Студент 4го курса ИНХА Абдулла Аскаров

Ўзбекистонлик талаба ўқиши нўноқ талабаларни аниқлайдиган дастур яратди

764
(Янгиланган 20:32 21.11.2019)
Кашфиёт аллақачон патентлаштирилган ва айни вақтда ИНХА талабалари тизимни амалиётда жорий этиш устида иш олиб боришмоқда.

ТОШКЕНТ, 21 ноя – Sputnik, Дилшода Раҳматова. Тошкентдаги ИНХА университети тўртинчи босқич талабаси Абдулла Асқаров сунъий кўришга асосланган ноёб тизимни яратди. C vision деб номланувчи ушбу кашфиёт Ўзбекистон университетларида таълим сифатини аниқлаш имконини беради.

Кашфиёт аллақачон патентлаштирилган ва айни вақтда ИНХА талабалари тизимни амалда жорий этиш устида иш олиб боришмоқда.

Таъкидланишича, талабанинг ишланмаси инсон юзидаги ҳис-туйғу аломатларига қараб, у ёки бу дарс қай даражада сифатли ўтилаётганини аниқлаштиришга ёрдам беради.

Запуск проекта один миллион программистов
Sputnik / Дильшода Рахматова
Қизил чизиқлар талабаларнинг қанчаси муайян нуқтага ва қанча вақт давомида тикилиб турганини кўрсатади. Агар талаба бир нуқтага узоқ тикилса, демак у ниманидир яхши англай олмаяпти, дейди кашфиётчи Абдулла Асқаров.

Шунингдек, ушбу тизим ёрдамида талабаларнинг неча нафари бахтли, қанчаси нейтрал, кимга ўтилаётган фан ёқмаётгани сингари статистикани ҳам аниқлашга ёрдам бериши таъкидланмоқда.

"Биз ҳар бир талаба учун индивидуал статистикани чиқариб беришимиз мумкин - яъни у нимани тушунмаяпти ва бу ҳолат қай вақтда юзага келмоқда. Шу тариқа, янги тизим орқали талабаларга тавсиялар берилиши мумкин. Балки унга умуман бошқа мутахассислик мос келар, дейлик... Шунингдек, тизим ўқитувчиларга ҳам улар ўз презентацияларини янада яхшилашларига хизмат қилади", - деди Асқаров Sputnik Ўзбекистон мухбири билан суҳбатда.

Талабанинг тан олишича, ушбу ихтирони яратишга мамлакатдаги таълим даражаси туртки бўлган.

"Ҳозирда таълим соҳасида бизнес маданият жадал ривожланмоқда. Ҳар бир ташкилот ўз истеъмолчиларини яхшироқ англаш учун сифатли маълумотларга эҳтиёж сезади. Ўйлаймизки, ушбу тизим Ўзбекистонда таълим сифатини яхшилашга хизмат қилади, қолаверса, уни жорий этиш билан хусусий бизнес билан бир қаторда талабаларга ҳам ёрдам берган бўламиз", - деди ИНХА талабаси.

Янги тизимни давлат органлари тузилмаларида синаб кўриш режалаштирилмоқда. Масалан, хавфсизлик соҳасида. Талабанинг таъкидлашича, C vision бир вақтни ўзида одам энг кўп йиғиладиган жойларда 20 минг нафаргача чеҳраларни анализ қилиш орқали "шубҳали" шахсларни аниқлаш имконига эга. Тизим 98% ҳолатда тўғри ишлайди, дейди Асқаров.

Ҳозирча янги кашфиётни ОТМ имтиҳонларида жорий этиш белгиланган.

"Биласизки, олий таълим муассасаларига давлат имтиҳонлари бошланган вақтда жуда кўп маблағ абитуриентларни текширадиган ходимлар учун сарфланади. Қолаверса, бунда инсон омили ҳам роль ўйнаши мумкин. У ёки бу абитуриент "таниш-билиш" орқали шпаргалка олиб кирган, деган гумонни тўлиқ рад этолмаймиз. Бу тизим эса бу сингари муаммоларни йўққа чиқаришга хизмат қилади, дея ишонтирмоқда кашфиётчи-талаба.

764

Бир неча соат ичида иккинчи пойтахтлик коронавирусдан вафот этди

537
(Янгиланган 18:50 05.07.2020)
Ўзбекистонда 33-бемор коронавирус қурбонига айланди. Бу кун давомида кузатилган иккинчи ўлим ҳисобланади.

ТОШКЕНТ, 5 июл — Sputnik. Ўзбекистонда коронавирус қурбонлари сони 33 нафарга етди.

ССВ хабарига кўра, Тошкентда 45 ёшли эркак коронавирусдан вафот этди. Унда бир неча кун давомида коронавирус аломатлари сезилиб, тана ҳароратининг кўтарилиши, томоғида оғриқ ва ҳолсизлик кузатилган.

Аммо шундай  бўлишига қарамасдан у шифокорга ўз вақтида мурожаат қилмай, уй шароитида даволаниб юрган.

Натижада шу йилнинг  30 июнь куни  Тошкент шаҳар тез тиббий ёрдам шифохонасига ўта оғир ҳолатда, ўткир нафас етишмовчилиги билан олиб келиниб, жонлантириш бўлимига ётқизилган.

