Ўзбекистонга Роспотребнадзор мутахассислари ташриф буюришди

183
РФ мутахассислари илмий ва амалий тадбирлар, онлайн-маслаҳатлар ўтказадилар, шунингдек, COVID-19га қарши курашда Россия амалиётини республикада тадбиқ этиш имкониятларини ўрганиб чиқадилар.

ТОШКЕНТ, 24 авг - Sputnik. COVID-19 коронавирус инфекциясига қарши кураш доирасида Россиядан Ўзбекистонга етти нафар мутахассис - Истеъмолчилар ҳуқуқларини ҳимоя қилиш ва инсон фаровонлигини назорат қилиш бўйича Федерал хизмати эпидемиологлари, вирусологлари ва инфекционистлари ташриф буюришди. Бу ҳақда ЎзА хабар бермоқда.

Роспотребнадзор ходимлари 2020 йил 23 августдан 5 сентябргача Санитария-эпидемиологик фаровонлик Агентлиги ва унга қарашли ташкилотларда маслаҳат кўмагини кўрсатадилар.

Ушбу ташриф давомида россиялик мутахассислар мамлакатдаги эпидемиологик вазият билан танишишни режалаштирмоқдалар. Шунингдек, улар эпидемиологик назорат, лабораториялар, коронавирус билан касалланганларни даволашга йўналтирилган тиббиёт муассасалари иш механизмини батафсил ўрганадилар.

Делегация аъзолари пойтахтдан ташқари Тошкент, Самарқанд ва Жиззах вилоятларидаги тиббиёт муассасаларида бўлишади.

РФ мутахассислари ташрифи давомида илмий-амалий тадбирлар, онлайн-маслаҳатлар ўтказадилар, шунингдек, COVID-19га қарши курашнинг Россия амалиётини жорий этиш имкониятларини ўрганадилар.

Аввалроқ, республикага Россиядан 40 нафар шифокор коронавирус билан касалланган беморларни даволашда ёрдам бериш учун етиб келган. Гуруҳ таркибига реаниматологлар, пульмонологлар, инфекционистлар, кардиологлар ва эндокринологлар кирган.

183

Ўзбекистонда коронавирус: янги ҳолатлар

497
Ўзбекистонда яна 54 кишида коронавирус аниқланди, республика бўйлаб коронавирус инфекцияси қайд этилганлар сони 71 713 нафарни ташкил қилмоқда.

ТОШКЕНТ, 23 ноя — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

23 ноябрь coaт 13:00 га қадар 54 кишида коронавирус аниқланди, Ўзбекистонда коронавирус инфекцияси қайд этилганлар сони 71 713 нафарни ташкил қилмоқда.

Янги касалланиш ҳолатларининг: Бухоро вилоятида 7 нафар, Сурхондарё вилоятида 4 нафар, Тошкент вилоятида 32 нафар, Тошкент шаҳрида 11 нафар коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Соғайиш кўрсаткичи

Республика бўйлаб жами соғайганлар сони 68 915 нафарга етди. Соғайиш кўрсаткичи 96 фоиз.

Айни пайтда 2 195 нафар беморга белгиланган стандартлар бўйича даво чоралари кўрилмоқда.

Ўлим ҳолатлари

Ўзбекистонда жами 603 киши пандемия қурбони бўлди.

Дунё саломатлиги

Дунё бўйлаб инфекцияни юқтириб олган кишиларнинг сони 58,6 миллиондан ошди, 1,3 миллиондан ортиқ киши вафот этди, 37,5 миллиондан ортиқ киши тузалди. Энг кўп ҳолатлар АҚШда (12,2 млн), Ҳиндистонда (9,1 млн), Бразилияда (6,1 млн).

497
Мавзу:
COVID-19 умумжаҳон пандемияси
Автовокзал

Эртадан Тошкент вилоятлар билан автобус қатновларини тиклайди

134
(Янгиланган 12:05 23.11.2020)
24 ноябрь куни “Тошкент” автовокзалидан қатор йўналишлар бўйича автобус қатновлари амалга оширилади.

