Эльмира Баситханова, заместитель министра здравохранения

Нукусда аёллар намойиши: Элмира Боситхонова воқеа жойига йўл олди

715
Ўзбекистон Хотин-қизлар қўмитаси раиси Элмира Боситхонова Нукусда пикетга чиққан аёллар ҳуқуқини ҳимоя қилиш учун Қорақалпоғистонга йўл олди.

ТОШКЕНТ, 7 авг – Sputnik. Ўзбекистон Хотин-қизлар қўмитаси раиси Элмира Боситхонова Нукусда пикетга чиққан аёллар ҳуқуқини ҳимоя қилиш учун Қорақалпоғистонга йўл олди.

Қўмита хабарига кўра, Элмира Боситхонова воқеани жойига чиқиб ўрганади ва бу аёлларнинг ҳуқуқларини муҳофаза қилиш, муаммоларига ҳудуддаги раҳбарлар билан биргаликда ечим излайди.

Аввалроқ ижтимоий тармоқларда 1 август куни Қорақалпоғистон Республикаси пойтахти Нукус шаҳрида — Иван Савицкий номидаги музей рўпарасида Ўзбекистон Республикаси фуқаролари Тилеўбийке Ульдашева ҳамда Перизат Бегжанова бугунги тизимдан, Қорақалпоғистондаги ижтимоий-сиёсий вазиятдан норози бўлиб келишилмаган намойишга чиққани ва бунинг ортидан ҳуқуқни муҳофаза қилувчи органлар томонидан уларга ҳамда пикетни тасвирга олмоқчи бўлган бошқа фуқароларга нисбатан босим ишлатилгани ҳақида хабар жойлаштирилди.

Тошкент шаҳар ҳокимлиги вакили Баситхановадан узр сўради

Натижада қисқа вақт мобайнида ижтимоий тармоқда “В Нукусе на площади Свободы разогнали акцию протеста” сарлавҳали мазкур мақола қаҳрамонларига ачиниш ва уларни ёқловчи, мамлакат раҳбарияти ҳамда Ўзбекистон Хотин-қизлар қўмитаси шаънига доғ туширувчи 25 та изоҳ ва 125 та лайк ҳамда дизлайк қолдирилган. Ушбу хабар 200 га яқин интернет фойдаланувчиси томонидан улашилган.

715
Граждане Узбекистана в палаточном лагере

Ўзбекистон Самарадан қарийб 13,5 минг фуқаросини ватанга қайтарди

18
(Янгиланган 13:30 28.09.2020)
Пандемия сабаб жорий этилган чекловлар ва ёпиқ чегаралар туфайли уйига қайта олмаган умумий ҳисобда қарийб 13,5 минг нафар ўзбекистонликлар Россиянинг Самара вилоятидан ватанига олиб келинди.

ТОШКЕНТ, 28 сен — Sputnik. Ёпиқ чегаралар туфайли уйига қайта олмаган умумий ҳисобда қарийб 13,5 минг нафар ўзбекистонликлар Россиянинг Самара вилоятидан ватанига олиб келинди.

“28 сентябрь соат 7:00 ҳолатига кўра (Москва вақти билан соат 6:00) Самара вилояти ҳудудида Ўзбекистон Республикаси фуқаролари тўпланиши йўқ. Марказий Осиё фуқароларининг бутун тўпланиш давомида яшаш жойига 13 435 киши жўнатилди”, - дея маълум қилди РИА Новостига вилояти ҳукумати.

Ҳозирда вақтинча яшаш пунктида ҳеч ким қолмаган, Кинель туманидаги чодирли лагерь йиғиштирилган.

27 сентябрь куни Самара вилоятидан 750 нафар мамлакат фуқаролари автобусларда Ўзбекистонга олиб келинди. Бунга қадар уларни олиб келиш учун махсус поездлар ҳам ташкиллаштирилган эди.

Эслатиб ўтамиз, Uzbekistan Airways 17 сентябрдан бошлаб Москвадан кунига 2 маротаба авиапарвозлар ташкил қилишни бошлаган эди. Шунингдек, Санкт-Петербург ва Москвадан Тошкентга қўшимча чартер рейс қўйилган. Айни дамда чипталар эркин савдода сотилмоқда.

ТИВ фуқароларга мурожаат қилиб, Россия ҳудудида бўлган ватандошлардан поезд станцияларида тўпланмасликларини, ҳозирда бўлиб турган жойларида қолишларини ва барча карантин талабларига қатъий риоя қилишларини яна бир бор сўраган эди.

