходжаева

Адлия полковниги Сайёра Ходжаева ИИББ инсон ҳуқуқларини поймол этаётганини таъкидлади

2462
Ўзбекистонда аёллар билан боғлиқ вазият, уларнинг ҳақ-ҳуқуқлари борасида ўтказилган суҳбатда ҳуқуқшунос Сайёра Ходжаева фоҳишабозликка қарши курашнинг бундай шакли - инсон ҳақ-ҳуқуқлари ва эркинликлари билан боғлиқ конституциявий шартларга мувофиқлиги нуқтаи-назаридан мутлақо номақбуллигини таъкидлади

ТОШКЕНТ, 7 фев — Sputnik. Фоҳишалик билан шуғулланаётган аёлларнинг суратини улар розилигисиз чоп этиш — инсон ҳуқуқларини поймол этишдир, деб таъкидлади Sputnik Ўзбекистон мухбири билан суҳбатда Адлия полковниги, демократия ва инсон ҳуқуқлари институти раҳбари Сайёра Ходжаева.

Эслатиб ўтамиз, илгарироқ Тошкент шаҳар ИИББ фоҳишалик билан шуғулланаётган аёллар суратларини ўз расмий сайтида эълон қилган эди.

ИИББ бошлиқ ўринбосари Дониёр Тошхўжаев сўнгги вақтларда фоҳишалик билан шуғулланган аёлларнинг фото суратларини чоп этилиши бошлангани сабабини изоҳлар экан: "Нима учун бундай қилдик? Чунки ушбу аёллар ўзлари махсус сайтларда бемалол ўзларининг фотосуратларини, телефон рақамларини, бадан ўлчамлари, ўзларини ва хизматларини реклама қилишмоқда", — деб таъкидлаган эди.

Тошхўжаевнинг сўзларига кўра, ҳуқуқ тартибот органлари томонидан бундай чоралар фақатгина қўлга олинган аёллар ва уларнинг фаолиятлари ҳақида маълумотлар батафсил текшириб чиқилгандан сўнг амалга оширилди. Қўлга олинган шахслар кимдир судга арз қилмоқчи бўлса, албатта буни қилишлари мумкин. Суд жараёнида ИИББ ўз ҳатти-ҳаракатларини тушунтириб беради.

Ўзбекистонда аёллар билан боғлиқ вазият, уларнинг ҳақ-ҳуқуқлари борасида ўтказилган суҳбатда ҳуқуқшунос Сайёра Ходжаева фоҳишабозликка қарши курашнинг бундай шакли — инсон ҳақ-ҳуқуқлари ва эркинликлари билан боғлиқ конституциявий шартларга мувофиқлиги нуқтаи-назаридан мутлақо номақбуллигини таъкидлади.

"Фоҳишабозликка қарши курашнинг бундай шакли — инсон ҳақ-ҳуқуқлари ва эркинликлари билан боғлиқ конституциявий шартларга мувофиқлиги нуқтаи-назаридан мутлақо номақбул. Бу аёлларнинг суратларини уларнинг розилигисиз чоп этиш — инсон ҳуқуқларини поймол этишдир! Милиция ходимлари ўз ҳатти-ҳаракатларини Ўзбекистон Республикасининг Маъмурий жавобгарлик тўғрисидаги Кодексида профилактиканинг барча чоралари кўзда тутилгани, гўёки фотосуратларни чоп этишга бирор таъқиқ йўқлиги билан изоҳлашади. Уларга жавобан, ўзимнинг Фейсбукдаги саҳифамда ИИББ олдига савол қўйдим: унда нега бу аёллар хизматидан фойдаланган эркаклар суратлари ҳам эълон қилинмаяпти? Бу эркаклар бирдамлигими ёхуд бир томонлама кураш? Шахсан мен бу каби ҳолатларни аёлларни камситиш, деб ҳисоблайман. Токи талаб бор экан — таклиф ҳам бўлади! Ҳурматли эркакларимиз ҳам ўз ҳаракатлари учун жавоб беришсин! Чунки жинси, ирқи, дини ва ҳоказоларга қарамасдан — қонун олдида барча баробардир", — деб таъкидлади Ходжаева.

