Ўзбекистонда дарахт кесилиши билан боғлиқ 203 та ноқонуний ҳолат аниқланди

73
(Янгиланган 16:15 08.11.2019)
Ўзбекистонда дарахт кесилиши билан боғлиқ 154 та ҳолати бўйича эса ўсимлик дунёсига етказилган зарар юзасидан даъво аризалари киритилди.

ТОШКЕНТ, 8 ноя – Sputnik. Ўзбекистонда дарахт кесилиши билан боғлиқ 203 та ноқонуний ҳолат аниқланди. Улардан 154 та ҳолати бўйича эса ўсимлик дунёсига етказилган зарар юзасидан даъво аризалари киритилди, деб хабар қилди Sputnik мухбири.

Ҳуқуқбузарлик тўғрисида фуқаролардан маълумот олиш мақсадида шаҳар экология бошқармаси томонидан ташкил этилган “контрол бот”га ўтган уч ой мобайнида 123 та мурожаат келиб тушган.

Ўрганиш натижасида 45 та мурожаат аноним тарзида йўлланганлиги аниқланган. Бундан ташқари 63 мурожаат дарахтларнинг қонунчилик талаблари асосида, 15 таси эса ноқонуний равишда кесилаётганлиги аниқланиб, ушбу хатти-ҳаракатлар юзасидан жами 22,5 млн сўм миқдордаги даъво аризалари келиб тушган.

Бу ҳақда Ўзбекистон президенти 30 октябрда имзоланган  фармонида кўтарилган масалалар юзасидан 6 ноябрда ўтказилган брифингда айтиб ўтилди.

Шунингдек, Ўзбекистонда дарахт ва буталарни кесиш масалалари тегишли норматив ҳужжатлар билан тартибга солинган. Бунда шаҳар ҳудудий экологик бошқармалари томонидан фуқаролар мурожаатлари асосида дарахт ва буталарни кесишнинг мақсадга мувофиқ ёки мувофиқ эмаслиги юзасидан хулосалар тайёрланиб, сўнг маҳаллий ҳокимият органлари томонидан рухсатномалар расмийлаштирилади.

2019 йилда Тошкент шаҳар экология бошқармасига дарахтларни кесиш бўйича жами 32 мингга яқин мурожаатлар йўлланган бўлиб, улардан 4 955 таси  жойларда реконструкция ва қурилиш ишларини амалга ошириш билан боғлиқ фаолият юзасидан дарахтларни кесиш тўғрисидаги ижобий хулосалар сифатида расмийлаштирилган.

Дарахтларни бошқа жойга кўчириш вазифаси тадбиркорларга юкланади

Ўзбекистонда реконструкция ёки қурилиш ишлари амалга ошириладиган бўлса, лойиҳада кўзда тутилган ҳудуддаги дарахтларни бошқа ҳудудга кўчириб ўтиш вазифаси бундан манфаатдор бўлган тадбиркор ёки ташкилот зиммасига юкланади.

Дарахтларни бошқа жойга кўчириб ўтказишда Ўзбекистонда ҳозирги кунда мавжуд бўлган 2 та дискавер инвест техникаларидан фойдаланилади. Бу вазифа тадбиркор ёки ташкилот манфаатида бўлганлиги учун шартнома асосида амалга ошириб, ҳудудда нечта дарахт бўлишига қараб, унинг бошқа жойга кўчириб ўтказилишига кетадиган маблағ лойиҳа учун ажратилган маблағ асосида сарфланади.

Шунингдек, брифингда айтилишича, ҳукуматнинг 2019 йил 17 январдаги қарори асосида  айни дамда Тошкентда манзилли рўйхат локациялари ишлаб чиқилган бўлиб, бу асосида пойтахтда 53 минг туп дарахтларни экиш кўзда тутилган. 

