Фарғона нефт заводи экологияга зарар етказганини тан олди

226
(Янгиланган 15:42 10.07.2020)
Фарғона вилояти Тошлоқ туманида ариқларда нефт оқишига фақат нефт заводи эмас, аҳоли орасида ноқонуний нефт қазиб олаётганлар ҳам айбдор экани аниқланди.

ТОШКЕНТ, 10 июл - Sputnik. Фарғона нефтни қайта ишлаш заводи йиллар давомида ер ости сувларини нефт маҳсулотлари билан ифлослаштириб келинганини тан олди. Бу ҳақида корхона томонидан тарқатилган расмий маълумотда хабар қилинган. 

"Фарғона нефтни қайта ишлаш заводининг 60 йилдан кўпроқ даврдаги фаолияти давомида, турли технологик носозликлар (хом ашё ва тайёр маҳсулотларнинг оқиб кетиши) натижасида сувли ерларда ер ости сувлари ифлосланган катта майдон ҳосил бўлган", - дейилган хабарда. 

Корхона баёнотида айтилишга кўра, "Ўзбекгидрогеология" ДМ, “Фарғонагидросув хўжалиги” институти, "ЎзЛИТИнефтегаз" АЖ, "Гидрогеотехника" ОАОТ билан биргаликда 1992-1997 йилларда олиб борилган чора-тадбирлар натижасида ифлосланган майдони ўлчамлари ва нефт маҳсулотлари салмоғи жиддий равишда қисқарган.

Кўрилган чора-тадбирлар натижасида, нефт билан ифлосланиш даражаси Тошлоқ туманидаги барча қудуқларда 2004 йилнинг бошига келиб нефт маҳсулотларининг ҳажми пленка ҳолатигача камайди, дейилган хабарда. 

2005 йилда вилоят ҳокими қарори билан 31,89 га лик майдон Фарғона НҚИЗ балансига ўтказилди. Ушбу участкада 2500 та ноқонуний қазилган қудуқ аниқланган ва улар “Фаргъона НҚИЗ” МЧЖ томонидан йўқотилди ҳамда уларнинг ўрнига мевали боғ яратилди.

Шунингдек, 2006-2007 йилларда Фарғона НҚИЗ томонидан нефт маҳсулотлари сизиб чиқадиган конусда "ОАЗИС" тутиб қолиш тизими барпо этилган. "ОАЗИС" тизими қудуқлари ифлосланишни локализация қилиш бўйича энг самарали механизм ҳисобланади.

Хабарда айтилишига кўра, 2020 йилнинг май ойида ДХХ, ИИВ ва Солиқ ва валюта жинотяларига қарши кураш департаменти билан биргаликда Тошлоқ туманида ўтказилган тадбир давомида 117та ноқонуний қудуқ, 52 та чуқурлик насоси, 205 та турли идишлар, 9757 метр кабель, 847 метр шланг ва салкам 30 тонна нефт ва нефт маҳсулотлари топилган. 

Энг муҳими, ушбу тадбирлар давомида тиндиргич идишлар ёрдамида нефт маҳсулотларини ноқонуний ўзлаштираётган аҳоли томонидан экологик меъёрларни бузиш бўйича кўп сонли ҳолатлар аниқланган. Улар чиқиндиларни яқин атрофда жойлашган ариқлар ва ҳавзаларга тўкиб келгани аниқланган, - дейилган хабарда.

Ушбу ҳолатлар бўйича Давлат экология қўмитасининг Фарғона вилояти бўйича бошқармаси ходимлари томонидан амалдаги қонунчиликка мувофиқ чоралар кўриш учун тегишли баённомалар тузилган.

2020-2030 йилларда заводни модернизация қилиш доирасида янги технологиялар ва замонавий ускуналардан фойдаланиш эвазига атроф-муҳитни ифлосланишига йўл қўймаслик бўйича тўлиқ чора-тадбирлар амалга оширилиши режалаштирилган. 