2462
Аллея на Ганге

Оқилов болалар орасида ҳам коронавирус билан касалланиш кўпаётганини маълум қилди

18
Коронавирусга қарши кураш штаби аъзосининг сўзларига кўра, ҳозирда педиатрик койкалар захираси тайёрланмоқда.

ТОШКЕНТ, 20 сен — Sputnik. Коронавирусга қарши кураш штаби аъзоси Ҳабибулла Оқилов Ўзбекистонда ҳам болалар орасида коронавирус билан касалланиш ортаётганини маълум қилди.

“Мана, мактаблар ишлашни бошлади. Табиийки, касалланиш сони бугунга келиб ошиб бормоқда. Минг афсус, Ўзбекистонда олдин болалар деярли касал бўлмаётганди, ҳозир болалар контингентининг ичида ҳам касалланиш бор. Шунинг учун биз педиатрик койкалар захирасини ҳам тайёрлаяпмиз ва педиатр кадрларни ҳам тайёрлаш режалаштирилган”, - деди у “Ўзбекистон 24” телеканалига берган интервьюсида.

Аввалроқ 17 сентябрь куни Ўзбекистонда коронавирус пандемияси бошланган буён биринчи марта 11 ёшли бола вафот этгани маълум бўлганди.

Бўстонлиқ тумани Ғазалкент шаҳрида истиқомат қилган 11 ёшли фуқаро 5 сентябрь куни туман тиббиёт бирлашмаси қабул бўлимига тез тиббий ёрдам машинасида олиб келинган. Болада ўша вақтда бурундан қон кетиши, тана ҳароратининг 38 даражага кўтарилиши, нафас сиқиши кузатилган. Кўкрак қафаси ренгени қилинганда 50 фоиз зарарланиш аниқланган.

Бола 2012 йилдан буён сурункали гломерулонефрит, нефротик шакли, сурункали буйрак етишмовчилиги, камқонлик ва семизликнинг учинчи даражаси ташхиси билан диспансер назоратида турган ва ногиронлик нафақаси олиб келган.

Кўрилган даво чораларига қарамасдан, бемор сурункалн гломерулонефрит, буйрак етишмовчилининг терминал босқичи, семизлик ва анемиянинг учинчи даражаси,  икки томонлама пневмониянинг оғир шакли натижасида вафот этган.

18
Теглар:
Ўзбекистон, коронавирус
Мавзу:
COVID-19 умумжаҳон пандемияси
Скончался ветеран узбекского футбола Наримон Джалолов

Ўзбек футболи фахрийси Наримон Жалолов вафот этди

21
(Янгиланган 12:14 20.09.2020)
Наримон Жалолов ўзбек футболи ривожига қўшган ҳиссаси учун “Ўзбекистон Республикасида хизмат кўрсатган мураббий” фахрий унвони ва “Шуҳрат” медали билан билан тақдирланган.

ТОШКЕНТ, 20 сен — Sputnik. Бугун, 20 сентябрь ЎФА Фахрийлар кенгаши раиси Наримов Жалолов 88 ёшида оламдан кўз юмди. Бу ҳақда Ўзбекистон Миллий олимпия қўмитаси матбуот хизмати хабар қилмоқда.

Наримон Жалолов 1931 йил 23 сентябрь куни туғилган. Унинг ташаббуси билан Тошкент шаҳри ва вилоятларида кўплаб стадионлар қад ростлаган.

1968 йилда “Пахтакор” клуби раҳбари сифатида ишлаган ва ўша даврда жамоа Собиқ Иттифоқ кубогининг финалига қадар етиб борган эди. Мустақилликнинг илк йилларида ЎФФ вице-президенти лавозимида ишлаган.

Наримон Жалолов ўзбек футболи ривожига қўшган ҳиссаси учун ҳукумат томонидан “Ўзбекистон Республикасида хизмат кўрсатган мураббий” фахрий унвони ва “Шуҳрат” медали билан билан тақдирланган.

21