Врач-вирусолог, директор научного информационного центра по профилактике и лечению вирусных инфекций Георгий Викулов

Россия вакцинаси 2 йилгача иммунитетни шакллантириши мумкин - Викулов

383
(Янгиланган 19:13 12.08.2020)
Вектор технологияси ёрдамида яратилган вакциналар икки йилгача ўз таъсирини сақлаб қолиши мумкин, аммо ҳар бир алоҳида ҳолатда бу муддат бошқача бўлиши мумкин, дейди юқумли касалликлар шифокори Георгий Викулов.

Куни кеча РФ Соғлиқни сақлаш вазирлиги коронавирусдан мамлакатда ва дунёда биринчи вакцинани рўйхатга олди.

Гамалея номидаги миллий тадқиқот маркази олимлари томонидан одам аденовируси асосида векторли икки компонентли препарат ишлаб чиқарилди. Вакцина ҳайвонларнинг бир нечта турлари (кемирувчи ва маймунлар), сўнгра 76 кўнгиллида синалди.

Препарат ўзининг хавфсизлиги ва самарадорлигини кўрсатди - барча синалганларда COVID-19’га қарши иммунитетни шакллантирди.

Вакцинанинг клиник синовлари рўйхатдан ўтганидан кейин ҳам давом этади, деди Вирусли инфекцияларнинг олдини олиш ва даволаш илмий маркази директори, тиббиёт фанлари номзоди Георгий Викулов.

“Вакцинация бир неча кундан кейин эмас, балки бир неча ой ҳақида гап кетмоқда. Рўйхатга олишдан олдинги талаблар, аввалгидек, қандай бўлса шундайлигича сақланиб қолмоқда, рўйхатга олиш олд тадқиқотлар ўтказилмоқда. Аммо одамларнинг маълум бир қисмида. Шундан сўнг, кенг миқёсли тадқиқотлар, шу жумладан жамоавий иммунитетни баҳолаш амалга оширилади. Биз учун нафақат самарадорлик, балки хавфсизлик ҳам муҳимдир. Нафақат эрта, балки узоқ даврда ҳам аҳамиятга эга”, - деди шифокор Sputnik радио эфирида.

Унинг сўзларига кўра, айни вақтда Россияда 17 та препарат ишлаб чиқилмоқда, улардан иккитаси “финал”га чиқди. Яратилган вакцина бир неча йилга иммунитетни шакллаштириши мумкин.

“Вектор технология асосида яратилган вакциналар икки йилгача иммунитетни сақлаб туриши мумкин. Аммо бу назарияда. COVID-19 билан қандай бўлишини ҳаёт кўрсатади. Чунки бу касалликни кузатиш жараёни 8 ойдан ортиқ эмас. Бундан ташқари, одамларнинг бир фоизигина вакцинага жавоб бермайди, инсон биологияси шундай”, - деди Викулов.

Экспертнинг батафсил изоҳини радиподкастда тинглашингиз мумкин.

Викулов: российская вакцина от COVID-19 может формировать иммунитет до двух лет

 

383

Ҳайдовчилик гувоҳномаси учун имтиҳон олиш ваколати ИИВдан хусусий секторга берилиши мумкин

12
Ўзбекистонда ҳайдовчилик гувоҳномаси учун имтиҳон олиш ваколатининг ИИВдан хусусий секторга берилиши кутилмоқда.

ТОШКЕНТ, 29 ноя — Sputnik. Ўзбекистонда ҳайдовчилик гувоҳномаси учун имтиҳон олиш ваколатининг Ички ишлар вазирлигидан хусусий секторга берилиши кутилмоқда.

Депутат Расул Кушербаевнинг ёзишича, бу ҳақда ички ишлар вазири ўринбосари Азизбек Икрамов Олий Мажлис Қонунчилик палатасидаги Мудофаа ва хавфсизлик масалалари қўмитаси мажлисида берган ахборотида айтиб ўтган.

