Шифокор косметикага ҳаддан ташқари қизиқиш нимага олиб келиши мумкинлигини айтди

194
Косметика, ҳатто энг яхшиси ҳам, ҳаддан ташқари ишлатилса терига зарар етказиши мумкин - косметолог Алексей Едемский.

Косметика, ҳатто энг яхшиси ҳам, ҳаддан ташқари ишлатилса терига зарар етказиши мумкин. Дерматовенереолог-шифокор, косметолог Алексей Едемский Sputnik радиосига берган интервьюсида тери нима сабабдан интолерант (чидамсиз-таҳр.) бўлиб қолишини ва унинг олдини олиш имкони бор-йўқлигини тушунтириб берди.

Бугунги кунда пардоз косметикаси ва терини парваришлаш воситалари жуда катта миқдорда мавжуд. Ҳаммасини бўлмаса ҳам, катта қисмини синаб кўриш нияти йўқ эмас. Аммо буни амалга оширишга керак эмас, чунки оқибатлари жуда жиддий бўлиши мумкин. Замонавий ўспирин қизлар косметикадан 12-13 ёшдан фойдаланишни бошлайдилар. Енгил бўянади-да, сўнгра юзни фаол равишда тозалайди. Sputnik радиосига берган интервьюсида дерматовенеролог-шифокор, косметолог Алексей Едемский терига нисбатан доимий бу каби агрессив муносабат охир-оқибат уни интолерант бўлиб қолишини тушунтириб берди.

"Терига қўлланиладиган косметика воситаларнинг бу каби кўплиги интолерантликнинг пайдо бўлишига олиб келади: терининг косметикага нисбатан чидамлилиги йўқолади, унга тоқат қила олмай қолади ва одам фойдаланадиган ҳар қандай косметик воситага реакция бера бошлайди. Ҳатто терини шунчаки тозалашга ҳам. Бу жиддий ҳолат доимий қизариш, қичишиш, турли хил тошмалар билан ифодаланади", - деди Алексей Едемский.

Интолерантлик билан курашиш жуда қийин. Ҳатто косметикадан бутунлай воз кечиш ҳам терини безовта қилувчи моддалар билан алоқа қилмаслигини кафолатламайди. Кўп ҳолларда, фақат баъзи аломатларни енгиллаштиришга эришиш мумкин.

"Замонавий одам кун давомида баъзи косметика воситалари билан алоқа қилмаслигининг иложи йўқ. Бундан ташқари, косметик воситалари таркибидаги кўплаб моддалар уй кимёвий воситалари билан боғлиқ. Шунга кўра, одам оддий уй кимёвий моддалари билан алоқа қилиб, шу тарзда кўп йиллар давомида терининг, организмнинг баъзи компонентларга юқори сезгирлигини сақлаб қолади. Кўпинча мутахассислар одамларга фақат симптоматик ёрдам кўрсата олишади", - деди дерматовенеролог-шифокор, косметолог Алексей Едемский.

194

Ўзбекистонда коронавирус: янги ҳолатлар

508
Ўзбекистонда яна 54 кишида коронавирус аниқланди, республика бўйлаб коронавирус инфекцияси қайд этилганлар сони 71 713 нафарни ташкил қилмоқда.

ТОШКЕНТ, 23 ноя — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

23 ноябрь coaт 13:00 га қадар 54 кишида коронавирус аниқланди, Ўзбекистонда коронавирус инфекцияси қайд этилганлар сони 71 713 нафарни ташкил қилмоқда.

Янги касалланиш ҳолатларининг: Бухоро вилоятида 7 нафар, Сурхондарё вилоятида 4 нафар, Тошкент вилоятида 32 нафар, Тошкент шаҳрида 11 нафар коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Соғайиш кўрсаткичи

Республика бўйлаб жами соғайганлар сони 68 915 нафарга етди. Соғайиш кўрсаткичи 96 фоиз.

Айни пайтда 2 195 нафар беморга белгиланган стандартлар бўйича даво чоралари кўрилмоқда.

Ўлим ҳолатлари

Ўзбекистонда жами 603 киши пандемия қурбони бўлди.

