Дети в медицинских масках

Ўзбекистонда болаларда аллергик касалликларни аниқлаш учун умумдавлат акцияси ўтказилади

169
(Янгиланган 09:41 12.05.2018)
Акция 2019 йил 1 январдан 1 июлгача оилавий поликлиникалар ва қишлоқ врачлик пунктларида, шунингдек, мактаб ва мактабгача таълим муассасаларига борган ҳолда бепул асосда ўтказилади.

ТОШКЕНТ, 12 май — Sputnik. Ўзбeкистoнда аллергик касалликларни эрта аниқлаш учун 18 ёшга тўлмаган ва хавф остида бўлган болаларни текшириш бўйича бир марталик умумдавлат акцияси ўтказилади.

Бу ҳақда Sputnik мухбири Ўзбекистон президентининг қарорига асосланиб хабар берди.

Акция 2019 йил 1 январдан 1 июлгача оилавий поликлиникалар ва қишлоқ врачлик пунктларида, шунингдек, мактаб ва мактабгача таълим муассасаларига борган ҳолда бепул асосда ўтказилади.

Бундан ташқари, Инновацион ривожланиш вазирлиги икки ой муддатда аллерген ўсимликлар чанги тўпланишини кузатишни ва муайян ҳудудда аллергия патологияси билан касалланган беморларни хабардор қилишни назарда тутадиган аэробиологик мониторинг тизимини яратиш таклифини ишлаб чиқади.

Ҳужжатда, аллергик касалликлар ташхисини ультразамонавий биологик микрочипларни қўллаган ҳолда ташкил этиш, шунингдек, келгусида Ўзбекистон аҳолисининг "аллергик паспортини" ишлаб чиқиш белгиланган.

Соҳани кадрлар билан таъминлаш мақсадида Тошкент тиббиёт академияси ва Тошкент педиатрия тиббиёт институтида аллергология ва клиник иммунология кафедраси ташкил этилади, 2018/2019 ўқув йилидaн клиник ординатурага қабул қилиш квотаси кўпайтирилади.

Шунингдек, келгуси ўқув йилидан "aллeргoлoгия вa клиник иммунoлoгия" мутaxaссислиги бўйичa мaгистрaтурa йўнaлиши oчилади.

169
Врачи в отделении реанимации и интенсивной терапии городской клинической больницы

Ўзбекистонда коронавирус: 6 июнь асосий хабарлари

397
Бугуннинг ўзида 21 нафар бемор тузалиб, реабилитацияга кузатилди. Республика бўйлаб жами соғайганлар сони 3 268 нафарга етди.

ТОШКЕНТ, 6 июн — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

Бир сутка давомида 57 кишида коронавирус аниқланди, охирги маълумотларга кўра, Ўзбекистонда коронавирус инфекцияси қайд этилганлар сони 4 064 нафарни ташкил қилмоқда.

Даволаниш кўрсаткичи

Бугуннинг ўзида 21 нафар бемор тузалиб, реабилитацияга кузатилди. Жами соғайганлар сони 3 268 нафар.

Айни пайтда 779 нафар беморга белгиланган стандартлар бўйича даво чоралари кўрилмоқда.

17-чи ўлим

Тошкентда яна бир бемор коронавирусдан вафот этди. 27 май куни пойтахтлик фуқаро автоҳалокатга учраб, тез тиббий ёрдам машинасида бош мия ёпиқ жароҳати дастлабки ташхиси билан Республика шошилинч тиббий ёрдам илмий марказига олиб келинади.

Ўша пайтда унда тана ҳарорати юқорилиги ва коронавирус аломатлари кўрингани сабабли таҳлил олинади. Текширув  натижасида 70 ёшли (эркак) беморда “Covid-19” инфекцияси  тасдиқланади. Сўнг у Тошкент тиббиёт академияси кўп тармоқли клиникасига ётқизилган.

У аввалдан бош мия ўсмаси, юрак ишемик ва гипертония касаллиги, гепатит, пневмония, сурункали юрак, буйрак ва жигар етишмовчилиги ташхиси билан даволаниб келган. Реанимацион муолажаларга қарамасдан, бемор мия шиши, ўткир нафас ва юрак қон-томир етишмовчилигидан вафот этган.

