Уничтожение наркотиков сотрудниками СНБ Узбекистана на окраине Ташкента

Бугун ДХХ 1 тоннадан ортиқ наркотик моддаларни ёқади

166
(Янгиланган 10:29 26.06.2019)
ДХХ 2018 йилда мусодара қилинган 1 тонна 28 кг наркотик моддаларни ёқишга тайёрлади.  

ТОШКЕНТ, 26 июн – Sputnik.  Давлат хавфсизлик хизмати бугун 1 тоннадан ортиқ (1028 кг) наркотик моддалар ёқишга тайёрлади, деб хабар қилмоқда Sputnik мухбири.

"Улар орасида  7,7 кг героин, 195 кг опий, 56 кг гашиш, 557 марихуана, 130 кг  кўкнор, 81 кг канабис ва 263 гр синтетик наркотиклар бор", - дейилган хабарда.

Дунёнинг наркотик етиштирувчи энг йирик мараказларидан бири бўлган Афғонистон билан чегарадошлик Ўзбекистондаги нарковазиятга салбий таъсир кўрсатмоқда. Халқаро статистикага кўра2018 йилда Афғонистонда 263 минг гектар майдонда 6400 тонна кўкнор етиштирилган.

Ўзбекистонда 2018 йилда гиёҳвандлик моддалари айланиши билан боғлик бўлган 4779та жиноят очилди. Улардан 1626 таси наркотик моддаларни сотиш, 171таси контрабанда, 1238таси гиёҳвандлик ўсимликларини етиштириш ва 66таси бангихоналар ташкил этиш билан боғлиқ бўлган жиноятлардир. 1678 таси наркотик моддалар билан боғлиқ бўлган бошқа жиноятлардир.

Ушбу жиноятларни фош қилишда Ўзбекистон Ички ишлар вазирлиги томонидан 4530та жиноят, Давлат хавфсизлик хизмати томонидан 181та жиноят, ДХХ Чегара қўшинлари томонидан – 70та жиноят ҳамда ва Давлат божхона қўмитаси томонидан 229та жиноятлар фош қилинди.

Республикадаги наркотиклар билан боғлиқ умумий вазиятга назар солганда ушбу турдаги жиноятларни содир этиш йилдан йилган камайиб бораётганини кузатиш мумкин. Хусусан, наркотик моддалар билан боғлиқ жиноятлар сони 5429тадан (2017 йилда) 4779тача камайган. Шунингдек диспансер рўйхатига олинган наркотик моддалар истеъмол қилувчилар сони 8036тадан 6142 кишига камайган.

166
Первый звонок в Ташкенте

Биринчи синфга қабул қачон бошланади ХТВ жавоби

82
Ҳар йили 1 июндан 31 августга қадар республикадаги барча мактабларнинг 1-синфига қабул жараёнлари амалга оширилган. Бироқ пандемия сабабли бунга ўзгартириш киритилди.

ТОШКЕНТ, 28 май — Sputnik. Бу йил Ўзбекистонда биринчи синфга қабул жараёни июль ойидан бошланади. Бу ҳақда Халқ таълими вазирлиги матбуот котиби маълум қилди.

Таъкидланишича, Ўзбекистон президенти ҳузурида 30 апрелда ўтказилган йиғилиш баёнига мувофиқ, пандемия таъсири тўлиқ бартараф  этилгунига қадар  1-синфга қабул жараёнларини июнь ойидан июль ва август ойига кўчириш белгиланган.

Бунинг натижасида:

  • ота-оналарнинг мактабларга ташрифини чеклаш орқали карантин қоидаларига тўлиқ риоя этилиши таъминланади;
  • июнь ойида умумтаълим мактаблари битирувчиларининг ҳужжатларини расмийлаштириш билан олий ўқув юртига ҳужжатларни топширишга тайёрлайди;
  • 1-синфга қабул жараёнлари бошланганидан сўнг, мактаб маъмурияти орқали қўшимча маълумот олиш мумкин.