73

Ўзбекистонда коронавирус: 4 июнь асосий хабарлари

239
(Янгиланган 21:34 04.06.2020)
Бугуннинг ўзида 73 нафар бемор тузалиб, реабилитацияга кузатилди. Республика бўйлаб жами соғайганлар сони 3 087 нафарга етди.

ТОШКЕНТ, 4 июн — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

Бир сутка давомида 35 кишида коронавирус аниқланди, охирги маълумотларга кўра, Ўзбекистонда коронавирус инфекцияси қайд этилганлар сони 3 909 нафарни ташкил қилмоқда.

Янги касалланиш ҳолатларининг барчаси Навоий вилоятида аниқланган. Шундан 27 нафари коронавирусга чалинганлар билан мулоқотда бўлиб, карантинга олинганлар, 8 нафари эса (6 нафари Навоий шаҳрида, 1 нафардан Навбаҳор ва Кармана туманларида) аҳоли орасида қайд этилган.

Даволаниш кўрсаткичи

Бугуннинг ўзида 73 нафар бемор тузалиб, реабилитацияга кузатилди. Жами соғайганлар сони 3 087 нафар.

Айни пайтда 822 нафар беморга белгиланган стандартлар бўйича даво чоралари кўрилмоқда.

Чегарада тўпланган фуқаролар

Россия-Қозоғистон чегараси “Маштаково” назорат-ўтказиш пункти яқинида 300га яқин Ўзбекистон фуқаролари тўпланган.

Бу масала Ўзбекистоннинг Москва ва Нур-Султон шаҳарларидаги элчихоналари, Қозон ва Ақтау шаҳарларидаги бош консулхоналари томонидан назоратга олинган, Россия ва Қозоғистоннинг ваколатли органлари билан музокаралар олиб борилмоқда.

ТИВ Оператив штаби ушбу вазият тўғрисида маълумотни ҳар томонлама кўриб чиқиш учун Республика махсус комиссиясига юборди. Махсус комиссия қарори тўғрисида алоҳида маълумот берилади.

Уйга қайтганлар

UzAirways авиакоманиясининг чартер рейси билан Бирлашган араб амирлигидан (БАА) 271 киши Ўзбекистонга олиб келинди. Қайтган барча фуқаролар 14 кундан кам бўлмаган муддатга карантин марказига жойлаштирилди.

Туризм тикланиши

Ўзбекистонда туризмнинг тикланиши уч босқичда амалга оширилади. Аввал ички туризм, кейин ҳудудий туризм ва пандемия вазиятини ҳисобга олган ҳолда ташқи туризм тикланади.

2020 йилнинг 1 июнидан Ўзбекистоннинг “яшил” ва “сариқ” ҳудудларда ички туризм қайта тикланди. Шу санадан эътиборан кўрсатилган ҳудудларда тегишли ташкилотлар – туроператорлар, турагентликлар, жойлаштириш воситалари, маданият, маданий мерос объектлари санитария-гигиена қоидаларига қатъий риоя қилган ҳолда иш бошлаши мумкин.
Бу ҳақда батафсил бу материалда.

Тест синовлари

Жорий йилда тест синовлари 2 та фандан бўлади. Бу йил 1 миллион 270 минг абитуриент ҳужжат топшириши кутилмоқда. Тест синовлари жорий йилда 3 сменада бўлади (ўтган йили 2 сменада бўлган).

Шавкат Мирзиёев коронавирус пандемияси сабаб бу йил кириш имтиҳонларини соддароқ шаклда ўтказиш бўйича кўрсатма берганди.

Карантин юмшатилиши: бозор ва боғчалар

15 июндан "яшил" ва "сариқ" ҳудудларда умумий овқатланиш объектлари, буюм бозорлари ва боғчалар фаолиятига рухсат берилади.

Автобус

15 июндан бошлаб “яшил” ва “сариқ” ҳудудларда ҳудудлар ўртасидаги автобус қатновларига рухсат берилади. Ҳайдовчилар қўлқоп ва ниқоблар билан таъминлашини лозим. Уларни мунтазам ўз вақтида алмаштиришлари шарт.

