Школьники на уроке информатики с планшетным компьютером в руках

ХТВ Тошкент шаҳрида 1-синфга қабул бўйича кўп бериладиган саволларга жавоб берди

209
Вақтинчалик пропискага эга шахслар нима қилиши керак? Микроҳудуд бўйича таълим рус тилида олиб борилувчи синфлар бўлмаса нима қилиш керак? Бу каби саволларга ХТВ жавоб берди.

ТОШКЕНТ, 10 июл - Sputnik. Халқ таълими вазирлиги Тошкент шаҳрида 1-синфга қабул бўйича кўп бериладиган саволларга жавоб берди.

1) Барча мактабларга ҳужжатларни Давлат хизматлари марказлари орқали топшириш керакми?

Йўқ, фақат 81 та мактабга Давлат хизматлари марказлари орқали топширилади. Қолган 228 та мактабга ҳужжатлар мактабда қабул қилинади.

2) 81 та мактабнинг микроҳудудини қаердан билса бўлади?

А) qabul.uzedu.uz сайти орқали

Б) Давлат хизматлари марказлари орқали

В) Мактаблар орқали

3) Қўшимча квота қачон очилади?

1 август кунига қадар микроҳудудда яшовчи 7 ёшдаги болалар мактабга жойланади. Мактабларда бўш жой қолса, қўшимча квота очилади.

4) Вақтинчалик пропискага эга шахслар нима қилиши керак?

Вақтинчалик пропискага эга шахслар қолган 228 та давлат ва 40 нодавлат мактаб муассасаларига ҳужжат топширишлари мумкин.

5) Микроҳудуд бўйича таълим рус тилида олиб борилувчи синфлар бўлмаса нима қилиш керак?

Рус тили синфлари йўқ мактабларда бундай синфлар очилади. Рус тили синфларини очиш имкони бўлмаса, ота-оналар Тошкент шаҳар халқ таълими Бош бошқармасига мурожаат қилишлари керак. Бош бошқарма мутахассислари рус тили синфи мавжуд мактабга болани бепул йўналтиради.

Ҳар бир бола ўз микроҳудудига бириктирилиши керак – Халқ таълими вазирлиги

6) Бола акаси ёки опаси таълим олаётган мактабда таҳсил олиши мумкинми?

Агар боланинг акаси ёки опаси тасдиқланган 81 та мактаб рўйхатига киритилмаган ўрта умумий таълим муассасасида таълим олса, бола Вазирлар Маҳкамасининг 2017 йил 15 мартдаги “​Умумий ўрта таълим тўғрисидаги низомни тасдиқлаш ҳақида​”ги қарори талаблари асосида мактабга қабул қилинади. Ота-оналар мактабга тўғридан-тўғри мурожаат қилишлари лозим.

Шерматов: муҳокамаларга сабаб бўлган қарор Конституцияга зид эмас

Рўйхатга киритилган 81 та мактабга бу гуруҳдаги болалар асосий квотага қабул тугаганидан сўнг ва мактабда бўш ўрин мавжуд бўлганда қўшимча квота асосида қабул қилинади.

209

Ўзбекистонда коронавирус: 23 сентябрь асосий хабарлари

555
Сутка давомида 396 кишида коронавирус аниқланди, Ўзбекистонда коронавирус инфекцияси қайд этилганлар сони 53 275 нафарни ташкил қилмоқда.

ТОШКЕНТ, 23 сен — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

Бир сутка давомида 396 кишида коронавирус аниқланди, Ўзбекистонда коронавирус инфекцияси қайд этилганлар сони 53 275 нафарни ташкил қилмоқда.

Янги касалланиш ҳолатларининг 167 нафари Тошкент шаҳрида, 20 нафари Наманган вилоятида ҳамда 7 нафари Тошкент вилоятида тана ҳарорати кўтарилганлиги ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Соғайиш кўрсаткичи

Бугуннинг ўзида 425 нафар бемор тузалиб, ўз уйларига кузатилди. Республика бўйлаб жами соғайганлар сони 49 649 нафарга етди. Соғайиш кўрсаткичи 93 фоиз.

Айни пайтда 3 182 нафар беморга белгиланган стандартлар бўйича даво чоралари кўрилмоқда.

Ўлим ҳолатлари

Кун давомида коронавирусга чалинган 2 нафар бемор вафот этди.

Ўзбекистонда жами 444 киши пандемия қурбони бўлди.