Беморга юрак ишемик касаллиги, ўткир юрак ва нафас  етишмовчилиги, икки томонлама пневмония дастлабки ташхиси қўйилган.

Бироқ шифокорларнинг муолажаларига қарамасдан бемор ўткир юрак-қон томир ва ўпка етишмовчилигидан вафот этди.

Эслатиб ўтамиз, бироз аввал пойтахтлик 71 ёшли онахон коронавирусдан вафот этгани хабар қилинган эди.

537
Теглар:
карантин, беморлар, Тошкент, коронавирус
Контрольно-пропускной пункт на границе Казахстана

ТИВ: рус-қозоқ чегараси ёпиқ, фирибгарларга ишонманг!

250
(Янгиланган 18:51 05.07.2020)
Сўнгги вақтларда ижтимоий тармоқларда Россия ва Қозоғистон ўртасидаги чегара очилгани ҳамда Россиядаги Ўзбекистон фуқаролари Қозоғистон ҳудуди орқали ватанга қайтишлари мумкинлиги ҳақидаги ёлғон хабарлар тарқалмоқда.

ТОШКЕНТ, 5 июл — Sputnik. Ўзбекистон Ташқи ишлар вазирлиги Россиядаги фуқароларга мурожаат қилди.

Вазирлик матбуот хизмати хабарига кўра, сўнгги вақтларда ижтимоий тармоқлар ва мессенжерларда чегара очилгани ва ватанга қайтиш мумкинлиги ҳақидаги ёлғон хабарлар тарқалмоқда.

“Бундан ташқари, йўловчи ташиш билан шуғулланадиган айрим шахслар Россия-Қозоғистон чегарасига одамларни етказиб қўйиш ва чегарани кесиб ўтишда “ёрдам бериш”ни ваъда қилиб турли эълонлар тарқатмоқдалар. Элчихона ватандошларимиздан бу каби ёлғон хабарларга ишонмасликларини сўраб қолади”, - дейилган хабарда.

Фуқароларга Россия, Ўзбекистон ва Қозоғистонда жорий қилинган карантин чоралари, шу жумладан мамлакатларга кириш бўйича чекловлар ўз кучида қолаётгани яна бир бор эслатилган.

Шу кунларда Самара вилоятидаги Болшая Черниговка қишлоғи, Оренбург вилоятидаги Бузулук тумани ва Сол-Илецк шаҳрида Ўзбекистон фуқароларининг яна тўпланиши кузатилмоқда. Уларнинг кўпчилиги, ёлғон хабарларга ишониб, Россиянинг турли ҳудуларидан келган ва Қозоғистон орқали Ватанимизга қайтиш истагинини билдирмоқда.

Коронавирус инфекцияси пандемияси тарқалаётган бир пайтда фуқалорнинг бир жойда тўпланиши уларнинг вирус билан касалланиш эҳтимолини кескин оширади.

Россия ҳудудидаги ватандошлардан турли ёлғон хабарлар ва миш-мишларга ишонмаслик, Россия-Қозоғистон давлатлараро чегара пунктларига боришга уринмаслик, ҳозирги яшаш жойларида қолиб, карантин чораларига қатъий риоя қилишларини сўралган.

Эслатиб ўтамиз, жорий йилнинг 6 июлдан 19 июль кунлари давомида хориждаги фуқаролар 19 та рейс орқали ватанга қайтарилади. Навбатдаги чартер рейслариинг жадвали қуйида.

250
Теглар:
ТИВ, карантин, коронавирус, мигрантлар, чегара, Ўзбекистон, Қозоғистон, Россия
Двое задержаны при приготовлении наркотическо средства

Қабристон ёнида гиёҳванд моддасини тайёрлаган икки йигит қўлга тушди

261
Икки йигит Юқори Чирчиқ туманидаги қабристон ёнида наша ўсимлигига ўхшаш гиёҳвандлик моддасини қозонда қовураётган вақтда ушланди.

ТОШКЕНТ, 5 июл — Sputnik. Тошкент вилоятида гиёҳванд моддасини тайёрлаган икки йигит қўлга тушди.

ИИВ ҳузуридаги Тергов департаменти хабарига кўра, 27 июнь куни Юқори Чирчиқ тумани ИИБ ходимлари “Қора дори-2020” тадбирини ўтказган. Унда 22 ёшли Б.Ш. ва С.И.лар Юқори Чирчиқ тумани Балиқчи маҳалласидаги қабристон ёнида жойлашган дала майдонида наша ўсимлигига ўхшаш гиёҳвандлик моддасини қозонда қовураётгани аниқланган.

Судга оид кимёвий экспертизаси хулосасига кўра, олинган  модда гиёҳвандлик воситаси. У вазни 1506 грамм бўлган марихуана. 

Тергов ҳаракатлари давомида Б.Ш. ва С.И.лар ушбу  гиёҳвандлик воситасини ўзлари бир ҳафта давомида истеъмол қилишлари учун тайёрлаётганликлари аниқланган.

Жиноят кодексининг 276-моддаси 2-қисми “а” банди билан жиноят иши қўзғатилган.

Тергов ҳаракатлари олиб борилмоқда.

261
Теглар:
гиёҳванд моддалар, Тошкент вилояти