Масжид

Диний муассасалар, масжидлар 2020 йил 8 июндан бошлаб фақат “яшил” ҳудудларда фаолиятини бошлайди.

Масжидларда санитария-эпидемиология меъёрларига қатъий риоя қилган ҳолда (ҳимоя ниқобларини мажбурий кийиш шарти билан), ижтимоий масофа сақлаган (ташриф буюрувчилар орасидаги масофа камида 1, 5-2 метр) ҳолда намоз ўқиш мумкин бўлади.

Дунё саломатлиги

COVID-19 дунёнинг деярли барча давлатига етиб борди. АҚШнинг Хопкинс университетига малумотларига кўра, жаҳонда коронавирусга чалинганлар сони 6,5 миллиондан ошди, 386 минг киши вафот этди.

БССТнинг маълумотига кўра, инфекцияни юқтириб олган кишиларнинг сони 6,2 миллиондан ошди, 380 минг киши вафот этди.

239
Мавзу:
COVID-19 умумжаҳон пандемияси

Фарғона ёшлари бандлиги масаласи қандай ҳал этилмоқда?

61
(Янгиланган 17:23 04.06.2020)
Жорий йил бошида Фарғона вилоятида хорижга чиқиб кетганларнинг сони жами 58 316 кишини ташкил этган бўлса, ҳозирда 7 902 киши қайтиб келган.

ТОШКЕНТ, 4 июн - Sputnik. Фарғона вилоятида 2019 йил якунлари бўйича жами 49 168 нафар ишсиз ёшлар рўйхатга олинган бўлиб, 2020 йилнинг январь-май ойларида 28 мингга яқини, яъни 56% ишсиз ёшлар бандлиги таъминланган.

Президент Узбекистана Шавкат Мирзиёев
Пресс-служба президента Узбекистана

Жумаладан, Фарғона вилоятида 2019 йил якунлари бўйича жами 49 168 нафар ишсиз ёшлар рўйхатга олинган бўлиб, 2020 йилнинг январь-май ойларида 28 мингга яқини, яъни 56% ишсиз ёшлар бандлиги таъминланган. Улардан: 7 900 нафари 1-сектор хиссасига, 7 041 – 2-секторга, 7 017 – 3-секторга, 5 857 – 4-секторга тўғри келади.

Ўз навбатида ишсиз ёшлар қуйидаги соҳаларга жалб этилди. Тадбиркорлик ва ишлаб чиқариш - 5 405 нафар ёш йигит-қизлар. Улардан 982 нафари тадбиркорликка йўналтирилиб, 38 млрд сўм миқдорида имтиёзли кредитлар ажратилди. 1693 нафари – текстиль корхоналарида, 1516 нафари - хусусий секторда (МЧЖ, ЯТТ ташкил этилди), 1214 нафари - бошқа меҳнат турлари, яъни нонвойлик, чилангарлик, сартарошлик, косибчилик, ҳунармандчилик ва бошқа соҳаларда бандлиги таъминланди.  

Бундан ташқари, вилоятдаги 963 нафар ишсиз ёшлар - қурилиш соҳасига, 5173 – турли давлат ташкилот ва корхоналарига ҳамда 4 307 нафари - жамоатчилик асосида тури ишларга жалб этилган.

Ишсиз ёшлар бандлигини таъминлашда "Ҳар бир ёшга – бир гектар" дастури ҳам муҳим аҳамият касб этмоқда.

Хусусан, вилоятнинг 11 854 нафар ёшлари қишлоқ хўжалиги соҳасига йўналтирилиб, 2 643 нафарига 10-30 сотихдан ер ажратиб берилди, жами 1 128 гектар. Шулардан 522 гектари адир ва текисликлардан, 606 гектари эса боғлар орасидан. Ушбу ажратилган ер майдонларининг 72 га - картошка, 172 - сабзавот, 189 га - полиз, 103 га - дуккакли, 345 га – мевали дарахтлар, 195 га – тут ва узум, 52 га - мойли экинлар экилди.