Дубайга парвозлар

5 октябрдан бошлаб Тошкентдан Дубайга қатновлар сони оширилади. Қатновлар ҳафтасига 2 маротаба амалга оширилади.

Шота Арвеладзеда коронавирус аниқланди

“Пахтакор” бош мураббийи Шота Арвеладзеда тест натижаси мусбат чиқди. Шу сабабли у ОФК протоколига мос тарзда изоляцияга олинди.

Дунё саломатлиги

Дунё бўйлаб инфекцияни юқтириб олган кишиларнинг сони 31,6 миллиондан ошди, 971 минг киши вафот этди, 21,8 миллион киши тузалди. Энг кўп ҳолатлар АҚШда (6,9 млн), Ҳиндистонда (5,6 млн), Бразилияда (4,6 млн).

555
Мавзу:
COVID-19 умумжаҳон пандемияси
Президент Узбекистана Шавкат Мирзиёев

Мирзиёев пандемияда давлатлар мажбуриятлари тўғрисида кодексни ишлаб чиқишни таклиф қилди

59
Шавкат Мирзиёев Бирлашган Миллатлар Ташкилоти шафелигида Пандемиялар даврида давлатларнинг ихтиёрий мажбуриятлари тўғрисидаги халқаро кодексни ишлаб чиқишни таклиф этди.

ТОШКЕНТ, 23 сен — Sputnik. Ўзбекистон президенти Шавкат Мирзиёев Бирлашган Миллатлар Ташкилоти шафелигида Пандемиялар даврида давлатларнинг ихтиёрий мажбуриятлари тўғрисидаги халқаро кодексни ишлаб чиқишни таклиф этди.

Президент ушбу ташаббусни БМТ Бош Ассамблеясининг 75-сессиясидаги чиқишида илгари сурди.

“Мақсадимиз – ҳар бир инсоннинг асосий ҳуқуқ ва эркинликларини,  саломатлиги ва фаровонлигини таъминлайдиган адолатли глобал тизимни биргаликда яратишдир. Бу борада биз Бирлашган Миллатлар Ташкилоти шафелигида Пандемиялар даврида давлатларнинг ихтиёрий мажбуриятлари тўғрисидаги халқаро кодексни ишлаб чиқишни таклиф этамиз. Ушбу ҳужжатда ҳар бир давлатнинг ўз фуқаролари ва халқаро ҳамкорлари олдидаги мажбуриятлари акс этиши лозим”, - деди Мирзиёев.

59
Минарет Ислам Ходжа в Хиве

ЮНЕСКО бош директори Шавкат Мирзиёевнинг ташаббусини қўллаб-қувватлади

6
(Янгиланган 09:48 24.09.2020)
Одри Азуле Шавкат Мирзиёевнинг 2021 йилда Хивада халқаро маданий форум ўтказиш ташаббусини қўллаб-қувватлади.

ТОШКЕНТ, 24 сен - Sputnik. ЮНЕСКО Ўзбекистон президенти Шавкат Мирзиёевнинг Хивада халқаро маданий форум ўтказиш ташаббусини қўллаб-қувватлади. 

Шавкат Мирзиёевнинг БМТдаги чиқишидан сўнг ташкилот бош директори Одри Азуле ўз твиттерида Ўзбекистон президенти ташаббусини қўллаб-қувватлашини маълум қилди. 

"Мен Президент Мирзиёевнинг 2021 йилда Хивада Марказий Осиё бўйича халқаро маданий форум ўтказиш ташаббусини мамнуният билан қабул қиламан", - деб ёзди Одри Азуле. 

Эслатиб ўтамиз, Ўзбекистон президенти Шавкат Мирзиёев 22-23 сентябр кунлари бўлиб ўтган БМТ Бош Ассамблеясининг 75-сессиясида сўзлаган нутқида дунё ҳамжамияти эътиборини Оролбўйи ҳудудидаги экологик фалокатга қаратган эди. 

Хусусан Ўзбекистон президенти Оролбўйи минтақасини экологик инновация ва технологиялар ҳудуди, деб эълон қилишни ҳамда 2021 йилда ЮНЕСКО билан ҳамкорликда қадимий Хива шаҳрида “Марказий Осиё жаҳон цивилизациялари чорраҳасида” деган мавзуда халқаро форумни ўтказишга тайёр эканлигини билдирган эди. 

6