Судебный молоток, архивное фото

Алимент тўламай, Россияга қочиб кетган отадан пуллар ўндириб берилди - МИБ

254
(Янгиланган 12:49 14.10.2020)
Қарздор Тўраев 2014 йил 4 майдан бошлаб алимент тўлаши белгиланган, аммо эркак 5 нафар фарзандлари олдидаги бурчини бажариш ўрнига, Россияга қочиб кетган

ТОШКЕНТ, 14 окт - Sputnik. Олти йилда хориждан қайтган Ёзёвонлик ота 5 нафар фарзанди учун судда қарийб 24 миллион сўм алимент пулини тўлади, деб хабар қилмоқда Мажбурий ижро бюроси Фарғона вилоят бошқармаси ахборот хизмати.

Хабарда айтилишича, МИБда Марғилон туманлараро суди қарздор Умиджон Тўраев ундирувчи Рахимахон Хакимова фойдасига беш нафар вояга етмаган фарзандлари таъминоти учун алимент ундириш ҳақида ижро ҳужжати мавжуд.

Суд буйруғида қарздор Тўраев 2014 йил 4 майдан бошлаб алимент тўлаши белгиланган бўлсада, ота 5 нафар фарзандлари олдидаги бурчини бажариш ўрнига Россия давлатига ишлаш учун қочиб кетган.

Собиқ суд ижрочиларининг туман бўлими томонидан У.Тўраевнинг Ўзбекистон ҳудудидан четга чиқиш ҳуқуқлари "Суд ҳужжатлари ва бошқа органлар ҳужжатларини ижро этиш тўғрисида"ги Қонуннинг  421-моддасига  чеклаб қўйилган.

Хориждан 6 йил ўтиб уйга қайтган Тўраев ҳақидаги хабар Бюро туман бўлимига етиб боргач, 2014 йил 4 майдан 2020 йил октябрь ойига қадар ҳисобланган 23 млн 835 минг 342 сўм алимент қарздорлигини ундириш учун  бўлимга таклиф этилган.

Қарздор Тўраевга болаларини моддий таъминлашдан бўйин товласа, 15 суткага қамалиши мумкинлиги ҳақидаги қонун талаби тушунтирилганида, давлат ижрочисининг ушбу гапларига "қўлингдан келганини қил" мазмунида жавоб қайтарган.

Шундан сўнг, унга нисбатан тўпланган маъмурий иш  ҳужжатлари Ёзёвон туман маъмурий судига тақдим этилган ва 6 октябрь куни судда ишни кўриб чиқиш чоғида 15 сутка маъмурий қамоқ жазоси тайинланиши нақд эканлигини тушунган Тўраев суд залининг ўзида 24 млн сўм алимент пулини Р.Хакимовага тўлиқ санаб топширган. 

Суд маъмурий ишни Ўзбекистон МЖтКнинг 271-моддаси 10-бандига асосан тугатган.

254

Ҳайдовчиликка ўқиётган шахсларнинг давомати онлайн назорат қилиниши мумкин

81
Ўзбекистонда ҳайдовчилик гувоҳномасини олмоқчи бўлганларнинг давомати ва ўқув жараёнини онлайн назорат қилиш йўлга қўйилиши мумкин.

ТОШКЕНТ, 17 янв — Sputnik. 2021 йилда Давлат йўл ҳаракати хавфсизлиги хизмати (ДЙҲХББ) соҳасида амалга қатор истиқболли режалар амалга оширилиши кутилмоқда.

ИИВ Йўл ҳаракати хавфсизлиги бош бошқармаси хабарига кўра, ҳайдовчилик гувоҳномасини олиш учун ўқиётган номзодлар давомати ва ўқув жараёнини онлайн тарзда назорат қилиш тизимини яратиш режалаштирилмоқда. 

