Школьная форма

Мактабларда ягона мактаб формаси савдосини ташкил этиши тақиқланади ХТВ

512
2024-2025 ўқув йилига қадар ягона мактаб формасини сотиб олиш ва кийиб юриш ихтиёрий.

ТОШКЕНТ, 7 июл – Sputnik. Директорлар томонидан ягона мактаб формаси савдосини ташкил этиши тақиқланади, деб хабар қилмоқда Халқ таълими вазирлиги матбуот хизмати.

“Директорларнинг ягона мактаб формаси савдосини ёки бошқа бичимдаги формаларни марказлашган ҳолда жорий этишни ташкил этиши тақиқланади. Мактаб формалари савдоси махсус савдо шахобчалари орқали ташкил этилади”, - дейилган хабарда.

Эслатиб ўтамиз, 2019 йилнинг 18 июнь куни Вазирлар Маҳкамасининг қарорига асосан ягона мактаб формасини 2019/2020 ўқув йилидан жорий этиш кечиктирилган эди. 666-сонли қарорга киритилган ўзгаришларга кўра, ягона мактаб формаси 2024/2025 ўқув йилидан бошлаб жорий этилади. Ушбу вақтга қадар ягона мактаб формасини кийиш ихтиёрий бўлади.

Халқ таълими вазирлиги, шунингдек айни дамда Ўзбекистонда ягона мактаб формаси ишлаб чиқараётган “Ўзтўқимачиликсаноат” уюшмасининг корхоналар рўйхатини ҳам келтириб ўтган.

512
Логотип Всемирной организации здравоохранения (ВОЗ). Архивное фото

ЖССТ: кўп давлатлар COVID га қарши курашда нотўғри йўлдан кетишмоқда

164
Халқаро ташкилот раҳбари Тедрос Адҳаном Гебрейесуснинг яқин келажакда дунё нормал ҳаётга қайтмаслигига ишончи комил.

ТОШКЕНТ, 14 июл - Sputnik. Жаҳон соғлиқни сақлаш ташкилоти (ЖССТ) раҳбари Тедрос Адҳаном Гебрейесус коронавирус пандемиясига қарши курашда жуда кўп мамлакатлар “нотўғри йўлни” танлаганини маълум қилди.

Бироқ у гап қайси мамлакатлар ҳақида бораётганига ойдинлик киритмаган. ЖССТ раҳбари яқин келажакда дунё нормал ҳолатга қайтолмайди деб ҳисоблайди.

“Агар миллий ҳукуматлар фуқароларга инфекцияга чалинишлар сонини камайтириш ва одамларнинг ҳаётини сақлаб қолиш учун қандай стратегияга амал қилиш кераклигини аниқ тушунтирмасликни давом этса, агар аҳоли вирусга қарши курашнинг асосий қоидаларига (қўлларни ювиш, ниқоб тақиш) риоя қилмаса, бизни пандемия бўйича биттагина сценарий кутмоқда - вазият ёмонлашади”, - деди Гебрейесус.

Янада кўпроқ давлатлар ва минтақалар янги COVID-19 авж олишини қайд этиб, илгари бекор қилинган карантин чораларини қайта жорий этмоқда. Бироқ, ЖССТ раҳбари ҳамма ҳам навбатдаги ўзини ўзи яккалашга тайёр эмаслигини таъкидлади.

Эслатиб ўтамиз, куни кеча ЖССТ бир сутка давомида 230 мингта коронавирус билан касалланиш ҳолатини қайд этди. Бу навбатдаги антирекорд саналади.

164
Грузовики на границе

Тожик-ўзбек чегарасида юзлаб юк машиналари тўхтаб қолди

122
(Янгиланган 16:55 14.07.2020)
Ҳайдовчиларни коронавирусга текшириш амалиёти жорий этилиши Ўзбекистон - Тожикистон чегарасида бир неча километрли тирбандликка олиб келди - ОАВ.

