Путин ва Эрдоған Идлибда урушни тўхтатишга келишиб олишди

308
(Янгиланган 14:53 06.03.2020)
Россия ва Туркия 2017 йилдан деэскалация ҳудудларини яратиш бўйича келишувга ва 2018 йилги Сочи меморандумига содиқ эканликларини яна бир бор тасдиқладилар.

ТОШКЕНТ, 6 мар - Sputnik. Россия ва Туркия президентлари Владимир Путин ва Ражаб Тоййиб Эрдўғон олти соат давом этган музокаралардан сўнг Суриянинг Идлиб вилоятида зарбалар беришни тўхтатиш тўғрисида келишиб олдилар.

Келишув лойиҳаси икки мамлакат ташқи ишлар вазирлари томонидан эълон қилинди.

Идлиб деэскалация ҳудудида жанглар 6-март куни ярим тунида тугаши керак. Бундан ташқари, Москва ва Анқара М-4 автомагистрали бўйлаб, унинг шимолий ва жанубидан олти километр масофада хавфсизлик йўлагини ташкил қиладилар ва ушбу ҳудудда 15 мартдан биргаликда патруллаш бошланади.

Россия ва Туркия, шунингдек, илгари тузилган келишувларга - 2017 йилдан деэскалация ҳудудларини яратиш бўйича келишувга ва 2018 йилги Сочи меморандумига содиқлигини яна бир бор тасдиқладилар.

Москва ва Анқара, шунингдек, ҳар қандай баҳонада оқлаб бўлмайдиган терроризмнинг барча кўринишларига қарши курашишга қатъий қарордаликларини таъкидладилар. Томонлар Суриядаги можаронинг ҳарбий ечими йўқлигига келишиб олдилар ва САР суверенитетига содиқлигини яна бир бор тасдиқладилар.

Умумий қарашлар

Россия президенти туркиялик ҳамкасбига Москвага ташриф буюриш ва "муносабатларимизни тасдиқлаши" қарори учун миннатдорчилик билдирди.

Путин шунингдек, Москва Сурияда бўлаётган воқеаларни баҳолаш борасида Анқара билан ҳар доим ҳам рози бўлмаслигини, аммо муҳим лаҳзаларда мамлакатлар ўзаро умумий тил топишганини таъкидлади.

Бундан ташқари, Россия раҳбари терроризмга қарши кураш заифлашишига йўл қўймаслик кераклигини таъкидлади. Унинг қўшимча қилишича, Россия ва Туркия Суриядаги можарони ҳал қилиш учун Остона форматини сақлашдан манфаатдор.

Жавоб бериш ҳуқуқи

Туркия Сурия ҳукумат кучларининг ҳаракатларига жавоб бериш ҳуқуқини ўзида сақлаб қолади,- деб Эрдўғон Путин билан музокаралардан сўнг таъкидлади.

Шу мақсадда Туркия аллақачон Идлибга қўшимча кучлар юборган.

Эрдўғон, шунингдек, Анқара "суриялик қочқинларга ўз ватанларига қайтиш масаласида ёрдам беришни зиммасига олишга" ваъда берган.

"Путин ва Эрдўғон ўртасидаги келишувлар принципиал хусусиятга эга. Уларнинг техник жиҳатдан амалга оширилиши – бу мутлақо бошқа масаладир, бу жуда қийин масала. Путин ва Эрдўғон можаронинг барча томонларнинг жавобгарлигини ўз зиммаларига олганлар ва бу жуда хавфли ... Идлибдаги ҳарбий можаронинг бошқа томонлари Путин ва Эрдўғоннинг маслаҳатига амал қилишига кафолат йўқ. Аммо бизнинг қуролли кучларимиз вазиятни биргаликда назорат қилишлари жуда катта аҳамиятга эга - агар истак бўлсагина, ҳатто энг қийин масалаларда ҳам келишиш мумкинлигини намойиш этади ... Келишувга эришиш – бу муваффақиятли ва жуда ўз вақтида қабул қилинган қарор, Путин ва Эрдўғон сиёсий воситалар тугамаганлигини исботладилар", - деди Алексей Подберезкин, МГИМО Ҳарбий-сиёсий тадқиқотлар маркази директори, тарих фанлари доктори.

