Фикрларингизни қўрқмасдан менга айтинг - президент Қаршида ёшлар билан учрашди
(Янгиланган 10:00 13.11.2020)
Ёшларимизнинг дунёқарашини жаҳон даражасига кўтариш ва иш билан таъминлаш - президент ўзининг энг катта мақсадини айтди. ТОШКЕНТ, 13 ноя - Sputnik. Қашқадарё вилоятида бўлиб ўтаётган ташрифи давомида Шавкат Мирзиёев Қарши шаҳридаги Ёшлар марказида бўлиб, у ердаги шароитларни кўздан кечирди ва маҳаллий ёшлар билан учрашув ўтказди.
Унда президент ёшлардан ўз фикрлари билан қўрқмасдан баҳам кўришишни сўради.
- Мен сизларнинг кўзларингга қараб, очиқ мулоқот қилгани келдим. Ҳамма ёшлар билан кўришишни хоҳлардим, лекин, афсуски, бунинг иложи йўқ. Сиз уларнинг вакиллари ўрнида жойлардаги муаммоларни, ёшлар истакларини айтишингизни истардим. Шунинг учун қўрқмасдан, ўз ота-оналарингга нима дейишни хоҳласаларинг, ҳамма фикрларингни бемалол айтинглар, - деди давлат раҳбари.
Учрашувда бугунги кунда вилоятда ёшлар дуч келаётган қатор муаммолар муҳокама қилинди ва таклифлар кўриб чиқилди.
Хусусан, вилоятида 26 мингдан зиёд ёшлар ишсиз, тадбиркорлик ривожи мамлакатдаги ўртача кўрсаткичдан анча пастда экани қайд этилди.
Президент Узбекистана Шавкат Мирзиёев встретился с молодежью в городе Карши
Йигит-қизларнинг тадбиркорлик ташаббусларини қўллаб-қувватлаш, «Ёшлар – келажагимиз» давлат дастури доирасида йиллик режага қўшимча маблағ ажратиш зарурлиги таъкидланди.
Президент Муборак туман ёшларнинг таклифини қаноатлантириб, туманда IT-парк ташкил этиш, электрон тижорат ва дастурлаш кўникмаларини бепул ўргатиш юзасидан мутасаддиларга топшириқ берди.
Китоб туманидаги 150 ўринли Болалар мусиқа ва санъат мактабида 310 нафар ўқувчи таҳсил олмоқда. Мазкур муассаса ўқувчилари учун етарли шароит яратиш вазифаси қўйилди.
Шунингдек, вилоят мактабларида спорт заллари қуриш, мажмуаларда тўгаракларни кўпайтириш зарурлиги айтилди. Инвентарлар ва анжомлар сотиб олиш учун Жисмоний тарбия ва спорт вазирлиги ҳисобидан 10 миллиард сўм ажратишга кўрсатма берилди.
Учрашув давомида президент ўзининг ёшлар борасида энг катта мақсади нима эканини ҳам айтиб ўтди.
- Мендан энг катта мақсад-муддаоинг, бахтинг нима, деб сўрасаларинг, шундай деган бўлардим: ёшларимизнинг дунёқарашини жаҳон даражасига кўтариш, ишли қилиш, ғурур-ифтихорини юксалтириш, оилавий бахтини кўриш, - деди Шавкат Мирзиёев.
Эслатиб ўтамиз, прзидентнинг Қашқадарё вилоятига ташрифи 12 ноябр куни эрта тонгда бошланган эди. Ташриф доирасида Шавкат Мирзиёев Қарши шаҳридаги Давлат хизматлари маркази ҳамда IT-Технопаркда бўлгани, шунингдек Давлат активларини бошқариш агентлиги томонидан ташкил қилинган Корхоналарни соғломлаштириш ва хусусийлаштириш клиникасига ҳам ташриф буюрган эди.
“Зомин” эркин туристик зона ташкил этилади – президент қарори
(Янгиланган 20:03 04.12.2020)
"Зомин” туристик-рекреацион зонаси фаолиятини ҳамда халқаро умуммавсумий тоғ-чанғи курортини ташкил этиш чора-тадбирлари тўғрисида президент қарори лойиҳаси тайёрланди.ТОШКЕНТ, 4 дек — Sputnik. “Зомин” туристик-рекреацион зонаси фаолиятини ҳамда халқаро умуммавсумий тоғ-чанғи курортини ташкил этиш чора-тадбирлари тўғрисида президент қарори лойиҳаси умумий муҳокамага қўйилди.
Унда, Жиззах вилоятининг “Зомин” туристик-рекреацион зонасини (эркин туристик зона) ташкил этиш; эркин туристик зона ҳудудида замонавий меҳмонхона мажмуалари, маданий-соғломлаштириш, савдо-кўнгилочар ва туристик аҳамиятдаги бошқа объектлар қуриш, шунингдек замонавий муҳандислик инфратузилмаси объектларини ташкил этиш тўғрисидаги таклифларига розилик бериш назарда тутилган.
