Испытание вакцины от коронавируса в РФ

Ўзбекистон ва Хитой биргаликда коронавирусга қарши вакцина синовини ўтказиши мумкин

494
Хитойнинг “Sinopharm Group” компанияси раҳбари вакцинанинг сўнгги, яъни учинчи босқичини Ўзбекистонда ўтказишни таклиф қилди.

ТОШКЕНТ, 21 июл — Sputnik. Ўзбекистонлик мутахассислар хитойлик ҳамкорлари билан биргаликда коронавирусга вакцинанинг учинчи – сўнгги босқичини ўтказишлари мумкин. Бу ҳақда “Дунё” АА хабар қилмоқда.

Бу ҳақда Ўзбекистоннинг Хитойдаги элчиси Бахтиёр Саидов ва “Sinopharm Group” бошқаруви раиси Лю Цзинчжэнь ўртасида бўлиб ўтган учрашув чоғида маълум қилинди. Учрашувда коронавирус пандемиясига қарши биргаликда курашиш масалалари муҳокама қилинди.

Хусусан, Хитой томони China National Biotec Group (CNBG бўлинмаларидан бири – “Sinopharm Group”) томонидан ишлаб чиқилган инактивлаштирилган ва рекомбинант вакцина клиник синовларининг икки босқичи муваффақиятли ўтганини билдирган.

“Яқинда Хитой аҳолиси ўртасида клиник синовларнинг охирги, яъни учинчи босқичи бошланган. Корпорация раҳбари Ўзбекистон ҳудудида ҳам ана шундай синовни ўтказишни таклиф қилди”, - дейилган хабарда.

Таъкидланишича, бир пайтнинг ўзида вакцина синовлари Бирлашган Араб Амирликларида ҳам ўтказилади. Унда 15 минг нафар одам иштирок этади.

Мазкур вакцина инсон танасига юборилганидан кейин инактивлаштирилган таъсир қилиш муддати 2 йил ва ундан кўпроқ муддатни ташкил қилади. Бугунги кунда Хитой ҳудудида 50 мингдан кўпроқ одам ушбу  вакцинани қабул қилгани маълум.

494
Теглар:
вакцина, Хитой, коронавирус, Ўзбекистон
Мавзу:
COVID-19 умумжаҳон пандемияси (1222)

Ўзбекистонда коронавирус: 21 октябрь асосий хабарлари

134
Сутка давомида 222 кишида коронавирус аниқланди, Ўзбекистонда коронавирус инфекцияси қайд этилганлар сони 64 134 нафарни ташкил қилмоқда.

ТОШКЕНТ, 21 окт — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

Бир сутка давомида 222 кишида коронавирус аниқланди, Ўзбекистонда коронавирус инфекцияси қайд этилганлар сони 63 831 нафарни ташкил қилмоқда.

Янги касалланиш ҳолатларининг: 11 нафари Тошкент вилоятида, 113 нафари Тошкент шаҳрида коронавирус билан касалланган беморлар билан мулоқотда бўлганлиги учун намуна олинган фуқаролар орасида аниқланган.

Соғайиш кўрсаткичи

Бугуннинг ўзида 192 нафар бемор тузалди. Республика бўйлаб жами соғайганлар сони 61 260 нафарга етди. Соғайиш кўрсаткичи 95 фоиз.

Айни пайтда 2 338 нафар беморга белгиланган стандартлар бўйича даво чоралари кўрилмоқда.

Ўлим ҳолатлари

Кун давомида коронавирусга чалинган 2 нафар бемор вафот этди.

Ўзбекистонда жами 536 киши пандемия қурбони бўлди.

Чипта нархи

Uzbekistan airways Тошкент - Дубай - Тошкент йўналишида чипта нархини туширганини эълон қилди: эконом класс чипталар бир томонга 209 евро, икки томонга 319 евродан сотилади. Парвозлар 25 октябрдан бошлаб ҳафтасига 4 маротаба: душанба, чоршанба, пайшанба ва жума кунлари амалга оширилади.