Фарғона нефтни қайта ишлаш заводи 1960 йиллар бошида қурилган. Завод Қирғули адирларининг шимолий қисмида, тошли-шағалли қатламлар устидаги кам миқдордаги майда донадор тупроқ қатламли жойда жойлашган.  

 

226
Паспорт и бланк в руках избирателя во время выборов президента Узбекистана

Президент сайловини октябрда ўтказиш учун Конституцияни ўзгартириш керак

21
(Янгиланган 17:33 25.01.2021)
Олий Мажлис депутатлари декабрда бўлиб ўтиши белгиланган президент сайловини октябрда ўтказиш масаласини муҳокама қилишди.

ТОШКЕНТ, 25 янв - Sputnik. Ўзбекистон Олий Мажлиси Қонунчилик палатасида жорий йилда бўлиб ўтиши режалаштирилган президент сайловлари санасини ўзгартириш масаласи муҳокама қилинди. Бу ҳақида "Юксалиш" партияси матбуот хизмати хабар қилмоқда.  

"Ўзбекистонда Президент сайловлари октябрь ойи учинчи ўн кунлигининг биринчи якшанбасида ўтказилиши мумкин. Ушбу масала Қуйи палатадаги сиёсий партиялар фракциялари йиғилишида муҳокама қилинди", - дейт

Сайлов санасини ўзгартириш борасида ҳеч қандай хулосага келинмаган ва Олий Мажлиснинг навбатдаги сессиясида муҳокама қилиш учун қолдирилган. 

Эслатиб ўтамиз, Ўзбекистон Республикаси Конституциясининг 117-моддасига мувофиқ "Президент сайлови <...> конституциявий ваколат муддати тугайдиган йилда — декабрь ойи учинчи ўн кунлигининг биринчи якшанбасида ўтказилади".

21
В Джизаке сносят дом, часть которого обрушилась

Жиззахда қулаган бинонинг қолган қисми ҳам бузиб ташланмоқда

22
(Янгиланган 17:26 25.01.2021)
Бинонинг қолган қисми ҳам талабга жавоб бермаслиги ва одамлар соғлиғига хавф туғдириши мумкинлиги инобатга олиниб, тадбиркорнинг ўз ҳисобидан бузиб ташланмоқда.

ТОШКЕНТ, 25 янв — Sputnik. Жиззах шаҳрида январь бошида қулаган 6 қаватли бинонинг қолган қисми бузиб ташланмоқда. Бу ҳақда Қурилиш вазирлиги матбуот хизмати хабар қилмоқда.

“Жиззахда қулаган 6 қаватли бинонинг қолган қисми ҳам талабга жавоб бермаслиги ҳамда яқин орада қулаб, одамлар соғлиғига хавф туғдириши мумкинлиги инобатга олиниб, тадбиркорнинг ўз ҳисобидан бузиб ташланмоқда”, - дейилган вазирлик хабарида.

Бино 10 январ куни қулаб тушган эди. Вазирлар Маҳкамасининг тегишли фармойиши билан бош вазирнинг биринчи ўринбосари Очилбой Раматов раҳбарлигида ҳукумат комиссияси тузилган.

Комиссия зиммасига 6 қаватли уйнинг қулаб тушиш сабаблари, бунга омил бўлган ҳолатлар, лойиҳа ҳамда пудратчи ташкилот томонидан уйнинг барпо этилиши даврида шаҳарсозлик норма ва қоидаларига риоя этилгани, шунингдек, бундай ҳолатларнинг олдини олиш бўйича амалдаги норматив-меъёрий ҳуқуқий ҳужжатларни ўрганиб чиқиб, таклиф киритиш вазифаси юклатилган.

Бош прокуратура Жиззах вилояти қурилиш соҳасида ҳудудий назорат инспекцияси мансабдор шахсларига нисбатан Жиноят кодексининг 207-моддаси (Мансабга совуққонлик билан қараш) билан жиноят иши очилганини маълум қилди. 