Ҳужжатда қайд этилишича, эркин туристик зонанинг асосий вазифалари ва фаолият йўналишлари:
- эркин туристик зонада замонавий туризм инфратузилмаси объектлари (меҳмонхона мажмуалари, маданий-соғломлаштириш, савдо-кўнгилочар ва туристик аҳамиятдаги бошқа объектлар)ни, туристларга хизмат кўрсатиш учун зарур шароитларни таъминлаган ҳолда махсус функционал ва мавсумий рекреацион дам олиш зоналарини яратиш бўйича лойиҳаларни амалга ошириш учун хорижий ва маҳаллий инвесторларнинг инвестицияларини жалб қилиш;
- ҳудуднинг экомуҳити имкониятларини ҳисобга олган ҳолда ўзига хос туристик йўналишларни ташкил этиш;
- транспорт воситаларининг арзонлигини таъминлаш, ҳудудда транспорт ҳаракатининг янги (автобус, микроавтобус, фуникулёр ва бошқалар), шу жумладан, муқобил энергия манбаларида ҳаракатланувчи турларини жорий этиш, йўловчи транспорти йўналишларини кенгайтириш, унинг тўхтовсиз ҳаракатини ташкил этиш, тегишли транспорт инфратузилмасини ривожлантириш;
- туристлар хавфсизлигининг қўшимча шароитларини, шу жумладан туристик инфратузилма объектларини видеокузатув тизимлари билан жиҳозлаш, огоҳлантириш тизимларини ташкил этиш, ҳудудга келувчи туристлар ҳақида ягона маълумотлар базасини, фавқулодда ҳолатларда тез ёрдам бериш тизимини жорий этиш йўли билан яратиш;
- эркин туристик зона ҳудудида лойиҳаларни амалга ошираётган ва фаолият юритаётган тадбиркорлик субъектлари ҳамда инвесторлар (шу жумладан, хорижий инвесторлар) учун белгиланган алоҳида божхона ва солиқ режимларини таъминлаш;
- энергиянинг муқобил ва қайта тикланувчи манбаларини қўллаган ҳолда янги замонавий энергия тежовчи тизимлар ва технологияларни жорий қилиш асосида ўзига хос экологик тизимни яратиш бўйича лойиҳаларни амалга ошириш;
- ҳудудда ноёб табиий объектлар ва мажмуаларни, ўсимликлар ва ҳайвонларнинг генетик фондини сақлаш, шунингдек, фаолиятнинг атроф-муҳитга салбий таъсирини олдини олиш ва минималлаштириш бўйича чора-тадбирларни амалга ошириш.
Туркия Республикасининг “IDEALIST” компанияси томонидан Зомин туманида эркин туристик зонанинг бош режаси лойиҳаси ишлаб чиқилади.
Мен авиация саноатини қайта тиклашни орзу қиламан – Мирзиёев
ТОШКЕНТ, 4 дек - Sputnik. Ўзбекистон президенти Шавкат Мирзиёев Тошкент металлургия заводининг очилишида Авиация саноатини қайта тиклашни орзу қилаётганини айтиб берди, Sputnik мухбири хабарига асосан.
“Мен сизга бир сирни очмоқчиман, чунки ичимда а қолган аламим бор. Дунёда самолёт ишлаб чиқарадиган давлатлар сони саноқли эди. Биз эса, афсуски, бунинг ҳаммасини ўз қўлимиз билан йўқ қилиб ташладик. Энди уни тиклаш учун қўлимиздан келган барча ишни қилмоқдамиз. Бизда авиақурувчилар, инженерлар бор эди. Қандай ажойиб ёшлар ишлар эди”, - деди президент.
Эслатиб ўтамиз, бугун Шавкат Мирзиёев Тошкент металлургия заводи очилишида иштирок этди. Маросимда Россия Саноат васавдо вазири бошчилигидаги делегация, Италия йирик корхонаси раҳбарияти ҳам иштирок этди.
ТМЗ йилига 500 минг тонна маҳсулот ишлаб чиқаради. Корхонада 700 та иш ўринлари яратилади. Президент айтишига кўра, янги завод республика саноатининг локомотивига айланади. Унинг маҳсулоти корхоналарга импорт ўрнини босувчи маҳсулот ишлаб чиқаришга ёрдам беради.
Қрим сабабли: НАТО Россия армиясини тақиқлашни орзу қилмоқда
(Янгиланган 21:32 04.12.2020)
НАТО Қора денгиздаги ҳарбий кучини кўпайтирмоқда, бу Россиянинг ҳаракатларига жавобан амалга оширилмоқда, деб айтди Йенс Столтенберг. Бироқ, Шимолий Атлантика алянси бош котиби ҳарбий блокнинг кучлари Россия чегаралари яқинида нима қилаётганига аниқлик киритмади.
Сўнгги пайтларда альянснинг Россия чегаралари яқинидаги тажовузкор ҳаракатлари сони сезиларли даражада ошди, шу сабабли Россия ўз хавфсизлигини таъминлашга мажбур бўлмоқда.