Тожикистонда COVID-19га қарши курашган шифокорлар уйга қайтди

465
Тожикистонда бўлиб қайтган 8 нафар тиббиёт ходими Соғлиқни сақлаш вазирлиги томонидан “Ўзбекистон Республикаси соғлиқни сақлаш аълочиси” кўкрак нишони билан тақдирланди.

ТОШКЕНТ, 22 май - Sputnik. COVID-19га қарши курашда Тожкистонлик ҳамкасабаларига ёрдам берган шифокорлар Тошкент аэропортида тантанали кутиб олинди, деб хабар қилмоқда ССВ матбуот хизмати. 

Бир неча кун олдин коронавирус инфекциясига қарши курашиш, касалликка чалинган беморларни самарали даволашда катта тажриба ва малакага эга шифокорлар Тожикистонга йўл олган эди. 

Ўзбекистонлик шифокорлар гуруҳида анестезиолог-реаниматолог, пульмонолог, эпидемиолог, инфекционист, вирусолог каби мутахассислар бўлиб улар 14 кун давомида Тожикистонда шифокорлар касалликка чалинган беморларни самарали даволаш, шахсий ҳимоя воситаларидан тўғри фойдаланиш, гигиена қоидаларига риоя қилиш ва шифохоналарда зарарсизлантириш тадбирларини амалга ошириш тартиб-қоидалари бўйича анжуман ва мастер-класс машғулотлари ўтказишди. 

Хусусан, Тожикистонда ҳам Ўзбекистон тажрибасидан келиб чиққан ҳолда, аҳоли томонидан коронавирус инфекцияси бўйича тушган мурожаатларни зудлик билан кўриб чиқиш ва ҳал этиш учун Саll-марказ фаолияти йўлга қўйилди, оғир беморларга малакали тиббий ёрдам кўрсатиш тадбирларини амалга ошириш мақсадида етук мутахассислардан иборат марказий гуруҳ ташкил этилди. Шунингдек,  Мобил компаниялар орқали аҳолини коронавирус касаллигидан ҳимоя қилиш мақсадида тизимли равишда SMS тарғибот ишлари бошлаб юборилди.

Минздрав
Достойно встретили медиков оказавших помощь Таджикистану

Ана шундай шарафли вазифани муносиб тарзда бажариб қайтишган тиббиёт ходимларини Соғлиқни сақлаш вазирлиги мутасаддилари томонидан тантанали кутиб олинди. 

Тожикистонда бўлиб қайтган тиббий гуруҳ таркибидаги барча, яъни 8 нафар тиббиёт ходими Соғлиқни сақлаш вазирлиги томонидан “Ўзбекистон Республикаси соғлиқни сақлаш аълочиси” кўкрак нишони билан тақдирланди.

Минздрав
Достойно встретили медиков оказавших помощь Таджикистану

 

465

Бугун Самарқандда яна 3та чартер кутиб олинди

35
(Янгиланган 17:54 24.09.2020)
Бугун Санкт-Петербургдан Самарқандга 3та чартер парвозлари билан 900 нафар Ўзбекистон фуқаролари олиб келинди.

ТОШКЕНТ, 24 сен - Sputnik. Бугун 24 сентябр куни Самарқанд аэропортида 3та чартер парвоз кутиб олинди, деб хабар қилмоқда Uzbekistan Airports.

Россиянинг Санкт-Петербург шаҳридан учиб келган ушбу парвозлар орқали 900 нафар Ўзбекистон фуқаролари ватанига қайтарилди. Парвозлар iFLy ва Azur авиакомпаниялари ҳаво кемаларида амалга оширилди. Самолётлар маҳаллий вақт билан соат 07:42, 08:42 ва 11:04 да кутиб олинди.

Парвозга фақат 72 соатдан кўп бўлмаган муддатда, ПЗР анализи орқали текширилиб, коронавирус йўқ деган маълумотномаси бўлган фуқароларга рухсат берилди. Шунингдек, учиб келган фуқаролар белгиланган тартибда 14 кун давомида уй ёки меҳмонхоналарда ўзини-ўзи яккалаш мажбуриятини олган.