Яна бозорлардаги ҳолатлар

“Ўрикзор”, Юнусобод ва “Медиапарк” бозори ишчиларида, Наманган ИИБ ходими, Бухорода йўл қурувчисида коронавирус аниқланди.

Бугун Тошкент шаҳрида аҳоли орасида 3 нафар фуқарода - Шайхонтоҳур туманидаги “Медиа Парк” савдо мажмуасининг яна 2 нафар ходимида коронавирус аниқланган.

Кеча, 5 июнь куни қайд этилган касалланиш ҳолатлари эса 68 та бўлиб, улардан 17 нафари - аҳоли орасидан аниқланган.

Жумладан, Тошкент шаҳридаги Олмазор туманида нафақадаги фуқарода, Учтепа туманидаги “Ўрикзор” савдо мажмуасида яна бир дўкон сотувчиси ва унинг 5 нафар оила аъзоси (онаси, икки нафар қизи, ўғли ва жияни)да коронавирус инфекцияси тасдиқланган.

Айнан “Ўрикзор” савдо мажмуасида ўтган май ойи давомида юк ташувчи бўлиб ишлаган, сўнгра доимий яшаш манзили Қашқадарё вилояти Чироқчи туманига қайтган фуқаро ва унинг 3 нафар оила аъзоси (2 нафар акаси ва қизи)да  ҳам ушбу касаллик аниқланди.

Тошкент вилояти инфекция аниқланган фуқароларнинг 1 нафари - Оққўрғон туманидан бўлиб, ҳарорати кўтарилган ва намуна топширган. Яна бир ҳолат эса Қибрай туманида яшовчи фуқарода қайд этилган. У Юнусобод бозорида зираворлар савдоси билан шуғулланиб келган.

“Маштаково”дан ўтиб олиш

Самара вилояти чегарасида қолган 367 нафар фуқаро Ўзбекистонга юборилди. Фуқаролар Қозоғистон билан “Маштаково” назоратдан ўтиш жойидан чегарани кесиб ўтиб, Ўзбекистонга йўл олди.

Қўшни республика ҳудудидан ўзбекистонликлар автобусларда ватанга олиб келинади.

Дунё саломатлиги

COVID-19 дунёнинг деярли барча давлатига етиб борди. Сўнгги маълумотларга кўра, инфекцияни юқтириб олган кишиларнинг сони 6,8 миллиондан ошди, 398 минг киши вафот этди, 3,3 миллион киши тузалди.

397

Тошкентда коронавирусга чалинган бемор вафот этди

147
(Янгиланган 20:34 06.06.2020)
Сунъий нафас олиш аппаратида бўлган бемор ўткир нафас ва юрак қон-қон томир етишмовчилигидан вафот этди - ССВ.

ТОШКЕНТ, 6 июн — Sputnik. Тошкентда коронавирусга чалинган бемор вафот этди, деб хабар қилди Соғлиқни сақлаш вазирлиги матбуот хизмати.

Хабарда айтилишича, 27 май куни пойтахтлик Ш. автоҳалокатга учраб, тез тиббий ёрдам машинасида бош мия ёпиқ жароҳати дастлабки ташхиси билан Республика шошилинч тиббий ёрдам илмий марказига олиб келинади.

Ўша пайтда унда тана ҳароратини юқорилиги ва коронавирус аломатлари кўринганлиги  сабабли таҳлил олинади. Ўтказилган  текширув  натижасида 70 ёшли (эркак) беморда “Covid-19” инфекцияси  тасдиқланади.

Шундан сўнг унга ихтисослашган тиббий ёрдам кўрсатиш мақсадида Тошкент тиббиёт академияси кўп тармоқли клиникасига ётқизилган.

У аввалдан бош мия ўсмаси, юрак ишемик ва гипертония касаллиги, гепатит, пневмония, сурункали юрак, буйрак ва жигар етишмовчилиги ташхиси билан даволаниб келган.

Беморнинг ўтган даволаниш вақти давомида вазирликнинг турли соҳа йўналишлари бўйича бош мутахассисларининг халқаро стандартлар бўйича берган  тавсиялари асосида шифокорлар барча керакли тиббий муолажаларни амалга оширишган. Бундан ташқари, Республика шошилинч тиббий ёрдам илмий маркази мутахассислари томонидан телемедицина орқали консилиумлар ҳам  ўтказилиб, доимий назоратга олинган.