Вазир ўринбосарининг билдиришича, ҳужжат лойиҳасига кўра, имтиҳон олишга мослашган автодромлар ва имтиҳон олиш тизими тўлиқ хусусий секторга берилади ва ИИВ буни мониторинг қилиб боради.

ЙҲХББ 16 ёшдан машина ҳайдашга рухсат бериш таклифига муносабат билдирди

Бу жараённинг 2021 йилда амалга оширилиши кутилмоқда.

“Умид қиламизки, бу ҳайдовчилик масъулиятини ошириб, йўлларимизда маданиятли ҳайдовчилар кўпайишига хизмат қилади», — дея қўшимча қилган депутат.

12
Мавзу бўйича
“Права” олиш учун автомактабларда ўқиш мажбурийлигини бекор қилиш таклиф қилинди
Россияда ҳайдовчисиз автомобилда имтиҳон топишириш мумкин бўлади
Ўзбекистонда 16 ёшдан машина бошқаришга рухсат бериш таклиф қилинди

Ҳайвонларга шафқатсиз муносабатда бўлганлар озодликдан маҳрум қилиниши мумкин

17
(Янгиланган 11:33 29.11.2020)
Ўзбекистонда ҳайвонларга шафқатсиз муносабатда бўлганларни жиноий жавобгарликка тортишни таклиф қилмоқда. Қонун қабул қилинса, бундай кимсалар 1 йилгача қамалиши мумкин.

ТОШКЕНТ, 29 ноя — Sputnik. Ўзбекистон Бош прокуратураси ҳайвонларга нисбатан шафқатсиз муносабатда бўлганларни жиноий жавобгарликка тортишни таклиф этмоқда. Тегишли қонун лойиҳаси жамоатчилик муҳокамасига қўйилди.

Жиноят кодекси 202-1-модда билан тўлдирилиши кутилмоқда. Унда ҳайвонларга нисбатан шафқатсиз муносабатда бўлганлик учун жавобгарлик белгиланади.

Ушбу моддага биноан, ҳайвонга нисбатан шафқатсиз муносабатда бўлиш, уни қийнаш унинг ўлимига ёхуд майиб бўлишига олиб келса:

  • БҲМнинг 25 бараваридан 50 бараваригача миқдорда жарима;
  • 240 соатгача жамоат ишлари;
  • 1 йилгача ахлоқ тузатиш ишлари;
  • 6 ойгача озодликни чеклаш ёки озодликдан маҳрум қилиш жазоси кўзда тутилади.

Ўша қилмишлар бир гуруҳ шахслар томонидан олдиндан тил бириктириб ёки ижтимоий тармоқлардан фойдаланиб тарқатган ҳолда содир этилган бўлса, икки ёки ундан ортиқ ҳайвонларга нисбатан ёки вояга етмаган шахс ҳозирлигида содир этилган бўлса ёхуд қизил китобга киритилган ҳайвонларга нисбатан содир этилган бўлса:

  • БҲМнинг 50 бараваридан 100 бараваригача миқдорда жарима;
  • 360 соатгача жамоат ишлари;
  • 3 йилгача ахлоқ тузатиш ишлари;
  • 1 йилгача озодликни чеклаш ёки озодликдан маҳрум қилиш жазоси кўзда тутилмоқда.

Итга нисбатан шафқатсизлик қилган фуқаро жазоланди

Ҳозирда Ўзбекистонда ҳайвонларга шафқатсиз муносабатда бўлганларга Маъмурий жавобгарлик тўғрисидаги кодексининг 111-моддасига мувофиқ чора кўрилади. Унга кўра, ҳайвонларга нисбатан шафқатсиз муносабатда бўлиш уларнинг ўлимига ёхуд майиб бўлишига олиб келса, худди шунингдек ҳайвонларни қийнаш — ЭКИҲнинг 1 барваридан 3 бараваригача миқдорда жарима солишга сабаб бўлади.

17
Теглар:
янги қонун, Бош прокуратура, ҳайвонлар