Идлибда кескинлашув

Суриянинг Идлиб провинциясида вазият 27-феврал куни, шу провинцияси ҳудудини назорат қилаётган террорчилар САР қўшинларига ҳужум қилганда кескинлашди. Сурия ҳукумат армияси жавоб зарбаларида жангарилар сафида ҳужум қилаётган 36 нафар турк аскари ҳалоқ бўлди.

308

Ўзбекистонда коронавирусдан 15-бемор вафот этди

204
(Янгиланган 18:08 31.05.2020)
Коронавирус аниқланган 63 ёшли пойтахтлик аёл ўпка-юрак етишмовчилигидан вафот этди. У сунъий нафас олдириш аппаратига уланган бўлган.

ТОШКЕНТ, 31 май — Sputnik. Ўзбекистонда коронавирусдан 15-ўлим қайд этилди. Бу ҳақда Соғлиқни сақлаш вазирлиги хабар қилди.

1957 йилда туғилган пойтахтлик Х. да шу йилнинг 30 май куни “Covid-19” аниқланиб, Тошкент тиббиёт академиясининг кўп тармоқли клиникасига ётқизилган эди. 63 ёшли (аёл) бемор шу йилнинг январь ойида бош мия қон айланишининг ўткир бузилиши (инсульт) ташхиси билан даволанган.

Беморнинг даволаниши давомидаги кунлик аҳволи мамлакатдаги шу соҳага ихтисослашган тиббиёт муассасаларининг мутахассислари  назоратида бўлган. Белгиланган стандартлар асосида ўтказган реанимацион муолажаларига қарамасдан сунъий нафас олдириш аппаратида бўлган бемор бош мия қон айланишининг ўткир бузилиши, ўпка-юрак етишмовчилигидан вафот этди.

204

Ўзбекистонда аниқланган коронавирус ҳолати 3600 тага яқинлашди

158
Сўнгги 7 соат ичида яна 29 кишида коронавирус тасдиқланди. Уларнинг аксарияти карантин марказидаги фуқаролар орасида аниқланди.

ТОШКЕНТ, 31 май — Sputnik. Ўзбекистонда яна 29 та янги коронавирус ҳолати аниқланди.

“2020 йил 31 май соат 17:00 ҳолатига кўра, Ўзбекистонда коронавирус инфекцияси қайд этилганлар сони 3583 (+29) нафарни ташкил этмоқда”, - дейилган Соғлиқни сақлаш вазирлиги хабарида.

Янги аниқланган касалланиш ҳолатларининг 28 таси карантин марказидаги фуқаролар орасида, 1 таси Бухоро вилоятида коронавирусга чалинганлар билан мулоқотда бўлиб, карантинга олинган фуқарода аниқланган.

Айни пайтда мамлакатда 2837 нафар коронавирусга чалинган фуқаролар соғайган. Жами 14 та ўлим ҳолати қайд этилган.

158

Crew Dragon парвозининг ёрқин кадрлари 2,5 дақиқада видео

0
(Янгиланган 20:40 31.05.2020)
Илон Маскнинг SpaceX компанияси инсоният тарихида илк бор фазогирларни космосга учирди. Бортида иккита астронавт бўлган Crew Dragon кемаси 30 май куни Флоридадаги Кеннеди космик марказидаги майдончадан муваффақиятли парвоз қилди.

Шу тариқа, тарихда илк бор одамзод космосга хусусий компания томонидан учирилмоқда.

2011 йилдан буён NASA астронавтлари Халқаро космик станцияга фақат Россиянинг “Союз” кемаларида олиб чиқилган.

Ушбу парвоз дастлаб 27 май кунига мўлжалланган эди. Бироқ об-ҳаво ноқулай бўлгани туфайли парвоз бошқа кунга қолдирилган эди.

Crew Dragon орбитада тахминан 19 соат бўлиши кутилмоқда.

0