ТОШКЕНТ, 14 июл - Sputnik. Ўзбекистон Тожикистон чегарасида коронавируснинг тарқалиши туфайли юзлаб юк машиналари тўхтаб қолди, дея хабар беради Pars Today ахборот агентлиги.

Хусусан, "Ойбек" назорат-ўтказиш пунктида жиддий вазият юзага келди. Таъкидланишича, транспортнинг тўхтатилиши ҳайдовчиларни коронавирусга текширилиши билан боғлиқ - ҳайдовчилар натижа эълон қилинишини бир неча кун кутишларига тўҳри келмоқда.

“Ҳар куни ҳар бир ҳайдовчи озиқ-овқатга 100 минг сўм (тахминан 10 АҚШ доллари) атрофида сарфлайди. Натижада сафарга рухсат олганларнинг кейинчаликка шахсий эҳтиёжлари учун пуллари қолмай қоляпти. Бундан ташқари, чегара постида юк машиналари туриши учун ва дам олиш жойлари йўқ. шу сабабли, ҳайдовчилар машина ичида ухлашларига тўғри келяпти, бу эса чидаб бўлмас иссиқлик туфайли мураккаблашмоқда”, - дея тушунтирди манба.

Оғир юк машиналари ҳайдовчилари сўзларига кўра, шифокорлар бир неча кундан бери коронавирус тестлари маълумотларини беролмаяпти. Куни кеча беш кун олдин текширувдан ўтган 30 кишининг таҳлиллари натижалари ҳақида маълум бўлди. Шу билан бирга, баъзи ҳайдовчиларда инфекция тасдиқланди.

“Улар бизга ниқоб тақишни ва ижтимоий масофани сақлашни маслаҳат беришади, аммо бундай навбатларда биз ҳаммамиз коронавирусни юқтириб олишимиз мумкин”, - дея хулоса қилди тожик-ўзбек чегарасида қолиб кетган ҳайдовчилардан бири.

122
Президент Узбекистана Шавкат Мирзиёев

Мирзиёев: коронавирусга қарши кураш учун бизда захира ва имкониятлар мавжуд

0
Президент ҳаёт давом этаётгани туфайли энди пандемия шароитида яшашга, меҳнат қилишга ўрганиш шартлигини таъкидлади.

ТОШКЕНТ, 14 июл - Sputnik. Ўзбекистон президенти Шавкат Мирзиёев бугун ўтказаётган видеоселектор йиғилиши аввалида мамлакатдаги эпидемиологик вазиятга алоҳида тўхталиб ўтди.

COVID-19 пандемиясини жиловлаш йўлида амалга оширилаётган саъй-ҳаракатлар ҳақида гапирар экан, давлат раҳбари, жумладан, шундай деди:

"Хабарингиз бор, мамлакатимизда коронавирусга чалинганлар сони кўпайиб бораётгани муносабати билан биз карантин талабларини яна кучайтиришга мажбур бўлдик. Нега деганда, очиқ айтиш керак, ҳозирги кунда бутун дунё коронавирус деб ном олган мана шу тилсиз ёв, кўзга кўринмас душманга қарши уруш ҳолатида турибди. Урушга кирган ҳар қайси давлат, ҳар қайси халқ ўз юртини, ўз аҳолисини ҳимоя қилиш учун барча чораларни кўради. Энг аввало, хавф-хатарнинг йўлини беркитади, темир интизом ўрнатади. Қатъий сафарбарлик шароитида яшаш ва ишлашга ўтади. Бугун биз ҳам айни шундай ҳолатдамиз".

Республика махсус комиссияси томонидан вазият мунтазам таҳлил қилиниб, инфекцияни жиловлаш юзасидан барча чора-тадбирлар амалга оширилмоқда.

Бу касалликка қарши кураш учун бизда барча захира ва имкониятлар мавжуд.

Энг муҳими, фидойи ва жасур шифокорларимиз ўз бурчини садоқат ва матонат билан бажармоқда.

Такрор айтаман, биз энди пандемия шароитида яшашга, меҳнат қилишга ўрганишимиз шарт. Чунки ҳаёт давом этмоқда. Ҳаёт биздан ақл-идрок, сабр-тоқат, метин интизом билан ҳаракат қилишни талаб этмоқда.