Пандемия сабабли хориждан қайтиб келган ёшларни ҳам иш билан таъминлашга алоҳида эътибор қаратилди. Жорий йил бошида Фарғона вилоятида хорижга чиқиб кетганларнинг сони жами 58 316 кишини ташкил этган бўлса, ҳозирда 7 902 киши қайтиб келган. Шулардан 4 699 нафари ўтган давр мобайнида ишга жойлаштирилди. Хусусан, 1 100 нафари – қишлоқ  хўжалиги соҳасига, 380 нафари – хизмат кўрсатиш соҳасига, 219 нафари – жамоатчилик ишларига ва 3 000 нафари – қурилиш соҳасига жалб этилган. 

Бу борадаги ишлар президент Халқ қабулхоналари, сектор раҳбарлари ҳамда мутасадди ташкилотлар ҳамкорлигида ишлаб чиқилган манзилли режалар асосида изчил давом эттирилмоқда.

61
Первый вице-премьер-министр Кыргызстана Кубатбек Боронов встретился с премьер-министром Узбекистана Абдуллой Ариповым на пропускном пункте Чечме-Автодорожный в Баткенской областим

Нега Қирғизистон ҳукумати Ўзбекистон Бош вазиридан кечирим сўради?

657
Депутатлардан бири чегарадаги ҳодисадан сўнг нега қирғиз томони Ўзбекистон томонидан кечирим сўралгани ҳамда нега Сўх - Риштон йўлини очиш ваъдасини берилгани борасида тушунтириш беришни талаб қилган

ТОШКЕНТ, 4 июн - Sputnik. Ўзбекистон томони билан ўтказилган музокаралардан асосий мақсад - ўртадаги зиддиятни юмшатиш ва чегарада барқарор ҳолатни сақлаб қолиш эди ва бу ишни уддасидан чиқдик, деб айтган депутатнинг музокаралар бўйича ҳисоб бериш талабидан сўнг Жокоргу Кенеш йиғилиши давомида Бош вазирнинг биринчи ўринбосари Кубатбек Боронов.

Пресс-служба хокимията района Сух / Telegram

Sputnik Қирғизистон хабари асосида.

Кеча депутат Зокир Шарапов Ўзбекистон бош вазири Абдулла Арипов фуқаролар билан учрашув чоғида "Қирғизистон вакили Сох - Риштон йўлида постни очишмагани учун узр сўраганини" ва "тез орада йўлни очишини" айтди.

Парламентарийлар фикрича Қирғизистон узр сўраши учун ҳеч қандай сабаб йўқ.

"Ўша учрашувда Ўзбекистон бош вазири қирғиз томони "Кайтпас" постини очиш ваъдасини берганини, аммо бу ишни бажармагани ҳақида фикр айтди. Биз кечирим сўраганимиз йўқ, балки дипломатик тилда афсусдалигимизни билдирдик. Постни очмаганимизнинг асосий сабаби: айрим амалдорлар ЕОИИ талабларини инобатга олмай, шошилинч қарор қабул қилганлар. Пост тез орада очилиши ҳақидаги гапга келадиган бўлсак, мени тушунишимча Ўзбекистон томони ЕОИИга аъзо бўлишларини назарда тутган. У шу ҳақда учрашувда айтган эди", - деган Боронов.

31 май куни Ўзбекистоннинг Қирғизистон ҳудудидаги эксклави - Сўх тумани аҳолиси ва қирғизлар орасида можаро содир бўлган. Жанжал оқибатида икки томон бир бирини тошбўрон қилган бир неча уйлар ёқиб юборилган эди.

657