Эслатиб ўтамиз, кечагина Самара вилоятида Россия-Қозоғистон ченгараси яқинида тўпланиб қолган Ўзбекистон фуқароларини олиб келиш учун Самарқанддан 15 та автобус йўлга чиққани ҳақида хабар берган эдик. Ундан ташқари Россиянинг турли шаҳарларидан Ўзбекистон фуқароларини олиб келиш учун чартер парвозлари ҳамда поездлар қатнови ташкил қилинган. 

35
Национальная  гвардия и сотрудник Внутренних дел на посту

Отабеков яна ўзбекистонликларни карантин кучайтирилиши тўғрисида огоҳлантирди

134
Нурмат Отабековнинг сўзларига кўра, агар келгусида ҳам фуқаролар эпидемик вазиятнинг мураккаблашишига сабабчи бўлаверса, қатъий карантин чораларини ҳам татбиқ этиши мумкин.

ТОШКЕНТ, 24 сен — Sputnik. Ўзбекистонда COVID-19 билан боғлиқ вазият мураккаблашса, оғирлашиб борса, яна карантин чоралари қайтарилиши мумкин. Бу ҳақда АОКА ҳузуридаги штабда ўтказилган брифингда Коронавирусга қарши кураш штаби аъзоси Нурмат Отабеков маълум қилди.

Мутахассиснинг сўзларига кўра, бугунги кунда карантин чораларини кучайтириш учун жиддий сабабларни кўрмаяпти. Аммо сўнгги вақтда мамлакатда ҳар куни коронавирус билан касалланиш билан боғлиқ 600 дан кўпроқ ҳолат қайд этилмоқда.

“У карантин тадбирларининг юмшатилиши, эпидемик барқарор бўлмаган ҳудудлардан ватандошларимизнинг келиши, шу билан бирга одамларимизнинг карантин бекор қилинмаган, балки юмшатилганини унутиб, ўзлари хоҳлагандек юргани билан боғлиқ. Республикамиз аҳолиси ҳам муайян оддий мажбуриятларга риоя қилиши керак. Агар биз келгусида ҳам эпидемик вазиятнинг мураккаблашишига сабабчи бўлаверсак, ҳукумат бир қатор чеклов тадбирлари, жумладан, шу вақтгача 2 марта қилинганидек, қатъий карантин чораларини ҳам татбиқ этиши мумкин”, - деди у.

Отабеков ҳаммаси фуқароларнинг ўзига боғлиқлигини унутмаслик кераклигини таъкидлади.

У ниқобларни талаб даражасида тақиш, жамоат жойларида ижтимоий масофа сақлаш, антисептиклардан фойдаланиш ҳамда қўлларни тез-тез ювиш кераклигини эслатди.

Эслатиб ўтамиз, аввалроқ Отабеков Ўзбекистонда 15 октябрдан карантин чоралари яна қаттиқ кучайтирилиши хусусидаги миш-мишларга изоҳ берган эди. Карантиннинг кучайтирилиши ва юмшатилиши фуқароларнинг хатти-ҳаракатларига боғлиқлигини таъкидлаган эди.

134

WhatsApp’да янги функция пайдо бўлди

0
Янгилик билан фойдаланувчиларга иккинчи томон очиб кўриши ва ёзишмалардан чиқиши билан ўчиб кетадиган фото, видео ва анимациялар юбориш имконини беради.

ТОШКЕНТ, 24 сен — Sputnik. WhatsApp᾽да вақтинчалик медиафайллар юбориш имконини берувчи янги Expiring Media функцияси пайдо бўлди. Бу ҳақда “WeBetaInfo” хабар қилди.

Янгилик билан фойдаланувчиларга иккинчи томон очиб кўриши ва ёзишмалардан чиқиши билан ўчиб кетадиган фото, видео ва анимациялар юбориш имконини беради. Бундай имконият фойдаланувчи ўта шахсий медиафайлларини юбормоқчи бўлганда асқотиши тахмин қилиняпти.

Фойдаланувчилар чалғиб кетмаслиги учун йўқолиб кетувчи хабарлар одатийларидан график жиҳатдан фарқ қилади.

Функция дастурнинг Android-смартфонлар учун мўлжалланган бета-версиясида мавжуд. Кейинроқ дастур янгилангандан кейин асосий дастурда ҳам пайдо бўлиши керак.

0