Эслатиб ўтамиз, амалдаги тартибга кўра, ҳар йили 1 июндан 31 августга қадар республикадаги барча мактабларнинг 1-синфига қабул жараёнлари амалга оширилган.

82
Пожилой узбек в Самарканде. Узбекская ССР

Кексалар муаммолари билан Нуронийлар кенгашлари шуғулланади

30
(Янгиланган 13:01 28.05.2020)
Кексаларни қўллаб-қувватлаш, пенсионерлар, ногиронлар ва бошқаларга тааллуқли муаммолар бўйича таклифлар ишлаб чиқиш - Нуронийлар жамоатчилик кенгашларининг асосий вазифалари ҳисобланади.

ТОШКЕНТ, 28 май - Sputnik. Кексалар муаммолари билан Нуронийлар жамоатчилик кенгашлари шуғулланади. Norma.uz хабарига асосан.

Вазирлар Маҳкамасининг 23 май куни қабул қилинган “Қорақалпоғистон Республикаси, вилоятлар, Тошкент шаҳар ҳамда туман ва шаҳарларда нуронийлар жамоатчилик кенгашларини ташкил этиш чора-тадбирлари тўғрисида” 326-сон қарорига кўра: 

  • Қорақалпоғистон Республикаси, вилоятлар, Тошкент шаҳар ҳамда туман ва шаҳарларда Нуронийлар жамоатчилик кенгашлари ташкил этилади. Кексаларни қўллаб-қувватлаш соҳасига оид қонун ҳужжатларининг ижросини таъминлашга кўмаклашиш, муаммоларни мониторинг ва таҳлил қилиш, ёлғиз кексалар, пенсионерлар, ногиронлар ва бошқаларга тааллуқли муаммолар бўйича таклифлар ишлаб чиқиш уларнинг асосий вазифалари ҳисобланади;
  • Маҳалла ва оилани қўллаб-қувватлаш вазирлигининг ҳудудий бўлинмалари раҳбарлари ўринбосарлари Нуронийлар жамоатчилик кенгашлари раислари томонидан тайинланади;

Вазирлар Маҳкамаси қарорида, шунингдек, Нуронийлар жамоатчилик кенгашлари тўғрисидаги намунавий низом тасдиқланган. Янги норматив-ҳуқуқий ҳужжат Қонун ҳужжатлари маълумотлари миллий базасида эълон қилинган ва 25.05.2020 йилдан кучга кирган.

 

30

Трамп ижтимоий тармоқларга қарши қаратилган қарорни имзоламоқчи

28
АҚШ президенти Дональд Трамп ижтимоий тармоқларнинг иш фаолиятига оид қарорни имзолашни режалаштирмоқда.

ТОШКЕНТ, 27 май — Sputnik. АҚШ президенти Дональд Трамп ижтимоий тармоқларнинг иш фаолиятига оид қарорни имзолашни режалаштирмоқда. Бу ҳақда Politico газетаси Оқ уй вакили Кайле Маккинани баёнотига асосан хабар қилди.

Пайшанба куни АҚШ президенти ҳужжатни имзолаши кутилмоқда. Имзолашга тайёрланаётган қарор бйўича қўшимча маълумот ҳозирча очиқланмаяпти.

Куни кеча Трамп консерваторларнинг овозларини ўчиришда давом этса, ижтимоий тармоқларни қатъий равишда тартибга солиш ёки бутунлай "ўчириб қўйиш" билан таҳдид қилди.

Трамп сайловларда почта орқали овоз бериш жараёнини кескин қоралаб, “Бюллетенлар почта орқали тарқатилиши фирибгарликка йўл очади. Бошқача бўлиши мумкин эмас! Почта қутилари талон-торож қилинади ва сайлов бюллетенлари қалбакилаштирилади”, - деб ёзди.

Twitter Трампнинг бу постини ишончли эмас деб қайд этди ва унинг остига махсус белги қўйди. 

Трампнинг Twitter'ни президентлик сайловларига аралашаётганликда айблади.

28