Знак объезда

Сурхондарё прокуратураси чўкиб қолган кўприк "иши"ни қайта очди

167
(Янгиланган 12:31 02.10.2020)
Сурхондарё прокуратураси тез вақтда яроқсиз ҳолга келиб қолган кўприк устидан қайта текширув бошлади.

ТОШКЕНТ, 2 окт - Sputnik. Сурхондарё вилояти прокуратураси қурилганидан 1 йилу 7 ой ўтиб яроқсиз ҳолга келиб қологан кўприк иши бўйича текширув ўтказа бошлади.

Бироз олдин ижтимоий тармоқларда тарқалган видеода, маҳаллий аҳоли яқинда қурилган кўприк яроқсиз ҳолга келиб қолгани ва тез ёрдам ва бошқа транспорт қишлоққа етиб бориш учун 20 км узоқ масофадан айланиб келаётганини хабар қилган эди.

Прокуратура томонидан аниқланишича, Қумқўрғон тумани ҳудудидан ўтувчи, давлат аҳамиятидаги
4р-105 “Дарбанд-Бойсун-Элбаён” автомобиль йўлининг 76 километрида жойлашган, узунлиги 66 метр бўлган “Полвонтош” селгаси устидаги кўприкнинг оралиқ таянч устунлари 1 метрга чўкиши ва устки плиталари қулаши натижасида кўприк яроқсиз ҳолатга келиб қолган.

Сурхондарё вилоятавтомобиль йўллари ҳудудий бош бошқармаси мутахассилари аниқлашига кўра пудратчи корхона “Сурхон қурулиш назорат ўлчов” МЧЖ томонидан ушбу кўприк қурилиш жараёнида 34 млн. сўмлик ишлар бажарилмаган. 

Ушбу ҳолат юзасидан Термиз транспорт прокуратураси томонидан олдинроқ текшириш ўтказиш бошланган, лекин пандемия вақтида киритилган чекловлар туфайли 18.06.2020 куни жиноят иши бекор қилинган эди. 

Ушбу қарор 29.09.2020 йилда Транспорт прокурори томонидан бекор қилиниб, ҳозирги кунда терговга қадар текширув ҳаракатлари олиб борилмоқда.

Обрушение моста в Сурхандарьинской области
Daryo.uz
Обрушение моста в Сурхандарьинской области
167
Здание МВД Узбекистана в Ташкенте

ИИВ фуқароларга огоҳлантириш билан чиқди

69
Вазирлик хабарига кўра, ижтимоий тармоқларнинг ўзбек сегментида турли радикал, диний экстремистик ва ислом динига ёт ғояларни тарғиб қилувчи маълумотлар тарқалмоқда.

ТОШКЕНТ, 29 окт — Sputnik. Ўзбекистон Ички ишлар вазирлиги фуқароларга огоҳлантириш билан чиқди.

Хабарда ёзилишича, айни кунларда ижтимоий тармоқларнинг ўзбек сегментида турли радикал, диний экстремистик ва ислом динига ёт ғояларни тарғиб қилувчи маълумотлар тарқалмоқда.

“Шу муносабат билан, ижтимоий тармоқ фойдаланувчиларига турли радикал, диний экстремистик ва ислом динига ёт бўлган ғояларни тарғиб қилувчи маълумотларни тайёрлаш, сақлаш ва тарқатиш Ўзбекистон Республикаси Жиноят кодексининг 156-модда (Миллий, ирқий, этник ёки диний адоват қўзғатиш), 244 прим 3-модда  (Диний мазмундаги материалларни қонунга хилоф равишда тайёрлаш, сақлаш, олиб кириш ёки тарқатиш) ларида белгиланган жавобгарликка тортилишига сабаб бўлиши ҳақида огоҳлантирамиз”,  - дейилган хабарда.

Ижтимоий тармоқ фойдаланувчиларидан (журналист, блогер ва фуқаролар) омма эътиборига ҳавола қилинаётган маълумотларни аввало қонунга хилоф эмаслигини ўрганиб чиқиш сўралган.

69
Ёдгор Саъдиев стал новым директором Узбекского национального академического драматического театра

Ёдгор Саъдиев миллий академик драма театри директори этиб тайинланди

90
Озодбек Назарбеков Ёдгор Саъдиев Ўзбек миллий академик драма театри директори лавозимига тайинланганини маълум қилди.