ТОШКЕНТ, 23 ноя — Sputnik. “Тошкент” автовокзалидан қатновчи барча рейслар қайта йўлга қўйилди, деб хабар қилди автовокзал матбуот хизмати.

Қайд этилишича, 24 ноябрь куни “Тошкент” автовокзалидан қатор йўналишлар бўйича автобус қатновлари амалга оширилади.

Қатновлар:

7:40 Тошкент - Жўш - Нурота - 60 000 сўм

8:30 Тошкент - Навоий - 52 000 сўм

8:50 Тошкент - Хатирчи - 50 000 сўм

9:30 Тошкент - Бухоро - 75 000 сўм

9:50 Тошкент - Хатирчи - 50 000 сўм

11:15 Тошкент - Қоракўл - 73 000 сўм

12:00 Тошкент - Мирбозор - 50 000 сўм

13:30 Тошкент – Бухоро - 75 000 сўм

14:00 Тошкент - Ўсмат - 32 000 сўм

14:00 Тошкент - Қарши - 54 000 сўм

14:30 Тошкент - Нукус - 120 000 сўм

14:30 Тошкент - Самарқанд - 35 000 сўм

15:00 Тошкент - Урганч - 115 000 сўм

16:00 Тошкент - Зомин - 24 000 сўм

16:00 Тошкент - Узун - 100 000 сўм

17:00 Тошкент – Бухоро - 75 000 сўм

17:00 Тошкент - Денов - 87 000 сўм

18:00 Тошкент – Хива - 115 000 сўм

18:00 Тошкент - Термиз - 78 000 сўм

18:20 Тошкент - Денов - 87 000 сўм

19:00 Тошкент - Бухоро - 75 000.

Чипталарни "Тошкент" автовокзали кассаларидан ҳамда Uztrans.uz ва avtoticket.uz ягона интерактив ахборот портали орқали онлайн тарзда сотиб олиш мумкин.

134
Милиция

Хоразмда аёл кишини ечинтириб, видеога олганларнинг шахси аниқланди

796
Хоразм шевасида сўзлаётган бир гуруҳ аёллар томонидан бошқа бир аёл кишини қизлик иффати йўқлигини рўкач қилиб ечинтириб уяли телефони орқали олган видеотасвир тарқалди.

ТОШКЕНТ, 23 ноя — Sputnik. Хоразмда аёл кишини ечинтириб, видеога олганларга нисбатан жиноят иши қўзғатилди, деб хабар қилди вилоят ИИБ ахборот хизмати.

Хабарда айтилишича, 22 ноябрь куни ижтимоий тармоқларда Хоразм шевасида сўзлаётган бир гуруҳ аёллар томонидан бошқа бир аёл кишини қизлик иффати йўқлигини рўкач қилиб ечинтириб уяли телефони орқали олган видеотасвир тарқалди.

Ушбу видеолавҳадаги ҳолат қачон, қаерда содир бўлганлиги ва жараён иштирокчиларининг шахсига аниқлик киритиш мақсадида Хоразм вилояти ИИБ масъул ходимлари томонидан терговолди текширув ҳаракатлари олиб борилди.

Олиб борилган суруштирув жараёнида мазкур ҳолат жорий йил 7 октябрь куни Урганч шаҳрида содир бўлганлиги маълум бўлди.

Жараён иштирокчиларининг шахси тўлиқ аниқланган бўлиб, тергов манфаатлари ва жабрланувчининг шахсий ҳаёт дахлсизлигини таъминлаш мақсадида иштирокчиларнинг исм-шарифлари ошкор этилмайди.

Мазкур ҳолат юзасидан ички ишлар органлари томонидан жиноят иши қўзғатилиб, тергов ҳаракатлари олиб борилмоқда.

796