2020 йил ёшларни ривожлантириш йили бўлади Танзила Нарбаева

698
(Янгиланган 12:29 16.01.2020)
2020 йил ёшларни ривожлантириш, уларга янада кўпроқ шароит яратиб бериш йили бўлади - Танзила Нарбаева.

ТОШКЕНТ, 15 янв – Sputnik. Бугун Тошкентдаги “Миллий” стадионида спорт жиҳозлари ортилган хайрия карвонини кузатиш маросими бўлиб ўтди, деб хабар қилмоқда Sputnik мухбири.

Карвонни кузатиш маросимида сўзга чиққан сенат раиси Танзила Нарбаева президентнинг ёшларга алоҳида эътибор беришга қаратилган сиёсати ҳақида сўз юритди.

“2020 йил ёшларимизни ривожлантириш, ёшларга янада кўпроқ шароит яратиб бериш йили бўлади” – деди Танзила Нарбаева.  

Ўзбекистон аҳолисининг 65 %ини ёшлар ташкил қилади. Келажак ёшлар қўлида, шунинг учун ёшлар қанчалик соғлом, билимли ва салоҳиятли бўлишса, келажагимиз ҳам порлоқ бўлади, - дейди сенат раиси.  

Нарбаева айтишига қараганда, бугунги кунда Ўзбекистонда ёшларнинг саломатлигини яхшилаш, уларга билим бериш, дунёқарашини кенгроқ қилиш, асосий вазифа булиб турибди. Бугун таълим, спорт соҳаларда бошланган ислоҳотлар бир неча йилдан кейин ўз натижасини беради. Соғлом танда соғ ақл бўлади, дейди Нарбаева.

Қорақалпоғистон Республикаси, барча вилоятлар ҳамда Тошкент шаҳри ёшларига жўнатилган ушбу хайрия карвонидан умумий қиймати қарийб 50 миллиард сўмлик қийматга тенг 96 турдаги спорт жиҳозлари, инвентарлари ва кийимлари жой олган. Улар 230 та болалар ва ўсмирлар спорт мактабларига ҳамда 7 542 та умумтаълим мактабларига етказиб берилади.

Эслатиб ўтамиз, 2019 йилнинг 27 декабрида "2020 йил ёшларга оид давлат сиёсати туб бурилиш йили бўлади", - деган эди. Шунингдек, 2019 йилнинг март ойида эълон қилинган президентнинг 5та муҳим ташаббуслари ичида ёшлар орасида санъат, спорт ва китобхонликни ривожлантириш ташаббуслари ҳам бор.

698
Девушка в защитной маске со смартфоном в руках - архивное фото

Коронавирусдан тузалганлардан ҳам ниқоб тақиб юриш талаб этилади штаб аъзоси

28
Ўзбекистонда коронавирусни бошдан кечирганларга ҳам карантин қоидаларига риоя қилган ҳолда ниқоб тақиб юришлари керак.

ТОШКЕНТ, 9 авг — Sputnik. Ўзбекистонда карантин қоидаларига риоя қилиш учун коронавирусдан тузалганлардан ҳам ниқоб тақиб юриши керак. Бу ҳақда АОКАдаги брифингда Коронавирусга қарши кураш штаби аъзоси Севара Убайдуллаева маълум қилди.

Штаб аъзосига касалликни енгил даражада ўтказган фуқаро энди кўчага тиббий ниқобсиз ҳам чиқсам бўлади деган савол билан юзланди. У шифокорлар даволангандан сўнг касалликка иммунитет ҳосил бўлишини айтишганини маълум қилган.

“Касалланиб тузалгандан сўнг иммунитет ҳосил бўлади, лекин бугунги кунда бизда карантин қоидалари бўйича ниқобсиз юриш мумкин эмас. Шунингдек, касалликдан тузалган бўлсангиз ҳам, ҳали организмингиз тикланмаган, тиббий ниқобсиз юриб бошқа юқумли касалликларга чалиниш имкониятингиз кучаяди ва сиз бошқа касаллик билан касалланишингиз мумкин”, - деди Убайдуллаева.

Шу боис тиббий ниқобни карантин қоидаларига риоя қилган ҳолда тақиб юриш талаб этилади.

Эслатиб ўтамиз, мамлакатда 25 мартдан жамоат жойларида ниқобсиз юриш тақиқланган. Ушбу ҳаракатни содир этган шахс 1 млн 115 минг сўм миқдорда жаримага тортилиши мумкин.

28
Студенты в аудитории

Энди контракт тўлай олмаган талаба ўқишдан четлатилмаслиги мумкин

73
Эндиликда контрактни тўлай олмамаган талаба ўқишдан четлатилмайди, балки курсдан-курсга қолдирилиши мумкин.

ТОШКЕНТ, 9 авг — Sputnik. Ўзбекистонда энди контракт тўлай олмаган талаба ўқишдан четлатилмаслиги мумкин. Бу ҳақда АОКАдаги матбуот анжуманида олий ва ўрта махсус таълим вазири Иномжон Мажидов маълум қилди.

Вазирнинг сўзларига кўра, агар талабанинг контрактни тўлашга қурби етмаса, олий ўқув юрти вазиятни ўрганиб чиқади. Кейин шу талабага ёрдам бериб, контрактни қоплаш чорасини кўради.

“Талаба эндиликда контрактни тўлай олмаса, у четлатилмайди, балки курсдан-курсга қолдирилиши масаласи кўриб чиқилади", - деди у.

Мажидов бунда ОТМ томонидан вазият тўлиқ ўрганилгач, қарор қабул қилишини қўшимча қилди.

Шунингдек, вазир 2020-2021-ўқув йилида контракт тўлови миқдори ўзгаришсиз қолишини маълум қилди.

73