18

Ёмғир, туман, ҳарорат пасайиши: Ўзбекистонда ҳафта давомида қандай об-ҳаво кузатилади

118
30 сентябрда Тошкент, Самарқанд, Жиззах, Сирдарё вилоятлари ва Фарғона войдийси вилоятларида ёмғир ёғади. Баланд тоғли ҳудудларда ёғаётган ёмғир қорга айланиши эҳтимоли бор.

ТОШКЕНТ, 28 сен — Sputnik. Ўзгидромет бир ҳафталик об-ҳаво маълумотини эълон қилди.

Бугун Ўзбекистон ҳудудида кам булутли ва нисбатан илиқ ҳаво сақланиб туради. Кундузи ҳарорат шу кун иқлимий меъёрларидан бироз паст бўлиб, 20-25 даражагача кўтарилади.

29-30 сентябрда бутун Ўзбекистон ҳудуди баландликдаги циклон таъсирида бўлади. Республика бўйича булутлилик ортиши кутилмоқда.

29 сентябрда кўпчилик вилоятларда айрим жойларга ёмғир ёғади. Фақат Қорақалпоғистонда, Хоразм ва Бухоро вилоятларида ёғингарчилик бўлмайди.

30 сентябрда Тошкент, Самарқанд, Жиззах, Сирдарё вилоятлари ва Фарғона войдийси вилоятларида ёмғир ёғади. Баланд тоғли ҳудудларда ёғаётган ёмғир қорга айланиши эҳтимоли бор.

29-30 сентябрда кундузги ҳарорат 15-20 даражагача пасаяди, бу иқлимий меъёрдан 6-8 даражага пастдир.

1-3 октябрда бутун мамлакат ҳудудида об-ҳавонинг ёғингарчиликсиз бўлиши кутилмоқда. Республика бўйича айрим жойларга туман тушиши мумкин. Тунда ва эрталаб совуқ ҳаво оқимининг таъсири ҳали сақланиб туради, ҳарорат 5-8 даражагача пасаяди. Кундузи қуёш нурлари ҳавони аста иситиб, ҳарорат 22-25 даражагача кўтарилади.

118
Twitter app

Twitter РИА Новости’га қарши санкция қўллади

16
(Янгиланган 14:33 28.09.2020)
Америка ижтимоий тармоқлари цензурани кучайтирмоқда: Twitter Россия ахборот майдонини назорат қилиш борасида навбатдаги қадамни ташлади – қидирув натижаларидан РИА Новости аккаунтини ўчириб ташлади.

ТОШКЕНТ, 28 сен — Sputnik. Америка ижтимоий тармоқлари цензурани кучайтирмоқда: Twitter Россия ахборот майдонини назорат қилиш борасида навбатдаги қадамни ташлади – қидирув натижаларидан РИА Новости аккаунтини ўчириб ташлади.

Агентлик саҳифасига обуна бўлмаган фойдаланувчилар энди уни Россияда ҳам, бошқа давлатларда ҳам топа олмайдилар. Илгари Twitter шу тарзда RT ва Sputnik профилларини блоклаганди.

“Биз Twitter томонидан бундай чекловларни ОАВларини цензура ҳаракати деб ҳисоблаймиз, бу Россия Конституциясида тўғридан-тўғри тақиқланган. Ижтимоий тармоқ сўровларимизга ҳеч қандай муносабат билдирмаяпти ва ўз қарорларини тушунтирмаяпти”, - деб маълум қилди “Россия сегодня” халқаро ахборот агентлиги матбуот хизмати.

Августда Twitter раҳбарияти ҳукумат назорати остида бўлган ОАВ аккаунларига белги қўйишини маълум қилганди. Тўғрисини айтганда, бу ҳаммага тегишли бўлмаяпти.

“Америка овози” ёки “Озодлик радиоси”да бундай белгини топа олмайсиз. Аммо Маргарита Симоняннинг шахсий аккаунтида "Давлат нашри" деган белги қўйилган. Бу шундай тенглик ва адолат. Ва, албатта, тўғри "сўз эркинлиги", у сиз қаерга борамиз. Ушбу пост Роскомнадзор’га мурожаат сифатида кўриб чиқилишини сўраймиз", - деб қўшимча қилди матбуот хизмати.

16