Ота-оналар йиғилиши

Карантин қоидалари юмшатилишига қарамасдан Махсус комиссиянинг баёнларида мактабларда оммавий тадбирлар ўтказилиши шу жумладан ота-оналар йиғилишларини ўтказиш тақиқланган.

Пандемия шароитига қарамасдан бугунги кунгда мавсумий касалликларни авж олишини ва коронавирус инфекцияси билан бирга учраши аянчли аҳволларга олиб келиши мумкин.

Дунё саломатлиги

Дунё бўйлаб инфекцияни юқтириб олган кишиларнинг сони 41,0 миллиондан ошди, 1,1 миллион ортиқ киши вафот этди, 30,6 миллион киши тузалди. Энг кўп ҳолатлар АҚШда (8,5 млн), Ҳиндистонда (7,7 млн), Бразилияда (5,3 млн).

134
Мавзу:
COVID-19 умумжаҳон пандемияси (1222)

COVID-19га қарши вакцина 4 хил одамга таъсир қилмайди

305
(Янгиланган 13:00 21.10.2020)
Иммунодефицит ҳис қилаётган кишилар учун COVID-19га қарши вакцина фойдасиз бўлиши мумкин - вирусолог.

ТОШКЕНТ, 21 окт - Sputnik. Тиббиёт фанлари доктори, вирусолог Анатолий Альтштейн айтишига қараганда вакцинадан фойдаланиш айрим одамларга кутилган натижани бермаслиги мумкин. 

Вирусолог фикрига кўра, биринчи навбатда бу инсон организмининг антитаначалар ишлаб чиқариш қобилиятига боғлиқ. Организмида иммунодефицит мавжуд бўлган кишиларда вакцина етарли миқдорда ишлаб чиқилмаслиги мумкин. 

Мутахассис айтишига қараганда, иммунодефицит, аксарият ҳолларда, қуйидаги одамларда учрайди:

  • кекса ёшли кишиларда
  • қаттиқ асаблашаётган (стресс) кишиларда; 
  • яллиғланишга қарши дори ичаётган кишиларда; 
  • спиртли ичимликларни кўп истеъмол қиладиган кишиларда;

Эслатиб ўтамиз, Россияда коронавирусга қарши биринчи вакцина 11 август куни рўйхатга олинган эди. Гамалея номидаги НИЦЭМ томонидан одам аденовируси асосида яратилган вакцина бўлиб, у 2 босқичда киритилади. Ушбу вакцина ёши 65 ёшдан катта бўлган ҳамда аллергияси бўлган кишилар учун тавсия қилинмайди. 

"Вектор" Мирусология маркази томонидан ишлаб чиқилган иккинчи вакцина эса 14 октябр куни рўйхатга олинди. Бу мутлақ сунъий услубда яратилган вакцина бўлиб, алерргияси бор ҳамда кекса ёшли кишилар учун ҳам мос келади. 

Сеченов университети Статистика кафедраси бошлиғи Андрей Герасимов фикрига кўра, аҳоли орасида коронавирусга қарши мустаҳкам иммунитет пайдо бўлиши учун камида 64 % фуқаролар эмланиши керак. 

305

Россияда "корона"га қарши 3-чи вакцина яратилди - видео

0
Россияда М.П.Чумаков номидаги марказда яратилган коронавирусга қарши учинчи вакцинани синовлари бошланди. Ишлаб чиқувчилар декабрь ойида ССВ янги препаратни рўйхатдан ўтказади ва йил охирига қадар оммавий ишлаб чиқаришни бошлайди.

Аввалроқ Новосибирскнинг "Вектор" илмий маркази томонидан ишлаб чиқилган вакцина ҳам давлат рўйхатидан ўтганди. Шунингдек, дунёдаги биринчи “Спутник V” вакцинаси бўйича тадқиқотлар якунига етмоқда.

Айни вақтда Россия препаратини чет элда синашнинг учинчи босқичи давом этмоқда, вакцинанинг халқаро бозорда муваффақияти унинг натижаларига боғлиқ бўлади.

0