Бироқ сўнгги кунларда беморда нафас етишмовчилигини кучайиши натижасида аҳволи кескин ёмонлашган ва сунъий нафас олиш аппаратига олинган. Стандартлар асосида кўрсатилган реанимацион муолажаларга қарамасдан бемор мия шиши, ўткир нафас ва юрак қон-томир етишмовчилигидан вафот этган.

147
Мавзу:
COVID-19 умумжаҳон пандемияси
Официальный представитель Министерства иностранных дел России Мария Захарова

ТИВ АҚШнинг "демократия" бўйича насиҳатлари подборкасини эълон қилади

92
Захарованинг сўзларига кўра, РФ ТИВ АҚШ томонидан қилинган "демократия сабоқлари" тўғрисидаги подборка "троллинг" мақсадида эмас, балки шунчаки, келгусида ёдда сақлашлари учун эълон қилади.

ТОШКЕНТ, 6 июн – Sputnik. Россия ташқи ишлар вазирлиги АҚШ сўнгги 10 йил давомида "қандай қилиб бутун дунёга демократиядан сабоқ бергани" тўғрисида подборкани эълон қилади, деди РФ ТИВ расмий вакили Мария Захарова.

"Мен биз ҳам "троллинг" қилишни биламиз, демоқчи эдим. Бу иккиланиш бўй кўрсатган шундайин бир тарихий лаҳза. Чунки эртага  эҳтимол ТИВнинг ижтимоий тармоқлардаги саҳифаларида, ТИВ Facebookида махсус подборкаларни эълон қиламиз. Америкалик ҳамкасбларимиз бизга қандай сабоқ беришгани ҳақида бундан ҳам баттар иқтибослар бор, лекин биз сўнгги 10 йил давомида улар бутун дунёга қандай қилиб ўша демократиядан сабоқ бергани ҳақида махсус подборкаларни тайёрладик. Улар қандай қилиб ақл ўргатишгани, панд-насиҳат қилишгани, эътироз билдиришгани, оммавий "савалаш"ларни уюштиришганини кўрсатиб берамиз. Бу ҳатто троллинг эмас", - деди Захарова YouTube-каналдаги "Соловьев LIVE" эфирида "Россия тартибсизликлар фонида АҚШни "троллинг" қиладими", деган саволга жавобан.

Захарованинг таъкидлашича, сўнгги йилларда АҚШнинг демократия бўйича "насиҳатлари" ички муаммолари мавжуд бўлган давлатлар устидан кулиш тусини олган, чунки Вашингтон ўша давлатлардаги вазиятни кўриб туриб шундай баёнотлар билан чиққан.

"Бу кўп ҳолларда ички муаммоларни кўриб, очиқчасига кулиш эди. Кўп ҳолларда бошқа давлатларда ўша ички муаммоларнинг пайдо бўлишига ҳисса қўшган ҳолда улар халқаро ташкилотлар, ижтимоий тармоқлар, брифинглар ва бошқа жойларда албатта оммавий баёнотлар билан чиқиш қиларди. Бизда бу подборка тайёр, биз шунчаки эртага эълон қиламиз", - деб қўшимча қилди у.

Захарованинг сўзларига кўра, РФ ТИВ АҚШ ҳақидаги подборкани "троллинг" мақсадида эмас, балки шунчаки келгусида ёдда сақлашлари учун эълон қилади.

"Нега деганда, Вашингтон, келгуси сафар, бу жуда яқин орада содир бўлади, кимгадир ўша айтганимиздек, демократиядан сабоқ бермоқчи бўлганида, ички муаммолар билан қандай яшаш керагу бу муаммоларни қандай енгиш лозимлиги ҳақида гапиришни истаганида, уларга бу эслатма бўлади", - деди Захарова ва айни дам АҚШ "троллинги" мавриди эмаслигини, нега деганда, АҚШдаги норозиликлар - бу реал муаммолигини қўшимча қилди.

Эслатиб ўтамиз, афроамерикалик Жорж Флойд Миннеаполисда полициячилар қўлида нобуд бўлгач АҚШнинг йирик шаҳарларида норозиликлар ва тартибсизликлар тўлқини авж олган эди.

92