Бундан ташқари, 2021 йилда транспорт воситаларини давлат рўйхатидан ўтказишда аризаларни онлайн юбориш ҳам жорий этилиши кутилмоқда. Тўловларни эса тўлиқ биллинг тизимига ўтказиш мўлжалланган. Бу фуқароларнинг сабабсиз кутиб қолишларининг олдини олишга ёрдам бериши айтилмоқда.

Эслатаб ўтамиз, Ўзбекистонда 2021 йил 1 апрелдан тадбиркорлар ҳайдовчилик гувоҳномасини олиш учун имтиҳон ўтказиш ҳуқуқига эга бўлади.

81
Теглар:
Ўзбекистон янгиликлари, ҳайдовчилик гувоҳномаси

Ўзбекистон шахмат билан шуғулланувчилар сонини оширади: қандай чоралар белгиланди

75
Шавкат Мирзиёев қарори билан Шахматни 2025 йилгача ривожлантиришнинг мақсадли кўрсаткичлари тасдиқланди.

ТОШКЕНТ, 17 янв — Sputnik. “Шахматни янада ривожлантириш ва оммавийлаштириш ҳамда шахматчиларни тайёрлаш тизимини такомиллаштириш чора-тадбирлари тўғрисида”ги президент қарори қабул қилинди. 

Қарорга кўра, Шахматни 2025 йилгача ривожлантиришнинг мақсадли кўрсаткичлари (индикаторлари) тасдиқланди. Бунда 2025 йилга қадар шахмат билан мунтазам шуғулланувчилар сонини  3 фоизга етказиш назарда тутилган.

2021/2022 ўқув йилидан бошлаб:

  • 150 та умумий ўрта таълим мактабларининг ўқувчиларини тажриба тариқасида шахматга ўқитишни ташкил қилиш амалиёти кенгайтирилиб, яна қўшимча 150 та мактаб (шу жумладан, Қорақалпоғистон Республикаси ва вилоятларда (Тошкент вилоятидан ташқари) 10 тадан, Тошкент вилояти ва Тошкент шаҳрида 15 тадан мактаб) шахматга ихтисослаштирилади;
  • тегишли 1 000 та умумий ўрта таълим мактабида 2, 3 ва 4-синф ўқувчиларини “Жисмоний тарбия” фани доирасида 18 соатлик режа асосида шахматга ўқитиш йўлга қўйилади ҳамда уларга методик ёрдам кўрсатилади;
  • қолган барча мактабларнинг 2, 3 ва 4-синф ўқувчилари “Жисмоний тарбия” фани доирасида шахматга ўқитилади.

2021 йилдан бошлаб ҳар йили бир ой давомида мактабларда “Шахмат ойлиги” ташкил этилади.

2021 йилдан бошлаб ҳар йили анъанавий тарзда Тошкент шаҳрида Президент соврини учун халқаро шахмат турнири, Ўзбекистонлик биринчи халқаро гроссмейстер Г.Т. Агзамов хотирасига бағишланган халқаро турнир, шунингдек, шахмат бўйича XVII Жаҳон чемпиони Р.М. Қосимжонов халқаро турнири, Самарқанд шаҳрида “Соҳибқирон кубоги” халқаро шахмат турнири, Хива шаҳрида “Ал-Беруний” халқаро шахмат турнири, Бухоро, Термиз ва Хива шаҳарларида “Туризм ва шахмат ҳафталиги” ташкил этилади.

Шунингдек, шахмат мактаблари ва клублари фаолиятига кўмак бериш мақсадида Ўзбекистон шахмат клублари ассоциацияси ташкил этилди.

2021/2022 ўқув йилидан бошлаб Ўзбекистон давлат жисмоний тарбия ва спорт университетининг Фарғона филиалида шахмат бўйича таълим йўналиши очилади.

Ўзбекистон шахмат федерацияси ҳузурида юридик шахс ташкил этмаган ҳолда Шахматни оммавийлаштириш ва ривожлантириш жамғармаси ташкил этилди.

75