ТОШКЕНТ, 29 окт — Sputnik. Ўзбекистон халқ артисти Ёдгор Саъдиев Ўзбек миллий академик драма театри директори этиб тайинланди. Бу ҳақда Маданият вазирлиги матбуот хизмати хабар қилди. 

Театрда жамоаси билан йиғилиш Маданият вазири, Ўзбекистон халқ артисти Озодбек Назарбеков Ёдгор Саъдиев  Ўзбек миллий академик драма театри директори лавозимига тайинланганини маълум қилди.

Ёдгор Саъдиев 1946 йилда Тошкентда таваллуд топган. 1989 йили Давлат мукофоти, 1990 йили “Ўзбекистонда хизмат кўрсатган артист”, 1998 йили “Ўзбекистон халқ артисти” фахрий унвонлари, 2005 йили “Меҳнат шуҳрати” ордени, 2016 йили “Қорақалпоғистон Республикаси халқ артисти” фахрий унвони, 2018 йил “Фидокорона хизматлари учун” ордени билан билан тақдирланган.

1971-1987 йилларда Ўзбек давлат академик драма театри актёри сифатида фаолият олиб борган. 1987-1992 йилларда Ўзбек давлат драма театрида ижод қилган.

1992-1998 йилларда яна Ўзбек давлат академик драма театрида ишлади. 1998-2012 йилларда “Қалқон” киностудияси бадиий раҳбари лавозимида фаолият юритган.

2012 йилдан буён яна Ўзбек миллий академик драма театрида актёр сифатида ишлаб келмоқда.

“Ўзбеккино” Миллий агентлиги Бадиий кенгаши аъзоси Ёдгор Саъдиев 20га яқин фильмларда такрорланмас роллар ижро этиб, "Шайтанат" ва "Иблис девори" каби бадиий асарларда режиссёрлик қилган.

Эслатиб ўтамиз, театр директори лавозимида ишлаб келаётган Ўзбекистонда хизмат кўрсатган артист Фатхулла Маъсудов жорий йилнинг 30 август куни коронавирус сабаб вафот этган эди.  

90

Россия элчиси АҚШнинг Европадаги гипертовушли ракеталар ҳақидаги баёнотига жавоб қайтарди

1
Аввалроқ Вашингтон Россияни тутиб туриш учун Европада гипертовушли қурол ва баллистик ракета жойлаштиришга тайёрлигини маълум қилган эди.

ТОШКЕНТ, 29 окт — Sputnik. Россиянинг Вашингтондаги элчиси Анатолий Антонов Европадаги ракета қуролланиш пойгасидан огоҳлантирди.

Дипломат АҚШ президентининг миллий хавфсизлик бўйича маслаҳатчиси Роберт О'Брайеннинг баёнотига шундай муносабат билдирди. О'Брайен 28 октябрь куни Вашингтон Россияни тутиб туриш учун Европада гипертовушли қурол ва баллистик ракета жойлаштиришга тайёрлигини маълум қилганди.

“Шунга ўхшаш ниятлар минтақа ва глобал хавфсизлик мувозанати йўқолиш хавфини туғдиради, қарама-қаршилик потенциалининг ошишига олиб келади. <...> Агар Вашингтон ҳақиқатдан ҳам “қуролланиш устидаги реал назоратдан” манфаатдор бўлса, бунинг учун Европа қитъасида ракета қуролланиш пойгасини кескинлаштиришнинг ҳожати йўқ”, - деган Антонов. Унинг баёнотини Россия элчихонаси Facebook᾽даги саҳифасида эълон қилди.

Россия элчиси Владимир Путин Ўрта ва қисқа масофага учувчи ракеталарни йўқ қилиш шартномаси (ДРСМД) тўхташи шароитида кескинликка барҳам бериш таклифини “конструктив муқобил” деб атаган.

“Россия Европа қитъаси ва дунёнинг бошқа минтақаларида янги ракета қуролланиш пойгасининг олдини олиш бўйича хорижлик ҳамкорлари билан биргаликдаги саъй-ҳаракатларга тайёр”, - дея хулоса қилган Антонов.

Эслатиб ўтамиз, аввалроқ Россия ТИВ Ғарбнинг Россия президентининг ДРСМДга оид таклифига бўлган муносабатини масъулиятсизлик деб атаган эди.

1