Ўзимиз кўряпмиз, дунёда қайси давлатда тиббий маданият, тартиб-интизом кучли бўлса, ўша мамлакат пандемиядан энг кам талофат билан чиқмоқда.

Биз ҳам шу йўлдан боришимиз шарт. Албатта, ўтган 4 ой давомида одамларимиз кўп нарсага ўрганди. Бизда ҳам маълум бир тажриба пайдо бўлди.

Таҳлиллар коронавирус билан зарарланишнинг олдини олиш, касалликни эрта аниқлаш, симптомсиз ва енгил кечаётган беморлар билан олиб борилаётган даволаш ва назорат тадбирларини амалга оширишда янги стратегияларни қўллашни талаб қилмоқда.

Республика махсус комиссияси бу борада тезлик билан барча зарур чора-тадбирларни ишлаб чиқсин ва амалга оширсин.

 

Шу мақсадда, [Бош вазир ўринбосари Беҳзод] Мусаев, [Соғлиқни сақлаш вазири Алишер] Шодмонов бир кун муддатда амалдаги тест-таҳлил топшириш жараёнини қайта кўриб чиқиб, аҳоли учун қулай тизимни ишлаб чиқсин.

Яна бир муҳим масала – вилоят, шаҳар ва туманларда маҳаллий кенгашлар, жойлардаги ҳокимлик ва бошқарув идоралари ўз ҳудудидаги вазиятни чуқур таҳлил қилиб, Республика комиссияси билан келишилган ҳолда карантин қоидаларини қаерда зарур бўлса кучайтириши, қаерда зарур бўлса юмшатиши лозим.

Барча эҳтиёт чораларини кўрган ҳолда, имконият мавжуд бўлган ҳамма жойда ишлаб чиқариш корхоналарини ишга солишимиз, меҳнат унумдорлигини оширишимиз керак.

Масалан, қишлоқ жойларда аҳоли шаҳардагидек тиғиз эмас. Касаллик тарқамаган ҳудудларимиз ҳам кўп.

Бу ерларда ҳозирги пайтда ҳамма далада иш билан банд, одамларнинг қўли-қўлига тегмайди.

Бундай туманларда қишлоқ меҳнаткашларининг бемалол ишлаши, маҳсулотини харидорларга етказиб бериши учун барча шароитни яратишимиз керак. Чунки ёзнинг бир куни қишнинг ўн кунини боқади.

Ҳеч кимга сир эмас, бу йилдан бошлаб озиқ-овқат масаласи дунё миқёсида ҳал қилувчи ўринга чиқади.

Чунки коронавирусни енгиш ҳам, халқ фаровонлигини таъминлаш, жамиятда тинчлик ва барқарорликни мустаҳкамлаш ҳам аввало шунга боғлиқ.

Шунинг учун бизда доимо уч ойлик озиқ-овқат захираси шай туриши керак.

Фурсатдан фойдаланиб, бугун далаларда фидокорона меҳнат қилаётган миришкор фермер ва деҳқонларимизга, соҳибкор боғбонларимизга, барча юртдошларимизга чуқур миннатдорчилик билдириб, уларга куч-ғайрат, мўл ҳосил тилаймиз.

Шу билан бирга, вазиятдан келиб чиқиб, керак жойларда карантин талабларига тўла итоат этишимиз зарур.

Ҳаммамиз оиламиз, фарзандларимиз, муҳтарам нуронийларимизнинг соғлиги учун яна озгина чидашимиз, карантин қоидаларига қатъий амал қилишимиз шарт.

Озгина чидасак, бу кунлар ҳадемай ўтиб кетади.

“Сабр қилган муродга етар”, дейди халқимиз.

Ишончим комил, ҳар бир ишни етти марта ўйлаб, чидам ва матонат билан амалга ошириб келган эл-юртимиз бугунги синовлардан муносиб ўтиб, ўзининг эзгу мақсадларига албатта етади.

0