22
Теглар:
Жиззахда янги қурилаётган кўп қаватли уйнинг қулаши, Жиззах

Путин Навальнийнинг суриштируви ҳақида: қаср менга тегишли эмас

14
(Янгиланган 17:39 25.01.2021)
Владимир Путин Алексей Навальнийнинг Геленджикдаги "қасри" тўғрисидаги фильмини томоша қилмаганлигини айтди.

ТОШКЕНТ, 25 янв — Sputnik. Россия талабалари билан ўтказилган онлайн-учрашувда Владимир Путин Алексей Навальнийнинг Геленжикдаги "қасри" тўғрисидаги фильмини томоша қилмаганлигини айтди. Чунки бунга унинг вақти йўқлиги, аммо ёрдамчилари томонидан тайёрланган видеолар тўплами билан танишиб чиққан.

Уфа давлат нефт техника университетининг 3-босқич талабаси Даниил Чемезов YouTube да жойлаштирилган фильмнинг ҳаққонийлиги ҳақида сўради.

"Мен саволингизга бирдан жавоб бермоқчиман. У ерда менинг мулким сифатида кўрсатиладиган ҳеч нарса, на менга, на яқин қариндошларимга тегишли эмас ва ҳеч қачон тегишли бўлмаган. Ҳеч қачон", - деб жавоб берди Путин.

Ўтган ҳафтада Навальний жамоаси президент Қора денгиз қирғоғида 100 миллиард рублга қаср қургани тўғрисидаги материални эълон қилди.

Кремл Геленджикдаги Владимир Путиннинг "қасри" ҳақидаги Алексей Навальний томонидан ўтказилган суриштирувни асоссиз сафсата ва компиляция деб атади.

"Биласизми, бу мавзу 3-4 йил олдин тармоққа ташланганди. Ва бу ҳолатда қуруқ сафсата қилинмоқда, мана бу ҳийла-найранглардан фойдаланишга бир неча бор уринишди. Кўпинча ўзларини қийнашмаяпти ҳам <...> ҳеч бўлмаганда бирон бир нарсани исботлаш эмас, ҳеч бўлмаганда тасвирлаб беришга минимал уринишлар билан” - деди президент матбуот котиби Дмитрий Песков.

У ягона янгилик бу - "монтаж ҳикоялари"дан фойдаланиш бўлган, дея тахмин қилди.

"У ерда, маълум бир қасридаги бассейнда, Путиннинг Енисейда сузиб юргани акс этган <...> бутун дунёда тарқалган <...> тасвирлар қўшиб қўйилган. Бу шундай қуруқ констатация", - деб тушунтирди Кремл вакили.

Бундан ташқари, Песков россияликларни "ФБК муттаҳамларига" пул ўтказмасликка чақирди, бундай текширувлар – бу фирибгарлик эканлигини таъкидлади.

"Давлат раҳбарига қарши тайёрланган ва тайёрланаётган ахборот хужумлари ҳақида аллақачон бизга маълум. Улар бўлган, афсуски, давом этади. Бу ҳолатда президент мавжуд бўлмаган мулкка эгалик қилишда айбланмоқда. Бутун мол-мулк Россия президенти томонидан ҳар йили декларацияланади ва чоп этилган йиллик декларацияда акс этган", - деб хулоса қилди Песков.

14
Теглар:
Москва, Россия, Навальный, Владимир Путин
Мавзу бўйича
Навальний билан боғлиқ ҳолат бўйича жиноят ишини қўзғатишга асос йўқ - Лавров
Европарламент Навальний туфайли Россияга қарши резолюция қабул қилди
Кремл "Путин қасри" ҳақидаги хабарлар юзасидан изоҳ берди
Навальний иши: Россия Европа Иттифоқига қарши санкция қўллади