Дунё саломатлиги

Дунё бўйлаб инфекцияни юқтириб олган кишиларнинг сони 58,6 миллиондан ошди, 1,3 миллиондан ортиқ киши вафот этди, 37,5 миллиондан ортиқ киши тузалди. Энг кўп ҳолатлар АҚШда (12,2 млн), Ҳиндистонда (9,1 млн), Бразилияда (6,1 млн).

508
Мавзу:
COVID-19 умумжаҳон пандемияси
Автовокзал

Эртадан Тошкент вилоятлар билан автобус қатновларини тиклайди

137
(Янгиланган 12:05 23.11.2020)
24 ноябрь куни “Тошкент” автовокзалидан қатор йўналишлар бўйича автобус қатновлари амалга оширилади.

ТОШКЕНТ, 23 ноя — Sputnik. “Тошкент” автовокзалидан қатновчи барча рейслар қайта йўлга қўйилди, деб хабар қилди автовокзал матбуот хизмати.

Қайд этилишича, 24 ноябрь куни “Тошкент” автовокзалидан қатор йўналишлар бўйича автобус қатновлари амалга оширилади.

Қатновлар:

7:40 Тошкент - Жўш - Нурота - 60 000 сўм

8:30 Тошкент - Навоий - 52 000 сўм

8:50 Тошкент - Хатирчи - 50 000 сўм

9:30 Тошкент - Бухоро - 75 000 сўм

9:50 Тошкент - Хатирчи - 50 000 сўм

11:15 Тошкент - Қоракўл - 73 000 сўм

12:00 Тошкент - Мирбозор - 50 000 сўм

13:30 Тошкент – Бухоро - 75 000 сўм

14:00 Тошкент - Ўсмат - 32 000 сўм

14:00 Тошкент - Қарши - 54 000 сўм

14:30 Тошкент - Нукус - 120 000 сўм

14:30 Тошкент - Самарқанд - 35 000 сўм

15:00 Тошкент - Урганч - 115 000 сўм

16:00 Тошкент - Зомин - 24 000 сўм

16:00 Тошкент - Узун - 100 000 сўм

17:00 Тошкент – Бухоро - 75 000 сўм

17:00 Тошкент - Денов - 87 000 сўм

18:00 Тошкент – Хива - 115 000 сўм

18:00 Тошкент - Термиз - 78 000 сўм

18:20 Тошкент - Денов - 87 000 сўм

19:00 Тошкент - Бухоро - 75 000.

Чипталарни "Тошкент" автовокзали кассаларидан ҳамда Uztrans.uz ва avtoticket.uz ягона интерактив ахборот портали орқали онлайн тарзда сотиб олиш мумкин.

137
Милиция

Хоразмда аёл кишини ечинтириб, видеога олганларнинг шахси аниқланди

822
Хоразм шевасида сўзлаётган бир гуруҳ аёллар томонидан бошқа бир аёл кишини қизлик иффати йўқлигини рўкач қилиб ечинтириб уяли телефони орқали олган видеотасвир тарқалди.

ТОШКЕНТ, 23 ноя — Sputnik. Хоразмда аёл кишини ечинтириб, видеога олганларга нисбатан жиноят иши қўзғатилди, деб хабар қилди вилоят ИИБ ахборот хизмати.

Хабарда айтилишича, 22 ноябрь куни ижтимоий тармоқларда Хоразм шевасида сўзлаётган бир гуруҳ аёллар томонидан бошқа бир аёл кишини қизлик иффати йўқлигини рўкач қилиб ечинтириб уяли телефони орқали олган видеотасвир тарқалди.

Ушбу видеолавҳадаги ҳолат қачон, қаерда содир бўлганлиги ва жараён иштирокчиларининг шахсига аниқлик киритиш мақсадида Хоразм вилояти ИИБ масъул ходимлари томонидан терговолди текширув ҳаракатлари олиб борилди.

Олиб борилган суруштирув жараёнида мазкур ҳолат жорий йил 7 октябрь куни Урганч шаҳрида содир бўлганлиги маълум бўлди.

Жараён иштирокчиларининг шахси тўлиқ аниқланган бўлиб, тергов манфаатлари ва жабрланувчининг шахсий ҳаёт дахлсизлигини таъминлаш мақсадида иштирокчиларнинг исм-шарифлари ошкор этилмайди.

Мазкур ҳолат юзасидан ички ишлар органлари томонидан жиноят иши қўзғатилиб, тергов ҳаракатлари олиб борилмоқда.

822